Արտաշես Հարությունյան

Վիքիպեդիայից՝ ազատ հանրագիտարանից
Picto infobox auteur.png
Արտաշես Հարությունյան
Արտաշես Հարությունյան.jpg
Ծնվել է 1873 սեպտեմբերի 3
Ծննդավայր Թեքիրդաղ, Մարմարածովյան տարածաշրջան, Թուրքիա
Վախճանվել է օգոստոսի 16, 1915(1915-08-16) (տարիքը 41)
Վախճանի վայր Նիկոմեդիա
Մասնագիտություն թարգմանիչ, բանաստեղծ, գրական քննադատ, գրող և բանասեր
Լեզու հայերեն[1]
Ազգություն հայ
Ardashes Harutunian Վիքիպահեստում

Արտաշես Հարությունյան (սեպտեմբերի 3, 1873, Մալկարա (Թուրքիա) - օգոստոսի 16, 1915, Նիկոմեդիա), հայ բանաստեղծ, բանասեր, թարգմանիչ։

Կենսագրություն[խմբագրել | խմբագրել կոդը]

1912 թվականից հաստատվել է Կոստանդնուպոլսում։ 1915 թվականին ձերբակալվելով՝ տարվել է Նիկոմեդիա և սպանվել։ Անդրանիկ ժողովածուն՝ «Լքված քնար» խորագրով, լույս է տեսել 1902 թվականին, հաջորդ ժողովածուն՝ «Երկունք»-ը, 1906 թվականին։ 1912 թվականին լույս է տեսել նրա «Նոր քնար» բանաստեղծությունների գիրքը՝ գրված եվրոպական սիմվոլիստների հետևությամբ։ «Արևելյան մամուլ», «Մեհյան», «Բյուզանդիոն», «Մասիս», «Բյուրակն» և այլ պարբերականներում տպագրել է գրական դիմանկարներ («Եղիա Տեմիրճիպաշյան», «Գալուստ Կոստանդյան», «Մատթեոս Մամուրյան», «Շիրվանզադե»), գրականագիտական ուսումնասիրություններ («Ինտրա և իր «Ներաշխարհը», «Դանիել Վարուժան և իր նոր գիրքը»), խորհրդածություններ («Գավառի կյանքեն», «Թավուառումներ», «Հակասություններ»)։ Այդ հոդվածներով Հարությունյանը զգալի դեր է կատարել արևմտահայ քննադատական մտքի զարգացման գործում։ Թարգմանել է Լև Տոլստոյից և Մաքսիմ Գորկուց։ Հանդես է եկել Մանիշակ, Ուրվական, Կարո, Շահեն-Կար, Պան կեղծանուններով։

Երկեր[խմբագրել | խմբագրել կոդը]

  • Նոր քնար, Կ. Պոլիս, 1912, 147 էջ:
  • Արձակ էջեր եւ քերթուածներ, Փարիզ, 1937, 192 էջ:
  • Գիշերվան ճամբորդը, Երևան, 1968, 378 էջ:
  • Քառյակներ, Երևան, 1993, 125 էջ:
  • Քառյակներ – 2, Երևան, 1996, 114 էջ:

Գրականություն[խմբագրել | խմբագրել կոդը]

  • Թէոդիկ, Ամենուն տարեցոյցը, ԿՊ, 1912, էշ 396-97, 1914, էշ 44. 1916-20, էշ 162։ Ս. Շտիկյան

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 318 CC-BY-SA-icon-80x15.png