Առնոլդ Բյոկլին

Առնոլդ Բյոկլին; գերմ.՝ Arnold Böcklin
Ծնվել է	հոկտեմբերի 16, 1827[…]
Ծննդավայր	Բազել, Շվեյցարիա
Վախճանվել է	հունվարի 16, 1901[…] (73 տարեկան)
Մահվան վայր	convent of San Domenico, Ֆիեզոլե, Ֆլորենցիա, Տոսկանա, Իտալիա և Ֆիեզոլե, Ֆլորենցիա, Տոսկանա, Իտալիա
Քաղաքացիություն	Շվեյցարիա
Կրթություն	Դյուսելդորֆի գեղարվեստի ակադեմիա
Մասնագիտություն	նկարիչ, քանդակագործ, համալսարանի պրոֆեսոր և գծանկարիչ
Ոճ	սիմվոլիզմ
Ժանր	պատմական գեղանկարչություն, բնանկար և դիմապատկեր
Թեմաներ	գեղանկարչություն
Ուշագրավ աշխատանքներ	Faun whistling to a Blackbird?, Self-portrait with fiddling Death? և Մեռյալների կղզին
Աշակերտներ	Հարի Շուլց
Պարգևներ	Գիտության և արվեստի Բաբարիական Մաքսիմիլիանի շքանշան
Ամուսին	Angela Pascucci?
Զավակներ	Arnold Böcklin the Younger?, Maria Böcklin?, Chiara Böcklin? և Carlo Böcklin?
	Arnold Böcklin Վիքիպահեստում

Բյոկլին (Bocklin) Առնոլդ (գերմ.՝ Arnold Böcklin, հոկտեմբերի 16, 1827(1827-10-16)^[1]^[2]^[3]^[…], Բազել, Շվեյցարիա^[4]^[5] - հունվարի 16, 1901(1901-01-16)^[1]^[2]^[3]^[…], convent of San Domenico, Ֆիեզոլե, Ֆլորենցիա, Տոսկանա, Իտալիա և Ֆիեզոլե, Ֆլորենցիա, Տոսկանա, Իտալիա^[6]), շվեյցարացի նկարիչ, գրաֆիկ, քանդակագործ, 19-րդ դարի եվրոպական կիրառական արվեստի և Դյուսելդորֆի գեղարվեստական դպրոցի սիմվոլիզմի կարկառուն ներկայացուցիչներից։ Ստեղծագործել է Բազելում, Մյունխենում, Իտալիայում։ Ձգտելով հեռանալ իրականության պատկերումից՝ սկզբնական շրջանում նկարել է առասպելական ֆիգուրներով ռոմանտիկական բնանկարներ, հետագայում՝ ֆանտաստիկ տեսարաններ («Տրիտոն և Ներեիդ», 1873-1874)՝ մտացածին սիմվոլիկան համադրելով մանրամասների նատուրալիստական վավերականությանը։ Ուշ շրջանի կոմպոզիցիաները («Մեռյալների կղզին», 1880) ազդել են գերմանական սիմվոլիզմի և յուգենդստիլի ձևավորմանը։

Կենսագրություն[խմբագրել | խմբագրել կոդը]

Բյոկլինը ծնվել է 1827 թվականին, Բազելում։ Սովորել է Դյուսելդորֆում և Մյունխենում։ 1860 թվականին նշանակվել է Վայմարի նկարչական ճեմարանի պրոֆեսոր։ Երկու տարի անց թողել է այդ պաշտոնը և մեկնել իր հայրենի քաղաք՝ Բազել։ Ստեղծագործում է իր արվեստանոցում։

Կյանքի վերջին տարիներն անցկացրել է Ֆլորենցիայում և իր սիրած մահի հետևից է գնացել 1901 թվականի հունվարի 16-ին։

Ստեղծագործություն[խմբագրել | խմբագրել կոդը]

Բյոկլիին չեն բավարարել միայն դաշտանկարը և տեսարանանկարը, որում վարպետ էր նա։ Բյոկլինը որոնել է պատմական և ավանդապատում թեմաներում, կենտրոնանալով մարդու, բայց ոչ սովորական մարդու, այլ գերմարդու, «բնության թագավորի» վրա։

Պրպտումների ընթացքում Բյոկլինը եղել է Եվրոպայում, այդ թվում Փարիզում, Բրյուսելում, Ցյուրիխում, նաև՝ Իտալիայում։ Նրա ստեղծագործության հիմնական թեման մահն է։ Հիմնականում նկարել է տեմպերայով։

Բյոկլինի գործերը ցուցադրվում են Լայպցիգի քաղաքային թանգարանում (Stadtmuseum Leipzig), Բեռլինի, Մյունխենի, Բազելի , Նյու Յորքի մետրոպոլիտեն թանգարաններում, նաև մասնավոր հավաքածուներում։

Բյոկլիի աշակերտներից է եղել գերմանական գեղանկարչության սիմվոլիզմի և մոդեռնի հայտնի ներկայացուցիչ Ֆրանց Շտուկը, որը թեև «իր սիմվոլիկ պատկերների մեջ ավելի համարձակ է գտնվել, բայց իր միստիցիզմի խորությամբ չի գերազանցել» Բյոկլինին։

«Մեռելների կղզին»[խմբագրել | խմբագրել կոդը]

Բյոկլինը շարունակել է մահվան թեման, մինչև կստեղծեր իր աշխարհահռչակ գլուխգործոցը՝ «Մեռելների կղզին» (Toteninsel): Այստեղ նա ֆանտաստիկ սիմվոլիկան համադրել է մանրամասների նատուրալիստական ճշգրտության հետ։ Նկարից մեռելային շունչ է փչում․ սպիտակ սավանի մեջ փաթաթված մարդը անձնատուր է եղել անխուսափելի մահին և հնազանդ խոնարհված գլխով մոտենում է մահվան կղզուն, «որտեղից ոչ մի ճանապարհորդ չի վերադարձել»։ Նկարի ծառերը, երկինքը, շենքերը առեղծավածային, մռայլ ստվերներ են։ Նավակի մեջ թիավարող կա, որն ասոցացվում է Քարոնին, իսկ ջրային տարածությունը՝ Ստիքս կամ Աքերոն գետերին։ Կղզում պատկերված նոճիները հարավային Եվրոպայում հաճախ տնկվում են գերեզմանոցներում։

Պատկերասրահ[խմբագրել | խմբագրել կոդը]

Գարուն(գերմ.՝ Frühling). 1875
Մեռյալների կղզին (գերմ.՝ Die Toteninsel). 1883
(գերմ.՝ Nessus und Deianeira). 1898

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Arnold Böcklin
↑ ^3,0 ^3,1 ^3,2 ^3,3 ^3,4 Arnold Böcklin — 2006.
↑ ^4,0 ^4,1 ^4,2 Бёклин Арнольд // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
↑ ^5,0 ^5,1 ^5,2 http://vocab.getty.edu/page/ulan/500016466
↑ ^6,0 ^6,1 ^6,2 https://data.bnf.fr/ark:/12148/cb12101980t
↑ ^7,0 ^7,1 ^7,2 ^7,3 https://www.britannica.com/biography/Arnold-Bocklin
↑ ^8,0 ^8,1 Burckhardt source
↑ https://wepa.unima.org/en/carlo-bocklin/

Արտաքին հղումներ[խմբագրել | խմբագրել կոդը]

«Առնոլդ «Առնոլդ Բյոկլին և նրա գործերը» Գեղարվեստ հանդեսի թիվ 1 համարում»։ Issuu (հայերեն)։ 1908։ էջ 106։ Վերցված է 2021-03-04

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 458)։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

[_97a415bc3654dad9-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_545c09672be65aae-2] 2,0 ^2,1 ^2,2 ^2,3 ^2,4 Arnold Böcklin

[_8b4851beb10347dd-3] 3,0 ^3,1 ^3,2 ^3,3 ^3,4 Arnold Böcklin — 2006.

[_ed36181226ad87d1-4] 4,0 ^4,1 ^4,2 Бёклин Арнольд // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[_6efc0822d1db7593-5] 5,0 ^5,1 ^5,2 http://vocab.getty.edu/page/ulan/500016466

[_a767bb042ec67855-6] 6,0 ^6,1 ^6,2 https://data.bnf.fr/ark:/12148/cb12101980t

[_bf666e4f95d00bff-7] 7,0 ^7,1 ^7,2 ^7,3 https://www.britannica.com/biography/Arnold-Bocklin

[_20c3da9d10be249c-8] 8,0 ^8,1 Burckhardt source

[_adc1e042636d1d67-9] ttps://wepa.unima.org/en/carlo-bocklin/

[1]

[2]

[3]

[4]

[5]

[6]

[7]

[8]

[9]