Արամ MP3
Արամ MP3 | |
---|---|
Ի ծնե անուն | Արամ Սարգսյան |
Ծնվել է | ապրիլի 5,1984 Երևան, Հայկական ԽՍՀ, ԽՍՀՄ |
Երկիր | Հայաստան, Երևան |
Ժանրեր | փոփ |
Մասնագիտություն | երգիչ-երգահան, հումորիստ, շոումեն, դերասան |
Գործիքներ | վոկալ, դաշնամուր և կիթառ |
Աշխատավայր | Շանթ հեռուստաընկերություն |
Կրթություն | Երևանի Մխիթար Հերացու անվան Պետական Բժշկական Համալսարան |
Ստորագրություն | |
Aram Mp3 Վիքիպահեստում |
Արամ Սարգսյան (ծնվ. ապրիլի 5, 1984, Երևան), ավելի հայտնի է որպես Արամ Mp3, հայ երգիչ-երգահան, հումորիստ, շոումեն և դերասան։ 2014 թվականի մայիսին Դանիայի մայրաքաղաք Կոպենհագենում ներկայացնելու է Հայաստանը Եվրատեսիլ 2014 երգի մրցույթում։[1]
Կենսագրություն
Արամ Սարգսյանը ծնվել է 1984 թվականի ապրիլի 5-ին Երևանում, Հայաստան։ Դեռ մանկուց նա ներգրավված է եղել մի շարք երգչախմբերում և թատերական ներկայացումներում։ Թեև նա միշտ երազել է մեծ բեմի մասին, սակայն ընտրել է դեղագործի մասնագիտությունը՝ ավարտելով պետական բժշկական համալսարանը։
2006 թվականին Արամը դառնում է «32 ատամ» հումորային ակումբի անդամը, որտեղ էլ իր գործընկերներից մեկը նրան անվանելով Mp3՝ նա որոշում է դարձնել այն իր բեմական կեղծանունը։ 2007 թվականին Արամը ճանաչվում է հաղթող Հանրային հեռուստաընկերության «2 աստղ» մրցույթում։
Համագործակցելով Շանթ հեռուստաընկերության հետ նա վարել է այդ հեռուստաընկերության «Իքս-Ֆակտոր», «Հայ սուպերսթար», «Իմ անունն է» և այլ նախագծեր։ Ներկայումս Արամը հանդիսանում է «Վիտամին ակումբ» հումորային նախագծի անդամը, որը հեռարձակվում է յուրաքանչյուր շաբաթ Շանթ հեռուստաընկերությամբ։
2013 թվականի դեկտեմբերի 31-ին Հանրային հեռուստաընկերության Ամանորյա գլխավոր ծրագրի ընթացքում հայտարարվեց որ ներքին ընտրությամբ Արամը ընտրվել է Եվրատեսիլ 2014 երգի մրցույթում Հայաստանի ներկայացուցիչ։ Նրա երգի ընտրությունը կայանալու է փետրվարին, 2014։
Ծանոթագրություններ
- ↑ Omelyanchuk, Olena. «Aram Mp3 to represent Armenia in Copenhagen». European Broadcasting Union. Վերցված է January 1 2014-ին.
|