Ինգրիդ Բերգման

Ինգրիդ Բերգման
1940-ական թթ. ստուդիական լուսանկար
Բնագիր ԱԱՀ	Ինգրիդ Բերգման
Հասակը`	175 սմ
Ծնվել է`	օգոստոսի 29, 1915(1915-08-29)
Ծնվելու վայր`	Ստոկհոլմ, Շվեդիա,  Շվեդիա
Վախճանվել է`	Լոնդոն, Մեծ Բրիտանիա
Վախճանի օր`	օգոստոսի 29, 1982 (67 տարեկան)
Քաղաքացիություն`	ԱՄՆ
Ազգություն`	Շվեդիա
Մասնագիտություն	Դերասանուհի
Ակտիվ շրջան	1934-1982
Ժանրեր	Կատակերգություն, Դրամա, Մելոդրամա
Ամուսին(ներ)	Փեթեր Արոն Լինդստրեմ (1937-1950), (1 երեխա), Ռոբերտո Ռոսսելլինի (1950-1957), (3 երեխա) Լարս Շմիդ (1958-1975),
Երեխա(ներ)	Պիա Լինդտրեմ (20.09.1938) Ռոբերտո «Ռոբին» Ռոսսելլինի (02.02.1950) երկվորյակներ Իզաբելլա Ռոսսելլինի և Իզոտտա Ինգրիդ Ռոսսելլինի (18.06.1952)
էջ IMDb-ում	ID 0000006
էջ ԿինոՊոիսկ-ում	ID 110828
Վեբկայք	պաշտոնական կայք
Ստացած պարգևներ Օսկար 1975, 1957, 1945 Ոսկե Գլոբուս 1983, 1957, 1964, 1945

Ինգրիդ Բերգման (շվեդ.` Ingrid Bergman, օգոստոսի 29, 1915, Ստոկհոլմ, Շվեդիա - օգոստոսի 29, 1982, Լոնդոն, Մեծ Բրիտանիա), թատրոնի և կինոյի շվեդ հայտնի դերասանուհի, խաղացել է ամերիկյան և եվրոպական ֆիլմերում, Օսկարի եռակի և Ոսկե Գլոբուսի քառակի դափնեկիր:

Կենսագրություն և կարիերա

Ինգրիդ Բերգմանը ծնվել է 1915 թվականին Շվեդիայի մայրաքաղաք Ստոկհոլմում: Նա մանուկ հասակից մեծացել է առանց ծնողների: 3 տարեկանում մահացել է մայրը, իսկ 13 տարեկանում հայրը` Յուստուս Սեմուել Բերգմանը, ով մասնագիտությամբ դերասան և լուսանկարիչ էր: Նրան խնամքի տակ է վերցնում իր հորեղբայր` Օտտո Բերգմանը, ով ուներ 5 երեխա:

Արդեն 17 տարեկանում նրան աշխատանքի են վերցնում Ստոկհոլմի թագավորական դրամատիկական թատրոնում: Բերգմանը թատրոնում երկար չի մանում և տեղափոխվում է կինեմատոգրաֆ: Կինոյում նա խաղում է նկարահանվելով էպիզոդիկ դերերում: Առաջին քիչ թե շատ մեծ դերը կինոյում 1934 թ. «Կոմսը Մունկբրուից» ֆիլմն էր: Շվեդական մոտ մեկ տասնյակ ֆիլմերում խաղալուց հետո պրոդյուսեր Դևիդ Սելեզնիկը նրան հրավիրում է Հոլիվուդ խաղալու «Ինտերմեցցո» ֆիլմում: ԱՄՆ-ում նա անցնում է դերասանական վարպետության դասեր Միխայիլ Չեխովի դպրոցում:

1942 թվականին Բերգմանը նկարահանվում է իր թերևս ամենանշանավոր ֆիլմում «Կասաբլանկաում», ուր իր խաղընկերն էր Համֆրի Բոգարտը: Ֆիլմը շատ մեծ հաջողություն է ունենում, իսկ Բերգմանը դառնում է հոլիվուդյան առաջին մեծության աստղ: Նրա հաջորդ աշխատանքները կինոյում նույնպես շատ հաջողակ էին` «Դոկտոր Ջեքիլը և Միստր Հայդը», «Ու՞մ մահն է գուժում զանգը», «Գազային լույս» և այլն:

1949 թվականին նա հեռանում է Հոլիվուդից, բաժանվում առաջին ամուսնուց` Փեթեր Արոն Լինդստրեմից և ամուսնանում իտալացի նշանավոր ռեժիսոր Ռոբերտո Ռոսսելլինիի հետ: Այդ տարիներին նա նկարահանվում է Ռոսսելլինիի ֆիլմերում, միաժամանակ նաև խաղալով թատրոնում: Ռոսսելլինիից նա ունենում է 3 երեխա, նրա երեխաներից Իզաբելլա Ռոսսինին նույնպես դառնում է դերասանուհի: 1957 թվականին նա բաժանվում է ամուսնուց:

1973 թվականին նրա մոտ հայտանբերում են կրքի քաղցկեղ, 1982 թվականի օգոստոսի 29-ին, իր ծննդյան օրը նա մահանում է այդ հիվանդությունից:

Ֆիլմագրություն

Խաղացել է մոտ 50 ֆիլմում, դրանցից առավել հայտնիներից են`

տարի	ֆիլմ	բնօրինակ անվանում	խաղընկերներ	ռեժիսոր
1936	«Ինտերմեցցո»	Intermezzo	Լեսլի Հովարդ	Գրեգորի Ռատոֆ
1941	«Դոկտոր Ջեքիլը և Միստր Հայդը»	Dr. Jekyll and Mr. Hyde	Սփենսեր Թրեյսի Լանա Թյորներ	Վիկտոր Ֆլեմինգ
1942	«Կասաբլանկա»	Casablanca	Համֆրի Բոգարտ Կլոդ Ռեյնս	Մայքլ Քերթիս
1943	«Ո՞ւմ մահն է գուժում զանգը»	For Whom the Bell Tolls	Գերի Կուպեր Ակիմ Թամիրով Վլադիմիր Սոկոլով	Սեմ Վուդ
1944	«Գազային լույս»	Gaslight	Շառլ Բուայե Ջոզեֆ Քոթթեն	Ջորջ Կյուկոր
1945	«Կախարդվածը»	Spellbound	Գրեգորի Պեկ	Ալֆրեդ Հիչքոք
1946	«Վատ համբավ»	Notorious	Քերի Գրանտ Կլոդ Ռեյնս	Ալֆրեդ Հիչքոք
1948	«Փառքի կամար»	Arch of Triumph	Շառլ Բուայե Չառլզ Լոուտոն	Լյուիս Մայլսթոուն
1948	«Ժաննա դ'Արկ»	Joan of Arc	Ուորդ Բոնդ Խոսե Ֆերրեր	Վիկտոր Ֆլեմինգ
1949	«Այծեղջյուրի նշանի տակ»	Under Capricorn	Ջոզեֆ Քոթթեն	Ալֆրեդ Հիչքոք
1956	«Անաստասիա»	Joan of Arc	Յուլ Բրիններ Ակիմ Թամիրով Հելեն Հայս	Անատոլ Լիտվակ
1969	«Կակտուսի ծաղիկը»	Cactus Flower	Ուոլտեր Մատաու Գոլդի Հոուն	Ջին Սաքս
1974	«Սպանություն արևելյան ճեպընթացում»	Murder On The Orient Express	Ալբերտ Ֆիննի Շոն Քոնների Մարտին Բոլսամ Էնթոնի Պերկինս Ռիչարդ Ուիդմարկ Լորեն Բեքոլ Վանեսա Ռեդգրեյվ	Սիդնի Լյումետ
1978	«Աշնանային սոնատ»	Autumn Sonata / Höstsonaten	Լիվ Ուլման	Ինգմար Բերգման

Մրցանակներ և ճանաչումներ

Ամերիկյան կինոակադեմիայի կողմից հրապարակված Ամերիկյան բոլոր ժամանակների ֆիլմերի 100 մեծագույն աստղերի ցանկում 4-րդ տեղում է: Ընդհանուր թվով խաղացել է 50-ից ավելի ֆիլմերում, 3 անգամ ստացել է Օսկար, որոնցից 2-ը հեղինակավոր Օսկար լավագույն դերասանուհու համար անվանակարգում (ներկայացված է եղել 7 անգամ), 4 անգամ Ոսկե Գլոբուս (ներկայացված է եղել նույնպես 7 անգամ), նաև Էմմի, Սեզար, BAFTA և այլ կինոմրցանակների դափնեկիր է:

1960 թվականին Հոլիվուդյան փառքի ծառուղում բացվել է նրա անվան աստղը: Ինգրիդ Բերգմանի պատվին է կոչվում վարդի մի տեսակ:

Հոնորարներ

• 1939 - «Ինտերմեցցո», $ 20 000
• 1941 - «Ցասում երկնքում», $ 34 000
• 1942 - «Կասաբլանկա», $ 25 000
• 1943 - «Ու՞մ մահն է գուժում զանգը», $ 3 177 083
• 1944 - «Գազային լույս», $ 7 515 625
• 1948 - «Հաղթական կամար», $ 175 000
• 1948 - «Ժաննա դ'Աևկ», $ 245 000
• 1950 - «Ստրոմբոլի, Աստծո երկիր», $ 17 500 000
• 1956 - «Անաստասիա», $ 250 000
• 1958 - «Թանկագին սըր», $ 7 500 000
• 1964 - «Դեղին ռոլս-ռոյս», $ 275 000
• 1969 - «Կակտուսի ծաղիկը», $ 800 000
• 1974 - «Սպանություն արևելյան ճեպընթացում», $ 100 000
• 1976 - «Ժամանակի գործը», $ 250 000

Նկարներ

• 

  Բերգմանը 14 տարեկանում

• 

  1944 թ. ամերիկյան թերթերից մեկի լուսանկար

• 

  Ռոբերտո Ռոսսելլինիի հետ

• 

  «Կասաբլանկա» ֆիլմում Համֆրի Բոգարտի հետ

• 

  «Դոկտոր Ջեքիլը և Միստր Հայդը» ֆիլմում

• 

  «Վատ համբավ» ֆիլմում

• 

  «Սուրբ Մարիի զանգերը» ֆիլմում

• 

  «Ում համար է հնչում զանգը» ֆիլմում Գերի Կուպերի հետ

• 

  «Գազային լույս» ֆիլմում

• 

  Ինգրիդ Բերգմանի գերեզմանը

• 

  Ինգրիդ Բերգմանի արձանը Շվեդիայում

• 

  Ինգրիդ Բերգմանի վարդ

Գրականություն

Անգլերեն

• Bergman, Ingrid and Burgess, Alan (1980). Ingrid Bergman: My Story. New York: Delacorte Press. ISBN 0-440-03299-7.
• Chandler, Charlotte (2007). Ingrid: Ingrid Bergman, A Personal Biography. New York: Simon & Schuster. ISBN 0-7432-9421-1.
• Leamer, Laurence (1986). As Time Goes By: The Life of Ingrid Bergman. New York: Harper & Row. ISBN 0-06-015485-3.
• Dagrada, Elena (2008). Le Varianti Trasparenti. I Film con Ingrid Bergman di Roberto Rossellini. Milano: LED Edizioni Universitarie. ISBN 978-88-7916-410-8.

Ռուսերեն

• Бергман, Ингрид; [ Бёрджесс, Алан ]. Моя жизнь / Послесловие В. С. Соловьёва. М.: Радуга, 1988. — 493 с.: илл. — ISBN 0-440-14085-4, ISBN 5-05-002299-1
• Спото, Дональд. Ингрид Бергман. Смоленск: Русич, 1998. — 512 с. — ISBN 5-88590-884-2, ISBN 0-06-018702-6 («Женщина-миф»)
• Краснова Г. Ингрид Бергман: От интермеццо до сонаты // Видео-Асс Премьер — Premiere. 1995. № 28. С.40—43.
• Мышкина, Анна. Ингрид Бергман, святая грешница // Караван историй. 1999. Декабрь. С. 26—40.
• Иванова, Александра. Ингрид Бегрман: Любовь по правилам и без // Имена. 2007. С.82—94.
• Ингрид Бергман: Девушка с севера: Фотобиография // Gala Биография. 2008. № 8, август. С.132—145.
• Вахрамов, Владимир. Лучезарная Ингрид // Новый взгляд : газета. — Москва, 2008. — № 09 (419). — С. 01.

Արտաքին հղումներ

Վիքիպահեստում՝

Ինգրիդ Բերգման

• Պաշտոնական կայք
• Internet Movie Database կայքում
• КиноПоиск կայքում
• peoples.ru կայքում
• նկարներ և կենսագրական փաստեր