Սերդար Գեզյուբյուուկ
 հոլ.՝ Serdar Gözübüyük | |||
|---|---|---|---|
 | |||
| Քաղաքացիությունը |
 Նիդերլանդների Թագավորություն | ||
| Ծննդյան ամսաթիվ | հոկտեմբերի 29, 1985 (38 տարեկան) | ||
| Ծննդավայր | Հաառլեմ, Նիդերլանդներ | ||
|
| |||
|
| |||
|
| |||
|
| |||
Պարգևներ
| |||
|
| |||
Սերդար Գեզյուբյուուկ (թուրքերեն՝ և հոլ.՝ Serdar Gözübüyük, հոկտեմբերի 29, 1985, Հաառլեմ, Նիդերլանդներ) — թուրքական ծագմամբ հոլանդացի ֆուտբոլային մրցավար[3]։
Կենսագրություն[խմբագրել | խմբագրել կոդը]
Ծնվել է Թուրքիայից արտագաղթողների ընտանիքում, մանկությունն անցկացրել է Հարլեմի գետտոյում՝ Մարոկկոյից, Սուրինամից, Թուրքիայից և այլ երկրներից ներգաղթյալների երեխաների շրջանում։ Խաղացել է տեղի «Օլիմպիա» երիտասարդական ֆուտբոլային ակումբում՝ դարպասապահի դիրքում, այնուհետև վերաորակավորվել է որպես մրցավար[4]։ Որոշ ժամանակ աշխատել է «Մաքդոնալդսում», որտեղ ծաղրի է ենթարկվել ղեկավարության կողմից[3]։ 20 տարեկանում Սերդարը ստացել է Նիդեռլանդների առաջին դիվիզիոնի պահեստային մրցավարի արտոնագիրը, Ընդ որում, հայտնվելով 2006/2007 ֆուտբոլային մրցաշրջանի հոլանդացի մրցավարների ցուցակում, 2007 թվականի դեկտեմբերին ընդունվել է մրցավարական կուրսեր։ 2008 թվականի մարտի 10-ին անցկացրել է առաջին պրոֆեսիոնալ հանդիպումը Առաջին դիվիզիոնում ԱԳՈՎՎ և Դորդրեխտ ակումբների միջև։ 2008/2009 մրցաշրջանից հետո տեղափոխվել է «կրտսեր մրցավարական կազմ»՝ իրավունք ստանալով պաշտոնապես դատել Առաջին դիվիզիոնի բոլոր խաղերը և Նիդերլանդների գավաթի խաղերը[5]։
2010 թվականի մայիսի 2-ին Գյոզյուբյուկը պրոֆեսիոնալ մակարդակով առաջին հանդիպումն անցկացրեց Էրեդիվիզիում «Հերակլեսի» և «Ադո Դեն Հաագի» միջև՝ 24 տարեկան հասակում դառնալով Նիդեռլանդների առաջնության պատմության ամենաերիտասարդ մրցավարը և երկրորդ խաղակեսի սկզբում հեռացրեց «Դեն Հաագի» խաղացող Քարիմ Սոլտանիին[3][6]։ 2011/2012 մրցաշրջանի սկզբում Նիդեռլանդների թագավորական ֆուտբոլային ֆեդերացիան հետաքննություն է սկսել Գեզյուբյոււոկի դեմ՝ անանուն հաղորդագրությունների հիման վրա այն մասին, որ մրցավարը պոկեր է խաղացել Էրեդիվիզիի խաղացողների հետ, ինչին ի պատասխան Գեզյուբյուուկը ֆեդերացիայի տնօրեն Բերտ վան Օստյունից պահանջել է անկախ հետաքննություն անցկացնել[7]։
2012 թվականին Գեզյուբյուուկը դարձել է ՖԻՖԱ-ի ամենաերիտասարդ հոլանդացի մրցավարը՝ ՈՒԵՖԱ-ի Եվրոպայի լիգայի «Բորաց» (Բանյա Լուկա) և «Չելիք» (Նիկշիչ) ակումբների միջև առաջին եվրագավաթային հանդիպումն անցկացնելով նախնական փուլում[8]։ Էրեդիվիզիում կայացած առաջին մրցաշրջանի արդյունքներով ճանաչվել է երկրի առաջնության լավագույն մրցավար և 2012 թվականի սեպտեմբերին Վիմ Վան Հանեգեմի կողմից ստացել է լավագույն մրցավարի «ոսկե քարտ» մրցանակը, որը բարձր է գնահատել Գեզյուբյուուկի աշխատանքը[3], ինչպես նաև ճանաչվել է լավագույն մրցավար Voetbal International և NUsport պարբերականների վարկածով։ Նույն թվականի դեկտեմբերին «Գրոնինգեն»-«ՎՎՎ-Վենլո» խաղի ժամանակ նա 40 մետր վազել է «Գրոնինգեն» ակումբի մարզիչ Ռոբերտ Մասկանտի մոտ, ով անընդհատ վրդովված էր Գեզյուբյուուկի որոշումներից, և հանել է թևկապը՝ «Respect» մակագրությամբ։ Մրցավարի արարքը կապել են մի շարք ակցիաների հետ, որոնք տեղի են ունեցել երկրում մրցավար Ռիչարդ Նյիվենհեյզենի սպանությունից հետո «Նյիվ Սլոտենի» խաղացողների կողմից Ալմերեում պատանեկան թիմերի խաղից հետո[9]։
2015 թվականի ապրիլի 13-ին Գեզյուբյուուկը Նիոնում կայացած ՈՒԵՖԱ-ի պատանեկան լիգայի եզրափակչում մրցեց «Չելսիի» և Դոնեցկի «Շախտյորի» միջև, որն ավարտվեց «Չելսիի» հաղթանակով՝ 3:2: Հանդիպմանը նրան օգնել են Հեսել Ստեգստրան և Մարիո Դիքսը, իսկ մրցավարը ցույց է տվել երկու դեղին քարտ։ Ապրիլի 18-ին de Volkskrant պարբերականը մրցավարին մեղադրել էր պայմանավորված խաղեր կազմակերպելու մեջ, սակայն ինքը՝ դատավորը, մերժել էր բոլոր մեղադրանքները՝ հայտարարելով, որ ամեն ինչ անում է յուրաքանչյուր խաղում առավելագույն արդար խաղ ապահովելու համար[10]։
2019 թվականի ապրիլի 7-ին Գեզյուբյուուկը դատեց Նիդեռլանդների առաջնության «Վիտես»-ՊՍՎ թիմերի միջև հանդիպումը, որն ավարտվեց ոչ-ոքի՝ 3:3: Հանդիպման ընթացքում Գեզյուբյուուկը 59-րդ րոպեին հեռացրեց «Վիտեսի» խաղացող Մայքլ վան դեր Բեֆին, ինչպես նաև երկու անգամ 11 մետրանոց նշանակեց (10-րդ և 90+1-ին րոպեներին) «Վիտեսի» դարպասին, որոնք երկուսն էլ իրացրել էին ՊՍՎ-ի խաղացողները[11]։ Խաղից հետո «Վիտեսի» գլխավոր մարզիչ Լեոնիդ Սլուցկին խիստ բացասական է արտահայտվել մրցավարի մասին՝ նրան մեղադրելով ոչ բարոյական վարքի, մի շարք սխալների և ընդունված որոշումների վերաբերյալ մարզչական շտաբի հետ խոսելուց հրաժարվելու մեջ, ինչի համար որակազրկվել է մեկ խաղով[12]։ Ինքը՝ Գեզյուբյուուկը, չափազանց զարմացել է Սլուցկիի մեղադրանքներից՝ ասելով, որ երբեք չի կատարել այն, ինչում իրեն մեղադրել են[3][13]՝ ավելի ուշ Սլուցկին ներողություն է խնդրել ոչ կոռեկտ արտահայտությունների համար[14]։
Ամուսնացած է, ունի որդի։ Ներկայումս հանդես է գալիս որպես մոտիվացիոն խոսնակ՝ դպրոցներում դասախոսելով սովորելու, աշխատանք փնտրելու և պրակտիկա անցնելու անհրաժեշտության մասին, ինչպես նաև հանդես գալով ազգային խտրականության դեմ[3]։
Վիճակագրություն[խմբագրել | խմբագրել կոդը]
Նիդերլանդների առաջնություն[խմբագրել | խմբագրել կոդը]
Ելույթների վիճակագրությունը ներկայացված է 2009/2010 մրցաշրջանից՝ 2017 թվականի մայիսի 14-ի դրությամբ
| Մրցաշրջան | Մրցաշար | Հանդիպումներ | Քարտեր | 11 մետրանոց | |||
|---|---|---|---|---|---|---|---|
| Դեղին քարտեր | Երկրորդ դեղին քարտեր | Կարմիր քարտեր | Տերերին | Հյուրերին | |||
| 2009/10 | Էրեդիվիզի
|
1 | 0 | 0 | 1 | 0 | 0 |
| 2010/11 | 10 | 29 | 0 | 0 | 0 | 0 | |
| 2011/12 | 20 | 65 | 1 | 3 | 5 | 1 | |
| 2012/13 | 17 | 50 | 3 | 1 | 1 | 2 | |
| 2013/14 | 20 | 62 | 1 | 1 | 4 | 1 | |
| 2014/15 | 20 | 47 | 1 | 2 | 1 | 0 | |
| 2015/16 | 24 | 75 | 2 | 1 | ? | ? | |
| 2016/17 | 24 | 85 | 1 | 3 | ? | ? | |
| Կարիերայի ընդհանուր | 136 | 413 | 9 | 12 | ? | ? | |
Նիդերլանդների գավաթի եզրափակիչներ[խմբագրել | խմբագրել կոդը]
| Ամսաթիվ | Մարզադաշտ | Քաղաք | Հանդիպում | Հաշիվ | Մրցաշար | Դեղին քարտեր | Երկրորդ դեղին քարտեր | Կարմիր քարտեր |
|---|---|---|---|---|---|---|---|---|
| Հուլիսի 31, 2016 | Ամստերդամ Արենա | Ամստերդամ | Ֆեյենորդ-ՊՍՎ | 0 — 1 | Նիդերլանդների սուպերգավաթ | 3 | 0 | 0 |
| Օգոստոսի 4, 2018 | Ֆիլիպս | Էյնդհովեն | ՊՍՎ-Ֆեյենոորդ | 0 — 0 (6 — 7 пен.) | Նիդերլանդների սուպերգավաթ | 3 | 0 | 0 |
| Մայիսի 5, 2019 | Ֆեյենոորդ | Ռոտերդամ | Վիլեմ II-Այաքս | 0 — 4 | Նիդերլանդների գավաթ | 1 | 0 | 0 |
Հավաքականների հանդիպումներ[խմբագրել | խմբագրել կոդը]
2023 թվականի հոկտեմբերի 12-ի դրությամբ
| Ամսաթիվ | Վայր | Հանդիպումը | Հաշիվ | Մրցաշար | Դեղին քարտեր | Երկրորդ դեղին քարտեր | Կարմիր քարտեր |
|---|---|---|---|---|---|---|---|
| Մարտի 26, 2013 | Ատտարդ, Մալթա |  Մալթա —  Իտալիա |
0 — 2 | ԱԱ-2014 (ՈՒԵՖԱ-ի որակավորում) | 1 | 0 | 0 |
| Սեպտեմբերի 4, 2016 | Աստանա, Ղազախստան |  Ղազախստան —  Լեհաստան |
2 — 2 | ԱԱ-2018 (ՈՒԵՖԱ-ի որակավորում) | 10 | 0 | 0 |
| Սեպտեմբերի 3, 2017 | Ռիգա, Լատվիա |  Լատվիա —  Շվեյցարիա |
0 — 3 | ԱԱ-2018 (ՈՒԵՖԱ-ի որակավորում) | 5 | 0 | 0 |
| Սեպտեմբերի 8, 2018 | Տալլին, Էստոնիա |  Էստոնիա —  Հունաստան |
0 — 1 | ՈՒԵՖԱ-ի Ազգերի լիգա 2018/2019 | 2 | 0 | 0 |
| Նոյեմբերի 15, 2018 | Լյուքսեմբուրգ, Լյուքսեմբուրգ |  Լյուքսեմբուրգ —  Բելառուս |
0 — 2 | ՈՒԵՖԱ-ի Ազգերի լիգա 2018/2019 | 6 | 0 | 0 |
| Մարտի 26, 2019 | Դուբլին, Իռլանդիա |  Իռլանդիա —  Վրաստան |
1 — 0 | Եվրո 2020 (որակավորում) | 2 | 0 | 0 |
| Նոյեմբերի 14, 2019 | Բելգրադ, Սերբիա |  Սերբիա — Լյուքսեմբուրգ |
3 — 2 | Եվրո 2020 (որակավորում) | 2 | 0 | 0 |
| Սեպտեմբերի 7, 2020 | Օլոմուց, Չեխիա |  Չեխիա —  Շոտլանդիա |
1 — 2 | ՈՒԵՖԱ-ի Ազգերի լիգա 2020/2021 | 6 | 0 | 0 |
| Սեպտեմբերի 2, 2021 | Ֆլորենցիա, Իտալիա | Իտալիա —  Բուլղարիա |
1 — 1 | ԱԱ-2022 (ՈՒԵՖԱ-ի որակավորում) | 4 | 0 | 0 |
| Նոյեմբերի 11, 2021 | Բաթումի, Վրաստան | Վրաստան —  Շվեդիա |
2 — 0 | ԱԱ-2022 (ՈՒԵՖԱ-ի որակավորում) | 4 | 0 | 0 |
| Հունիսի 9, 2022 | Ժնև, Շվեյցարիա | Շվեյցարիա —  Իսպանիա |
0 — 1 | ՈՒԵՖԱ-ի Ազգերի լիգա 2022/2023 | 4 | 0 | 0 |
| Մարտի 26, 2023 | Լոնդոն, Անգլիա |  Անգլիա —  Ուկրաինա |
2 — 0 | Եվրո 2024 (որակավորում) | 1 | 0 | 0 |
| Սեպտեմբերի 12, 2023 | Սոլնա, Շվեդիա | Շվեդիա —  Ավստրիա |
1 — 3 | Եվրո 2024 (որակավորում) | 2 | 0 | 0 |
| Հոկտեմբերի 12, 2023 | Սևիլիա, Իսպանիա | Իսպանիա — Շոտլանդիա |
2 — 0 | Եվրո 2024 (որակավորում) | 7 | 0 | 0 |
Ծանոթագրություններ[խմբագրել | խմբագրել կոդը]
- ↑ http://dutchturks.nl/serdar-gozubuyuk-scheidsrechter-jaar/
- ↑ https://www.novacollege.nl/actueel/nieuws/nova-feliciteert-serdar-met-gouden-kaart/
- ↑ 3,0 3,1 3,2 3,3 3,4 3,5 Глеб Чернявский (2019 թ․ ապրիլի 12). «Судья, который взбесил Слуцкого, вырвался из гетто, построил два бизнеса и читает мотивационные лекции» (ռուսերեն). Sports.ru. Արխիվացված օրիգինալից 2019 թ․ ապրիլի 12-ին. Վերցված է 2019 թ․ հունիսի 24-ին.
- ↑ «Serdar Gözübüyük komt naar voetbalvereniging HYS» (հոլանդերեն). Dichtbij.nl. 2010 թ․ հունվարի 22. Արխիվացված օրիգինալից 2018 թ․ հունիսի 14-ին. Վերցված է 2019 թ․ հունիսի 24-ին.
- ↑ Droom komt uit voor Serdar, Heemsteedse Courant, 19 mei 2009.
- ↑ «Gözübüyük jongste arbiter in eredivisie» (հոլանդերեն). NU.nl. 2010 թ․ մայիսի 2. Արխիվացված օրիգինալից 2014 թ․ մարտի 3-ին. Վերցված է 2019 թ․ հունիսի 24-ին.
- ↑ «Gözübüyük: 'Ik heb echt nooit met spelers gepokerd» (հոլանդերեն). Voetbal International. 2011 թ․ դեկտեմբերի 5.
- ↑ «Arbiter Gözübüyük debuteert in Europa League» (հոլանդերեն). AD.nl. 2012 թ․ հունիսի 29. Արխիվացված օրիգինալից 2012 թ․ հունիսի 30-ին. Վերցված է 2019 թ․ հունիսի 24-ին.
- ↑ «Scheids Gözübüyük toont 'respect'-band aan Maaskant - toneelstukje?» (հոլանդերեն). nrc.nl. 2012 թ․ դեկտեմբերի 17. Արխիվացված օրիգինալից 2020 թ․ նոյեմբերի 24-ին. Վերցված է 2019 թ․ հունիսի 24-ին.
- ↑ «Nederlandse toparbiter genoemd in matchfixingzaak» (հոլանդերեն). Volkskrant. 2015 թ․ ապրիլի 18. Արխիվացված օրիգինալից 2017 թ․ նոյեմբերի 7-ին. Վերցված է 2019 թ․ հունիսի 24-ին.
- ↑ «ВИТЕСС - ПСВ - 3:3 (1:1)» (ռուսերեն). ФНК. 2019 թ․ ապրիլի 7. Արխիվացված օրիգինալից 2019 թ․ ապրիլի 10-ին. Վերցված է 2019 թ․ հունիսի 24-ին.
- ↑ «Слуцкого наказали за тираду в адрес «худшего в мире судьи»» (ռուսերեն). Лента.ру. 2019 թ․ ապրիլի 9. Արխիվացված օրիգինալից 2019 թ․ մայիսի 10-ին. Վերցված է 2019 թ․ հունիսի 24-ին.
- ↑ «Судья Гезюбююк ответил Слуцкому: «Я был в шоке от его слов, прозвучали неприемлемые вещи»» (ռուսերեն). Sports.ru. 2019 թ․ ապրիլի 8. Արխիվացված օրիգինալից 2019 թ․ ապրիլի 9-ին. Վերցված է 2019 թ․ հունիսի 24-ին.
- ↑ «Леонид Слуцкий: «Никогда больше не буду говорить о судьях в таком тоне»» (ռուսերեն). Sports.ru. 2019 թ․ ապրիլի 14. Արխիվացված օրիգինալից 2019 թ․ մայիսի 26-ին. Վերցված է 2019 թ․ հունիսի 24-ին.