Ջեֆրի Եվգենիդիս

Վիքիպեդիայից՝ ազատ հանրագիտարանից
Jump to navigation Jump to search
Ջեֆրի Եվգենիդիս
Eugenides, Jeffrey.jpg
Ծնվել էմարտի 8, 1960(1960-03-08)[1][2] (59 տարեկան)
ԾննդավայրԴետրոյթ, Միչիգան, ԱՄՆ[1]
Մասնագիտությունգրող, վիպասան և համալսարանի պրոֆեսոր
Լեզուանգլերեն[3]
ՔաղաքացիությունFlag of the United States.svg ԱՄՆ
ԿրթությունԲրաունի համալսարան և Ստենֆորդի համալսարան
Ժանրերսիրավեպ
ԱնդամակցությունԱրվեստների և գիտությունների ամերիկյան ակադեմիա և Արվեստի և գրականության ամերիկյան ակադեմիա
ԱշխատավայրՓրինսթոնի համալսարան
ՊարգևներԳուգենհայմի կրթաթոշակ grand prix de l'héroïne Madame Figaro du roman étranger? և Պուլիտցերյան մրցանակ գեղարվեստական արձակի բնագավառում
Jeffrey Eugenides Վիքիպահեստում

Ջեֆրի Քենթ Եվգենիդիս (անգլ.՝ Jeffrey Kent Eugenides, մարտի 8, 1960(1960-03-08)[1][2], Դետրոյթ, Միչիգան, ԱՄՆ[1]), ժամանակակից ամերիկացի արձակագիր: Հեղինակել է բազմաթիվ պատմվածքներ ու էսսեներ, երեք վեպ՝ «Կույս ինքնասպանները» (The Virgin Suicides, 1993), «Միջին սեռ» (Middlesex, 2002) և «Ամուսնական դիպաշարը» (The Marriage Plot, 2011): «Կույս ինքնասպաններ»-ի հիման վրա գեղարվեստական ֆիլմ է նկարահանվել, իսկ «Միջին սեռ»-ի համար Եվգենիդիսը 2003 թվականին արժանացել է Պուլիտցերյան մրցանակի՝ «Գեղարվեստական արձակ» անվանակարգում և, բացի այդ, հայտնվել է Գրաքննադատների ազգային շրջանակի մրցանակի, Դուբլինի միջազգային գրական մրցանակի, Ֆրանսիայի Prix Médicis մրցանակի համար ծավալված մրցությունների եզրափակիչ փուլում:

Կենսագրություն[խմբագրել | խմբագրել կոդը]

Եվգենիդիսի հայրը ծագումով հույն է, մայրը՝ անգլո-իռլանդական նախնիների սերունդ[4]: Նա հաճախել է Միչիգան նահանգի Գրոս Փոյնթ քաղաքի համալսարանական Լիգեթ մասնավոր դպրոցը, ապա՝ Բրաուն համալսարանը, որտեղ սովորելիս մտերմացել է ժամանակակից գրող Ռիք Մուդիի հետ[5]): Ավարտել է 1982 թվականին: Մեկ տարի ճամփորդել է Եվրոպայով, այնուհետև մեկնել է Հնդկաստան՝ Կալկաթա, որտեղ որպես կամավոր ծառայել է Մայր Թերեզայի հետ[6]: Հետագայում Սթենֆորդի համալսարանում ստացել է «ստեղծագործական գրականություն» մասնագիտության մագիստրոսի որակավորում:

1986 թվականին ընտրվել է Շարժանկարային արվեստների ու գիտությունների ակադեմիայի անդամ՝ «Ահա գալիս է Ուինսթոնը՝ Սուրբ հոգով լցված» (Here Comes Winston, Full of the Holy Spirit) պատմվածքի համար: Մի քանի տարի ապրել է Սան Ֆրացիսկոյում, ապա տեղափոխվել Նյու Յորք՝ Բրուքլին, որտեղ աշխատել է որպես Ամերիկյան բանաստեղծների ակադեմիայի քարտուղար: Այստեղ նա ընկերական հարաբերություններ է հաստատել մի շարք պայքարող գրողների, այդ թվում՝ Ջոնաթան Ֆրանզենի հետ[7]:

1999-ից մինչև 2004 թվականը Եվգենիդիսն ապրել ու ստեղծագործել է Բեռլինում, ուր հայտնվել էր German Academic Exchange Service-ի դրամաշնորը շահելու շնորհիվ[8]: 2007 թվականի աշնանից ապրել ու ստեղծագործել է Նյու Ջերսի նահանգի Փրինսթոն քաղաքում՝ մասնակցելով տեղի հանրահայտ համալսարանի «ստեղծագործական գրականություն» նախագծի իրականացման աշխատանքներին[9]:

Ներկայումս Եվգենիդիսը «ստեղծագործական գրականության» պրոֆեսոր է Փիթր Բ. Լյուիսի անվան արվեստների կենտրոնում[10]: The Paris Review-ին տված հարցազրույցում խոսելով իր դասախոսական աշխատանքի մասին՝ նա ասել է. «Ես իմ ուսանողներին սովորեցնում եմ, որ գրելիս պետք է պատկերացնեն, թե իրենց ամենալավ նամակն են գրում ամենախելացի ընկերոջը: ...Անձամբ ես գրելիս միշտ մտածում եմ, միշտ հոգ եմ տանում ընթերցողի մասին»[5]: Մեկ այլ հարցազրույցում նա խոստովանել է, որ իր՝ որպես գրողի ձևավորման գործում կարևոր դեր են խաղացել Դեթրոյթ քաղաքի յուրօրինակ կոլորիտը և մոդեռնիստ գրողներից Ջոյսը, Պրուստը, Ֆոլքները, Մուզիլը, Վուլֆը...

Եվգենիդիսն ամուսնալուծվել է, ունի մեկ դուստր՝ Ջորջիա անունով[11]:

Պատիվներ[խմբագրել | խմբագրել կոդը]

  • 2013 - Արվեստների ու գիտությունների ամերիկյան ակադեմիայի անդամ[12][13]
  • 2014 - Բրաուն համալսարանի պատվավոր դոկտորի կոչում[14]
  • 2018 - Արվեստների և գրականության ամերիկյան ակադեմիայի անդամ[15]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 German National Library, Berlin State Library, Bavarian State Library et al. Record #123706017 // Gemeinsame Normdatei — 2012—2016.
  2. 2,0 2,1 SNAC — 2010.
  3. data.bnf.fr: տվյալների բաց շտեմարան — 2011.
  4. «Jeffrey Eugenides – Harper Collins Author Profile»։ HarperCollins UK։ Վերցված է 10 October 2014 
  5. 5,0 5,1 James Gibbons (Winter 2011)։ «Jeffrey Eugenides, The Art of Fiction No. 215»։ The Paris Review 
  6. «The Daily Beast – Eugenides Returns!»։ Thedailybeast.com։ Վերցված է 10 October 2014 
  7. Hughes Evan (2011-10-09)։ «Is 'The Marriage Plot' by Jeffrey Eugenides Based in Reality? – New York Magazine»։ Nymag.com։ Վերցված է 2015-03-01 
  8. [1] Archived February 6, 2009, at the Wayback Machine.
  9. Brown, Mick (2008-01-05)։ «Jeffrey Eugenides: Enduring love»։ The Daily Telegraph (London)։ Արխիվացված օրիգինալից 2010-12-01-ին։ Վերցված է 2010-04-02 
  10. [2] Archived May 31, 2008, at the Wayback Machine.
  11. «Jeffrey Eugenides emerges from rough patch with first short-story collection»։ Detroit Free Press (անգլերեն)։ Վերցված է 2019-02-22 
  12. «Princeton University – FACULTY AWARD: Eight named to American Academy of Arts and Sciences»։ princeton.edu։ Վերցված է 2014-04-12 
  13. «American Academy of Arts and Sciences : 2013 Fellows» (PDF)։ Amacad.org։ Վերցված է 2015-03-01 
  14. «Brown confers nine honorary degrees»։ Brown University։ 25 May 2014։ Վերցված է 27 May 2014 
  15. https://artsandletters.org/pressrelease/2018-newly-elected-members/

Արտաքին հղումներ[խմբագրել | խմբագրել կոդը]