Քեթրին Հեփբորն

Քեթրին Հեփբորն
դերասանուհի
Բնագիր ԱԱՀ՝	Katharine Hepburn,
Ծննդյան օր՝	մայիսի 12, 1907
Ծննդավայր՝	Հարթֆորդ, Կոնեկտիկուտ, ԱՄՆ
Վախճանի օր՝	հունիսի 29, 2003
Վախճանի վայր՝	Օլդ Սեյբրուկ, Կոնեկտիկուտ, ԱՄՆ
Քաղաքացիություն՝	ԱՄՆ
Աշխատանք՝	1928-1994
Ամուսին՝	Օգդեն Սմիթ
Կայք՝	IMDb-ում էջ

Քեթրին Հեփբորն (անգլերեն՝ Katharine Hepburn, 1907թ. մայիսի 12 — 2003թ. հունիսի 29), ամերիկացի դերասանուհի, 12 անգամ ներկայացվել է Օսկարի և արժանացել 4 Օսկարի Օսկար լավագույն դերասանուհու համար անվանակարգում, ինչը կինոյի պատմության մեջ ռեկորդ է, դերասան-դերասանուհիներից ամենաշատը հենց նա է ստացել Օսկար մրցանակ:

Ամերիկյան կինոակադեմիան իր կողմից հրապարակած Ամերիկյան բոլոր ժամանակների ֆիլմերի 100 մեծագույն աստղերի ցանկում նրան ընդգրկել է պատվավոր 1 տեղում:

Կենսագրություն

Քեթրին Հեփբորնը ծնվել է 1907 թվականի մայիսի 12-ին ԱՄՆ-ում, Կոնեկտիկուտ նահանգի Հարթֆորդ քաղաքում: Հայրը մասնագիտությանբ բժիշկ, ուրոլոգ վիրաբույժ Թոմաս Նորվալ Հեփբորնն էր, մայրը սուֆրաժիստուհի Քեթրին Մարթա Հյութոնը: Նա ընտանիքի 6 երեխաներից 2-րդն էր: Ուսում ստացել է Bryn Mawr քոլեջում: Դպրոցական տարիներին նա ամաչկոտ էր և դժվար էր ձեռք բերում նոր ընկերներ:

12 տարեկանից սկսած նա խաղում է սիրողական ներկայացումներում: 1928 թվականին կայանում է նրա նորամուտը Բալթիմորի թատրոնում, իսկ մեկ տարի անց խաղում է արդեն Բրոդվեյում: Հենց այդ ժամանակ էլ ամուսնանում է Ֆիլադելֆիա քաղաքի բնակիչ, մասնագիտությամբ բրոքեր Օգդեն Սմիթի հետ: Սակայն նրանց ամուսնությունը երկար չի տևում և նրանք 1934 թվականին բաժանվում են:

1942 թվականին «Տարվա կինը» ֆիլմի նկարահումների ժամանակ ծանոթանում է դերասան Սփենսեր Թրեյսիի հետ, ում հետ ունենում է երկարատև սիրավեպ` գրեթե 30 տարի և միասին նկարահանվում են ևս 9 ֆիլմում: 1962-ից 1967 թվականներին Քեթրին Հեփբորնը չի նկարահանվում ֆիլմերում և խնամում է անկողնային հիվանդ Սփենսեր Թրեյսիին, ով իր օրինական կնոջից (ում հետ ամուսնացած էր 1928 թվականից) առանձին էր ապրում: Նրանց վերջին համատեղ աշխատանքը Սթենլի Կրամերի «Գուշակիր, ով է գալու ճաշին» ֆիլմն էր: Միայն Թրեյսիի մահից հետո Քեթրին Հեփբորնը վերադառնում է կինո և թատրոն: Սփենսեր Թրեյսի-Քեթրին Հեփբորն զույգը համարվում է Հոլիվուդյան ամենանշանավոր դերասանական աստղային զույգերից մեկը:

Քեթին Հեփբորնը մահացել է 2003 թվականի հունիսի 29-ին 96 տարեկան հասակում Կոնեկտիկուտ նահանգի Օլդ-Սեյբրուկ քաղաքում գտնվող իր առանձնատանը:

Դերասանական կարիերան

Քեթրին Հեփբորնի նորամուտը կինոյում կայացել է 1932 թվականին «Բիլլին ամուսնալուծության մասին» ֆիլմում: Դերասանուհին փայլում է դերասանական խաղով 1933 թվականին նկարահանված իր հաջորդ երկու «Վաղ փառք» և «Փոքրիկ կանայք» ֆիլմերում: 1938 թվականին Քերի Գրանտի հետ նկարահանվում է «Փոքրիկի դաստիարակությունը» ֆիլմում, որը սակայն հաջողություն չի ունենում և այդ ֆիլմի տապալումից հետո Հեփբորնը 2 տարի չի նկարահանվում կինոյում հրաժարվելով բոլոր առաջարկներից: Դերասանուհին կինո վերադառնում է միայն 1943 թվականին խաղալով «Ֆիլադելֆյան պատմություն» ֆիլմում: Դրանից հետո նկարահանվում է կինոյում խաղալով իր ժամանակի ամերիկացի նշանավոր ռեժիսորների ֆիլմերում ընկերակցելով մյուս հայտնի դերասաններին:

Ֆիլմագրություն

Խաղացել է ընդհանուր թվով 50-ից ավելի ֆիլմերում
Առավել նշանավոր ֆիլմերն են:

տարեթիվ	ֆիլմի անվանում	օրիգինալ անվանում	ռեժիսոր	խաղընկերներ
1933	Վաղ փառք	Morning Glory	Լոուել Շերման	Դուգլաս Ֆերբենքս
1933	Փոքրիկ կանայք	Little Women	Ջորջ Կյուկոր
1935	Էլիս Ադամս	Alice Adams	Ջորջ Սթիվենս
1938	Փոքրիկի դաստիարակություն	Bringing Up Baby	Հովարդ Հոուքս	Քերի Գրանտ
1940	Ֆիլադելֆյան պատմություն	The Philadelphia Story	Ջորջ Կյուկոր
1942	Տարվա կինը	Woman of the Year	Ջորջ Սթիվենս	Սփենսեր Թրեյսի
1944	Վիշապի սերունդները	Dragon Seed	Հարոլդ Բուկե Ջեք Կոնուեյ	Ակիմ Թամիրով
1945	Առանց սիրո	Without Love	Հարոլդ Բուկե	Սփենսեր Թրեյսի
1947	Կանաչի ծով	The Sea of Grass	Էլիա Կազան	Սփենսեր Թրեյսի
1947	Սիրո երգը	Song of Love	Ժան Ժենե
1949	Ադամի կողը	Adam's Rib	Ջորջ Կյուկոր	Սփենսեր Թրեյսի
1951	Աֆրիկական թագուհին	The African Queen	Ջոն Հյուսթոն	Համֆրի Բոգարտ
1952	Փիթը և Մայքը	Pat And Mike	Ջորջ Կյուկոր
1956	Ամառ	Summertime	Դևիդ Լին
1956	Անձրևի վաճառողը	The Rainmaker	Ջոզեֆ Էնթոնի	Բերտ Լանկաստեր
1962	Երկար օրը գնում է գիշեր	Long Day's Journey into Night	Սիդնի Լյումետ	Ռալֆ Ռիչարդսոն Ջեյսոն Ռոբարդս
1967	Գուշակիր, ով է գալու ճաշին	Guess Who's Coming to Dinner	Սթենլի Կրամեր	Սփենսեր Թրեյսի Սիդնի Պուատյե
1968	Առյուծը ձմռանը	The Lion In Winter	Էնթոնի Հարվի	Պիտեր Օ'Թուլ Էնթոնի Հոփքինս Թիմոտի Դալտոն
1981	Ոսկե լճի վրա	On Golden Pond	Մարկ Ռայդելլ	Հենրի Ֆոնդա Ջեյն Ֆոնդա