Նորակերտ (Որդուարի շրջան)

Նորակերտ/Նյուրգյուտ
Գյուղ
	Նորակերտ/Նյուրգյուտ
	Nürgüt
Երկիր	Ադրբեջան
Ինքն․ Հանր․	Նախիջևանի Ինքնավար Հանրապետություն
Շրջան	Որդուարի շրջան
ԲԾՄ	1899 մետր
Պաշտոնական լեզու	Ադրբեջաներեն
Բնակչություն	131 մարդ (2010)
Ազգային կազմ	Ադրբեջանցիներ
Կրոնական կազմ	Շիա իսլամ
Ժամային գոտի	UTC+4

Անվան այլ կիրառումների համար տե՛ս՝ Նորակերտ

Նորակերտ^[1] (այժմ կոչվում է՝ ադրբ.՝ Nürgüt - Նյուրգյուտ կամ Նիրգուտ), գյուղ ներկայիս Ադրբեջանական Հանրապետության կազմում գտնվող Նախիջևանի Ինքնավար Հանրապետության Որդուարի շրջանում։

Նորակերտի կամ Նոր Գիուտի թարգմանչաց վանք[խմբագրել | խմբագրել կոդը]

Ժամանակը՝ անհայտ։- Տեղը՝ գյուղի կենտրոնական մասում։- Ճարտարապետը՝ անհայտ։- Պատվիրատուն, մեկենասը՝ անհայտ։ Հորինվածքը՝ քառամույթ եռանավ բազիլիկա։- Շինանյութը՝ սրբատաշ և կիսամշակ բազալտ։ Վերանորոգումներ՝ XVII դ.։- Մուտքը՝ արևմտյան ճակատում։- Աբսիդը՝ կիսաշրջանաձև։- Մույթերը՝ քառակուսի։- Ավանդատները՝ մեկ զույգ։ Արձանագրություններ՝ ինտերյերում։- Որմնանկարներ՝ չունի։-

Պատկերաքանդակներ՝ չունի։- Զարդաքանդակներ՝ չունի։- Շրջակայքում՝ եկեղեցու արևմտյան ճակատի առջև նկատվում են ավերված շինությունների և պարսպի հետքեր։- Վիճակը՝ կանգուն, քանդված է հյուսիսային ավանդատան եկեղեցու ծածկի առանձին հատվածները, ունի ճաքեր։

Նորակերտի կամ Նոր Գիուտի գերեզմանատուն[խմբագրել | խմբագրել կոդը]

Ժամանակը՝ XII-XVIII դդ.։- Տեղը՝ գյուղի հարավարևելյան մասում. Նորակերտ մտնող ճանապարհի ձախ կողմում։- Տապանաքարերի թիվը՝ 100-110։- Տապանաքարերի տեսակը՝ հարթ, խոյաձև, խաչքարեր։- Արձանագիր տապանաքարերի թիվը՝ 7։- Վիճակը՝ տապանաքարերի մեծ մասը կիսով չափ թաղված է հողի մեջ։ Մի շարք տապանաքարեր ու խոյաքանդակներ տեղահան են արված, կոտրատված։ Արձանագրությունները քայքայված ու եղծված են։

Նորակերտի կամ Նոր Գիուտի բերդ[խմբագրել | խմբագրել կոդը]

Ժամանակը՝ XIV-XV դդ.։- Տեղը՝ գյուղի հյուսիսարևելյան կողմում-բրգաձև լեռան վրա։- Շինանյութը՝ կիսամշակ և անմշակ լեռնային քար։- Վերակառուցումներ՝ անհայտ։- Միջնաբերդ՝ չունի։- Պարիսպները՝ քայքայված։- Ավերակները՝ գտնվում են լեռան բարձունքում և փեշերին՝ պարիսպներից ներս։- Վիճակը՝ ավերակ, քայքայված։