Բիլբո Բեգինս

Վիքիպեդիայից՝ ազատ հանրագիտարանից
Բիլբո Բեգինս
Bilbo.Baggins.jpg
Տեսակ հոբիթ
Հեղինակ Ջոն Ռոնալդ Ռուել Թոլքին
Ստեղծագործություն «Հոբիթ կամ գնալն ու գալը»
Առաջին հիշատակում «Հոբիթ կամ գնալն ու գալը»
Ներկայացված է Հոբիտ կամ գնալն ու գալը և Մատանիների տիրակալը
Մասն է Բեգինս ընտանիքի
Սեռ արական
Ազգություն հոբիթ
Քաղաքացիություն Շիր
Բնակության վայր Շիր
Ռիվենդել
Հրարած տիեզերքից Տոլկինի լեգենդարիում
Տարիք անհայտ
Ծննդյան տարեթիվ Ե. Դ. 2890 թվականի սեպտեմբերի 22
Ծննդավայր Շիր
Մահվան տարեթիվ անհայտ
Ընտանիք Բունգո Բեգինս (հայր)
Բելադոննա Տուկ (մայր)
Երեխաներ չունի
Դերը կատարել են Իեն Հոլմ
Մարտին Ֆրիմեն
Երկիր Միջերկիր
Middle-earth Վիքիպահեստում

Բիլբո Բեգինս (անգլ.՝ Bilbo Baggins, թարգմանության այլ տարբերակներ՝ Թորբինս, Սումկինս, Սումնիկս, Քաթոմկինս), հոբիթ, Ջոն Ռոնալդ Ռուել Թոլքինի «Հոբիթ կամ գնալն ու գալը» ստեղծագործության գլխավոր հերոսը, «Մատանիների տիրակալը» եռերգության հերոսներից մեկը՝ Ֆրոդո Բեգինսի քեռին։

Կենսագրություն[խմբագրել | խմբագրել կոդը]

Ըստ հեղինակային մտահղացման՝ ի սկզբանե Բիլբոն բավականին պատկառելի հոբիթ էր՝ հարգված ընտանիքից։ Հետագայում նա լրիվ կորցնում է իր հեղինակությունը, քանի որ զբաղվում էր պատկառելի հոբիթի համար բոլորովին անպարկեշտ գործերով, ինչպես՝ ճանապարհորդելը, էլֆերի և թզուկների հետ ընկերանալը, բանաստեղծություններ գրելը։ Չնայած՝ ինքն այդքան էլ չէր ափսոսում դրա համար՝ մանավանդ, որ այդ ընթացքում շատ ոսկի էր վաստակել։

Առաջին անգամ Բիլբոն հայտնվում է «Հոբիթ կամ գնալն ու գալը» ստեղծագործության մեջ, որտեղ պատմվում է այն մասին, թե ինչպես է նա Ե. Դ. 2941 թվականին Գենդալֆ Մոխրագույնի շնորհիվ միանում է թզուկների մի խմբի և ուղևորվում Էրեբորի ազատագրմանը։ Միեւնույն ժամանակ՝ այս արշավի ընթացքում Բիլբոն անընդհատ փրկում է թզուկներին տարբեր վտանգներից։ Այդ ժամանակ նա գտնում է իր զենքը՝ Ժալո թուրը, որը հանձնում է զարմիկին՝ Ֆրոդոյին։

Մառախլապատ լեռներից անցնելիս Բիլբոն հանդիպում է Գոլլումին և քարանձավում գտնում է Համիշխանության մատանին: Ի վերջո թզուկների արշավն ավարտվում է հաջողությամբ, սակայն մահանում են Թորինը և նրա զարմիկներ՝ Ֆիլին և Կիլին: Լեռան ազատագրումից հետո Բիլբոն վերադառնում է տուն՝ արևմուտք, հսկայական հարստությամբ, ետ է գնում իր հարստության մեծ մասը, որը վաճառքի էր հանվել իր բացակայության ժամանակ։ Հետագա 60 տարիների ընթացքում ապրում է խաղաղ և հանգիստ կյանքով։

Երկրորդ անգամ Բիլբոն հայտնվում է «Մատանիների տիրակալը» եռերգության էջերում։ Ապրելով հոբիթի համար ոչ սովորական երկար կյանք՝ Բիլբոն իր 111-րդ ծննդյան օրվա ժամանակ որոշում է հեռանալ Շիրից եւ այցելել իր հին ընկերներին։ Նա սկսում է ապրել Ռիվենդելում՝ Էլրոնդի դղյակում։ Մատանին մնում է Ֆրոդոյի մոտ, որին հետագայում վիճակված է ոչնչացնել այն[1]: Իսկ Բիլբոն՝ իր կյանքի 132-րդ տարում լքում է Միջերկիրը և Ֆրոդոյի, Գենդալֆի և էլֆերի հետ հեռանում դեպի Ծով։

Ըստ Թոլքինի՝ Բիլբոն «Կարմիր Գրքի» առաջին մասի («Գնալն ու գալը») և մի շարք բանաստեղծությունների, երգերի և թարգմանությունների հեղինակ է։

Բիլբոյի բնակարանը[խմբագրել | խմբագրել կոդը]

Բիլբոյի տունը տիպիկ հոբիթային խրճիթ է, որը կառուցվել է նրա հոր կողմից՝ Բիլբոյի մոր համար և որպես ժառանգություն անցել է որդուն։

Խրճիթի դուռն ուներ արտասովոր կլոր տեսք և ներկված էր կանաչ գույնով։ Դուռը բացվում էր միջանցքի մեջ, որը թումելի նման էր, սակայն շատ հարմարավետ էր ու մաքուր։ Այն զարդարված էր գորգերով, կահավորված՝ աթոռներով և բազմաթիվ կախիչներով, քանի որ Բիլբոն հաճախ էր հյուրերի ընդունում։ Նրա տան բոլոր սենյակները տեղադրված էին առաջին հարկում՝ ննջասենյակները, սանհանգույցը, միջանցքը, խորդանոցները, հանդերձարանը, խոհանոցը, հյուրասենյակը։

Ծնողներ[խմբագրել | խմբագրել կոդը]

Բունգո Բեգինս, Բիլբոյի հայրը։ Շատ հարգված, պահպանողական հոբիթ՝ մաքուր համբավով, բոլորովին զուրկ որևէ տարօրինակություններից։ Մի քանի բառով հիշատակված է «Հոբիթ կամ գնալն ու գալը» գրքում։ Ամուսնացած էր Բելադոննա Տուկի հետ։

Բելադոննա Բեգինս Տուկ, Բիլբոյի մայրը, Բունգոյի կինը։ Նրա մասին առաջին հիշատակմանը հանդիպում ենք «Հոբիթ կամ գնալն ու գալը» գրքում։ Բելադոննան Մեծ Տուկի երեք դուստրերից մեկն էր։ Տուկերը Ջրի մյուս կողմում ապրող հոբիթների ղեկավարներն էին։ Փաստորեն Բիլբոն մորական կողմով հեռու բարեկամ է Պերեգրին Տուկի հետ։

Հաճախ հիշատակվում է, որ Բիլբոն շատ նման էր հորը, սակայն մորից ժառանգել էր թաքնված հակում դեպի արկածախնդրությունը։

Անվան թարգմանություններ[խմբագրել | խմբագրել կոդը]

Անունը և ազգանունը տարբեր լեզուներով թարգմանվում է տարբեր կերպ.

Հիշատակումներ[խմբագրել | խմբագրել կոդը]

Գրականության մեջ[խմբագրել | խմբագրել կոդը]

Կինոյում[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Братство Кольца», книга I, глава 2 «Тень прошлого».
  2. White James (22 October 2010)։ «Martin Freeman Confirmed As Bilbo!»։ Empire։ Արխիվացված օրիգինալից-ից 2012-06-01-ին։ Վերցված է 28 November 2010 

Արտաքին հղումներ[խմբագրել | խմբագրել կոդը]