Վուդի Ալլեն

Վուդի Ալլեն WoodyAllen
Վուդի Ալլենը 2011 թվականի Կանի կինոփառատոնի ժամանակ
Ծնվել է	դեկտեմբերի 1, 1935 (81 տարեկան)
Ծննդավայր	Բրուքլին, Նյու-Յորք, ԱՄՆ
Կրթություն	Արվեստների Թիշչ դպրոց և Միդվուդի ավագ դպրոց
Քաղաքացիություն	ԱՄՆ
Գործունեության տարիներ	1950-մեր օրեր
Ազգություն	ԱՄՆ
Կրոն	աթեիզմ
Մասնագիտացում	ռեժիսոր, դերասան, սցենարիստ, պրոդյուսեր, երաժիշտ, գրող
Ոճ(եր)	ինտելեկտուալ կատակերգություն
Ամուսին	Սուն-Ի Պտևին
Պարգևներ	Ամերիկայի սցենարիստների համքարության մրցանակ, Դոնոսիտա պարգև, Ամերիկայի ռեժիսորների համքարության մրցանակ, Արվեստում Ավստրիայի արքայազնի մրցանակ, Օսկար լավագույն ռեժիսորի համար, Օսկար լավագույն օրիգինալ սցենարի համար, Օսկար լավագույն օրիգինալ սցենարի համար և Օսկար լավագույն օրիգինալ սցենարի համար
IMDb	ID 0000095
ԿինոՊոիսկ	ID 5890
woodyallen.com
Մրցանակներ Օսկար «Էննի Հոլլ» (1977), «Հաննան և նրա քույրերը» (1986), «Կեսգիշերը Փարիզում» (2012) Ոսկե Գլոբուս «Կահիրեի կարմրագույն վարդը» (1985), «Վիկի, Կրիստինա, Բարսելոնա» (2008), «Կեսգիշերը Փարիզում» (2012) Կաննի կինոփառատոն «Կահիրեի կարմրագույն վարդը» (1985) Սատուրն կինոմրցանակ «Կահիրեի կարմրագույն վարդը» (1985)

Վուդի Ալլեն (անգլ.՝ Woody Allen, բնօրինակ անուն ազգանուն՝ Ալլեն Սթյուարտ Քոնիգսբերգ (անգլ.՝ Allen Stewart Konigsberg), լրիվ պաշտոնական անունը՝ Հեյվուդ Ալլեն (անգլ.՝ Heywood Allen), դեկտեմբերի 1, 1935, Նյու Յորք), ամերիկյան նշանավոր ռեժիսոր, սցենարիստ, պրոդյուսեր, դերասան, գրող, երաժիշտ։ Չորս Օսկար մրցանակի դափնեկիր է։ Արժանացել է նաև բազում այլ կինոմրցանակների, այդ թվում՝ Ոսկե գլոբուս, BAFTA և այլն։ Հանդես է գալիս նաև որպես գրող, քանի որ շատ պատմվածքների ու պիեսների հեղինակ է։ Ալլենը գրականության և երաժշտության գիտակ ու ջազային կլարնետիստ է։ Իր շատ ֆիլմերում հանդես է գալիս որպես դերասան։

Վուդի Ալլենը կինեմատոգրաֆի մեջ ստեղծել է մի նոր ժանր, որը ընդունված է անվանել «ինտելլեկտուալ կատակերգություն»։ Այս ժանրը նա ստեղծել է սրամիտ կատակերգություններից, որոնք պարունակում են իրենց մեջ երգիծանքի ու աբսուրդի տեսակներ, և հոգեբանական դրամաներից։ Ալլենը շվեդ մեծ ռեժիսոր՝ Ինգմար Բերգմանի արվեստի երկրպագու է, այդ պատճառով էլ նրա ֆիլմերում կարելի է նկատել Բերգմանի ոճը։

Առավել հայտնի են Վուդի Ալլենի հետևյալ ֆիլմերը՝ «Սեր և մահ», «Էննի Հոլլ», «Մանհեթեն», «Կահիրեի կարմրագույն վարդը», «Դեննի Ռոուզի բրոդվեյը», «Հաննան և նրա քույրերը», «Վիքի, Քրիստինա, Բարսելոնա», «Կեսգիշերը Փարիզում», «Ժասմին» և այլն։