Վրացի ծերուկը (կտավ)

Վրացի ծերուկը
տեսակ	գեղանկար
նկարիչ	Էդուարդ Իսաբեկյան
տարի	1941
բարձրություն	52
լայնություն	37
ժանր	դիմապատկեր
նյութ	կտավ, ստվարաթուղթ և յուղաներկ
կայք
Ծանոթագրություններ

Վրացի ծերուկը, ՀԽՍՀ ժողովրդական նկարիչ Էդուարդ Իսաբեկյանի ստեղծագործություններից։

Պատմություն

Էդուարդ Իսաբեկյանը դիմանկարներ ստեղծել է դեռևս ուսանողական տարիներին։ «Վրացի ծերուկը» դիմանկարն աչքի է ընկնում կտավի գեղարվեստական կառուցման ամբողջական բնութագրով։ Աշխատանքը կատարված է վստահ, հյութեղ վրձնահարվածներով, մուգ-շագանակագույնի, օխրաների տաք գունային գամմայի համադրություններով, ձևի, ծավալի ամուր կառուցվածքային զգացողությամբ։

Նկարագրություն

Ալեբեղ թանձր ճերմակը, ծխամորճից թեթև դեղնած ծայրերով, սքողում է բերանի ձևը, որ սեղմում է ծխամորճը։ Լուսային գոտին ակտիվ է ծերունու դեմքին։ Կտավի գունային գամման կրում է բաժբեուկյան փափկության ու մոդելավորման ազդեցությունը, սակայն Իսաբեկյանն ինքնուրույն է կերտում յուրահատուկ խառնվածք, ընդգծում ազգային խարակտերային դիմագծերը։

Արտաքին հղումներ

• Էդուարդ Իսաբեկյանի պաշտոնական կայքը