Ալբոր գմբեթ

Վիքիպեդիայից՝ ազատ հանրագիտարանից
Ալբոր գմբեթի տոպոլոգիան

Ալբոր գմբեթ (լատ.՝ Albor Tholus), հանգած հրաբուխ Էլիզիում սարահարթում Մարսի վրա։ Գտնվում է 18° հս. լ. 150° ավ. ե. / 18.8° հս. լ. 150.4° աե. ե. կոորդինատներում, ավելի հարավ քան Էլիզիում լեռը և Հեկատա գմբեթը:

Հրաբուխի բարձրությունը հասնում է 4,5 կմ-ի, իսկ ստորոտի տրամագիծը կազմում է 160 կմ։ Նրա կալդերայի տրամագիծը կազմում է 30 կմ, իսկ խորությունը 3 կմ։ Այսպիսով, այն կարող է իր մեջ ամբողջությամբ տեղավորել երկրային Էթնա հրաբուխը[1]:

Համեմատելով երկրային հրաբուխների հետ Ալբոր հրաբուխի կալդերան չափազանց խորն է, ամենախորը տեղում համարյա հասնում է հրաբուխի ստորոտին[1]:

Համաձայն «Mars Express» սարքի տվյալների վերլուծության, Էլիզիում սարահարթի հրաբուխները ակտիվ են եղել չափազանց երկար ժամանակի ընթացքում։

Ծանոթագրություններ[խմբագրել]

Արտաքին հղումներ[խմբագրել]