Ծովային թանգարան (Ստոկհոլմ)

Վիքիպեդիայից՝ ազատ հանրագիտարանից
Jump to navigation Jump to search
Ծովային թանգարան
The maritime museum stockholm 20050902 001.JPG
Տեսակծովային թանգարան, ազգային թանգարան և ճարտարապետական անսամբլ
ԵրկիրFlag of Sweden.svg Շվեդիա[1]
ՏեղագրությունՍտոկհոլմ[1]
ՎայրGärdet?
ՀասցեDjurgårdsbrunnsvägen 24Djurgårdsbrunnsvägen?
Հիմնադրված էմայիսի 28, 1933[1]
Կայքsjohistoriska.se

Ծովային թանգարան (շվեդերեն՝ Sjöhistoriska museet), ծովային պատմության, առևտրական առաքման և նավաշինության թանգարան Ստոկհոլմում[2]։ Թանգարանը տեղակայված է Էստերմալմ շրջանի Յարդետ հատվածում, որտեղից տեսարան է բացվում դեպի Djurgårdsbrunnsviken: Թանգարանի շենքը նախագծել է ճարտարապետ Ռագնար Էստբերգը։ Շենքը կառուցվել է 1933-1936 թվականներին[3]։

Հավաքածուներ[խմբագրել | խմբագրել կոդը]

Թանգարանի հավաքածուն ներառում է շուրջ 900000 լուսանկար, 50000 նմուշներ և 45000 նկարներ, որոնք բոլորը վերաբերում են ծովին, ափերին, նավերին և նավակներին՝ անցյալում և ներկայում[4]։ Հավաքածուի մեծ մասը՝ նավակները, տեղակայված են Ստոկհոլմի Գալվարվետ հատվածի Նավակների 2-րդ սրահում։ Նավակների հավաքածուն ներառում է ինչպես մակույկներ, այնպես էլ Skerry cruiser-ներ[5]։

Ներքևի հարկում, ի թիվս այլ բաների, կան ծովային պատմության ցուցանմուշներ, ներառյալ 18-րդ դարի նավերի մի քանի մանրամասն մոդելներ։ Երկրորդ հարկը ներառում է ցուցահանդեսներ շվեդական առևտրային նավատորմի վերաբերյալ[2]։ Նկուղում է գտնվում Գուստավ III թագավորի «Ամֆիոն» նավի նավախցի կրկնօրինակը[6]։

Պատմական նավերի ցուցակագրում[խմբագրել | խմբագրել կոդը]

Ծովային թանգարանը պատասխանատու է Շվեդիայում պատմական նավերի ցուցակագրման համար։ Թվարկված են ինչպես նավերը, այնպես էլ պատմական նշանակություն ունեցող զբոսանավերը։ Չնայած ցուցակագրումը չի առաջարկում որևէ իրավական պաշտպանություն կամ պարտավորություն, այն սեփականատիրոջը տալիս է որոշակի արտոնություններ։

Ճարտարապետություն[խմբագրել | խմբագրել կոդը]

Ուլոֆ Տեմպելմանի (1746–1816) նեոդասական ոճով ներշնչված կորագիծ կառույցը հիմք է հանդիսանում շրջական պուրակի համար, որտեղ տեղի են ունենում բացօթյա համերգներ։ Դա Ռագնար Էստբերգի վերջին խոշոր աշխատանքն էր և կառուցվել էր Ստոկհոլմի ցուցահանդեսի (1930) (Stockholmsutställningen 1930) վայրում։ Քանի որ ցուցահանդեսը Ֆունկցիոնալիզմի կարևոր դրսևորում էր, թանգարանում նշվում է նաև ճարտարապետի տեսակետը Շվեդիայում ֆունկցիոնալիստական ոճի ներդրման հարցում[3]։ Կենտրոնական գմբեթը ամբողջությամբ կառուցված է աղյուսից[7]։ Շենքում կան նաև արհեստանոցի մանրակերտ, փայտի խանութ, լուսանկարչական ստուդիա, արխիվ և գրադարան։ 1970-ականներին ավելացվել է կինոֆիլմերի և դասախոսությունների դահլիճ, իսկ 1990-ականներին` սրճարան[6]։

Թանգարանից դուրս տեղադրված է «Նավաստի» (Sjömannen) կոչվող բրոնզե հուշարձանը, որը տեղադրվել է Երկրորդ համաշխարհային պատերազմի տարիներին զոհված շվեդ նավաստիների հիշատակին։ Հուշարձանի հեղինակն է Նիլս Սյոգրենը 1952 թվականին, մինչև իր մահը։ Հուշարձանի բացումը տեղի է ունեցել 1953 թվականին[8]։

The Dagens Nyheter concert in 2014

Համերգներ[խմբագրել | խմբագրել կոդը]

1975 թվականից թանգարանի դիմաց գտնվող այգում անցկացվում են բացօթյա համերգներ և երաժշտական փառատոներ[9]։ Ստոկհոլմի թագավորական ֆիլհարմոնիկ նվագախմբի համագործակցությամբ Dagens Nyheter թերթի կազմակերպված ամենամյա համերգները ոգեշնչվում և համեմատվում են Ալբերտ թագավորական սրահի համերգների հետ[9]։ Թանգարանում անցկացվող միջոցառումների ժամանակ ելույթ ունեցած արվեստագետներից են Լիզա Նիլսոնը[10], Քենթը[11],, Pearl Jam[12], Սառա Դոուն Ֆայները[13],, Axwell[14], և Պեր Հոկան Գեսլեն[15]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 Monuments database — 2017.
  2. 2,0 2,1 «Sjöhistoriska museet»։ ww.sfv.se։ National Property Board of Sweden։ Արխիվացված է օրիգինալից հունիսի 6, 2015-ին։ Վերցված է հունիսի 5, 2015 
  3. 3,0 3,1 «Stockholm kn, NORRA DJURGÅRDEN 1:1 SJÖHISTORISKA MUSEET»։ www.raa.se։ Swedish National Heritage Board։ Վերցված է հունիսի 5, 2015 
  4. «Sjöhistoriska museet»։ DigitaltMuseum։ Վերցված է հունիսի 5, 2015 
  5. «Våra fartyg och båtar»։ www.sjohistoriska.se։ Maritime Museum։ Վերցված է հունիսի 6, 2015 
  6. 6,0 6,1 «Sjöhistoriska museet»։ www.sfv.se։ National Property Board of Sweden։ Վերցված է հունիսի 5, 2015 
  7. Rasmus Wærn (1999)։ «Ytterstaden»։ Guide till Stockholms arkitektur (շվեդերեն) (2nd ed.)։ Stockholm: Arkitektur Förlag։ էջ 211։ ISBN 91-86050-41-9 
  8. Cavalli-Björkman Åsa։ «Nils A G Sjögren»։ Riksarkivet։ National Archives of Sweden։ Վերցված է հունիսի 5, 2015 
  9. 9,0 9,1 Boldemann Marcus (օգոստոսի 10, 2009)։ «Från idé till klassiker - historien om DN-konserten»։ www.dn.se։ Dagens Nyheter։ Վերցված է հունիսի 5, 2015 
  10. Ivarsson Torbjörn (ապրիլի 14, 2014)։ «Lisa Nilsson sjunger på DN-konserten i sommar»։ www.dn.se։ Dagens Nyheter։ Վերցված է հունիսի 5, 2015 
  11. Nunstedt Anders (օգոստոսի 20, 2012)։ «Kents konsert»։ www.expressen.se։ Expressen։ Վերցված է հունիսի 5, 2015 
  12. «Småsegt, Pearl Jam»։ www.aftonbladet.se։ Aftonbladet։ հունիսի 29, 2000։ Վերցված է հունիսի 5, 2015 
  13. Svensson Mathilda (մարտի 10, 2013)։ «Sarah Dawn Finer solist på DN:s årliga konsert»։ www.dn.se։ Dagens Nyheter։ Վերցված է հունիսի 5, 2015 
  14. Stockholm TT Spektra (ապրիլի 8, 2013)։ «Axwell spelar i Stockholm»։ www.svd.se։ Svenska Dagbladet։ Վերցված է հունիսի 5, 2015 
  15. Lundell Kristin (օգոստոսի 13, 2003)։ «Given framgång för folkets Gessle»։ www.svd.se։ Svenska Dagbladet։ Վերցված է հունիսի 5, 2015 

Արտաքին հղումներ[խմբագրել | խմբագրել կոդը]