Գրեյս Ջոնս

Վիքիպեդիայից՝ ազատ հանրագիտարանից
Jump to navigation Jump to search
Գրեյս Ջոնս
Grace Jones @ Fremantle Park (17 4 2011) (5648209419).jpg
Հիմնական տվյալներ
Ծնվել էմայիսի 19, 1948(1948-05-19)[1] (73 տարեկան)
Սպենիշ թաուն, Միդլսեքս, Ճամայկա[2]
ԵրկիրFlag of Jamaica.svg Ճամայկա
Ժանրերփոփ երաժշտություն, նոր ալիք, դիսկո, ռիթմ էնդ բլյուզ, սոուլ և ժամանակակից R&B[3]
Մասնագիտությունդերասանուհի, մոդել, երգչուհի, կինոդերասանուհի, հեղինակ-կոմպոզիտոր և Երաժիշտ
Երգչաձայնկոնտրալտո
ԳործիքներԱկորդեոն, վոկալ և երգեցողություն[3]
ԼեյբլIsland Records, Capitol Records և Epic Records
ԿրթությունOnondaga Community College?
ՊարգևներՃամայկայի շքանշան
Կայքgracejones.com
Grace Jones Վիքիպահեստում

Բեվերլի Գրեյս Ջոնս (անգլ.՝ Beverly Grace Jones, մայիսի 19, 1948(1948-05-19)[1], Սպենիշ թաուն, Միդլսեքս, Ճամայկա[2]), արմատներով Ճամայկայից ամերիկացի երգչուհի, կինոդերասանուհի, մոդել։

Կենսագրություն[խմբագրել | խմբագրել կոդը]

Մանկություն Ճամայկայում[խմբագրել | խմբագրել կոդը]

Գրեյսը ծնվել է Ճամայկայում՝ Սփենիշ Թաունում 1948 թվականի մայիսի 19-ին[4]՝ եկեղեցական քարոզչի և քաղաքագետի ընտանիքում[5][6][7]։ Մինչ ծնողներն աշխատում էին Միացյալ Նահանգներում, Գրեյսին, քույրերին և եղբայրներին խնամում և դաստիարակում էին տատիկն ու պապիկը։ Ջոնսը շատ խիստ դաստիարակություն է ստանում ճամայկյան հիսունականների եկեղեցու ազդեցության ներքո։ Նա այցելում էր եկեղեցի շաբաթական երեք անգամ։ Ընտանիքի երկու կողմերն էլ, թե՛ հայրական, թե՛ մայրական կողմերը հավատացյալներ էին։ Գրեյս Ջոնսի ընտանիքում շատ եպիսկոպոսներ կային՝ պապը, ապուպապը, եղբայրը՝ Նոելը նույնպես դարձավ եպիսկոպոս։

Փոքրիկ Ջոնսը շատ ամաչկոտ աղջնակ էր, որն ուներ միայն մեկ ընկերուհի՝ դասընկերուհին։ Դասընկերները հաճախ էին բարկացնում Գրեյսին՝ անվանելով նրան «բարակ փայտ»։ Ջոնսը զբաղվում էր սպորտով և հանգստություն էր գտնում հայրենի Ճամայկայի բնության գրկում[8]։

Պատանեկություն ԱՄՆ-ում և կարիերայի սկիզբ[խմբագրել | խմբագրել կոդը]

Գրեյս Ջոնսը երբ դարձավ 13 տարեկան, ընտանիքի հետ միասին տեղափոխվեցին Միացյալ Նահանգների Նյու Յորք նահանգի Սիրակյուս քաղաք։ Այստեղ նա ապրեց ծնողների հետ[9]։ Ջոնսը դպրոցն ավարտելուց հետո կրթությունը շարունակեց Սիրակյուսի համալսարանում։ Այստեղ նա ուսանում էր իսպաներեն, որտեղ դարձավ լեզվի մասնագետ (Spanish major)[10]: Համալսարանում Ջոնսին ուշադրություն դարձրեց դրամայի պրոֆեսորը, ով առաջարկեց աշխատել իր հետ Ֆիլադելֆիայում մի պիեսի աշխատանքներում։ Ջոնսը համաձայնեց և մեկնեց նրա հետ[10]։ Երբ Գրեյսը դարձավ տասնութ տարեկան, տեղափոխվեց Նյու Յորք։ Այստեղ պայմանագիր կնքեց «Wilhelmina Modelling agency» ընկերության հետ և սկսեց որպես մոդել աշխատել։ Հետո տեղափոխվեց Փարիզ 1970 թվականին[10][11]։ Փարիզի նորաձևության աշխարհը միանգամից ուշադրություն դարձրեց անսովոր խափշիկ Ջոնսի վրա։ Իվ Սեն Լորենը, Կլոդ Մոնտանան և Կենզո Տակադան անմիջապես նրան դարձրին պոդիումի մոդել։ Գրեյսը սկսեց նկարահանվել Elle, Vogue, Stern ամսագրերի համար։ Նրա հետ աշխատեցին այնպիսի լուսանկարիչների, որպիսիք էին Հելմուտ Նյուտոնը, Գի Բուրդենը և Հանս Ֆեյերը[12]։ Փարիզյան տարիներին նա տուն վարձակալեց Ջերի Հոլի և Ջեսիկա Լենգի հետ։ Վերջիններս հաճախակի էին այցելում 1970-1980-ականներին «Club Sept» փարիզյան ամենահայտնի գեյ-ակումբներից մեկը. այստեղ շփվում էին Ջորջիո Արմանիի և Կարլ Լագերֆելդի հետ[13]։

Առաջին դիսկո-ալբոմներ, համագործակցություն Թոմ Մուլտոնի հետ[խմբագրել | խմբագրել կոդը]

Գրեյս Ջոնսն իր երաժշտական կարիերան սկսեց Նյու Յորքի գեյ-ակումբներում։ Նա խիստ ուշադրություն էր դարձնում իր արտաքին տեսքի և հանդերձանքի վրա ու հաճախակի համասեռական իմիջով էր հանդես գալիս։ Իր առաջին պայմանագիրը Գրեյս Ջոնսը ստորագրեց «Island Records» լեյբլի հետ դիսկո ժանրում։ Նրա պրոդյուսերը դարձավ Թոմ Մուլտոնը։ Վերջինս աշխատում էր Ֆիլադելֆիայի «Sigma Sound Studios» ընկերությունում։ Գրեյսի դեբյուտային ալբոմը դարձավ «Portfolio», որը լույս ընծայվեց 1977 թվականին։ Ալբոմը պարունակում էր երեք երգ բրոդվեյյան մյուզիքլներից։ Ալբոմի երկրորդ երեսին նույնպես կային երգեր։

Արտիստականություն[խմբագրել | խմբագրել կոդը]

Իմիջ[խմբագրել | խմբագրել կոդը]

Գրեյս Ջոնսը հայտնի է իր անդրոգին տեսքով, այսինքն նա կարողանում է և՛ տղամարդու տեսքով բեմ բարձրանալ, և՛ կնոջ։ Նրան բնորոշ է քառակուսի սանրվածքը և կոշտուկոպիտ հանդերձանքը։ Ի դեպ, զգեստների դիզայները Ժան Պոլ Գուդն է (անգլ.՝ Jean-Paul Goude): Ջոնսը հայտնի է իր էքսցենտրիկ խառնվածքով[14]։ Ցայսօր էլ նա հայտնի է իր արտառոց և տարօրինակ կերպարով, որը խորը ազդեցություն է թողել շատ արտիստների վրա, այդ թվում՝ Էնի Լենոքսի[15], Լեդի Գագայի, Ռիհաննայի[16][17], Brazilian Girls[18], Գրայմսի[17], Ռոշին Մյորֆիի[19], Նայլ Ռոջերսի[20], Santigold[21] և Basement Jaxx[22]:

Գրեյս Ջոնսը 2013 թվականին Guardian ամսագրի կողմից դարձավ 50 լավ հագնվող կանանցից մեկը (հիսունամյա կանանց շրջանում)[23]։

Ձայն[խմբագրել | խմբագրել կոդը]

Գրեյս Ջոնսը հանդես է գալիս կոնտրալտո ձայնատեսակով։ Կատարում է երկու եղանակով։ Առաջինը մոնոտոն կիսաձայն երգելու ոճն է, ինչպես "Private Life", "Walking in the Rain" և "The Apple Stretching": Երկրորդը գրեթե սոպրանո կատարումն է, ինչպես հետևյալ երգերում՝ "La Vie en Rose", "Slave to the Rhythm" և "Victor Should Have Been a Jazz Musician": Երգչուհու ձայնը երկուսուկես օկտավայի է հասնում[16]։

Անձնական կյանք[խմբագրել | խմբագրել կոդը]

Ջոնսը ամուսնացած է եղել երկու անգամ։ Առաջին ամուսինը պրոդյուսեր Քրիս Ստենլին էր։ Վերջինիս հետ ամուսնացավ 1989 թվականին։ Երկրորդ ամուսնությունը 1996 թվականին էր թիկնապահ Աթիլա Ալտոնբեյի հետ[24]։

Լուսանկարիչ Ժան Պոլ Գուդի հետ Գրեյս ունի զավակ՝ Պաուլուն։ Վերջինս երեխա ունենալով տատիկ է դարձրել Գրեյսին[16]։

Երգչուհին չորս տարի անընդմեջ հանդիպել է շվեդ դերասան Դոլֆ Լունդգրենի հետ, ով աշխատում էր որպես թիկնապահ սիդնեյյան ակումբներից մեկում և հետագայում դարձավ Գրեյսի անձնական թիկնապահը[25]։
1990 թվականից Գրեյսը սկսեց հանդիպել դանիացի դերասան Սվեն Օլե Տորսենի հետ։ Երկուսի միջև հարաբերությունները շարունակվեցին ընդհուպ 2007 թվականը[26]։

Սկավառակագրություն[խմբագրել | խմբագրել կոդը]

Ստուդիական ալբոմներ[խմբագրել | խմբագրել կոդը]

  • Portfolio (1977)
  • Fame (1978)
  • Muse (1979)
  • Warm Leatherette (1980)
  • Nightclubbing (1981)
  • Living My Life (1982)
  • Slave to the Rhythm (1985)
  • Island Life(1985)
  • Inside Story (1986)
  • Bulletproof Heart (1989)
  • The Ultimate (1993)
  • Hurricane (2008)

Ֆիլմագրություն[խմբագրել | խմբագրել կոդը]

  • 1973 — Գորդոնի պատերազմը /Gordon’s War/ Մերի
  • 1975 — Պահպանեք աչքերը /Attention les yeux!/ Սուիդի
  • 1981 — Մահացու վրեժխնդրություն/Deadly Vengeance/ Սլիկի ընկերուհին
  • 1984 — Քոնան-Ավերողը /Conan the Destroyer/ Զուլա
  • 1985 — Հայացք սպանությանը/A View to a Kill / Մեյ Դեյ
  • 1986 — Վամպ /Vamp/ Քաթրինա
  • 1987 — Ուղիղ դժոխքից /Straight to Hell/ Սոնյա
  • 1987 — Սիեստա /Siesta/ Կոնչիտա
  • 1992 — Բումերանգ /Boomerang/ Սթրեյնջ
  • 1995 — Դաջվածք/Cyber Bandits/ Մասակո
  • 1998 — ՄակՔինսի կղզին/McCinsey’s Island/ Ալանսո Ռիխտեր
  • 1999 — Palmer’s Pick Up/ Միսիս Ռեմո
  • 1999—2002 — Գազանների տիրակալը (սերիալ) /BeastMaster/ Նոկինջա
  • 2001 — Միջնաբերդ/Shaka Zulu: The Citadel/ Թագուհի
  • 2002 — Pavarotti & Friends 2002 for Angola/ Հրավիրյալ աստղ
  • 2008 — Ֆա՛լկո, գրողը տանի, մենք դեռ ողջ ենք /Falco — Verdammt, wir leben noch!/ Կելներին
  • 2008 — Չելսին սառույցով /Chelsea on the Rocks/ Բիվ

Հետաքրքիր փաստեր[խմբագրել | խմբագրել կոդը]

  • 1988 թվականին Գրեյս Ջոնսին շնորհվում է «Ոսկե ազնվամորի» որպես երկրորդ պլանի կնոջ վատագույն դեր «Սիեստա» ֆիլմի համար։
  • 2015 թվականին Ջոնսը լույս է ընծայում մեմուարների ժողովածուն՝ «Երբեք չեմ գրելու մեմուարներ» վերնագրով։

Ծանոթագրություններ[խմբագրել | խմբագրել կոդը]

  1. 1,0 1,1 filmportal.de — 2005.
  2. 2,0 2,1 2,2 German National Library, Berlin State Library, Bavarian State Library, Austrian National Library Record #133276570 // Gemeinsame Normdatei — 2012—2016.
  3. 3,0 3,1 Montreux Jazz Festival Database
  4. "Grace Jones" biography, The Guardian.
  5. Henley, Patricia. The Hummingbird House. Denver: MacMurray, 1999. Print.
  6. «Robert Winston Jones Obituary»։ syracuse.com։ Վերցված է հունիսի 9, 2013 
  7. «City of Refuge Church – Los Angeles Bishop Noel Jones»։ Արխիվացված է օրիգինալից 2013-06-05-ին։ Վերցված է հունիսի 10, 2013 
  8. Sawyer Mirnada (հոկտեմբերի 11, 2008)։ «State of Grace: Miranda Sawyer Meets Grace Jones»։ London: The Observer։ Վերցված է մայիսի 24, 2013 
  9. Brown Helen (նոյեմբերի 4, 2008)։ «Grace Jones at 60»։ London: The Telepgraph։ Վերցված է հունիսի 3, 2013 
  10. 10,0 10,1 10,2 «Jones the Exotic May Day»։ The Afro-American։ հունիսի 8, 1985։ Վերցված է մայիսի 26, 2013 
  11. Lopez Antonio (2012)։ Antonio Lopez: Fashion, Art, Sex, and Disco։ Rizzoli։ ISBN 0847837920 
  12. Kershaw Miriam (1997)։ «Performance Art»։ Art Journal 56 (Performance Art): 19–25 
  13. «Grace Jones»։ Fashion Insider: Supermodels Encyclopedia։ Արխիվացված է օրիգինալից 2013-10-12-ին։ Վերցված է մայիսի 5, 2013 
  14. Sewards Lisa։ «'It's hard being a freak!' Grace Jones has built a 30-year career on scaring the hell out of us. But, she says, she's really a big softie | Mail Online»։ Daily Mail (London) 
  15. O'Brien Lucy (1991)։ Annie Lennox։ London: Sidgwick & Jackson 
  16. 16,0 16,1 16,2 «10 Things You Never Knew About... Grace Jones»։ www.clashmusic.com։ Վերցված է հունվարի 1, 2012 
  17. 17,0 17,1 Beta, Andy (մայիսի 1, 2014)։ «Grace Jones - Nightclubbing»։ Pitchfork։ Վերցված է մայիսի 1, 2014 
  18. «Brazilian Girls Interview (clip 16) Brazilian Girls on fashion, Grace Jones, designers, Alexander McQueen, Issey Miyake, and Bjork. Produced by Uncensored Interview / Zen Cat Productions. Brazilian Girls Interview (clip 16) on July 24, 2008 in New York City (Footage by WireImage Video/Getty Images)»։ GETTY Images։ Վերցված է մայիսի 17, 2013 
  19. «Roison talks Grace»։ Վերցված է մայիսի 4, 2013 
  20. «Amazing Grace Nile Rodgers»։ Վերցված է մայիսի 4, 2013 
  21. «Cool Accidents, Santigold's Mixtape»։ Cool Accidents։ Վերցված է մայիսի 15, 2013 
  22. «Basement Jaxx on Grace Jones, Live Performance, Sex, and Passion»։ Վերցված է մայիսի 7, 2013 
  23. Cartner-Morley Jess, Mirren Helen, Huffington Arianna, Amos Valerie (մարտի 28, 2013)։ «The 50 best-dressed over 50s»։ The Guardian (London) 
  24. «Grace Jones»։ www.nndb.com։ Վերցված է հոկտեմբերի 15, 2009 
  25. Dolph Lundgren interview։ Blockbuster, Youtube։ Վերցված է 2011-05-22 
  26. Willman Chris (փետրվարի 11, 1990)։ «Queen of Pop Shock Struts into the '90s: Before Madonna and Annie Lennox, Grace Jones paved the way. Now the multi-media artist sets her sights on 'softer'»։ The Los Angeles Times։ Վերցված է հունիսի 3, 2013 

Արտաքին հղումներ[խմբագրել | խմբագրել կոդը]