Կիպրոսի դրոշ

Կիպրոսի դրոշ
Տեսակ	ազգային դրոշ
Իրավասության տարածք	Կիպրոս
Նշան	🇨🇾
Հարաբերություն	3:2
Ընդունված է	օգոստոսի 16, 1960
Գույներ	սպիտակ, copper? և կանաչ
Պատկերված է	քարտեզ, olive branch? և դաշտ

Կիպրոսի դրոշը Կիպրոսի պետական խորհրդանիշերից է։ Այն հանդիսանում է մի սպիտակ ուղղանկյուն։ Կենտրոնական մասում Կիպրոս կղզու ստվերագիծն է՝ պղնձագույնով (PMS 144C) ներկված, որի ներքևում պատկերված են երկու խաչված ձիթենյաց ճյուղեր։ Պղնձագույնը խորհրդանշում է պղնձի առատությունը, որը հայտնաբերվել է դեռևս մոտ Մ.թ.ա. 3000 թվականին։ Նույնիսկ պղնձի լատիներեն անվանումը՝ Cuprum (Aes cuprium, Aes cyprium), առաջացել է Կիպրոս կղզու անունից։ «Կիպրոս» անունից է առաջացել նաև նոճու անունը (Cupréssus - կիպարիս)։ Ձիթենու երկու ճյուղերը խորհրդանշում են այնտեղ ապրող երկու ամենամեծ էթնիկ խմբերը՝ հույն կիպրոսցիներն ու թուրք կիպրոսցիները։ Դրոշն ընդունվել է 1960 թվականին՝ Մեծ Բրիտանիայից անկախանալուց անմիջապես հետո։ Կիպրոսի Հանրապետության դրոշը երկրագնդի այն միակ դրոշներից է, որտեղ օգտագործվում է երկրի ստվերագիծը։