Նոմեդա Կազլաուս
| Նոմեդա Կազլաուս | |
|---|---|
| Բնօրինակ անուն | լիտ.՝ Nomeda Kazlaus |
| Ի ծնե անուն | Նոմեդա Կազլաուսկայտե |
| Ծնվել է | փետրվարի 13, 1974 (50 տարեկան) Վիլնյուս, Լիտվական ԽՍՀ, ԽՍՀՄ |
| Երկիր |  Լիտվա |
| Մասնագիտություն | օպերային երգչուհի |
| Երգչաձայն | սոպրանո |
| Գործիքներ | վոկալ |
| Կրթություն | Լիտվայի երաժշտության և թատրոնի ակադեմիա և National M. K. Čiurlionis School of Art? |
| Կապված | Մոնսերատ Կաբալյե |
| Կայք | nomedakazlaus.com |
Նոմեդա Կազլաուս (լիտ.՝ Nomeda Kazlaus, ի ծնե անունը՝ Նոմեդա Կազլաուսկայտե (Nomeda Kazlauskaitė), փետրվարի 13, 1974, Վիլնյուս, Լիտվական ԽՍՀ, ԽՍՀՄ), լիտվացի օպերային երգչուհի (սոպրանո)[1]։
Կենսագրություն[խմբագրել | խմբագրել կոդը]
Նոմեդա Կազլաուսը ծնվել է 1974 թվականի փետրվարի 13-ին Լիտվական ԽՍՀ մայրաքաղաք Վիլնյուսում (ներկայում՝ Լիտվայի Հանրապետություն)։
Դաշնամուր նվագել սովորել է վեց տարեկանում Վիլնյուսի Մ. Չյուրլիոնիսի անվան արվեստների դպրոցում (լիտ.՝ National M. K. Čiurlionis School of Art)։ Ապա երաժշտական կրթությունը շարունակել է Լիտվայի երաժշտության ու թատրոնի ակադեմիայում։ Ակադեմիայում սովորելու տարիներին էլ որոշել է դառնալ օպերային երգչուհի։
Նոմեդա Կազլաուսի առաջին դերերգը եղել է գլխավոր դերը Ժորժ Բիզեի «Կարմեն» օպերայում, որին հետևել են Էբոլայի դերը «Դոն Կարլոս» օպերայում, Պրեցիոզիլայի դերը «Ճակատագրի ուժը» օպերայում (երկուսն էլ՝ Ջուզեպպե Վերդի) և այլ դերերգեր։
2000 թվականին Անդորրայում Նոմեդա Կազլաուսն մասնակցել է իսպանացի երգչուհի (սոպրանո) Մոնսերատ Կաբալյեյի վարպետության դասերին։ Այդ հանդիպումից հետո երգչուհիներն սկսել են համագործակցել՝ տալով համատեղ համերգներ։ Մասնակցելով այդ վարպետության դասերին՝ Նոմեդա Կազլաուսը ծանոթացել է բազմաթիվ հայտնի կատարողների հետ, որոնց թվում են եղել Էռնստ Հեֆլիգերը, Ֆրանսիսկո Արայսան, Յուլյա Համարին, ինչպես նաև դիրիժորներ Իեհուդի Մենուհինի, Վալերի Գերգիևի, Տուգան Սոխիևի և թատերական ռեժիսորներ Էյմունտաս Նյակրոշյուսի, Պիեռ Ժուրդանի, Միհալ Զնանեցկու հետ։
Նոմեդա Կազլաուսը ելույթ է ունեցել տարբեր գալահամերգների ու փառատոնների ընթացքում՝ Ravenna Festival Ռավեննայում (Իտալիա), Պերալադա Կատալոնիայում (Իսպանիա), «Մոսկովյան թատերական գարուն» Ռուսաստանում, Ուզեդոմ քաղաքում (Գերմանիա), St John's Smith Square Լոնդոնում, Մոսկվայի Քարվանսարայի Մեծ դահլիճում (Մոնսերատ Կաբալյեի հետ դահլիճի բացման արարողության ժամանակ)[2], Մոսկվայի կոնսերվատորիայի Մեծ դահլիճում, Cankar Centre Լյուբլյանա (Սլովենիա) և այլ բեմերում։
2010 թվականի մայիսին Նոմեդա Կազլաուսի շնորհիվ Մոնսերատ Կաբալյեն մեկնել է Վիլնյուս, որտեղ նրանք համատեղ գալահամերգ են տվել Լիտվայի օպերայի և բալետի ազգային թատրոնում՝ նշելով իրենց համագործակցության տասը տարին[3]։
Նոմեդա Կազլաուսն ամուսնացած է, ունի մեկ դուստր, ում կոչել են Օդաբելլա (Ջուզեպպե Վերդիի «Աթթիլա» օպերայի հերոսուհու անունով)[4]։
Դերերգեր[խմբագրել | խմբագրել կոդը]
- Պարահանդես-դիմակահանդես, Ջուզեպպե Վերդի – Ամելիա
- Դոն Կարլոս, Ջուզեպպե Վերդի – Ելիզավետա
- Օթելլո, Ջուզեպպե Վերդի – Դեզդեմոնա
- Տրուբադուր, Ջուզեպպե Վերդի – Լեոնորա
- Աիդա, Ջուզեպպե Վերդի – Աիդա
- Ճակատագրի ուժը, Ջուզեպպե Վերդի – Լեոնորա
- Աթիլլա, Ջուզեպպե Վերդի – Օդաբելլա
- Նաբուկկո, Ջուզեպպե Վերդի – Աբիգայլ
- Մակբեթ, Ջուզեպպե Վերդի – Լեդի Մակբեթ
- Ջոկոնդա, Ամիլկարե Պոնկիելլի – Ջոկոնդա
- Տոսկա, Ջակոմո Պուչինի – Ֆլորիա Տոսկա
- Մանոն Լեսկո, Ջակոմո Պուչինի – Մանոն Լեսկո
- Տուրանդոտ, Ջակոմո Պուչինի – Տուրանդոտ
- Անդրե Շենիե, Ումբերտո Ջորդանո – Մադալենա
- Գեղջկական ասպետություն, Պիետրո Մասկանի – Սանտուցա
- Վալկիրիա, Ռիխարդ Վագներ – Զիգլինդե
- Զիգֆրիդ, Ռիխարդ Վագներ – Բրունհիլդա
- Պարսիֆալ, Ռիխարդ Վագներ – Կունդրի
- Տանհոյզեր, Ռիխարդ Վագներ – Էլիզաբեթ, Վեներա
- Լոհենգրին, Ռիխարդ Վագներ – Էլզա
- Թռչող հոլանդացի, Ռիխարդ Վագներ – Սենտա
- Տրիստան և Իզոլդա, Ռիխարդ Վագներ – Իզոլդա
- Արիադնա և Նաքսոս, Ռիխարդ Շտրաուս – Պրիմադոննա
- Էլեկտրա, Ռիխարդ Շտրաուս – Քրիսոֆեմիս
- Վարդի ասպետը, Ռիխարդ Շտրաուս
- Սալոմե, Ռիխարդ Շտրաուս – Սալոմե
- Ֆիդելիո, Լյուդվիգ վան Բեթհովեն – Լեոնորա
- Սիդ, Ժյուլ Մասնե – Քիմենա
- Հենրի VIII, Քամիլ Սեն-Սանս – Աննա Բոլեյն
- Կարմեն, Ժորժ Բիզե – Կարմեն
- Պիկովայա դամա, Պյոտր Չայկովսկի – Լիզա
- Եվգենի Օնեգին, Պյոտր Չայկովսկի – Տատյանա
- Լեդի Մակբեթը Մցենսկի գավառից, Դմիտրի Շոստակովիչ – Եկատերինա Իզմայլովա
- Կատյա Կաբանովա, Լեոշ Յանաչեկ – Կատյա Կաբանովա
- Վոցցեկ, Ալբան Բերգ – Մարիա
- Հյուպատոսը, Ջան Կարլո Մենոտտի – Մագդա
Ծանոթագրություններ[խմբագրել | խմբագրել կոդը]
- ↑ Nomeda Kazlaus - Opera Singer (անգլ.)
- ↑ «Монтсеррат Кабалье выступает на благотворительном концерте в Москве». Արխիվացված է օրիգինալից 2016 թ․ ապրիլի 12-ին. Վերցված է 2016 թ․ ապրիլի 11-ին.
- ↑ Nomeda Kazlaus and Montserrat Caballe (անգլ.)
- ↑ «Литовская оперная звезда выступила в музыкальной школе в Лиде». Արխիվացված է օրիգինալից 2016 թ․ ապրիլի 6-ին. Վերցված է 2016 թ․ ապրիլի 11-ին.
Արտաքին հղումներ[խմբագրել | խմբագրել կոդը]
- Wagner Society of Dallas Արխիվացված 2016-03-03 Wayback Machine (անգլ.)
- Nomeda Kazlauskaitė-Kazlaus (լիտվ.)
- Nomeda Kazlauskaitė Kazlaus Արխիվացված 2016-04-11 Wayback Machine (լիտվ.)
- Primadona Nomeda Kazlauskaitė-Kazlaus: „Aš visą laiką kviečiu žmones – jeigu tik yra kažkokių liūdnų minčių, ateiti į meną“ (լիտվ.)
