Ակիմ Թամիրով
| Ակիմ Թամիրով | |
|---|---|
 Ա. Թամիրովը «Ֆիեստա» ֆիլմում |
|
| Բնագիր ԱԱՀ | Հովակիմ Թամիրով |
| Հասակը` | 1,65 մ |
| Ծնվել է` | հոկտեմբերի 29, 1899 |
| Ծնվելու վայր` | Թբիլիսի, Ռուսական կայսրություն |
| Վախճանվել է` | Պալմ Սփրինգս, Կալիֆորնիա, ԱՄՆ |
| Վախճանի օր` | սեպտեմբերի 17, 1972 (72 տարեկան) |
| Քաղաքացիություն` |  ԱՄՆ |
| Ազգություն` |  Հայաստան |
| Այլ անուն(ներ) | Ակիմ Թամիրոֆֆ |
| Մասնագիտություն | դերասան |
| Ակտիվ շրջան | 1932-1972 |
| Ամուսին(ներ) | Թամարա Շեյն (1932-1972) |
| Պարգևներ և մրցանակներ` | 1 Ոսկե Գլոբուս |
| էջ IMDb-ում | ID 0848667 |
| էջ ԿինոՊոիսկ-ում | ID 189075 |
Ակիմ Թամիրով (ռուս.՝ Аким Михайлович Тамиров, անգլ.՝ Akim Tamiroff, հայկական անունը` Հովակիմ, հոկտեմբերի 29, 1899, Թբիլիսի, Ռուսական կայսրություն (ըստ որոշ տվյալների ծնվել է Բաքվում) - սեպտեմբերի 17, 1972, Պալմ Սփրինգս, Կալիֆորնիա, ԱՄՆ), թատրոնի և կինոյի ազգությամբ հայ[1][2] ամերիկացի դերասան:
Բովանդակություն |
Կենսագրություն և կարիերա [խմբագրել]
Ակիմ Թամիրովը ծնվել է 1899 թվականի հոկտեմբերի 29-ին Թբիլիսիում, Բաքվի նավթարդյունաբերող Միքայել Թամիրովի և Մաշա Ամիրյանի որդին: Դերասանական կրթությունը ստացել է Մոսկվայի Գեղարվեստական Թատերական դպրոցում:
1923 թվականին տեղափոխվում է Ֆրանսիա` Փարիզ, ապա ԱՄՆ և շարունակում է իր դերասանական կարիերան Հոլիվուդում: Սկզբում որպես թատրոնի դերասան խաղում է Մ. Բալիևի «Չղջիկ» խմբում (Le Chauve-Souris), ապա Նյու Յորքի «Գիլդ» թատրոնում: Թողնելով թատրոնը հիմնում է բեմական գրիմի սեփական ակադեմիան, սակայն Մեծ Ճգնաժամի տարիներին սնանկանում է և կորցնում ակադեմիան[3]:
Դրանից հետո Թամիրովը գումար է վաստակում աշխատելով որպես տաքսու վարորդ, իսկ կինը` դերասանուհի Թամարա Շեյնը, աշխատում է ռեստորանում որպես մատուցողուհի: Թամարան միաժամանակ հորդորում էր Ակիմին ամբողջությամբ սովորել անգլերեն և չխզել կապը թատրոնի և կինոյի հետ:
Առաջին դերը կինոյում խաղացել է 1932 թվականին, 33 տարեկան հասակում «Օ'Քեյ Ամերիկա» ֆիլմում: Սկզբում խաղացել է էպիզոդիկ դերեր: Խաղալով Ռուբեն Մամուլյանի «Թագուհի Քրիստինա» ֆիլմում ճանաչում է ձեռքբերում և 1934 թվականից արդեն նրան վստահվել են ինչպես երկրորդական, այնպես էլ գլխավոր դերեր: Նրանով հետաքրքրվում է այդ ժամանակների Հոլիվուդի նշանավոր գործիչներից մեկը` Օրսոն Ուելսը, ում ֆիլմերում Ակիմ Թամիրովը կերտում է հետաքրքիր հերոսների:
1950-60 ական թթ. Թամիրովը մեկնում է Եվրոպա և նկարահանվում է տարբեր երկրներում` Մեծ Բրիտանիա, Ֆրանսիա, Իտալիա և այլն[4]: Կարիերաի ավարտին ԱՄՆ-ում Թամիրովին հաճախ են հրավիրում հեռուստատեսություն որպես պատվավոր հյուր տարբեր շոուներում և սերիալներում:
 |
Բոլորն ասում են, որ իմ ակցենտը արժի միլիոն դոլար, սակայն իմ ուզածը կինոյում միայն այսպես ասած էթնիկ դերեր կերտելն է
— Ակիմ Թամիրով
|
 |
Ֆիլմագրություն [խմբագրել]
Ակիմ Թամիրովը խաղացել է մոտ 150 գեղարվեստական և հեռուստատեսային ֆիլմերում, նաև սերիալներում:
Առավել նշանավոր ֆիլմերն են.
Մրցանակներ [խմբագրել]
2 անգամ ներկայացվել է «Օսկար» մրցանակի երկրորդ պլանի լավագույն դերասան անվանակարգում «Գեներալի մահը լուսաբացին» (1936) և «Ու՞մ մահն է գուժում զանգը» (1944) Հոլիվուդյան դասական դարձած ֆիլմի համար: «Ու՞մ մահն է գուժում զանգը» ֆիլմի համար ստացել է «Ոսկե Գլոբուս» երկրորդ պլանի լավագույն դերասան անվանակարգում:
1960 թվականին Հոլիվուդյան փառքի ծառուղում բացվել է նրա փառքի աստղը:
Արտաքին հղումներ [խմբագրել]
- IMDb-ում էջ
- kino-teatr կայքում
- ԿինոՊոիսկ կայքում
- anunner.com կայքում
- Akim Tamiroff at WFMU
- tcmdb կայքում
- ibdb կայքում
- Ակիմ Թամիրովի լուսանկարներ gettyimages.com կայքում
- Ակիմ Թամիրով Katz's Film Encyclopedia
- Akim Tamiroff at Great Character Actors
- Find a Grave կայքում
Ծանոթագրություններ [խմբագրել]
- ↑ The Multi-Russian: Akim Tamiroff
- ↑ http://www.anunner.com/name/biography/%D4%B1%D4%BF%D4%BB%D5%84_%D4%B9%D4%B1%D5%84%D4%BB%D5%90%D5%88%D5%8E?lang=en
- ↑ http://ru.hayazg.info/%D0%A2%D0%B0%D0%BC%D0%B8%D1%80%D0%BE%D0%B2_%D0%90%D0%BA%D0%B8%D0%BC_%D0%9C%D0%B8%D1%85%D0%B0%D0%B9%D0%BB%D0%BE%D0%B2%D0%B8%D1%87
- ↑ http://www.kino-teatr.ru/kino/art/kino/198/
