Դաշթե Քևիր

Վիքիպեդիայից՝ ազատ հանրագիտարանից
Jump to navigation Jump to search
Դաշթե Քևիր
دشت كوير
Dasht-e Kavir 2, Iran.JPG
Կոորդինատներ34°44′15.2″ հս․ լ. 54°49′37.56″ ավ. ե. / 34.737556° հս․. լ. 54.8271000° ավ. ե. / 34.737556; 54.8271000Կոորդինատներ: 34°44′15.2″ հս․ լ. 54°49′37.56″ ավ. ե. / 34.737556° հս․. լ. 54.8271000° ավ. ե. / 34.737556; 54.8271000
ԲԾՄ600-800 մ
Երկարություն800 կմ
Լայնություն550 կմ
Մակերես77600 կմ2
##Դաշթե Քևիր (Իրան)
PlainIcon.gif

Դաշթե Քևիր, (պարս․՝ دشت كوير‎, բառացի՝ ցածրավայր «դաշթ»՝ դաշտ, հովիտ, «քևիր»՝ ցածր) կամ Քևիրե Նամաք (պարս․՝ کویر نمک‎, բառացի՝ աղի իջվածք), լայնարձակ անապատ Իրանական բարձրավանդակի կենտրոնական մասում: Երկարությունը հասնում է մինչև 800 կմ, իսկ լայնությունը՝ 320 մետրի: Տարածքը 77,600 կմ2 է. այդ ցուցանիշով այն 26-րդն է աշխարհում: Անապատը հյուսիս-արևմուտքում հասնում է Էլբրուսի լեռնաշղթային, հարավ-արևելքում՝ Դաշթե Լութ անապատին: Տարածքային առումով գտնվում է հինգ նահանգների սահմաններում՝ Հարավային Խորասան, Սեմնան, Թեհրան, Սպահան և Յազդ:

Անապատը կազմված է անհոսք իջվածքներից (բարձրությունը 600—800 մ)՝ մասնատված ոչ բարձր լեռնաթմբերով։ Իջվածքների հատակը ծածկված է աղուտներով, չորացող աղային ճահիճներով։ Հազվադեպ անձրևների ժամանակ հարթավայրը վերածվում է ցեխալճերի։ Բուսական աշխարհից զուրկ է։ Դաշթե Քևիրի եզրամասերում կան մի քանի օազիսներ՝ «կանաչ կղզյակներ»։

Առանձնաhատկություններ[խմբագրել | խմբագրել կոդը]

Անապատի կենտրոնում գտնվում է «Քևիր Բոզորգը» (պարս․՝ كوير بزرگ‎` Մեծ Քևիր), որն ունի մոտ 320 կմ երկարություն և 160 կմ լայնություն: Արևմտյան մասում գտնվում է «Դարյաչե Նամաքը» (պարս․՝ دریاچه نمک‎՝ աղի լիճ, 1800 կմ2, որը պարունակում է խոշոր աղի թիթեղներ:

Ծանոթագրություններ[խմբագրել | խմբագրել կոդը]


Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 350 CC-BY-SA-icon-80x15.png