Բանավեճ (իտալ.՝ La disputa del sacramento), Ռաֆայելիֆրեսկո աշխատանքներից, ստեղծված 1509 և 1510 թվականների միջև։ Սա ֆրեսկոներից առաջինն էր Վատիկանում պապական պալատի տարածքը նկարազարդելու համար, որը հետագայում հայտնի դարձավ որպես Ռաֆայելի խարան։ «Բանավեճը» պատկերվել է Դելլա Սենյատուրայում (Stanza della Segnatura), որն այն ժամանակ եղել է անձնական պապական գրադարանը, որտեղ անցկացվել են գերագույն տրիբունալները[1]։
Ֆրեսկոյում նկարագրված գործողությունը տեղի է ունենում միանգամից երկրի և երկնքի վրա։ Վերևի կիսահատվածում Քրիստոս նստած է Սուրբ Մարիամ Աստվածածնի և Հովհաննես Մկրտչի հետ, կողմերից շրջապատված աստվածաշնչյան կերպարների` Ադամի, Հակոբի, Մովսեսի և ուրիշների կողմից։ Հիսուսի վերևում պատկերված է Հայր Աստվածը` երկնքի ոսկե փայլի ֆոնին, Հիսուսի ոտքերի մոտ` Սուրբ Հոգին։ Նրանցից ներքև` մասնատուփով զոհասեղանը։