1893 թվականից սովորել է Վիեննայի Մխիթարյանների մոտ, 1895 թվականին դարձել միաբանության անդամ։ 1901-1906 թվականներին խմբագրել է «Հանդես ամսօրյա»-ն։ Ուսուցիչ է եղել Պոլսի և Կարինի Մխիթարյան վարժարաններում։ Կետիկյանը հոդվածներ է տպագրել «Հանդես ամսօրյա»-ում («Պարսից աշխարհը ըստ Մտոյն Մովսիսի Խորենացվո Աշխարհագրութեան», 1902 թվական, JSP 12, «Ծաղկեփունջ», 1904 թվական)։ Կատարել է թարգմանություններ գերմաներենից (Հ. Մարկվարտ, «Հայ բդեաշխք», 1903 թվական, Հ. Պետերսոն, «Հայերեն և դրացի լեզուները», 1907 թվական)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 389)։