Ռումինիայի ազգային գրադարան

Վիքիպեդիայից՝ ազատ հանրագիտարանից
Ռումինիայի ազգային գրադարան
Biblioteca Nationala 1.jpg
Երկիր Flag of Romania.svg Ռումինիա
Տեսակ ազգային գրադարան
Կոորդինատներ: 44°25′31.800000099998″ հս․ լ. 26°6′36.360000099997″ ավ. ե. / 44.42550000002777466° հս․. լ. 26.11010000002777787° ավ. ե. / 44.42550000002777466; 26.11010000002777787
Այլ տվյալներ
Կայք bibnat.ro
National Library of Romania Վիքիպահեստում

Ռումինիայի ազգային գրադարան (ռում.՝ Biblioteca Naţională a României), ազգային գրադարան Ռումինիայի մայրաքաղաք Բուխարեստում: Մասնաճյուղեր ունի Ալբա-Յուլիա և Կրայովա քաղաքներում։

Պատմություն[խմբագրել | խմբագրել կոդը]

Գրադարանի հիմնադրումը կապված է Սուրբ Սավա քոլեջի գրադարանի հետ, որը բացվել է 1859 թվականին, երբ արխիվացվել են 1000 ֆրանսիական հատորներ։ 1859 թվականին՝ Ռումինիայի միավորումից հետո, գրադարանը ստացել է ազգային գրադարանի կարգավիճակ (Bibliotecă Naţională şi Bibliotecă Centrală - Ազգային և կենտրոնական գրադարան)։ 1864 թվականին գրադարանը կոչվել է պետական կենտրոնական գրադարան (Biblioteca Centrală a Statului)։

1901 թվականին գրադարանի ամբողջ հավաքածուն փոխանցվել է Ռումինիայի ակադեմիայի գրադարանին, որի արդյունքում 1901-1955 թվականներին Ռումինիայի ակադեմիայի գրադարանն ստացել է ազգային կարգավիճակ։ 1955 թվականին ձևավորվել է պետական կենտրոնական գրադարանը Ազգային գրադարանի կարգավիճակով։ 1989 թվականին՝ կոմունիստական վարչակարգի փլուզումից հետո, պետական կենտրոնական գրադարանը կրկին վերանվանվել է Ռումինիայի ազգային գրադարան:

Նոր շենք[խմբագրել | խմբագրել կոդը]

Գրադարանի հին շենքը Ion Ghica փողոցում

1986 թվականին ճարտարապետ Չեզար Լազարեսկու կողմից գրադարանի համար սկսվեց կառուցվել նոր, ավելի մեծ շենք։ Սակայն 1989 թվականին ֆինանսավորման պատճառով շինարարությունը դադարեցվել է։ 2009 թվականին կառույցը ավարտին հասցնելու նախագիծը հանձնարարվել է Ռումինիայի մշակույթի նախարարությանը։ Շենքի կառուցումն ավարտվել է 2011 թվականին, պաշտոնական բացումը տեղի է ունեցել 2012 թվականին[1]:

Գրադարանի նոր շենքը, 2011
Դասախոսությունների սրահ

Առաքելություն[խմբագրել | խմբագրել կոդը]

Ազգային գրադարանը մշակութային հաստատություն է, որը գործում է Ռումինիայի մշակույթի նախարարության ենթակայության ներքո։ Գրադարանի նպատակն է տնօրինել ազգային ժառանգության հրապարակումները, ձեռք բերել, պահպանել փաստաթղթեր և դրանք հասանելի դարձնել հանրությանը՝ հետազոտական և անձնական ուսումնասիրությունների նպատակով։

Հավաքածու[խմբագրել | խմբագրել կոդը]

Գրադարանն ունի մի քանի հատուկ հավաքածուներ, այդ թվում ՝

  • Հազվագյուտ գրքեր
  • Ձեռագրեր
    • ներառյալ Լարշի վանական համալիրից ոսկե կանոնադրությունը, որը պահվում է Ալբա Լուլիայի գրադարանում
  • Պատմական արխիվ
  • Հին հռոմեական թերթեր
  • Տպագրություններ
  • Լուսանկարներ
  • Քարտեզներ
  • Աուդիո-վիդեո

Վիճակագրական տվյալներ[խմբագրել | խմբագրել կոդը]

  • 13,000,000 նյութեր
  • 162 ինկունաբուլաներ
  • 20,054 ռումինական և արտասահմանյան հին գրքեր
  • 10,964 ռումինական և արտասահմանյան հազվագյուտ գրքեր
  • 29,350 տեսալսողական փաստաթղթեր
  • 36,759 հին և ժամանակակից ձեռագրեր
  • 47,745 շարունակվող հրատարակություններ
  • շուրջ 800 տպագրություններ
  • 70,000 օրիգինալ լուսանկարներ

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]