Վիլայեթ

Վիլայեթ, նաև վիլայաթ, վիլայյա (թուրքերեն՝ vilâyet, արաբերեն՝ ولاية‎‎ - wilāyah), հիմնական վարչական բաժանման միավոր Հյուսիսային Աֆրիկայի, Մերձավոր և Միջին Արևելքի երկրներում։

Թուրքիայի տարածքի բաժանումը վիլայեթների կատարվել է 1866-ին՝ 1864-ի օրենքի հիման վրա (մինչ այդ վարչական միավոր էր էյալեթը)։ XIX դարի վերջից–XX դաարի սկզբին Արևմտյան Հայաստանի տարածքն ընդգրկված էր Վանի, էրզրումի, Սեբաստիայի, Բիթլիսի, Խարբերդի և Տրապիզոնի վիլայեթների մեջ, Կիլիկիան՝ Ադանայի։ 1983-ին Թուրքիայում կար 67 վիլայեթ կամ իլ։ Կառավարում են վալիները (նահանգապետները)։

Ներկայիս երկրներում

• Աֆղանստան - վիլայաթ
• Ալժիր - վիլայյա
• Տաջիկիստան - վիլոյաթ
• Թունիս - վիլայեթ
• Թուրքիա - վիլայեթ (նաև «Իլ»)
• Թուրքմենիա - վելայաթ
• Ուզբեկիստան - վիլոյաթ
• Օման - վիլայեթ

Անհայտացված երկրներում

• Օսմանյան կայսրություն - վիլայեթ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 439)։