Մառի Պեյլերյան

Մառի Պեյլերյան հայ․՝ Մառի Պեյլերեան
Ծնվել է	1877
Ծննդավայր	Կոստանդնուպոլիս, Ստամբուլ, Օսմանյան կայսրություն
Մահացել է	1915
Քաղաքացիություն	Օսմանյան կայսրություն
Ազգություն	հայ
Մասնագիտություն	խմբագիր, ուսուցչուհի և գրող

Մառի Պեյլերյան (1877, Կոստանդնուպոլիս, Ստամբուլ, Օսմանյան կայսրություն - 1915), հայ խմբագիր, մանկավարժ և հասարակական գործիչ։

Կենսագրություն

Մառի Պեյլերյան կրթվել, և ապա դասավանդել է Կոստանդնուպոլսի Եսայան վարժարանում։ Եղել է Կոստանդնուպոլսի 1895 թվականի սեպտեմբերի 18-ի «Բաբը Ալիի» խաղաղ ցույցի կազմակերպիչներից, որի պատճառով հետապնդվել է և անցել ընդհատակ։ 1896 թվականին, ձերբակալությունից խուսափելով, ապաստանել է Եգիպտոսում։ Պաշտոնավարելով Ալեքսանդրիայի հայկական վարժարանում՝ 1902-1903 թվականներին հիմնել ու խմբագրել է «Արտեմիս» ընտանեկան, գրական հանդեսը։ 1908 թվականին Օսմանյան սահմանադրության վերահաստատումից հետո, Պեյլերյանը վերադարձել է Թուրքիա, դասավանդել Իզմիրի Կեդրոնական, ապա Եվդոկիայի հայկական վարժարաններում։ Զոհվել է Մեծ եղեռնի ժամանակ։

Մառի Պեյլերյանի հրապարակախոսական, մանկավարժական երկերում, գրական ստեղծագործություններում արծածված են հայրենիքի ազատության, հայ կնոջ իրավահավասարության, մտավոր և ֆիզիկական դաստիարակության հարցեր։

Աղբյուրներ

• Martyrs on Bloody Path, by Dr Yeghia Jerejian, Beirut, 1989, p. 79-80 (անգլ.)
• Victoria Rowe, A History of Armenian Women's Writing, 1880-1922, Cambridge Scholars Press: London, 2004, pp. 131–168.

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։