Ամառիճ (թուրքերեն՝ Ayanoğlu, Այանօղլու), գյուղ Արևմտյան Հայաստանում, Էրզրումի վիլայեթիՔղիի գավառակում։ Գտնվում էր Քղի քաղաքից 23 կմ հյուսիս-արևելք, Արևելյան Եփրատի փոքրիկ վտակներից մեկի ձախ կողմում[3]։ 2018 թվականի տվյալներով գյուղում առկա էր 101 բնակիչ[4]։
Ներկայումս բնակվում են ալևիներ[5]։ Վարչական առումով պատկանում է ժամանակակից Բինգյոլի մարզի Յեդիսու շրջանին։ Տարածքը հարթ էր և անտառապատ։
Մինչ 1915 թվականը մասնակիորեն հայկական գյուղ էր։ Ամառիճի հայ բնակիչները կոտորվել են 1914-1916 թվականների Մեծ եղեռնի ժամանակ։ Փրկվել է ընդամենը 67 մարդ, որոնք գաղթել են օտար երկրներ։
XX դարի սկզբին ուներ 500 հայ և 7-8 տուն քուրդ բնակիչ։ Բնակիչները զբաղվում էին երկրագործությամբ և անասնապահությամբ։ Ամառիճն ուներ Ս. Վարդան անունով եկեղեցի։ Գյուղում գործում էր վարժարան[6]։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 274)։
Թուրքիա
