Ֆեոդոր Կոնստանտինով (նկարիչ)

Վիքիպեդիայից՝ ազատ հանրագիտարանից
Ֆեոդոր Կոնստանտինով
Ծնվել էմարտի 4 (17), 1910[1]
ԾննդավայրՄակեևո, Q14554892?, Զարայսկի շրջան, Մոսկվայի մարզ
Վախճանվել էհուլիսի 8, 1997(1997-07-08)[2] (87 տարեկան)
Մահվան վայրՄոսկվա, Ռուսաստան
Քաղաքացիություն ԽՍՀՄ և  Ռուսաստան
ԿրթությունՄոսկվայի գեղարվեստական ինստիտուտ
Մասնագիտություննկարիչ, գծանկարիչ և նկարազարդող
Պարգևներ
Բարեկամության շքանշան «Պատվո նշան» շքանշան
ԽՍՀՄ ժողովրդական նկարիչ և ՌԽՍՖՀ ժողովրդական նկարիչ

Ֆեոդոր Դենիսովիչ Կոնստանտինով (ռուս.՝ Фёдор Денисович Константинов, մարտի 4 (17), 1910[1], Մակեևո, Q14554892?, Զարայսկի շրջան, Մոսկվայի մարզ - հուլիսի 8, 1997(1997-07-08)[2], Մոսկվա, Ռուսաստան), խորհրդային և ռուս գրաֆիկ, ԽՍՀՄ ժողովրդական նկարիչ (1991), ԽՍՀՄ գեղարվեստի ակադեմիայի թղթակից անդամ 1973 թվականից։

Կենսագրություն[խմբագրել | խմբագրել կոդը]

1935 թվականին ավարտել է Մոսկվայի գեղարվեստի ինստիտուտը (մանկավարժներ՝ Վլադիմիր Ֆավորորսկի, Կոնստանտին Իստոմին, Լև Բրունի)[3]։

Աշխատել է հիմնականում փայտի փորագրության տեխնիկայի բնագավառում։ Ստեղծել է Մոցարտի (1955), Պագանինիի (1956), Վագների (1953), Վերդիի (1956), Եսենինի (1965) դիմանկարները։ 1934 թվականից սկսած՝ նկարազարդումներ է ստեղծել ինչպես ռուս գրողների ու բանաստեղծների, այնպես էլ համաշխարհային գրականության դասականների գրքերի համար։

Համարվում է Ալեքսանդր Պուշկինի, Միխայիլ Լերմոնտովի, Ֆեոդոր Տյուտչևի, Ֆեոդոր Դոստոևսկու ստեղծագործությունների խորը մեկնաբանողը։ Պատկերազարդ է Իվան Կռիլովի, Իվան Տուրգենևի, Աֆանասի Ֆետի, Սերգեյ Եսենինի, Միխայիլ Պրիշվինի գրքերը։ Միխայիլ Լերմոնտովի «Մծիրի» պոեմը փայտի վրա կատարված ութ փորագրություններով լույս է տեսել 1941 թվականին, 1949 և 1961 թվականների վերահրատարակություններում լրացել է նոր նկարազարդումներով։

Կոնստանտինովի նկարազարդմամբ լույս են տեսել Ալեքսանդր Պուշկինի «Պղնձե հեծյալ» (1974-1975) և «Պոլտավա» (1978-1979) պոեմները, Լերմոնտովի «Մեր ժամանակի հերոսը» (1961-1963), Ջեֆրի Չոսերի «Քենթերբերյան պատմվածքները» (1943), Շառլ դը Կոստերի «Ուլենշպիգելի և Լամմե Գուդզակի լեգենդը» (1961), Օվիդիոսի «Կերպարանափոխությունները» (1938), Հորացիոսի (1935), Շեքսպիրի (1938), Մարկ Տվենի (1944), Վիկտոր Հյուգոյի (1952), Ֆրիդրիխ Շիլլերի (1955) գրքերը։

Ամերիկացի նկարիչ և արվեստաբան Լինդ Ուորդը Կոնստանտինովի մասին հոդվածում (1943) պնդում էր, որ նրա փորագրությունները ներկայացնում են այն չափազանց ունակ ու նուրբ նկարչին, որի՝ նյութերին տիրապետելու ունակությունը նրան դնում է համաշխարհային նշանակության նկարիչների շարքում, ընդ որում՝ հազվագյուտ նույնիսկ համաշխարհային մասշտաբով, նա վերաբերում է այն նկարիչների խմբին, որոնց տաղանդը և տեսակետը համընկնում են և տալիս են իրական ստեղծագործական անհատականություն։

Ֆեոդոր Կոնստանտինովը մահացել է 1997 թվականի հուլիսի 8-ին Մոսկվայում։ Թաղվել է Վագանկովյան գերեզմանատանը[4]։

Պարգևներ և կոչումներ[խմբագրել | խմբագրել կոդը]

  • Բարեկամության շքանշան (7 սեպտեմբերի, 1995 թվական) – պետությանը մատուցած ծառայությունների, աշխատանքում ձեռք բերած հաջողությունների, ժողովուրդների միջև բարեկամության և համագործակցության ամրապնդման գործում ունեցած մեծ ավանդի համար[5],
  • «Պատվո նշան» շքանշան,
  • ԽՍՀՄ ժողովրդական նկարիչ (25 փետրվարի, 1991 թվական) – խորհրդային կերպարվեստի զարգացման գործում ունեցած մեծ ավանդի համար[6],
  • ՌԽՖՍՀ ժողովրդական նկարիչ (31 դեկտեմբերի, 1980 թվական) – խորհրդային կերպարվեստի բնագավառում ունեցած ավանդի համար[7],
  • ՌԽՖՍՀ վաստակավոր նկարիչ (12 ապրիլի, 1963 թվական) – խորհրդային կերպարվեստի բնագավառում ունեցած ավանդի համար[8]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 Ермолаев Н. А. http://archive.md/arxqj (ռուս.) // Книга: Энциклопедия — М.: Большая российская энциклопедия, 1999. — 799 с. — ISBN 5-85270-312-5
  2. ↑ 2,0 2,1 2,2 Կերպարվեստի արխիվ — 2003.
  3. ↑ Выставка Фёдора Денисовича Константинова «Графика. Живопись» — Новости и афиша музеев России — www.Museum.ru
  4. ↑ Могила Ф. Д. Константинова
  5. ↑ Указ Президента Российской Федерации от 7 сентября 1995 года № 906 «О награждении государственными наградами Российской Федерации»
  6. ↑ Указ Президента Союза Советских Социалистических Республик от 25 февраля 1991 года № УП-1550 «О присвоении почётного звания «Народный художник СССР» тов. Константинову Ф. Д.»
  7. ↑ Указ Президиума Верховного Совета РСФСР от 31 декабря 1980 года «О присвоении почётного звания «Народный художник РСФСР» Константинову Ф.Д.»
  8. ↑ Указ Президиума Верховного Совета РСФСР от 12 апреля 1963 года «О присвоении почётных званий РСФСР работникам изобразительного искусства Российской Федерации»

Գրականություն[խմբագրել | խմբագրել կոդը]

  • Бакуменко В. М. Имя из энциклопедии // Библиотековедение. −2009. — № 4.- С.73-78.
  • Бирюков Л. Мастер, перешагнувший в будущее… // Детская литература. −2001.- № 1-2. С.4-13.

Արտաքին հղումներ[խմբագրել | խմբագրել կոդը]

  • Ф. Д. Константинов: Правда, Красота и Гармония
  • Поташова К.А. «КОНСТАНТИНОВ Фёдор Денисович (1910—1998)». М.Ю. Лермонтов: Энциклопедический словарь.
  • Парпара А. «Соперник мировой литературы». Русское Воскресение. Արխիվացված է օրիգինալից 2014 թ․ մարտի 10-ին. Վերցված է 2020 թ․ նոյեմբերի 17-ին.
  • Анонс выставки «Графика Ф.Д. Константинова» в Государственном музее А.С. Пушкина (2018)
  • Библиография в статье: «Константинов Фёдор Денисович…». Рязанское краеведение. Библиотека им. Горького. 2020 թ․ մարտի 17.
 ⛭ 
Ստացված է «https://hy.wikipedia.org/w/index.php?title=Ֆեոդոր_Կոնստանտինով_(նկարիչ)&oldid=9510969» էջից