Ակնունի

Ակնունի;
Ծնվել է	1863
Ծննդավայր	Մեղրի
Մահացել է	1915
Քաղաքացիություն	Ռուսական կայսրություն
Կրթություն	Ներսիսյան դպրոց և Ժնևի համալսարան
Մասնագիտություն	լրագրող, հրապարակախոս, հասարակական գործիչ և քաղաքական գործիչ
Աշխատավայր	Դրօշակ, Մշակ և Հայ օգնության միություն
Կուսակցություն	Հայ Յեղափոխական Դաշնակցութիւն
	Khachatur Malumian Վիքիպահեստում

Էդվարդ Ակնունի (իսկական անունը՝ Խաչատուր Մալումյան, 1863^[1]^[2]^[3], Մեղրի^[4] - 1915^[1]^[2]^[3], Մեծ Եղեռնի զոհ), հասարակական-քաղաքական գործիչ, հրապարակախոս։ ՀՅԴ կուսակցության անդամ։

Կենսագրություն[խմբագրել | խմբագրել կոդը]

Նախնական կրթությունը ստացել է ծննդավայրում։ Ավարտել է Թիֆլիսի Ներսիսյան դպրոցը (1883), հետագայում ուսումը շարունակել Ժնևում։ Աշխատակցել է «Մշակին», եղել խմբագրության քարտուղարը, Գ. Արծրունու գաղափարների ջերմ պաշտպանն ու օգնականը։ 1899 թվականին Ժնևում աշխատել է «Դրոշակի» խմբագրությունում, ուր տպագրվել է նրա «Կովկասյան խաբրիկներ» հոդվածաշարը՝ Է. Ակնունի ստորագրությամբ։

Եղել Է Քրիստափոր Միքայելյանի աջակիցներից, քարոզչական մեծ աշխատանք է կատարել Եվրոպայում ի նպաստ Հայ դատի։ Եռանդուն մասնակցել է ՀՀԴ կուսակցության 1907 թ. Վիեննայի IV ընդհանուր ժողովին, որից հետո նրա ջանքերով և մասնակցությամբ Փարիզում գումարվել Է Օսմանյան կայսրության բոլոր ընդդիմադիր կազմակերպությունների խորհրդաժողով (որը և նախապատրաստեց Օսմանյան կայսրության սահմանադրության հռչակումը)։ 1908 թվականին ավելի է աշխուժացել Կ. Պոլսում նրա հասարակական, քաղաքական գործունեությունը։ 1910-1911 թթ. քարոզչությամբ հանդես է եկել Հյուսիսային. Ամերիկայում, Եգիպտոսում, Լիբանանում, Զմյուռնիայում, Էրզրումում, որտեղ 1914 թվականի օգոստոսին մասնակցել է ՀՀԴ կուսակցության VIII ընդհանուր ժողովին)։ 1915 թվականի ապրիլի 24-ի երեկոյան ձերբակալվել ու աքսորվել է։ Սպանվել է աքսորի ճանապարհին։

Երկեր[խմբագրել | խմբագրել կոդը]

Ակնունի Էդուարդ, Բողոքի ձայն, Պոսթըն, 1911, 102 էջ։
Ակնունի Էդուարդ, Դէպի կռիւ, Ժընեւ, 1904, 275 էջ։
Ակնունի Էդուարդ, Դէպի Երկիր, Պոսթըն, 1911, 32 էջ, Երեւան, 2002, 32 էջ։
Ակնունի Էդուարդ, Կովկասան վէրքեր, առաջին հատ., Ժընեւ, 1903, 368 էջ։
Մալումեան Խաչատուր, Մտքի մշակը, Թիֆլիս, 1890, 96 էջ։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Swartz A. Open Library — 2007.
↑ ^3,0 ^3,1 ^3,2 ^3,3 ^3,4 Հայաստանի գրադարանների համահավաք գրացուցակ
↑ ^4,0 ^4,1 ^4,2 Deutsche Nationalbibliothek Record #1028909438 // Gemeinsame Normdatei (գերմ.) — 2012—2016.

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[_cc661978f7193958-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_f320f1c2c1da960b-2] 2,0 ^2,1 ^2,2 ^2,3 ^2,4 Swartz A. Open Library — 2007.

[_8d25d07601ba309e-3] 3,0 ^3,1 ^3,2 ^3,3 ^3,4 Հայաստանի գրադարանների համահավաք գրացուցակ

[_aeaad1347b8c6a42-4] 4,0 ^4,1 ^4,2 Deutsche Nationalbibliothek Record #1028909438 // Gemeinsame Normdatei (գերմ.) — 2012—2016.

[1]

[2]

[3]

[4]