Մուհամմադ

Վիքիպեդիայից՝ ազատ հանրագիտարանից
Մուհամմադ
արաբ․՝ أَبُو القَاسِم مُحَمَّد بنِ عَبد الله بنِ عَبدِ المُطَّلِب‎‎
Muslim depiction of Muhammad - 17th century Ottoman copy from the "Edinburgh codex".jpg
Ծնվել է ապրիլի 26, 570 կամ ոչ ուշ քան 580
Ծննդավայր Մեքքա
Մահացել է հունիսի 8, 632 կամ ոչ ուշ քան 635
Մահվան վայր Մադինա կամ Gaza[1][2]
Ազգություն Կուրեյշ, արաբ և Բանու Հաշիմ
Կրոն Հանիֆիականություն և իսլամ
Մասնագիտություն վաճառական, քաղաքական գործիչ, մարգարե և rasul
Ամուսին Խադիջա բինթ Խուվայլիդ, Սաուդա բինթ Զամաա, Հաֆսա բինթ Օմար, Ջուվայրիա բինթ ալ-Հարիս, Աիշա բինթ Աբու Բաքր, Զեյնաբ բինթ Ջահշ, Սաֆիա բինթ Հուայ, Զեյնաբ բինթ Խուզեյմա, Ումմ Սալամա բինթ Աբի Ումայա, Ռամլա բինթ Աբի Սուֆյան, Ռայհանա բինթ Զեյդ, Մարիա ալ-Կիբտիա և Մեյմունա բինթ Հարիս
Ծնողներ հայր՝ Աբդալլահ իբն Աբդ ալ-Մուտտալիբ, մայր՝ Ամինա բինթ Վահաբ
Երեխաներ ալ-Կասիմ իբն Մուհամմադ[3], Իբրահիմ իբն Մուհամմադ, Զեյնաբ բինթ Մուհամմադ, Ռուկայա բինթ Մուհամմադ, Ումմ Քուլսում բինթ Մուհամմադ, Ֆաթիմա Զահրա և Աբդուլլահ իբն Մուհամմադ
Muhammad Վիքիպահեստում

Մուհամմադ (արաբ․՝ محمد‎‎, [mʊˈħæmmæd] , ծնվ. 570 թվականի ապրիլի 20 (22) (ըստ որոշ աղբյուրների՝ 571), Մեքքա - մահ. 632 թվականի հունիսի 8, Մադինա), քարոզիչ, իսլամի հիմնադիրն ու մարգարեն, Ալլահից հետո իսլամի կենտրոնական անձը։ Ըստ իսլամի ուսմունքի` Մուհամմադին է Աստված ուղարկել սուրբ գիրքը՝ Ղուրանը։ Մուսուլման ժողովուրդների կողմից Մուհամմադը կոչվում է մարգարե (نبي`նաբի), առաքյալ (رسول` ռասուլ) և ընտրյալ (مصطفى` մուստաֆա

Մահամմադը նաև քաղաքական գործիչ էր և մուսուլմանական համայնքի (ումմա) ղեկավար։ Ստեղծել է ուժեղ և բավականին խոշոր պետություն Արաբական թերակղզու տարածքում, որը կազմել է Արաբական խալիֆայության հիմքը։

Մուհամմադը ծնվել է միջին կարողության վաճառական Աբդալլահ իբն Աբդ ալ-Մուտտալիբի ընտանիքում։ Նրա մայրը՝ Ամինան, ամենայն հավանականությամբ, եղել է հրեադավան։ Երեխայի ծնունդից մի քանի օր հետո` առևտրական հերթական ուղերթից վերադարձի ժամանակ, Յասրիբի մերձակայքում վախճանվում է նրա հայրը՝ Աբդալլահը։ Հոր բացակայության պայմաններում պապը՝ Աբդ ալ-Մուտտալիբը, անցկացնում է երեխայի ծննդյան արարողությունը։ Ապագա համաշխարհային կրոնի հիմնադրի մանկությունն անցնում է շատ դժվարին պայմաններում։

Վեց ամսական հասակում մայրը՝ Ամինան, ունկնդրելով պապի Աբդ ալ-Մուտտալիբի պահանջներին, Մուհամմադին հանձնում է Բանու Սայյադ ցեղի ստնտուներին։ Հետագայում մարգարեն մեծ ակնածանքով էր հիշում իր ստնտու Հալիմային։ Մինչև չորս ու կես տարեկանը նա մնում է Բանու Սայյադ ցեղի մոտ։ Այնուհետև նրա դաստիարակությունն իր վրա է վերցնում պապը՝ Աբդ ալ-Մուտտալիբը։

Տես նաև[խմբագրել | խմբագրել կոդը]

Աղբյուրներ[խմբագրել | խմբագրել կոդը]

Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են
Մուհամմադ հոդվածին
  • Большаков О.Г. История Халифата, Москва 2000
  1. Les Derniers Jours de Muhammad / Éditions Albin Michel
  2. Ֆրանսերեն Վիքիպեդիա — 2001.
  3. ալ-Կասիմ իբն Մուհամմադ