RQ-5 Hunter

Վիքիպեդիայից՝ ազատ հանրագիտարանից
Jump to navigation Jump to search
RQ-5 Hunter
Hunter RQ-5.jpg
ԱՄՆ բանակի Hunter RQ-5 ԱԹՍ
Տեսակ ԱԹՍ
Ենթատեսակ հետախուզական
Ստեղծող Israel Aerospace Industries
Արտադրող Իսրայել IAI / Ամերիկայի Միացյալ Նահանգներ Northrop Grumman
Առաջին թռիչք մարտ 1991
Շահագործման սկիզբ 1995
Շահագործման ավարտ 2015
Կարգավիճակ 2015-ից չի կիրառվում
Շահագործողներ ԱՄՆ բանակ
IAI RQ-5 Hunter Վիքիպահեստում
Hunter RQ-5 ԱԹՍ-ն Իսրայելի Հացերիմ Օդուժի թանգարանում

IAI RQ-5 Hunter (թարգմանաբար՝ Որսորդ), հետախուզական ԱԹՍ, նախագծվել է իսրայելական Israel Aircraft Industries կազմակերպությունների կողմից, և նախատեսվել է օգտագործել ԱՄՆ բանակի կողմից։

Շահագործում[խմբագրել | խմբագրել կոդը]

1995 թվականին ԱՄՆ բանակի առաջին ստորաբաժանումը ստացավ RQ-5 Hunter տեսակի ԱԹՍ-ներ։ 1999 թվականին այս սարքերը ակտիվորեն կիրառվել են Մակեդոնիայի Հանրապետությունից իրականացվող ՆԱՏՈ-ի գործողություններում Կոսովոյի տարածքում։ 7 ամիս տևած գործողությունների ընթացքում Hunter ԱԹՍ-ները օդում են եղել ընդհանուր առմամբ 4000 ժամ։ Հետագայում ԱԹՍ-ն օգտագործվել է նաև Իրաքում և այլ մարտական գործողություններում։ Այս ԱԹՍ-ները օգտագործվել են նաև որպես հարվածային միջոցներ, նրանց վրա ավելացնելով ռումբեր։ ԱԹՍ-ի մարտական տարբերակը ունի MQ-5A/B նշանակումը[1]։

2004 թվականին, Hunter տեսակի ԱԹՍ-ներ կիրառվել են ԱՄՆ սահմանների հսկողություն իրականացնելիս։ Այս ծրագրի իրականացման ժամանակ Hunter ԱԹՍ-ները օդում են եղել ընդհանուր առմամբ 329 ժամ, որի արդյունքում կատարել են 556 հայտնաբերումներ[2]։

2012 թվականի հոկտեմբերի դրությամբ ԱՄՆ բանակը ուներ 20 հատ MQ-5B Hunter ԱԹՍ-ներ։ ԱԹՍ-ների շահագործումից հանումը նախատեսվում էր 2013 թվականին[3], սակայն Northrop-ը ստացավ այս ԱԹՍ-ների սպասարկման նոր պայմանագիր[4], որը թույլ տվեց շարունակել կիրառել Hunter տիպի ԱԹՍ-ները 2014 թվականի ընթացքում[5]։

1996-ից 2014 թվականը MQ-5B Hunter ԱԹՍ-ները ԱՄՆ բանակի կազմում իրականացրել են ընդհանուր առմամբ 100000 ժամ թռիչք[6]։

2014 թվականի մարտի 14-ին հայտարարվեց RQ-5 տեսակի ԱԹՍ-ի ոչնչացման մասին Ղրիմի ինքնապաշտպանական ուժերի կողմից հանրապետության օդային տարածքում[7], չնայած, որ Ռուսաստանը ժխտում է այս լուրը, ինչպես և Պենտագոնը ժխտում է այս տարածքում իրականացված թռիչքների փաստը[8]։

2015 թվականի դեկտեմբերի 16-ին Ֆորտ Հութում տեղի ունեցավ Hunter ԱԹՍ-ի վերջին թռիչքը ԱՄՆ բանակի կազմում։

ԱՄՆ բանակը Hunter-ի փոխարեն սկսեց օգտագործել ավելի մեծ և հզոր MQ-1C Grey Eagle ԱԹՍ-ները[9]։

Միջազգային օգտագործում[խմբագրել | խմբագրել կոդը]

1998 թվականի Բելգիայի ռազմաօդային ուժերը գնել են 6 B-Hunter ԱԹՍ համակարգեր և երկու վերգետնյա կառավարման կենտրոններ[10]։

Տակտիկա-տեխնիկական առանձնահատկություններ[խմբագրել | խմբագրել կոդը]

RQ-5 Hunter (drawing).png
  • Երկարությունը՝ 7,01 մ
  • Թևերի բացվածքը՝ 10,57 մ
  • Բարձրությունը՝ 1,9 մ
  • Օգտակար բեռի զանգվածը՝ 90 կգ
  • Առանց բեռի զանգվածը՝ 727 կգ
  • Առավելագույն թռիչքային զանգվածը՝ 885 կգ

Թռիչքային առանձնահատկություններ[խմբագրել | խմբագրել կոդը]

  • Առավելագույն արագությունը՝ 167 կմ/ժ
  • Թռիչքի առավելագույն տևողությունը՝ 21 ժամ
  • Թռիչքի հեռավորությունը՝ 125 ժամ
  • Գործնական թռիչքի առավելագույն բարձրությունը՝ 5500 մ

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]