Արագորն

Վիքիպեդիայից՝ ազատ հանրագիտարանից
Jump to navigation Jump to search
Արագորն
Aragorn.png
Տեսակ men in Tolkien's legendarium
Հեղինակ Ջոն Ռոնալդ Ռուել Թոլքին
Ստեղծագործություն «Մատանիների տիրակալը»
Առաջին հիշատակում «Մատանիների տիրակալը»
Ներկայացված է Մատանիների տիրակալը
Սեռ արական
Ազգություն մարդ
Բնակության վայր Էրիադոր, Ռիվենդել
Հրարած տիեզերքից Տոլկինի լեգենդարիում
Տարիք 210
Ծննդյան տարեթիվ Ե. Դ. 2931 թ. մարտի 1
Մահվան տարեթիվ Չ. Դ. 210 թ.
Ընտանիք Արվեն
Երեխաներ Էլդարիոն
Մականուն Օտարական, Իսիլդուրի հաջորդ, Տելկոնտար, Թափառաշրջիկ, Դունադան, Թորոնգիլ, Էստել
Կոչում արքա
Պաշտոն Գոնդորի և Արնորի Միացյալ Թագավորության արքա
Դերը կատարել են Վիգգո Մորտենսեն
Aragorn Վիքիպահեստում

Արագորն (սինդ․ Aragorn), Ջոն Ռոնալդ Ռուել Թոլքինի «Մատանիների տիրակալը» վեպի գլխավոր հերոսներից մեկը, Գոնդորի և Արնորի Միացյալ Թագավորության առաջին արքան։

Անուններն ու մականունները[խմբագրել | խմբագրել կոդը]

Սինդարինում Արագորնը նշանակում է «պաշտելի արքա» (revered king)։

Օտարական/Թափառաշրջիկ անգլ.՝ Strider, մականուն, որը տվել էին Արագորնին հյուսիսային Միջերկրի բնակիչները, երբ նա հետախույզների առաջնորդն էր։

Դունադան (Dúnadan), այսպես էին անվանում նրան Ռիվենդելում:

Թորոնգիլ (Thorongil), անուն, որը օգտագործել է Արագորնը 2957-2980 թթ.: Այն նշանակում է Աստղային Արծիվ։

Էստել, այսպես էր նրան կոչում Էլրոնդը մանուկ հասակում։ Այսպես Արագորնին անվանեցին մինչև քսան տարեկանը, երբ նա իմացավ իր իրական անունը։ Էլֆերենից թարգմանաբար նշանակում է «հույս»:

Կենսագրություն[խմբագրել | խմբագրել կոդը]

Ծնունդը և մանկությունը[խմբագրել | խմբագրել կոդը]

Արագորն 2-րդը (անվանվել է ի պատիվ իր նախորդներից Արագորն 1-ինի) Արատորն 2-րդի և Գիլրաէնի որդին, ծնվել է Ե. Դ. 2931 թ.-ի մարտի 1-ին։ Արագորն 2-րդը Իսիլդուրի 39-րդ ժառանգն էր, Մատանու պատերազմից հետո՝ Գոնդորի և Արնորի Միացյալ Թագավորության արքան։ Արվենի ամուսինը, Էլդարիոնի և մի քանի աղջիկների հայրը։

Երբ Արագորնը երկու տարեկան էր, նրա հորը սպանեցին օրկերը: Նա մեծանում է Ռիվենդելում, Էլրոնդի մոտ։ Նրա մոր ցանկությամբ, գաղտնի էր պահվում նրա ինքնությունը, նույնիսկ իրենից, մինչև՝ Ե. Դ. 2951 թ.:

Գործունեությունը մինչև Մատանու պատերազմը[խմբագրել | խմբագրել կոդը]

20 տարեկանում Արագորնը իմանում է իր իսկական անունը։ Նույն թվականին Արագորնը հանդիպում է և սիրահարվում Արվենին, Էլրոնդի 2700-ամյա դստերը։ Նրա հետ խոսակցությունից հետո Արագորնը 30 տարով լքում է Ռիվենդելը:

Ե. Դ. 2956 թ. հանդիպում է Գենդալֆին և ընկերանում նրա հետ։

2980 թ. նա նորից հանդիպում է Արվենին, որը հրաժարվում է իր անմահ կյանքից հանուն Արագորնի։ Էլրոնդը, վախենալով, որ նրանց ամուսնությունից հետո այլևս դստերը չի տեսնի, պայման է կապում Արագորնի հետ, որ նրանք կամուսնանան միայն այն դեպքում, երբ Արագորնը կդառնա Արնորի և Գոնդորի արքան։

Մասնակցությունը Մատանու պատերազմին և գահին հաստատվելը[խմբագրել | խմբագրել կոդը]

Ե. Դ. 3018-3019 թթ. Արագորնը մասնակցեց Մատանու պատերազմին: 3018 թ. նա դարձավ Մատանու եղբայրության անդամ։ Բոռոմիրի մահից հետո նա Լեգոլասի և Գիմլիի հետ ուղևորվում է ազատելու գերի հոբիտներին։

Ե. Դ. 3019 թ. մայիսի 1-ից սկսած՝ Գոնդորի և Արնորի Միացյալ Թագավորության արքա։ Նույն թվականին ամուսնացավ Արվենի հետ և ապրեց նրա հետ 120 տարի։

Մահացավ Չ. Դ. 120 թ.: Նրան հաջորդեց իր որդի Էլդարիոնը:

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Королёв К. Энциклопедия «Толкин и его мир». — Москва: Локид-Пресс, 2005. — С. 29. — 494 с. — 7100 экз. — ISBN 5-98601-018-3