Սուրբ Հարություն եկեղեցի (Սանկտ Պետերբուրգ)

Սուրբ Հարություն եկեղեցի; Церковь Святого Воскресения
Հիմնական տվյալներ
Տեսակ	եկեղեցի
Երկիր	Ռուսաստան
Տեղագրություն	Ռուսաստան Սանկտ Պետերբուրգ
Դավանանք	Հայաստանեայց Առաքելական Եկեղեցի
Թեմ	Նոր Նախիջևանի և Ռուսաստանի թեմ
Հոգևոր կարգավիճակ	գործող
Ներկա վիճակ	գերազանց
Ժառանգության կարգավիճակ	regional cultural heritage site in Russia?
Ճարտարապետ	Յուրի Ֆելտեն
Հիմնադիր	Հովհաննես Լազարյան
Կառուցման սկիզբ	մայիսի 4 1791
Կառուցման ավարտ	1793

Անվան այլ կիրառումների համար տե՛ս՝ Սուրբ Հարություն եկեղեցի (այլ կիրառումներ)

Սուրբ Հարություն եկեղեցի (ռուս.՝ Церковь Святого Воскресения)՝ Հայ առաքելական եկեղեցու տաճար Ռուսաստանի Դաշնության Սանկտ Պետերբուրգ քաղաքի հայկական գերեզմանատան մոտ^[1]։

Ներկա դրությամբ վանքի առաջնորդը Սարգիս Չոփուռյանն է^[2]։

Հիմնադրում[խմբագրել | խմբագրել կոդը]

Սանկտ Պետերբուրգում առաջին հայերը հաստատվել էին դեռ Պետրոս I կայսեր օրոք։ Մինչև 1791 թվականը նրանց թաղվում էին Սմոլենսկի գերեզմանատանը, սակայն 1791 թվականից Եկատերինա II կայսրուհու հրամանով բացվում է առանձին հայկական գերեզմանատուն։ Միաժամանակ՝ 1791 թվականի մայիսի 4–ին գերեզմանին կից կառուցվում է Սուրբ Հարություն եկեղեցին։

Եկեղեցու շինարարությունը սկսվել է Պետերբուրգի հայ համայնքի առաջնորդ Հովհաննես Լազարյանի նախաձեռնությամբ։ 1791 թվականին ռուս-շվեդական պատերազմում զոհվում է իր միակ որդին՝ Արտեմը, և եկեղեցին սկզբնական շրջանում կառուցվում է որպես ընտանեկան դամբարան։ 1793 թվականին տեղի է ունեցել եկեղեցու օծումը։

Եկեղեցու նախագծի հեղինակն է Յուրի Ֆելտենը, ով հայկական եկեղեցիներ էր կառուցել Սանկտ Պետերբուրգում (Սուրբ Կատարինե) և Մոսկվայում (Սուրբ Խաչ). Եկեղեցին կառուցել են ճարտարապետներ Եգոր Սոկոլովը, Պորտոն և Բերնիկովը։

1901 թվականին ճարտարապետ Ալեքսանդր Կոչետովի նախագծով նրան կից կառուցվել է եկեղեցական տուն, որի պատերը զարդարված են հայկական ճարտարապետական նախշերով ու քանդակներով։