Jump to content

Նիկոլայ Մադոյան

Վիքիպեդիայից՝ ազատ հանրագիտարանից
Վիքիպեդիայում կան հոդվածներ Մադոյան ազգանունով այլ մարդկանց մասին։
Նիկոլայ Մադոյան
Հիմնական տվյալներ
Ծնվել էհունիսի 1, 1973 (51 տարեկան)
Երևան
ԵրկիրՀայաստան
Մասնագիտությունջութակահար
Գործիքներջութակ
Գործունեություն1988-ից առ այսօր
Պարգևներ
Հայաստանի վաստակավոր արտիստ
Կայքnikolaymadoyan.com
 Nikolay Madoyan Վիքիպահեստում
Պագանինիի վեց կոնցերտների կատարումները Նիկոլայ Մադոյանի կողմից

Նիկոլայ Մադոյան (հունիսի 11, 1973(1973-06-11), Երևան, Հայկական ԽՍՀ, ԽՍՀՄ), հայ ջութակահար, Գինեսի ռեկորդակիր, Հայաստանի Հանրապետության վաստակավոր արտիստ (2004)

Կենսագրություն

[խմբագրել | խմբագրել կոդը]

Նիկոլայ Մադոյանը ծնվել է Երևանում։ Սկսել է ջութակ նվագել յոթ տարեկանից՝ Էմմա Գեսելևայի (Նուրազյանի) ղեկավարությամբ, ապա սովորել է պրոֆեսոր Հրաչյա Բոգդանյանի երաժշտանոցում։

1986 թվականի նոյեմբերին մոր հետ տեղափոխվել է Նովոսիբիրսկ՝ հայտնի դասախոս Զախար Բրոնի մոտ սովորելու նպատակով։ 1988 թվականին դարձել է Չայկովսկու անվան Համամիութենական մրցույթի հաղթող՝ երիտասարդ կատարողների անվանակարգում` կատարելով Չայկովսկու ջութակի համերգը (խմբավար՝ Արնոլդ Կաց)։

1989 թվականին Զախար Բրոնի ընտանիքի և նրա մյուս աշակերտների՝ Վադիմ Ռեպինի, Մաքսիմ Վենգերովի և Նատալյա Պրիշչեպենկոյի հետ միասին տեղափոխվել է Լյուբեկ (Գերմանիա)։ Մասնակցել է բազմաթիվ միջազգային մրցույթների։ 1991 թվականին դարձել է Գեորգ Կուլենկամպֆի անվան ջութակահարների միջազգային մրցույթի հաղթող[1]։

1992 թվականին Բեռլինում ավարտել է ասպիրանտուրան (պրոֆեսոր Հայբերգի ղեկավարությամբ)[2]։

Գործունեություն

[խմբագրել | խմբագրել կոդը]

Լյուբեկի ակադեմիայում ուսումնառությունն ավարտելուց հետո Մադոյանը համերգային շրջագայություն է ունենում Գերմանիայում Լոնդոնի «Mozart Players» նվագախմբի հետ՝ դիրիժոր Մաթիաս Բամերթի գլխավորությամբ։ Հետո Նովոսիբիրսկի ֆիլհարմոնիկ նվագախմբի հետ համերգներ է ունենում նաև Միացյալ Թագավորությունում, որտեղ այլ գործերի հետ ներկայացնում է նաև Չայկովսկու ջութակի կոնցերտը, դիրիժոր՝ Առնոլդ Կաց։ Մադոյանի ելույթները Նիդերլանդների, Ռոտերդամի և Քյոլնի նվագախմբերի հետ լուսաբանվել են տեղական մամուլում[3]։ Մադոյանը հիմնադիրն է«Madoyan-Westenholz-Denitzen» տրիոյի, որը շրջագայել է Եվրոպայով մեկ՝ ներկայացնելով Շոստակովիչի, Շուբերտի, Բեթովենի և Ռավելի գործերը։

Նիկոլայ Մադոյանի և դաշնակահար Էլիզաբեթ Ուեսթենհոլցի համագործակցության արդյունքում «Kontrapunkt» և «Cowbell» երաժշտական ստուդիաների կողմից ձայնագրվեցին սկավառակներ՝ Մենդելսոնի, Շուբերտի, Պրոկոֆևի, Շտրաուսի, Էդվարդ Գրիգի, Սեզար Ֆրանկի գործերի կատարումներով։

Եվրոպական թերթերում և ամսագրերում գրախոսականներ են տպվում Մադոյանի սկավառակների մասին, մասնավորապես «The Strad» և «Gramophone» երաժշտական ամսագրերում[4]։

Նիկոլայ Մադոյանը մասնակցել է բազմաթիվ միջազգային երաժշտական մրցույթների, ելույթներով հանդես եկել աշխարհի լավագույն սիմֆոնիկ նվագախմբերի և այնպիսի դիրիժորների հետ, ինչպես Ֆրանս Բրյուգենը, Կլաուդիո Աբադոն, Առնոլդ Կացը, Դմիտրի Կիտայենկոն, Վալերի Գերգիևը[5], Լեոպոլդ Հագերը, Կարեն Դուրգարյանը, Նիկոլայ Ալեքսեևը, Վասիլի Սինայսկին, Էրիխ Վեխտերը, Ջորջ Ա․ Ալբրեխտը և այլք։

Պագանինիի 24 կապրիչչոները Նիկոլայ Մադոյանի կատարմամբ։

Նա ելույթ է ունեցել բազմաթիվ համերգասրահներում՝ Սան Կառլոյի թատրոնում, Տիվոլիի համերգասրահում[6], Միլանի «Վերդի» թատրոնում[7], Գլազգոյի թագավորական համերգասրահում, Պեկինի Մեծ համերգասրահում, Կուհմոյի համերգասրահում, Մոսկվայի Կոնսերվատորիայի մեծ համերգասրահում[8], Բիրմինգհեմի սիմֆոնիկ համերգասրահում, Արամ Խաչատրյան համերգասրահում[9], Բելգրադի Ֆիլհարմոնիկ համերգասրահում և մի շարք այլ նշանավոր համերգասրահներում։

1988 թվականին Նիկոլայ Մադոյանը Մոնրեալում և Մյունխենում հանդես է եկել բարեգործական համերգներով և հասույթն ուղղել Սպիտակի երկրաշարժից տուժած հաշմանդամ երեխաների բուժմանը։

Պարգևներ և մրցանակներ

[խմբագրել | խմբագրել կոդը]

Մրցանակներ

[խմբագրել | խմբագրել կոդը]
  • 1988 – Հենրիկ Վենյավսկու և Կարոլ Լիպինկու անվան երիտասարդ ջութակահարների IV միջազգային մրցույթի դափնեկիր և հատուկ մրցանակակիր
  • 1988 – Պ. Չայկովսկու անվան համամիութենական մրցույթի 1-ին մրցանակ (Նովոսիբիրսկ, Ռուսաստան)
  • 1991 – Գեորգ Կլլենկամպֆի անվան ջութակահարների միջազգային մրցույթի 1-ին մրցանակ (Քյոլն, Գերմանիա)
  • 1992 – Ջութակահարների Ճապոնիայի միջազգային մրցույթի դափնեկիր և հատուկ մրցանակակիր՝ ճապոնական երաժշտությունը ներկայացնելու համար (Տոկիո, Ճապոնիա)
  • 2003 – Պողոսյան մրցանակ 17-20-րդ դարի ականավոր կոմպոզիտորների ջութակի 15 մանրանվագների կատարողական արվեստի համար[10]

Պարգևներ

[խմբագրել | խմբագրել կոդը]
  • 1995 – Երևան քաղաքի զինանշանով մեդալ
  • 2004 – Հայաստանի մշակույթի նախարարության Ոսկե մեդալ
  • 2004 – Հայաստանի վաստակավոր արտիստ
  • 2017 – Գինեսի ռեկորդակիր՝ 33 ժամ, 2 րոպե, 41 վայրկյան անընդմեջ նվագելով շուրջ 59 երաժշտական ստեղծագործություն՝ անգիր կատարումով[11][12]

Ակադեմիական կոչումներ

[խմբագրել | խմբագրել կոդը]

Սկավառակագրություն

[խմբագրել | խմբագրել կոդը]
  • 1990: Die Meisterschüler von Zakhar Bron. (N. Madoyan, D. Garett, M. Vengerov, V. Repin). Label Ambitus Musikproduktion[13]
  • 1994: Sergei Prokofiev: Violin Sonatas / Five Melodies. Label Kontrapunkt[14]
  • 1995: Grieg: Violin Sonatas. Label Kontrapunkt[15]
  • 1997: Mendelssohn-Bartoldy: Complete Sonatas for Violin and Piano. Label Kontrapunkt[16]
  • 1998: Schubert: Works for Violin and Piano. Label Kontrapunkt[17]
  • 2000: Cesar Franck: Sonata F Major / Richard Strauss: Sonata E Flat Major. Label Kontrapunkt[18]
  • 2007: Favourite Encores. Label CowBell Music[19]
  • 2023: Armenian Brilliance (Abramian, Arutiunian, Eduard Bagdasarian, Barkhudarian, Tsolak Bekaryan, Aram Khachaturian, Komitas, Mirzoyan)[20]

Ծանոթագրություններ

[խմբագրել | խմբագրել կոդը]
  1. ↑ «zakharbronchamber.com - Ahnengalerie». www.zakharbronchamber.com. Վերցված է 2020 թ․ մարտի 14-ին.
  2. ↑ «Biography». nikolaymadoyan.com (ամերիկյան անգլերեն). Վերցված է 2020 թ․ մարտի 14-ին.
  3. ↑ «Zoeken - Historische Kranten, Erfgoed Leiden en Omstreken». leiden.courant.nu. Վերցված է 2020 թ․ մարտի 14-ին.
  4. ↑ «Reviews». Gramophone (անգլերեն). Վերցված է 2020 թ․ մարտի 14-ին.
  5. ↑ «Khachaturian Violin Concerto - Madoyan, Gergiev (Mvt.2)».
  6. ↑ Garnæs, Af Mikael (1999 թ․ հուլիսի 22). «Beethoven på højt niveau». Kristeligt Dagblad (դանիերեն). Վերցված է 2020 թ․ մարտի 14-ին.
  7. ↑ «ERSO musitseeris kurikuulsas Imolas | ERSO» (էստոներեն). Վերցված է 2020 թ․ մարտի 14-ին.
  8. ↑ «Nikolay Madoyan | Music of Armenia». musicofarmenia.com (անգլերեն). Արխիվացված է օրիգինալից 2021 թ․ հունվարի 16-ին. Վերցված է 2020 թ․ մարտի 14-ին.
  9. ↑ «Հայ հանդիսականի համար առաջին անգամ հնչելու է Պագանինիի ջութակի 3-րդ կոնցերտը». www.panorama.am. Վերցված է 2020 թ․ մարտի 14-ին.
  10. ↑ «Նիկոլայ Մադոյան». boghossianprize.am. Արխիվացված է օրիգինալից 2022 թ․ հուլիսի 16-ին. Վերցված է 2020 թ․ մարտի 14-ին.
  11. ↑ «Անվանի ջութակահար Նիկոլայ Մադոյանը՝ Գինեսի ռեկորդակիր». «Ազատ Եվրոպա/Ազատություն» ռադիոկայան. Վերցված է 2020 թ․ մարտի 14-ին.
  12. ↑ «Դա հաջողվել էր միայն Պագանինիին. հայ ջութակահարը Գինեսի ռեկորդի հավակնող համերգ». news.am. Վերցված է 2020 թ․ մարտի 14-ին.
  13. ↑ «Vadim Repin Discography». www2.osk.3web.ne.jp. Վերցված է 2020 թ․ մարտի 10-ին.
  14. ↑ «Sergey Prokofiev: Violin Sonatas/Five Melodies - Nikolai Madojan | User Reviews». AllMusic (ամերիկյան անգլերեն). Վերցված է 2020 թ․ մարտի 10-ին.
  15. ↑ «Grieg: Violin Sonatas - Nikolai Madojan, Elisabeth Westenholz | Songs, Reviews, Credits». AllMusic (ամերիկյան անգլերեն). Վերցված է 2020 թ․ մարտի 10-ին.
  16. ↑ «Mendelssohn: Sonatas For Violin & Piano - Nikolai Madojan | User Reviews». AllMusic (ամերիկյան անգլերեն). Վերցված է 2020 թ․ մարտի 10-ին.
  17. ↑ «Nikolai Madojan, Elisabeth Westenholz – Schubert: Works For Violin And Piano (KON 32274) – Kontrapunkt Music» (անգլերեն). Վերցված է 2020 թ․ մարտի 10-ին.(չաշխատող հղում)
  18. ↑ «Cesar Franck: Sonata F Major / Richard Strauss: Nikolai Madojan, Elisabeth Westenholz».{{cite web}}: CS1 սպաս․ url-status (link)
  19. ↑ Array, Favourite Encores - Elisabeth Westenholz, Nikolay Madoyan - Download or Listen Free - JioSaavn, Վերցված է 2020 թ․ մարտի 10-ին
  20. ↑ «Armenian Brilliance». Presto Music (անգլերեն). Վերցված է 2023 թ․ նոյեմբերի 7-ին.

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Նիկոլայ_Մադոյան&oldid=10008590» էջից