Բայրաքթար ՏԲ2
| Բայրաքթար ՏԲ2 | |
|---|---|
 | |
| Տեսակ | թռչող սարքի մոդել և թռչող ապարատների ընտանիք |
| Ենթատեսակ | անօդաչու մարտական ինքնաթիռ |
| Օգտագործվում է ինչպես | օդային հետախուզություն |
| Արտադրող | Baykar Makina ընկերություն[1] |
| Առաջին թռիչք | 2009 |
| Շահագործողներ | Թուրքիայի զինված ուժեր[2], Ուկրաինայի զինված ուժեր[2], Qatar Armed Forces?[2], Ադրբեջանի զինված ուժեր[2] և Armed Forces of the Kyrgyz Republic?[2] |
 Bayraktar TB2 Վիքիպահեստում | |
Բայրաքթար ՏԲ2 (թուրքերեն՝ Bayraktar TB2, թարգմանաբար՝ դրոշակակիր), թուրքական արտադրության հարվածային տակտիկական միջին բարձրության, երկար թռիչքի տևողությամբ անօդաչու թռչող սարք (ԱԹՍ)։ Նախագծում և արտադրում է «Baykar Makina» ընկերությունը[3]։
Պատմություն[խմբագրել | խմբագրել կոդը]
Անօդաչու թռչող սարքի նախագծումը սկսվել է 2000-ականներին ՝ «Baykar Makina» ընկերության կողմից։ ՏԲ2-ը հիմնված է ավելի վաղ արտադրված Բայրաքթար ՏԲ1 տարբերակի վրա, որն առաջին անգամ գործարկվել է 2009 թվականին։
Առաջին թռիչքը տեղի է ունեցել 2014 թվականին[4]։ 2014 թվականի հունիսին և օգոստոսին «Բայրաքթար ՏԲ2»-ը տակտիկական միջին բարձրության դասի անօդաչու թռչող սարքերի թռիչքի տևողության համաշխարհային ռեկորդ է սահմանել՝ 8 կմ բարձրության վրա մնալով 24 ժամ 34 րոպե[5]։
«Բայրաքթար ՏԲ2» անօդաչու թռչող սարքն իր մարտական մկրտությունը ստացել է 2014 թվականին Թուրքիայի արևելքում իրականացված մարտական գործողությունների ժամանակ։
Տեխնիկական բնութագիր[խմբագրել | խմբագրել կոդը]
«Բայրաքթար ՏԲ2»-ը հանդերձված է Rotax 912 ներքին այրման շարժիչով, կորպուսը պատրաստված է կոմպոզիտային նյութերից և հագեցած է ավտոմատ թռիչքի և վայրէջքի համակարգով։
-
Բայրաքթար ՏԲ2
-
Դրոնը նախագծողների խումբը
-
Դրոնի ղեկավարման կենտրոն. մոդելի կտրվածք
-
UMTAS հրթիռներ «Զենք և անվտանգություն» զենքի ցուցահանդեսում։ Կիև, 2017
Սպառազինություն[խմբագրել | խմբագրել կոդը]
«Բայրաքթար ՏԲ2»-ը կարող է կրել կառավարվող հակատանկային հրթիռներ և օդային ռումբեր։ 2015 թվականի դեկտեմբերին տեղի են ունեցել UMTAS հրթիռների փորձարկումները[8]։
«Բայրաքթար ՏԲ2»-ը չորս կախոցներով, կարող է օդում մնալ ավելի քան 12 ժամ։ Սա թույլ է տալիս իրականացնել մշտական օդային հերթապահություն և թիրախները որոշելուց հետո արագորեն շարժվել դեպի առաջնագիծ՝ հրթիռներ արձակելու համար։ Արձագանքի ժամանակը շատ ավելի կարճ է, քան ավիացիայինը, ինչը հնարավորություն է տալիս արդյունավետ խոցել այն թիրախներ, որոնք հասանելի են միայն կարճ ժամանակային հատվածում։
Մարտական օգտագործում[խմբագրել | խմբագրել կոդը]
- 2016 թվականին պաշտոնական տեղեկատվություն է հայտնվել քրդական ստորաբաժանումների դեմ ATGM UMTAS-ով անօդաչու թռչող սարքի հաջող մարտական օգտագործման մասին[9]։
- 2019 թվականին Լիբիայում «Բայրաքթար ՏԲ2»-ը օգտագործվել է Հաֆթարի բանակի դեմ[10]։
- «Բայրաքթար ՏԲ2» անօդաչու թռչող սարքերը լայնորեն օգտագործվել են 2020 թվականի փետրվարին Սիրիայի Իդլիբ նահանգում[11] Սիրիայի Հանրապետության կառավարական ուժերի և կառավարությանը հավատարիմ այլ ռազմական կազմավորումների դեմ։
- «Բայրաքթար ՏԲ2» անօդաչու թռչող սարքերը օգտագործել է Ադրբեջանը 2020 թվականի սեպտեմբերի 27-ին սկսված հայ-ադրբեջանական պատերազմում՝ Հայաստանի և Արցախի սահմաններում[12]։
- «Բայրաքթար ՏԲ2» անօդաչու թռչող սարքերը ներկայումս օգտագործվում են Ուկրաինայի ԶՈւ կողմից ռուս-ուկրաինական հակամարտության շրջանակներում։
Ծանոթագրություններ[խմբագրել | խմբագրել կոդը]
- ↑ https://twitter.com/afpfr/status/1499333763976679429
- ↑ 2,0 2,1 2,2 2,3 2,4 https://www.defensenews.com/unmanned/2020/06/25/azerbaijan-to-buy-armed-drones-from-turkey/
- ↑ Турецкий ударный беспилотник Bayraktar TB2
- ↑ Bayraktar TB2
- ↑ Україна купує турецькі ударні БПЛА
- ↑ Турецкий ударный БПЛА «Bayraktar TB2»
- ↑ Այվազյան Միլենա։ «Ուկրաինան ստացել է թուրքական «Բայրաքթար» հարվածային ԱԹՍ–ները»։ Վերցված է 2020-09-30
- ↑ Turkish UMTAS Missile Dropped From a Bayraktar Tactical Drone
- ↑ «Թուրքիայի զինուժը ընդլայնում է անօդաչու թռչող սարքերի օգտագործումը»։ Արխիվացված է օրիգինալից 2019-05-18-ին։ Վերցված է 2020-09-30
- ↑ Libya: Turkish-made Bayraktar TB2 UAV seen at the GNA-held airbase
- ↑ «Գործողություն Spring Shield» թուրքական գործողության ընթացքում Էրդողանը հանձնեց M4 մայրուղին զինադադարի համար
- ↑ «Արցախին հարվածող «Բայրաքթարները» Էրդողանի ընտանեկան բիզնեսն են»։ mediamax.am (անգլերեն)։ Վերցված է 2020-09-30
Արտաքին հղումներ[խմբագրել | խմբագրել կոդը]
- Նոր Բայրաքթարներն արդեն Ուկրաինայում են. Ռեզնիկով
- Военные новости: Турция стремительно развивает индустрию военных беспилотников Archived 2019-11-04 at the Wayback Machine. (ռուս.)
- The Intercept (США): вторая эра дронов Archived 2020-03-05 at the Wayback Machine. (ռուս.)
- Турция превратилась в секретную державу беспилотников (ռուս.)
- Review(անգլ.)
| ||||||||||||||||||||||||||||||||||