Իսպանիայի դրոշ

Վիքիպեդիայից՝ ազատ հանրագիտարանից
Իսպանիայի դրոշ
Flag of Spain.svg
Տեսակ ազգային դրոշ
Իրավասության տարածք Իսպանիա
Օգտագործում Ազգային դրոշ և վիմպել
Նշան 🇪🇸
Հարաբերություն 2:3
Ընդունված է դեկտեմբեր 19, 1981
Գույներ      կարմիր      ոսկեգույն
Flags of Spain Վիքիպահեստում
Իսպանիայի դրոշի կառուցվածքը։

Իսպանիայի դրոշը իրենից ներկայացնում է երեք հորիզոնական շերտեր ունեցող ուղղանկյուն պաստառ, կարմիր, ոսկեգույն, և կարմիր գույներով (վերևից ներքև), ոսկեգույն շերտը կրկնապատում է կարմիր շերտերին։ Դրոշի լայնքը և երկայնքը 2։3 հարաբերակցությունով է։

Լեգենդ[խմբագրել | խմբագրել կոդը]

Այս դրոշի գույների խորհրդանշական նշանակությունը լեգենդը կապում է նրա ծագման հետ։ Ըստ ավանդության՝ Արագոնի թագավորներից մեկը ցանկացավ ունենալ սեփական դրոշը։ Ուսումնասիրելով դրոշների բազմաթիվ նախագծեր, նա կանգ առավ հարթ ոսկե պաստառին։ Այնուհետև նա հրամայեց բերել կենդանական թարմ արյուն, երկու մատները թաթախեց արյան մեջ, և անցկացրեց դեղին պաստառի վրա․ արդյունքում ստացվեց երկու կարմիր շերտ։

Պատմություն[խմբագրել | խմբագրել կոդը]

Իսպանիայի դրոշն իր ներկա տեսքով գոյություն ունի 1785 թվականից, երբ թագավոր Կառլոս III Բուրբոնը իսպանական ռազմանավերին հրամայեց օգտագործել նշաններ, որոնք թույլ էին տալիս այլ պետությունների նավերը տարբերել․ սպիտակը Իսպանիայի ծովային թագավորական դրոշակն է՝ Բուրբոնների տան գերբով զարդարված։ Այդ օրվանից կարմիր և դեղին գույները ավանդաբար ասոցացվում են Իսպանիայի հետ, չնայած որպես պետական գույներ նրանք ընդունվել են 1927 թվականին[1]։

1931 թվականին հռչակվեց հանրապետություն և ընդունվեց նոր դրոշ, որն իրենից ներկայացնում էր ուղղանկյուն պաստառ՝ երեք հավասարամեծ շերտերով՝ կարմիր, դեղին և ծիրանագույն։ Սակայն 1939 թվականին գեներալ Ֆրանսիսկո Ֆրանկոյի ռազմական ապստամբությունը վերջնականապես վերջ դրեց հանրապետությանը, և դեղին-կարմիր դրոշը, որը ձևականորեն հաստատվել էր 1936 թվականին, քաղաքացիական պատերազմի ավարտից հետո վերականգնվեց։

Ժամանակակից զինանշանային տարբերակով դրոշը պաշտոնապես ընդունվել է 1981 թվականի դեկտեմբերի 19-ին։

Ծանոթագրություններ[խմբագրել | խմբագրել կոդը]

  1. «Flag of Spain»։ Encyclopædia Britannica։ Վերցված է Սեպտեմբեր 15, 2015