Թլկատինցի

Թլկատինցի
Ծնվել է	1860
Ծննդավայր	Խույուլու, Խարբերդ, Օսմանյան կայսրություն
Մահացել է	1915
Մահվան վայր	Խարբերդ, Օսմանյան կայսրություն
Քաղաքացիություն	Օսմանյան կայսրություն
Ազգություն	հայ
Կրթություն	Սմբատյան վարժարան
Մասնագիտություն	հասարակական գործիչ, գրող և ուսուցիչ
Աշխատավայր	Խարբերդի ազգային Կեդրոնական վարժարան
Tlgadintsi Վիքիպահեստում

Թլկատինցի (Հովհաննես Հարությունյան), (1860, Խույուլու, Խարբերդ, Օսմանյան կայսրություն - 1915, Խարբերդ, Օսմանյան կայսրություն), Մեծ եղեռնի զոհ, գրող, մանկավարժ, հասարակական գործիչ։

Կենսագրություն

Ավարտել է Խարբերդի Սմբատյան վարժարանը։ 1887 թվականին հիմնադրել է Խարբերդի ազգային Կեդրոնական վարժարանը և մինչև կյանքի վերջը եղել նրա տնօրենը։ Արևմտահայ մամուլում տպագրվել են Թլկատինցու ակնարկները, նորավեպերը։ Թլկատինցու գեղարվեստական ստեղծագործություններն արտացոլում էին 1877-1878 թվականներին ռուս-թուրքական պատերազմից հետո Արևմտյան Հայաստանում տիրող քաղաքական և սոցիալական բարդ ու լարված իրավիճակը։ «Գլխուդ ջուր դիր» (1896), «Գեղի նամակներ» (1892) շարքում, «Վերջին տեղը» (1900), «Ճախրակին առաջքը» (1900) գործերում պատկերված է արևմտահայ գյուղացու ողբերգությունը՝ հատկապես 1894-1896 թվականների կոտորածներից հետո, նրա անպաշտպանվածությունը թուրքական իշխանություններից ու խուժանից։

1915 թվականին թուրք ջարդարարները թաքստոցից գտել են Թլկատինցուն, կնոջն ու երեխաներին և սպանել։

Ստեղծագործություններ

• Գլխուդ ջուր դիր, 1896։
• Վերջին տեղը, 1900։
• Ճախրակին առաջքը, 1900։
• Հին հաւատքս, 1895։
• Այգիիս փշենին, 1898։
• Բամբակ բերան, 1907։
• Գաւաթ մը միայն, 1907։
• Ճնճղուկներուն դատաստանը, 1908։
• Էնդի դէմէն, 1902։
• Ձալըմ տղան, 1904։
• Ճամփորդն ու ճամփեցնողները, 1905։
• Կտակը, 1911։
• Իմ բախտս։
• Մի հայիր։
• Բերնովդ ըսեիր։
• Հողը։
• Ախ, Աստվա՜ծ, Աստվա՜ծ։
• Դեպի արևը։

Երկեր

• Ո՞ր մէկուն ետեւէն (թատերախաղ), Պոսթըն, 1912, 139 էջ։
• Թլկատինցին եւ իր գործը, Պոսթըն, 1927, 608 էջ։
• Գյուղին կյանքը, Երևան, 1966, 362 էջ։
• Թլկատինցի, Առանձար, Բաշալյան Լևոն, Երկեր, Երևան, 1982, էջ 25-255։
• Պատմուածքներ։ Գիւղի նամակներ, Վենետիկ, 1996, 100 էջ։

Գրականություն

• Կարապետյան Լ., Թլկատինցի, Երևան, 1966։

Արտաքին հղումներ

• Պատմուածքներ, Գիւղի նամակներ Արխիվացված 2015-04-28 Wayback Machine
• Թլկատինցի, Բաշալյան Լ., Առանձար. Երկեր Արխիվացված 2016-11-02 Wayback Machine

Վիքիդարան նախագծում կարող եք գտնել այս հեղինակի ստեղծագործություններ։

Վիքիդարանն ունի նյութեր, որոնք վերաբերում են «Թլկատինցի» հոդվածին։

Վիքիպահեստն ունի նյութեր, որոնք վերաբերում են «Թլկատինցի» հոդվածին։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 191)։