Լարիսա Դոլինա

Վիքիպեդիայից՝ ազատ հանրագիտարանից
Jump to navigation Jump to search
Լարիսա Դոլինա
Larisa Dolina-new.jpg
Հիմնական տվյալներ
Բնօրինակ անունЛари́са До́лина
Ի ծնե անունԼարիսա Ալեքսանդրովնա Կուդելման
Նաև հայտնի է որպեսԼարիսա Ալեքսանդրովնա Դոլինա
Ծնվել էսեպտեմբերի 10, 1955(1955-09-10)[1][2] (66 տարեկան)
Բաքու, Ադրբեջանական ԽՍՀ, ԽՍՀՄ
ԵրկիրԽորհրդային Սոցիալիստական Հանրապետությունների Միություն ԽՍՀՄՌուսաստան Ռուսաստան
Ժանրերջազ, փոփ, էստրադա
Մասնագիտություներգչուհի, դերասանուհի
Երգչաձայնմեցցո-սոպրանո
Գործիքներդաշնամուր, դոմբրա
Գործունեություն1971-այժմ
ԿրթությունՌուսաստանի Գնեսինների անվան երաժշտության ակադեմիա
ՊարգևներՊատվո շքանշան, Ռուսաստանի Դաշնության ժողովրդական արտիստ, Ռուսաստանի Դաշնության վաստակավոր արտիստ, Ռուսաստանի ՆԳՆ մրցանակ և Բարեկամության շքանշան
Կայքlarisadolina.com
Ստորագրություն
Ստորագրություն
Larisa Dolina Վիքիպահեստում

Լարիսա Ալեքսանդրովնա Դոլինա (ծնված Կուդելման, առաջին ամուսնությունից Միոնչինսկայա, սեպտեմբերի 10, 1955(1955-09-10)[1][2], Բաքու, Ադրբեջանական ԽՍՀ, ԽՍՀՄ), խորհրդային, ռուսական էստրադային և ջազային երգչուհի, դերասանուհի, Ռուսաստանի Ժողովրդական Արտիստուհի (1998 թվական)[3]։ «Օվացիա» Ռուսական Ազգային մրցանակի եռակի դափնեկիր։

Կենսագրություն[խմբագրել | խմբագրել կոդը]

Ծնվել է 1955 թվականի սեպտեմբերի 10-ին Բաքու քաղաքում, հրեայի ընտանիքում։ Հայրը՝ Ալեքսանդր Մարկովիչ Կուդելման, մայրը՝ Գալինա Իզրաիլևնա Կուդելման (ծնված Դոլինա)։ Երեք տարեկան հասակում տեղափոխվել է ծնողների հայրենի քաղաք Օդեսսա։ Վեց տարեկան հասակում Լարիսան ընդունվում է երաժշտական դպրոց, որն ավարտում է թավջութակի բաժնում։

Երգչուհու երաժշտական գործունեությունը սկսվում է 1971 թվականին՝ «Մենք օդեսացիներ ենք» էստրադային նվագախմբում։ Հետագայում եղել է մենակատարուհի այնպիսի երաժշտական խմբերում, ինչպիսին են «Հայաստանի պետական էստրադային նվագախումբ»՝ Կոնստանտին Օրբելյանի ղեկավարությամբ, «Ադրբեջանի պետական էստրադային նվագախումբ»՝ Փոլադ Բյուլ-Բյուլ օղլու ղեկավարությամբ, «Սովրեմեննիկ» նվագախումբ՝ Անատոլի Կրոլի ղեկավարութամբ (նախկին Էդդի Ռոզների նվագախումբ)։ 1981 թվականին, Անատոլի Կրոլի կողմից, պատրաստվում է «Ջազային վոկալի հատընտիր» ծրագիրը, որով Լարիսա Դոլինան և Վեյլանդ Ռոդդը՝ նվագախմբի ուղեկցությամբ, անշլագի պայմաններում, համերգներ են ունենում միութենական բազմաթիվ հանրապետություններում։

1982 թվականին՝ «Չարոդեի» (ռուս. «Чародеи») ֆիլմի համար կատարել է հանրահայտ «Երեք սպիտակ ձի» (ռուս. «Три белых коня») երգը։

1984 թվականին երգչուհին հրավեր է ստանում կատարելու Ալֆրեդ Շնիտկեի «Դոկտոր Ֆաուստի պատմությունը» (ռուս. «История доктора Фауста») կանտատի գլխավոր մասերից մեկը։

1985 թվականից Դոլինան աշխատում է ինքնուրույն։ Ակտիվորեն համագոծակցել է լենինգրադյան երգահան Վիկտոր Ռեզնիկովի հետ։ Մենակատարային գործունեության ընթացքում բեմադրվել է բազմաթիվ համերգային ծրագրեր, որոնցով երգչուհին շրջագայել է ամբողջ երկրով։ 1985 թվականին նա առաջին անգամ հանդես է եկել որպես սեփական՝ «Երկարաձգված թռիչք» («Затяжной прыжок»), ծրագրի բեմադրիչ։ Երկու տարի անց Դոլինան ներկայացնում է «Հակադրություն» («Контрасты») նոր շոուն, 1989 թվականին «Ռոսսիա» պետական համերգասրահում ներկայացնում է «Սառցաբեկոր» («Льдинка») ծրագիրը, իսկ հաջորդ տարի՝ «Փոքրիկ կինը» («Маленькая женщина») շոուն։ 1988 թվականին, նույն վայրում, կայանում է «Ջորդանո» («Джордано») (երաժշտությունը Լորա Կվինտի) ռոք օպերայի պրեմիերան, որում տղամարդու գլխավոր դերը կատարում է Վալերի Լեոնտևը, իսկ կանացի դերը՝ Լարիսա Դոլինան։

1991 թվականին, ռուս-ֆրանսիական պայանագրի շրջանակներում, Լարիսա Դոլինան ելույթ է ունենում քսան հազարանոց հանդիսատեսի առջև՝ Լա Ռոշել քաղաքի «Ռադիո Պրեստիժ» փառատոնում։ 1992 թվականին, Էստրադային թատրոնում, կայանում է երգչուհու հոբելյանական ստեղծագործական համերգը։ Նույն թվականին հայտնվում է «Ինչ ուզում եմ, այն էլ երգում եմ» («Что хочу, то и пою») ծրագիրը, որը ցուցադրվում է «Ռոսսիա» համերգային դահլիճում։

Երգչուհին մեկ անգամ չէ, որ դարձել է բազմաթիվ հեղինակավոր համամիութենական և միջազգային մրցույթների մրցանակակիր և դափնեկիր։ 1991 թվականին Լարիսա Դոլինան արժանանում է «Երկրի լավատույն երգչուհի» տիտղոսին՝ «Պրոֆի» համամիութենական մրցույթում։ 1993 թվականին արժանանում է Ռուսաստանի Վաստակավոր արտիստուհի կոչմանը։ 1994 թվականին երգչուհին ստանում է Յալթայի համառուսական մրցույթի «Բյուրեղյա դելֆին» մրցանակը և տիրանում է «Օվացիա» ազգային երաժշտական մրցանակին՝ «Լավագույն ռոք երգչուհի» անվանակարգում։ 1995 թվականին Դոլինան ներկայացնում է «Ես դուր չեմ գալիս քեզ» («Я не нравлюсь себе») ծրագիրը, որում երգչուհին հանդիսատեսին է ներկայանում նոր կերպարով։ Ռուսաստանում հաջող համերգներից անմիջապես հետո, Դոլինան ուղևորվում է համերգային շրջագայության՝ հետխորհրդային երկրների քաղաքներով, ինչպես նաև, Եվրոպայով և ԱՄՆ-ով։ 1996 թվականին, կրկին, ստանում է «Օվացիա» մրցանակը, որպես տարվա լավագույն մենակատարուհի («Փոփ երաժշտություն» անվանակարգում)։

Լարիսա Դոլինան նկարահանվել է բազմաթիվ գեղարվեստական ֆիլմերում՝ «Թավշյա սեզոն» («Бархатный сезон»), «Մենք ջազից ենք» («Мы из джаза»), «Կործանված նավերի կղզի» («Остров погибших кораблей»), «Հուշանվեր փաստաբանի համար» («Сувенир для прокурора»), իսկ նրա ձայնը հնչում է ավելի քան 70 կինոնկարներում և մուլտֆիլմերում։

1996 թվականի դեկտեմբերի 23-ին և 24-ին, «Ռոսսիա» համերգասրահում, կայանում է Լարիսա Դոլինայի հոբելյանական «Եղանակը տանը» («Погода в доме») մենակատարային ծրագրի պրեմիերան։ Այդ երաժշտական ներկայացման մեջ հնդում են երգչուհու հայտնի հիթերը, ինչպես նաև, ներկայացվում է «Եղանակը տանը» («Погода в доме») նոր ալբոմը, որը Լարիսայի կողմից ստեղծվել է երգահան Ռուսլան Գոռոբեցի և գրող Միխաիլ Տանիչի հետ համագործակցությամբ։ Շոուի մասնակից են դառնում, նաև, Իրինա Օտիևան, Լեոնիդ Պորտնոյը և Սերգեյ Լեմոխը։

1997 թվականի դեկտեմբերին՝ Մոսկվայի կոնսերվատորիայի Մեծ դահլիճում, կայանում է «Անցնող դարի շլյագերները» («Шлягеры уходящего века») համերգը, որում Լարիսա Դոլինան և Ալեքսանդր Գրադսկին՝ Ռուսաստանի պետական ակադեմիական սիմոֆոնիկ նվագախմբի ուղեկցությամբ, Եվգենի Սվետլանովի ղեկավարությամբ, կատարում են XX դարի հանրահայտ երգերը, ներառելով այնպիսի երգեր, ինչպիսին են «Yesterday», «New York, New York», «Caruso», «Barcelona»:

1998 թվականին թողարկվում է երգչուհու նոր՝ «Երգչուհին և երաժիշտը» («Певица и музыкант»), ալբոմը՝ նույնանուն մենակատարային ծրագրի ուղեցությամբ, որը երգչուհին ներկայացնում է ԱՄՆ-ում և Իսրայելում։ Ալբոմի հիմնական հիթերը՝ «Երեք վարդ կամ սև-սպիտակ ճակատագիր» («Три розы или чёрно-белая судьба») (ըստ Առաջին ալիքի «Մինուտա սլավի» ծրագրի, կարաոկե ակումբներում ամենահաճախ պատվիրվող ռուսալեզու երգը), «Երգչուհին և երաժիշտը» («Певица и музыкант»), «Բուք» («Вьюга»), գրվել են Դոլինայի վաղեմի ընկեր Վադիմ Լոտկինի և գրող Սերգեյ Սոկոլկինի կողմից։

2003 թվականից «Միասնական Ռուսաստան» կուսակցության անդամ[4]։

2007 թվականի նոյեմբերին, Պյոտր Չայկովսկու անվան Մոսկվայի կոնսերվատորիայի Մեծ դահլիճում կայանում է «Գերշվին Գալա»-ն («Гершвин Гала»)՝ հայտնի դաշնակահար Դենիս Մացուևի, նրա ջազային եռյակի և «Նովայա Ռուսսիա» Պետական սիմֆոնիկ նվագախմբի համերգը։ Լարիսա Դոլինան մասնակցություն է ունենում ներկայացմանը։ Նա կատարում է Ջորջ Գերշվինի մի քանի ջազային դասական գործեր[5]։

2010 թվականին մասնակցություն է ունենում «Գոլոսյաշի ԿիՎիՆ 2010» («Голосящий КиВиН 2010») փառատոնին, որպես ժյուրիի անդամ։

2010 թվականի մայիսի 14-ին, Խորհրդային Բանակի Թատրոնի բեմում կայանում է «Սեր և լրտեսություն» («Любовь и шпионаж») մյուզիքլի պրեմիերան, որում երգչուհին կատարում է միանգամից մի քանի դերեր։ Մաքսիմ Դունաևսկին մյուզիքլը ստեղծել էր հատուկ Լարիսա Դոլինայի համար։ Մյուզիքլը գրված է Ելենա Գրեմինայի «Օրվա աչքերը» («Глаза дня») պիեսի հիման վրա։ Լիբրետոն՝ Մաքսիմ Դունաևսկու, գրող Նիկոլայ Դենիսովի հետ համագործակցությամբ։ Լարիսա Դոլինայի խաղընկերն է հանդիսանում դերասան Դմիտրի Խառատյանը։


Aquote1.png Ես մյուզիքլը գրել եմ հատուկ Լարիսա Դոլինայի հաշվարկով, որովհետև համարում եմ, որ նա բացարձակապես յուրահատուկ երգչուհի է, ուրիշ այդպիսին չկա։ Նաև կա հատուկ առիթ՝ ներկայացումը ստեղծվում է հիանալի մենակատարուհու հոբելյանին։ Եվ ինձ, առանձնապես, հաճելի է, որ այդպիսի հանրահայտ արտիստուհին, ժողովրդականության հսկա փորձառությամբ, նաև նշանակալից տարեթվի նախօրյակին, նորից որոշում է առաջնաելույթ ունենալ՝ գլխավոր դերը կատարելով թատերական ներկայացման մեջ։

Մաքսիմ Դունաևսկի

Aquote2.png


2011 թվականի փետրվարի 27-ին Դոլինան մասնակցություն է ունենում հանրահայտ ջազային կատարող Էլ Ջերրոի մոսկովյան համերգին՝ Crocus City Hall-ում։ Նա կատարում է երկու երգ՝ դասական «Summertime»-ը և «Wonder Where You Are»-ը, իր «Hollywood Mood» ալբոմից։

2011 թվականի հուլիսին երգչուտին մասնակցություն է ունենում «Նոր Ալիք» («Новая волна») հերթական մրցույթին։ Փակման համերգին նա կատարում է «Մինչ քեզ» («До тебя») ստեղծագործությունը, որի խոսքերի հեղինակն է հանդիսանում ինքը։ Իսկ աստղերի համերգին՝ մրցույթային առաջին օրը, նա ներկայացնում է Թինա Թերների հանրահայտ «Private Dancer» երգի իր տարբերակը։

2011 թվականի հոկտեմբերի 15-ին, Կիրովում, կայանում է նոր՝ «Сны экстраверта», համերգային ծրագրի պրեմիերան, որը Դոլինան համարում է լավագույնը իր ստեղծագործական կյանքի ընթացքում։ 2012 թվականին երգչուհին, այդ ծրագրով, շրջագայում է Ռուսաստանի քաղաքներով և աշխարհով, խաղալով նաև «Սեր և լրտեսություն» մյուզիքլում։ Մյուզիքլի ցուցադրումը Մոսկվայում վերսկսվում է 2012 թվականի ապրիլի 6-ին, համարյա մեկ տարվա դադարից հետո։

2011 թվականի դեկտեմբերի 30-ին, Մոսկվայի Էստրադայի Թատրոնում, կայանում է, արդեն ավանդական դարձած, երգչուհու «Ամանորյա ջազ-կառնավալ» («Новогодний джаз-карнавал») ջազային համերգը՝ Իգոր Բուտմանի նվագախմբի հետ։

2012 թվականի փետրվարի 1-ին Դոլինան մասնակցություն է ունենում Լև Լեշչենկոյի հոբելյանական համերգին՝ Crocus City Hall համերգային դահլիճում։ Փետրվարի 24-ին՝ Կարմիր հրապարակում, տեղի է ունենում Ռուսաստանի և Կանադայի հավաքականների միջև խորհրդանշական մրցամարտ՝ նվիրված ԽՍՀՄ-Կանադա (1972 թվական) հավաքականների միջև խորհրդային և հյուսիսամերիկյան հոկեյիստների սուպերսերիայի 40-ամյակին։ Դոլինան կատարում է երկու երկրների՝ Ռուսաստանի և Կանադայի, օրհներգները։

2012 թվականի մայիսին Դոլինան «Сны экстраверта» ծրագրով ելույթ է ունենում ԱՄՆ-ում, որտեղ տալիս է երեք համերգ՝ Բոստոնում, Լաս Վեգասում և Նյու Յորքում։

2012 թվականի հունիսի 2-ին, ուղիղ եթերով, կայանում է երգչուհու ստեղծագործական երեկոն՝ «Մայակ» ռադիոկայանի (радио «Маяк») Մոսկվայի Մալի Նիկիտինսկի 24-ում գտնվող Մեծ համերգային ստուդիայում։ Լարիսան կատարում իր մի քանի ստեղծագործությունները՝ ինչպես ջազային, այնպես էլ, հանրաճանաչ երաժշտության՝ ներառյալ Կլոդ Ֆրանսի եզրափակիչ մենախոսությունը «Սեր և լրտեսություն» մյուզիքլից։

«Один в один» շոուի վեցերորդ մասում հանդիսանում էր ժյուրիի անդամ՝ Լյուբով Կազարնովսկու հետ միասին։

2013 թվականի ամռանը հարավիրվում է Առաջին Ալիքի «Բազմակողմանի արտիստ» («Универсальный артист») հեռուստանախագծին, որպես ժյուրիի անդամ, սակայն ցանկանում է մասնակցություն ունենալ շոուին և արդյունքում հաղթող է հռչակվում։

2015 թվականի մարտի 18-ին, Պուտինի հետ միասին, ելույթ է ունենում Մոսկվայի Կարմիր հրապարակում՝ Ղրիմի վերամիավորման տարեդարձին նվիրված հանդիսությունների ժամանակ։

Լարիսա Դոլինայի հատընտիր երգերը[խմբագրել | խմբագրել կոդը]

  • «Նազան յար» («Назан яр») (1974 թվական, հայերեն լեզվով)
  • «Կանչում եմ» («Канчумем») (ռուս. "Зову") (1974 թվական, հայերեն լեզվով)
  • «Երեք վարդ կամ սև-սպիտակ ճակատագիր» («Три розы или чёрно-белая судьба») (Վ. Լոտկին - Ս.Սոկոլկին)
  • «Երգչուհին և երաժիշտը» («Певица и музыкант») (Վ. Լոտկին - Ս.Սոկոլկին)
  • «Լիմոնիա երկիրը» («Страна Лимония») (երաժշտությունը և խոսքերը Սերգեյ Կատին)
  • «Կտեսնեմ, կճանաչեմ» («Увижу, узнаю»)
  • «Բուք» («Вьюга») (Վ. Լոտկին - Ս.Սոկոլկին).
  • «Նրանց համար ովքեր սպասում են» («Для тех, кто ждёт») (Պ. Աեդոնիցկի - Լ. Դերբենյով)
  • «Մի վերադարձիր» («Не возвращайся»)
  • «Ծաղիկներ ձյան տակ» («Цветы под снегом») (Կ. Բրեյտբուրգ - Կ. Կավալերյան) - զուգերգ Ալեքսանդր Պանայոտովի հետ
  • «Տխուր պատմություն» («Грустная история»)
  • «Սառցաբեկոր» («Льдинка») (երաժշտությունը և խոսքերը Վիկտոր Ռեզնիկովի)
  • «Դու ինձ երգիր» («Ты мне спой») - զուգերգ Դմիտրի Բիլանի հետ
  • «Հավատում եմ» («Верю я») (Կ. Կելմի - Կ. Կավալերյան) - Ռուսական էստրադայի աստղերի հետ
  • «Հայելի» («Зеркало») (Յու. Սաուլսկի - Ն. Դենիսով)
  • «Գարուն» («Весна»)
  • «Միայն դու» («Только ты») (Մ. Կաժլաև - Բ. Դուբրովին)
  • «Զապորոժեցը և Մերսեդեսը» («Запорожец и Мерседес»)
  • «Ալերգիա ստի հանդեպ» («Аллергия на ложь») (Ա. Լուկյանով - Ս. Սոկոլկին)
  • «Դեղին դևը» («Жёлтый дьявол») (Ի. Կորնելևիչ - Ի. Մամուշև)
  • «Սպիտակ պատ» («Белая стена»)
  • «Լավ աղջիկներ» կամ «Ընկերուհիների երգը» («Хорошие девчата» или «Песня подруг») (Ա. Պախմուտովա - Մ. Մատուսովսկի) - զուգերգ Իրինա Օտիևայի հետ
  • «Խոսքերն ավելորդ են» («Не надо слов»)
  • «Ես կարդում եմ քո մտքերը» («Я читаю мысли твои») (Ռ. Պաուլս - Ն. Զինովև)
  • «Ամեն ինչ լավ էր» («Всё было хорошо»)
  • «Դելտոպլան» («Дельтаплан») (Վ. Ռեզնիկով - Ա. Ռիմիցան)
  • «Պալմա դե Մալյորկա» («Пальма-де-Мальорка»)
  • «Շաղգամ» («Репка») (Վ. Սևաստյանով - Մ. Կլիմենկովա)
  • «Երկնային ժամացույցներ» («Небесные часы»)
  • «Երջանկություն քեզ, Երկիր» («Счастья тебе, Земля») (Յու. Սաուլսկի - Լ. Զավալնյուկ)
  • «Երկուսը» («Двое»)
  • «Ես թագուհի կլինեմ» («Буду я королевой») (Ա. Զացեպին)
  • «Պետք չէ, պետք չէ» («Не надо, не надо»)
  • «Պոեմ» («Поэма») (Ի. Նիկոլաև - Շ. Պետեֆի)
  • «Հին ծանոթ» կամ «Երկչոտ և ամաչկոտ» («Старый знакомый» или «Робкий и застенчивый») (Ա. Ուկուպնիկ - Կ. Կրաստոշևսկի)
  • «Սիրելի, բայց օտար» («Любимый, но чужой»)
  • «Նոր Տարի» («Новый год») (երաժշտությունը և խոսքերը Վիկտոր Ռեզնիկովի)
  • «Ուրիշին կգտնեմ» («Другого найду»)
  • «Էմիլիայի և Պանդոկապանի զուգերգ» («Дуэт Эмилии и Трактирщика») (Գ. Գլադկով - Յու. Կիմ) - զուգերգ Լ. Սերեբրեննիկովի հետ
  • «Առաջին հայացք» («Первый взгляд»)
  • «Կնոջ գաղտնիքը» «Загадка женщины» (Ե. Կռիլատվ - Լ. Դերբենյով)
  • «Ոչինչ չհասկացա» («Ничего не понял»)
  • «Տեմպ» («Темп») (Ա. Պախմուտովա - Ն. Դոբրոնրավով)
  • «Հաստատել, հավատալ պետք չէ» («Твердят, верить не надо») (Ա. Զացեպին) - զուգերգ Տատյանա Անցիֆերովայի հետ
  • «Մոլորված երջանկություն» («Заплутавшее счастье»)
  • «Մի մոռացիր» («Не забывай») (Յու. Սաուլսկի- Լ. Զավալնյուկ)
  • «Ես ֆուտբոլ չեմ սիրում» («Я не люблю футбол»)
  • «Հուլիս» («Июль») - անգլերեն լեզվով
  • «The land of Vietnamese» - անգլերեն լեզվով
  • «Հեռախոսագիրք» («Телефонная книжка») (երաժշտությունը և խոսքերը Վիկտոր Ռեզնիկովի)
  • «Անհասկանալի սեր» («Непонятная любовь»)
  • «Անուններ» («Имена») (Ե. Գոլովին - Յու. Գուրեև) - զուգերգ Եվգենի Գոլովինի հետ
  • «Շեկ տղան» («Рыжий парень»)
  • «Երաժշտություն» («Музыка») (Ի. Կրուտոյ - Կ. Կուլիև/Ն. Գրեբնև)
  • «Արև» («Солнышко») (Մ. Կաժլաև - Ռ. Ռոժդեստվենսկի)
  • «Աշնանային աստղ» («Осенняя звезда» («Звезда Рождества»)) (Դ. Մալիկով - Դ. Լյուբիմով) - զուգերգ Դմիտրի Մալիկովի հետ
  • «Քնկոտ գիշեր» («Сонная ночь»)
  • «Կատու-Գետաձի» («Кот-Бегемот») (Ա. Սամոյլով - Ի. Մամուշև)
  • «Կողմնակի, երիտասարդ, խենթ» («Посторонний, молодой, шальной»)
  • «Ուռենի» («Ивушка») - զուգերգ Նադեժդա Կադիշևայի հետ
  • «Տիպ Տոպ» («Тип-топ») (Ռ. Պաուլս)
  • «Ես առանց քեզ ես չեմ» («Я без тебя-не я») (Յու. Սաուլսկի - Լ. Զավալնյուկ)
  • «Նայիր աչքերիս մեջ» («Посмотри мне в глаза»)
  • «Ամեն ինչ կարող է լինել» («Всё может быть») (Վ. Դոբրինին - Լ. Ռուբալսկայա)
  • «Ջութակ» («Скрипка») - զուգերգ Վիկտոր Չայկայի հետ
  • «Օջախ» («Очаг») (Ա. Պախմուտովա - Ն. Դոբրոնրավով)
  • «Տրոլեյբուս № 2» («Троллейбус № 2»)
  • «Ռոքն ռոլի թագուհի» («Королева рок-н-ролла») (Դ. Տուխմանով - Յու. Էնտին)
  • «Սիրելի աղջիկս» («Дочка дорогая»)
  • «Երկու երազանք» («Две мечты») (Յու. Սաուլսկի - Ի. Շաֆերան)
  • «Ես քեզ սիրում եմ» («Я тебя люблю») - զուգերգ Սոսո Պավլիաշվիլու հետ
  • «Ուղղակի» («Просто»)
  • «Վարժվիր» («Привыкай») (Ա. Սամոյլով- Լ. Վորոնցովա)
  • «Երկու կես» («Две половинки»)
  • «Լուսնային մեղեդի» («Лунная мелодия») (Կ. Բրեյտբուրգ - Կ. Կավալերյան) - զուգերգ Ալեքսանդր Պանայոտովի հետ
  • «Երկարաձգված ցատկ» («Затяжной прыжок») (Վ. Սևաստյանով - Ա. Ռիմիցան)
  • «Օդեսսյան տանգո» («Одесское танго»)
  • «Ռուսական ճոճանակ» («Русские качели») (Մ. Դունաևսկի - Ն. Դենիսով) - զուգերգ Դմիտրի Խառատյանի հետ
  • «Իմ փոքրիկ» («Мальчик мой»)
  • «Կես» («Половинка») (Վ. Ռեզնիկով - Ա. Ռիմիցան)
  • «Տուր ինձ ձեռքդ» («Дай мне руку») - զուգերգ Ալեքսանդր Պանայոտովի հետ
  • «Վերածնված Ռուսաստան» («Россия, воскресе!») (Կ. Կելմի - Ա. Վոզնեսենսկի) - կատարվում է ռուսական աստղերի հետ՝ Կ. Կելմի, Օ. Զարուբինա, Ա. Գլիզին, Ի. Շվեդովա, Ի. Դեմարին

Երգեր Մ. Տանիչի խոսքերով[խմբագրել | խմբագրել կոդը]

  • «Բալենի» («Вишня») (Ե. Դոգա)
  • «Հյուրեր» («Гости») (Ռ. Գորոբեց)
  • «Արյան խումբ» («Группа крови») (Ռ. Գորոբեց)
  • «Դիետա» («Диета») (Ռ. Գորոբեց)
  • 1995 թվական - «Հաջողություն» («До свидания») (Ռ. Գորոբեց)
  • «Սերը սկսվում է հասարակ» («Любовь начинается просто») (Ե. Դոգա)
  • «Իմ խնդիրները» կամ «Խնդիր չկա» («Мои проблемы» или «Нет проблем») (Ա. Ուկուպնիկ)
  • «Մոսկվիչկա» («Москвичка») (Ռ. Գորոբեց)
  • «Կինոյի վերջին սեանսին» («На последнем сеансе кино») (Ե. Դոգա)
  • «Զրո աստիճան» («Ноль градусов») (Ռ. Գորոբեց)
  • 1997 թվական - «Նեղանում եմ» («Обижаюсь») (Ռ. Գորոբեց)
  • «Նեպտունի երգը» («Песня Нептуна») (Ե. Դոգա)
  • 1996 թվական - «Եղանակը տանը» («Погода в доме») (Ռ. Գորոբեց)
  • «Անցանք» («Проехали») (Ռ. Գորոբեց)
  • «Ներիր ինձ» («Прости меня») (Ա. Ուկուպնիկ)
  • «Ուղղակի տանգո» («Просто танго») (Ռ. Գորոբեց)
  • «Խանդիր ինձ» («Ревнуй меня») (Ռ. Գորոբեց)
  • «Ռեստորան» («Ресторан») (Ռ. Գորոբեց)
  • 1999 թվական - «Պատ» («Стена») (Ա. Ուկուպնիկ)
  • «Պարահրապարակ» («Танцплощадка») (Ե. Դոգա)
  • «Երրորդ զանգ» («Третий звонок») (Ռ. Գորոբեց)
  • «Դու իմ երազն ես» («Ты снишься мне») (Ռ. Գորոբեց)
  • «Ուզում եմ սիրելի լինել» («Хочу быть любимой») (Ռ. Գորոբեց)
  • «Նամակներ» («Письма») (Վ. Բիստրյակով)

Կրթություն[խմբագրել | խմբագրել կոդը]

  • 1984 թվական - Գնեսինի անվան Մոսկվայի երաժշտական ուսումնարան՝ էստրադային բաժանմունքի վոկալի դասարան։

Ընտանիք[խմբագրել | խմբագրել կոդը]

  • Հայրը - Ալեքսանդր Մարկովիչ Կուդելման - շինարար, ապակեգործ[6]։
  • Մայրը - Գալինա Իզրաիլևնա Կուդելման (օրիորդաց ազգանունը Դոլինա) - մեքենագրուհի։

Ծնողները մահացել են և թաղված են Օդեսայի հրեական գերեզմանատանը[7]։

  • Առաջին ամուսին - Անատոլի Միխայլովիչ Միոնչինսկի (ծնված 1946 թվականին)- ջազային երաժիշտ, «Սովրեմեննիկ» նվագախմբի նախկին երկրորդ խմբավար (1980-1987 թվականներ)[8][9]։
  • Դուստր - Անգելինա Անատոլևնա Միոչինսկայա (ծնված 1983 թվականին)։
  • Երկրորդ ամուսին - Վիկտոր Միտյազով - բաս-կիթառահար, պրոդյուսեր (1987 թվական - 1998 թվական մարտի 9)[10][11]։
  • Երրորդ ամուսին - Իլյա Սպիցին (ծնված.. 1968 թվականին[12]) - բաս-կիթառահար, պրոդյուսեր (1998 թվականից)[11]։
  • Թոռնուհի - Ալեքսանդրա (ծնված 2011 թվականի սեպտեմբերի 28)[13]։
  • Զարմուհի - Իրինա Ապեկսիմովա - դերասանուհի, Ռոման Վիկտյուկի թատրոնի տնօրեն։

Սկավառակագրություն[խմբագրել | խմբագրել կոդը]

Ստուդիական ալբոմներ[խմբագրել | խմբագրել կոդը]

  • 1986 թվական - Песня Нептуна (երգեր «Պարահրապարակ» գեղարվեստական ֆիլմից)
  • 1986 թվական - Затяжной прыжок (1984-1985 թվականների ձայնագրություն)[14]
  • 1988 թվական - Карточный домик. (Վիկտոր Ռեզնիկովի երգերը)ref>Discogs.com: «Карточный Домик. Песни Виктора Резникова» (1988)</ref>
  • 1989 թվական - Новый день
  • 1993 թվական - Льдинка
  • 1993 թվական - Прости меня
  • 1994 թվական - Привыкай к Ларисе Долиной
  • 1995 թվական - Долина в долине страстей
  • 1996 թվական - «Прощай»… нет «До свидания»
  • 1997 թվական - Погода в доме
  • 1998 թվական - Счастливая доля
  • 1999 թվական - Певица и музыкант
  • 2000 թվական - Эпиграф
  • 2000 թվական - По-новому жить
  • 2001 թվական - Новый год (Сингл)
  • 2002 թվական - Carnival of Jazz
  • 2003 թվական - Острова любви
  • 2004 թվական - Оттепель
  • 2006 թվական - Обожжённая душа
  • 2008 թվական - Hollywood Mood
  • 2009 թվական - Carnival of Jazz-2: No comments
  • 2010 թվական - Route 55
  • 2012 թվական - LARISA

Վիդեոալբոմներ[խմբագրել | խմբագրել կոդը]

  • 1987 թվական - «Вот и ты…» (Ֆիլմ համերգ Լարիսա Դոլինայի մասնակցությամբ)
  • 1995 թվական - «Осенняя звезда» - Դ. Մալիկովի հետ՝ Դմիտրի Լյուբիմովի խոսքերով, նոր երգի համատեղ կատարում
  • 1997 թվական - Погода в доме - VHS
  • 1999 թվական - Певица и музыкант - VHS
  • 2001 թվական - По-новому жить - VHS
  • 2004 թվական - Карнавал джаза - VHS/DVD
  • 2007 թվական - Юбилейный концерт в Кремле - DVD
  • 2009 թվական - Карнавал джаза-2: No comments - DVD

Աշխատանք կինոյում[խմբագրել | խմբագրել կոդը]

Ձայնավորում[խմբագրել | խմբագրել կոդը]

  • 1977 թվական - «Որսորդները» («Охотники») (մուլտֆիլմ)։
  • 1979 թվական - «Շատ կապույտ մորուք» («Очень синяя борода») (մուլիֆիլմ) - Վիվիանա և հետախույզի կին։
  • 2010 թվական - «Արքայադուստրը և գորտը» («Принцесса и лягушка») (մուլիֆիլմ) - հրաշագործուհի Մամա Օդի։

Վոկալ[խմբագրել | խմբագրել կոդը]

  • 1978 թվական - «Թավշյա սեզոն» («Бархатный сезон») - երգչուհու դեր, կատարում է «Չկայացած հանդիպում» («Несостоявшееся знакомство») (անգլերեն) երգը՝ Վեյլանդ Ռոդդի հետ։
  • 1978 թվական - «Սովորական հրաշք» («Обыкновенное чудо») - Էմիլիայի վոկալը «Ах, сударыня, вы, верно, согласитесь» երգում։
  • 1978 թվական - «31-ը հունիսի» («31 июня») - լեդի Նինետի վոկալը։
  • 1982 թվական - «Հրաշագոծները» («Чародеи») - Նինա Պուխովայի վոկալը «Երեք սպիտակ ձի» («Три белых коня») երգում։
  • 1982 թվական - «Կրկեսի արքայադոստրը» («Принцесса цирка») - Մարիի վոկալը։
  • 1983 թվական - «Մենք ջազից ենք» («Мы из джаза») - սևամորթ երգչուհի Կլեմենտինա Ֆերնանդեսի դերը։
  • 1984 թվական - «Դունաևսկու հետ» («Вместе с Дунаевским») (երաժշտական հառուստաֆիլմ) - վոկալ։
  • 1985 թվական - «Մահվան կոորդինատները» («Координаты смерти») - Կետ Ֆրենսիսի վոկալը «The land of Vietnamese» բալլադում։
  • 1985 թվական - «Ձմեռային երեկո Գագրայում» («Зимний вечер в Гаграх») - երգչուհի Իրինա Մելնիկովայի վոկալը
  • 1985 թվական - «Պարահրապարակ» («Танцплощадка») - Ժաննայի վոկալը (Լյուդմիլա Շավելի դերը)։
  • 1987 թվական - «Կործանված նավերի կղզին» («Остров погибших кораблей») - «Песня в баре»-ի վոկալը։
  • 1987 թվական - «Մարդը Կապուցինների բուլվարից» («Человек с бульвара Капуцинов») - «Հարրիի մոտ» կաբարեի երգչուհի Դիաննա Լիթլի վոկալը։
  • 1988 թվական - «Սպանել դևին» («Убить дракона») - Արքիվարիուսի դուստր Էլզայի վոկալը։
  • 1989 թվական - «Հուշանվեր փաստաբանի համար» («Сувенир для прокурора») - երգչուհի (կատարում է «Չորս եղբայր» երգը)։
  • 1990 թվական - «Ռոքն ռոլ արքայադստեր համար» («Рок-н-ролл для принцесс») - թագուհու վոկալը (Սվետլանա Նեմոլյաևայի դերը)։
  • 1991 թվական - «Ստվեր կամ Գուցե ամեն ինչ կանցնի» («Тень, или Может быть, всё обойдётся»)
  • 2000 թվական - «Բրեմենյան երաժիշտներ և Co» («Бременские музыканты & Co») - Ավազակապետուհու վոկալը
  • 2007 թվական - «Սեր-գազարը» («Любовь-морковь») - վոկալ «Perhaps» կադրից դուրս։

Դերեր կինոյում[խմբագրել | խմբագրել կոդը]

  • 1997 թվական - «Բուրատինոյի նորագույն արկածները» («Новейшие приключения Буратино») - Տորտիլա կրիան։
  • 2002 թվական - «Մոխրոտիկը» («Золушка») - կնքամայր փերին։
  • 2003 թվական - «С Новым годом! С новым счастьем!» - Աէլիտա Իվանովնա / Լարիսա Դոլինա։

Այլ[խմբագրել | խմբագրել կոդը]

  • 1995 թվական - «Հին երգեր գլխավորի մասին 1» («Старые песни о главном 1») (հեռուստաֆիլմ)։
  • 1996 թվական - «Հին երգեր գլխավորի մասին 2» («Старые песни о главном 2») (հեռուստաֆիլմ)։
  • 1997 թվական - «Հին երգեր գլխավորի մասին 3» («Старые песни о главном 3») (հեռուստաֆիլմ)։

Համերգային շրջագայություններ և այլ նախագծեր[խմբագրել | խմբագրել կոդը]

  • 1994 թվական - «Ինչ ուզում եմ, այն էլ երգում եմ» («Что хочу то и пою!»)
  • 1998-1999 թվական - «Երգչուհին և երաժիշտը» («Певица и музыкант»)
  • 2002-2003 թվական - «Ջազի փառատոն» («Карнавал Джаза»)
  • 2004-2005 թվական - «Հալեցում» («Оттепель»)
  • 2008-2010 թվական - «Ջազի փառատոն 2» («Карнавал Джаза-2»)
  • 2010 թվական - «Կրկին բենեֆիս» («Бенефис на бис»)
  • 2010-2013 թվականներ - «Սեր և լրտեսություն» («Любовь и шпионаж») (մյուզիքլ)
  • 2010-2013 թվականներ - «Մարդու երազները» («Сны экстраверта»)
  • 2013 թվական - «Չիկագո» («Чикаго») (մյուզիքլ)

Պարգևներ և մրցանակներ[խմբագրել | խմբագրել կոդը]

  • 1978 թվական - երկրորդ մրցանակ և դափնեկրի կոչում 11-րդ Համառուսական խորհրդային երգերի կատարման «Սոչի 78» մրցույթում։
  • 1979 թվական - Հատուկ մրցանակ Տալլինի էստրադային երգերի մրցույթում։
  • 1981 թվական - Գրան-պրի և չեխական երգի լավագույն կատարման մրցանակ Գոտվալդով (Չեխոսլովակիա) քաղաքի փառատոնում։
  • 1986 թվական - առաջին կարգի դիպլոմ «Տարվա երգ» փառատոնի եզրափակիչում։
  • 1991 թվական - «Երկրի լավագույն երգչուհի» տիտղոս Համամիութենական «Պրոֆի» մրցույթում։
  • 1993 թվական, հունիս - «Ռուսաստանի Վաստակավոր Արտիստուհի» կոչում[15]։
  • 1994 թվական - «Բյուրեղյա դելֆին» մրցանակ (Յալթայի համամիութենական մրցույթում)։
  • 1994 թվական - Ազգային երաժշտական «Օվացիա» մրցանակ «Լավագույն ռոք երգչուհի» անվանակարգում։
  • 1996 թվական - «Օվացիա» մրցանակ տարվա լավագույն մենակատարուհուն («Փոփ երաժշտություն» անվանակարգում)։
  • 1997 թվական - «Օվացիա» մրցանակ տարվա լավագույն ալբոմի համար («Եղանակը տանը»)։
  • 1997 թվական - «Ոսկե գրամոֆոն» «Եղանակը տանը» երգի համար։
  • 1998 թվական հունվարի 26 - «Ռուսաստանի Ժողովրդական Արտիստուհի» կոչում[3]։ я
  • 1998 թվական մարտի 5 - Ռուսաստանի Նախագահ Բորիս Ելցինը Կրեմլում շնորհավորում է Լարիսա Դոլինային «Տարվա կին» պատվավոր կոչմանն արժանանալու համար։
  • 1998 թվական մայիս - Ռուսաստանի ՆԳ Նախարարության մրցանակի դափնեկիր։
  • 1999 թվական, հունիս - «Հարյուր փութանոց հիթ» պարգև «Հիթ FM» ռադիոկայանից՝ «Պատահական անցորդ» երգի համար։
  • 2000 թվական - «Հարյուր փութանոց հիթ» պարգև՝ «Պետք չէ» երգի համար։
  • 2004 թվական - Ռուսաստանի բիզնեսի և ձեռնարկատիրության ակադեմիայի կանանց հաջողությունների հասարակական ճանաչման ազգային «Օլիմպիա» մրցանակ։
  • 2005 թվական - «Ոսկե գրամոֆոն» «Ծաղիկներ ձյան տակ» երգի համար։З
  • 2005 թվական - պարգևատրվում է «Փառքի շքանշանով»՝ երաժշտական մշակույթի զարգացման մեջ մեծ ավանդի համար[16]։

Գրականություն[խմբագրել | խմբագրել կոդը]

Աղբյուրներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Internet Movie Database — 1990.
  2. 2,0 2,1 Internet Broadway Database — 2000.
  3. 3,0 3,1 «Награждена указом президента России № 80 от 26 января 1998 года»։ Արխիվացված է օրիգինալից 2010-12-26-ին։ Վերցված է 2015-04-14 
  4. Виталий Иванов (31 марта 2003 года)։ «Партия власти критикует власть» (ռուսերեն)։ Ведомости, 2003, № 054։ Արխիվացված է օրիգինալից 2012-02-12-ին։ Վերցված է 2010-09-16 
  5. «Канал «Культура»: Джордж Гершвин Гала»։ Արխիվացված է օրիգինալից 2008-09-28-ին։ Վերցված է 2008-09-28 
  6. «Лариса Долина»։ Արխիվացված է օրիգինալից 2007-12-19-ին։ Վերցված է 2015-04-14 
  7. «Подруга Долиной рассказала о мужьях и любовниках певицы»։ Արխիվացված է օրիգինալից 2014-10-22-ին։ Վերցված է 2015-04-14 
  8. Повторение пройденного &#149 Новости, анонсы • НАТАЛИ(չաշխատող հղում)
  9. «Лариса Долина разводится с мужем»։ Արխիվացված է օրիգինալից 2010-04-14-ին։ Վերցված է 2015-04-14 
  10. name=autogenerated1
  11. 11,0 11,1 name=autogenerated2
  12. Вслед за Малаховым заразился заразой муж Ларисы Долиной
  13. Лариса Долина стала бабушкой
  14. Discogs.com: «Затяжной Прыжок»
  15. «УКАЗ Президента РФ от 16.06.1993 N 925 "О ПРИСВОЕНИИ ПОЧЕТНОГО ЗВАНИЯ «ЗАСЛУЖЕННЫЙ АРТИСТ РОССИЙСКОЙ ФЕДЕРАЦИИ»»։ Արխիվացված է օրիգինալից 2013-12-15-ին։ Վերցված է 2015-04-14 
  16. «Указ Президента Российской Федерации от 6 сентября 2005 года № 1057 «О награждении орденом Почёта Долиной Л. А.»»։ Արխիվացված է օրիգինալից 2013-12-20-ին։ Վերցված է 2015-04-14