Տեղական իշխանությունների պալատ
Տեղական իշխանությունների պալատը մեկն է Եվրոպայի խորհրդի Տեղական և տարածքային իշխանությունների կոնգրեսի երկու պալատներից:
Տեղական իշխանությունների պալատի անդամները, ովքեր պետք է տեղական ինքնակառավարման մարմնում ունենան ընտրովի մանդատ, նշանակվում են յուրաքանչյուր անդամ պետությանը բնորոշ ընթացակարգով, ինչպես դա ամրագրված է Կոնգրեսի նոր Խարտիայում` ընդունված 2007-ի մայիսի 2-ին Եվրոպայի խորհրդի Նախարարների կոմիտեի կողմից:
Պալատի 318 անդամները ներկայացնում են 47 անդամ պետությունները և նշանակվում են 2 տարի ժամկետով: Յուրաքանչյուր անդամ պետության պատվիրակություն պետք է արտացոլի պետության տարածքում ներկայացուցիչների աշխարհագրական և քաղաքական հավասարակշիռ տեղաբաշխումը : Նույն կերպ, պատվիրակությունները պետք է հետևեն որպեսզի կանայք և տղամարդիկ հավասարապես ներկայացված լինեն:
Կոնգրեսում անդամ պետությունները իրավունք ունեն նույնքան անդամ ունենալ, որքան Խորհրդարանական վեհաժողովում:
Պալատը ընտրում է իր Բյուրոն (ղեկավար մարմինը), որը բաղկացած է մեկ նախագահից (ընտրվում է Պալատի անդամների թվից 2 տարի ժամկետով) և 7 փոխնախագահներից` հնարավորինս պահպանելով անդամ պետությունների աշխարհագրական հավասարակշիռ տեղաբաշխումը:
Ներկայումս Տեղական իշխանությունների պալատի Բյուրոն բաղկացած է ըստ (արարողակարգային հերթականության)`
Յան Միկալեֆ – Մալթա (նախագահ) , Դուբրավակա Սուիցա – Խորվաթիա (փոխնախագահ), Անդերս Կնապե – Շվեդիա (փոխնախագահ), Հիլդե Զախ – Ավստրիա (փոխնախագահ), Ժան-Կլոդ Ֆրեկոն - Ֆրանսիա (փոխնախագահ), Ֆաբիո Պելեգրինի – Իտալիա (փոխնախագահ), Էմին Երիցյան – Հայաստան (փոխնախագահ), Օննո վան Վելդուիզեն – Նիդերլանդներ (փոխնախագահ):
Պալատի Քարտուղարությունը ղեկավարում է Գործադիր քարտուղարը (ներկայումս ֆրանսիացի Ժան-Ֆիլիպ Բոզուլը), որին նշանակում է Եվրոպայի խորհրդի Գլխավոր քարտուղարը: Պալատի նստաշրջանները տեղի են ունենում Ստրասբուրգում ու նախորդում կամ/և հաջորդում են Կոնգրեսի տարեկան նստաշրջաններին: Այս նստաշրջանները դռնբաց են:
Տեղական իշխանությունների պալատի անդամների տեղերի բաշխումը`
| Պետություն | Անդամ | Պետություն | Անդամ | Պետություն | Անդամ |
|---|---|---|---|---|---|
 Ադրբեջան |
6 |  Ալբանիա |
4 |  Անդորրա |
2 |
 Ավստրիա |
6 |  Ավստրիա |
7 |  Բոսնիա և Հերցոգովինա |
5 |
 Բուլղարիա |
6 |  Գերմանիա |
18 |  Դանիա |
5 |
 Էստոնիա |
3 |  Թուրքիա |
12 |  Իռլանդիա |
4 |
 Իսլանդիա |
3 |  Իսպանիա |
12 |  Իտալիա |
18 |
 Լատվիա |
3 |  Լեհաստան |
12 |  Լիխտենշտեյն |
2 |
 Լիտվա |
4 |  Լյուքսեմբուրգ |
3 |  Խորվաթիա |
5 |
 Կիպրոս |
3 |  Հայաստան |
4 |  Հունաստան |
7 |
 Հունգարիա |
7 |  Մալթա |
3 |  Մակեդոնիա |
3 |
 Միացյալ Թագավորություն |
18 |  Մոլդովա |
5 |  Մոնակո |
2 |
 Մոնտենեգրո |
3 |  Նիդերլանդներ |
7 |  Նորվեգիա |
5 |
 Շվեդիա |
6 |  Շվեյցարիա |
6 |  Չեխիայի հանրապետություն |
7 |
 Պորտուգալիա |
7 |  Ռումինիա |
10 |  Ռուսաստանի դաշնություն |
18 |
 Սան Մարինո |
2 |  Սերբիա |
7 |  Սլովակիա |
5 |
 Սլովենիա |
3 |  Վրաստան |
5 |  Ուկրաինա |
12 |
 Ֆինլանդիա |
5 |  Ֆրանսիա |
18 | ||
| Ընդհանուր | 318 | ||||
