Գորդոն Ռամզի

Վիքիպեդիայից՝ ազատ հանրագիտարանից
Jump to navigation Jump to search
Գորդոն Ռամզի
Gordon Ramsay.jpg
Գորդոն Ռամզի
հունիս, 2006 թվական
Բնագիր ԱԱՀGordon James Ramsay, Jr.
Ծննդյան օրնոյեմբերի 8, 1966 (52 տարեկան)
ԾննդյավայրՌենֆրյուշիր, Շոտլանդիա
ԱմուսինՏանա Ռամզի
Խոհարարական կարիերա
Խոհարարական ոճֆրանսիական
իտալական
բրիտանական
gordonramsay.com

Գորդոն Ջեյմս Ռամզի կրտսեր (անգլ.՝ Gordon James Ramsay, Jr., /ˈræm.ziː/), (նոյեմբերի 8, 1966, Ջոնստոուն, Ռենֆրյուշիր, Շոտլանդիա), բրիտանացի ավագ խոհարար և ռեստորանատեր։ Նրա ռեստորանները ստացել են Միշլենի 15 աստղ և ներկայումս պահպանել են 14-ը[1][2][3]։ Նրա անվամբ ռեստորանը՝ Գորդոն Ռամզի ռեստորանը, որը գտնվում է Չելսիում (Լոնդոն), 2001 թվականից պահպանում է 3 աստղը։ Ռամզին հայտնի է նաև խոհարարությանը և սննդին վերաբերող այնպիսի հեռուստատեսային ծրագրերից, ինչպիսիք են բրիտանական բազմասերիանոց «Դժոխային խոհանոց»-ը (անգլ.՝ Hell's Kitchen), «Ֆ բառը» (The F Word) և «Ռամզիի խոհանոցային մղձավանջները» (Ramsay's Kitchen Nightmares)։ Հայտնի են նաև «Դժոխային խոհանոցի», «Խոհանոցային մղձավանջների», «Վարպետ խոհարար»-ի (MasterChef), «Վարպետ խոհարար կրտսեր»-ի (MasterChef Junior) և «Դժոխային հյուրանոց»-ի ամերիկյան տարբերակները։

Վաղ կյանք[խմբագրել | խմբագրել կոդը]

Ռամզին ծնվել է 1966 թվականի նոյեմբերի 8-ին[4] Շոտլանդիայում[5]։ 5 տարեկանից մեծացել է Անգլիայի Էյվընի Սթրեդֆորդ քաղաքում[6]։ Գորդոնն ընտանիքի 4 երեխաներից երկրորդն է՝ ավագ քույրը՝ Դիանան, կրտսեր եղբայրը՝ Ռոննին և կրտսեր քույրը՝ Իվոնեն։ Ռամզիի հայրը՝ Գորդոն Ջեյմս ավագը (մահացել է 1997 թվականին)[7] տարբեր թվականներին եղել է լողավազանի մենեջեր, եռակցող, խանութպան։ Քույրը՝ Իվոնեն և մայրը՝ Հելենը (օրիորդական ազգանունը՝ Քոսգրով)[7] բուժքույրեր են[8]։

Ռամզին իր վաղը կյանքը նկարագրել է որպես «անհույս թափառական»: Ընտանիքը հաճախ էր տեղափոխվում հոր ձախողումների և ձգտումների պատճառով, ով այդ ժամանակ տառապում էր հարբեցողությամբ[7] 1976 թվականին նրանք վերջնականապես հաստատվեցին Էյվընի Սթրեդֆորդում, որտեղ նա մեծացավ քաղաքի Բիշոփտոն թաղամասում։[9]։ Humble Pie ինքնակենսագրական գրքում[8] Գորդոնը նկարագրում է, որ իր կյանքը լի է եղել բռնությամբ և արհամարհանքով կնամոլ, հարբեցող հոր պատճառով[8][10]։ 16 տարեկան հասակում Ռամզին ընտանեկան տնից հեռացավ և սկսեց ապրել Բանբերիում գտնվող մի բնակարանում[11]։

Ֆուտբոլային կարիերա[խմբագրել | խմբագրել կոդը]

Ռամզին ֆուտբոլ էր խաղում և նրան առաջինն ընտրեցին, որպեսզի 12 տարեկանում խաղա 14 տարեկանից ցածրերի թիմում։ Պետք է հանդես գար Ուորվիքշիրում։ Գորդոնի ֆուտբոլային կարիերան ուղեկցվեց բազմաթիվ վնասվածքներով։ Հետագայում նա նշում էր․ «Միգուցե ես արդեն դատապարտված էի վնասվածքներ ստանալ, երբ սկսեցի ֆուտբոլ խաղալ»[8] 1984 թվականի կեսերին Ռամզին դատական գործընթացի մեջ էր Ռեյնջերսի հետ, որտեղ խաղում էր երիտասարդ ժամանակ։ Մարզումների ժամանակ նա լրջորեն վնասեց ծունկը՝ կոտրելով աճառը:[12]։ Սակայն Ռամզին շարունակեց մարզվել և խաղալ վնասված ծնկով՝ սքվոշ խաղի ժամանակ պատռելով խաչաձև կապանները։

Ռամզիից պահանջեցին խաղալ առաջին 2 խաղերը Ռեյնջերսի թիմում[13]։ Ըստ նրա ինքնակենսագրության՝ Գորդոնը խաղաց մի քանի ընկերական խաղերում որպես նորեկ[14] և 15 տարեկան հասակում պայմանագիր կնքեց ակումբի հետ[15]։

Լուսանկարիչ Ալան Քեիրնսը, ով լուսանկարեց Ռամզիին 1985 թվականի սեպտեմբերին, ասեց, որ նա Ռեյնջերսի առաջին խաղացողներից չէ․ նրան թիմ են վերցրել, որ հանդես գա փորձնական խաղերում։ Ռեյնջերսի մամլո խոսնակն ասաց․ «Ռամզին փորձնական խաղացող էր այդ բախտորոշ խաղում: Այդ խաղից հետո նա մի քանի ամիս մարզվել է մեզ հետ և դրանից հետո վնասվածք ստացել»[16]։

Այցելություն Ռեյնջերսին[խմբագրել | խմբագրել կոդը]

The F Word հեռուստաշոուի (առաջին անգամ ցուցադրվել է 2008 թվականի հուլիսի 29-ին)[17] 4-րդ եթերաշրջանի 12-րդ դրվագում Ռամզին այցելեց Այբրոքս՝ իր սիրելի թիմի՝ Ռեյնջերսի հայրենի քաղաք և բացականչեց․ «Տո՜ւն, սիրելի՜ տուն» և ասաց․ «Երազանքս իրականացավ, երբ ինձ նկատեցին 1980-ական թվականների կեսերին, և ես միացա Այբրոքսի երիտասարդական թիմին»: Նա նշեց, որ իր ամենասիրելի հիշողություններից մեկը Շոտլանդիայի ֆուտբոլի լեգենդ Էլի ՄակՔոինստի հետ խաղալն է, ով Ռամզիի մասին ասել է․ «Ես նրան լավ եմ հիշում և միակ բանը, որ երբեք չի փոխվի այն է, որ, նա մրցունակ է և ցանկանում է անել ու լինել լավագույնը»: Ի պատասխան՝ Ռամզին ասաց․ «Վնասվածք ստանալուս փաստը սկսեցի թեթև տանել միայն մի քանի տարի անց և Միշլենի 3-րդ աստղը ստանալուց հետո: Առանց Այբրոքսում տեղի ունեցած իրադարձությունների՝ ես չէի դառնա այն ավագ խոհարարը, որ այժմ եմ»[18]։

Խոհարարական վաղ տարիներ[խմբագրել | խմբագրել կոդը]

Ոչխարի մսից պատրաստված ուտեստ «Գորդոն Ռամզի ռեստորան»-ից

Վնասվածքից հետո Ռամզին սկսեց հետաքրքվել խոհարարությամբ և 19 տարեկանում վնասված ծնկով[8] ֆուտբոլիստը սկսեց ավելի շատ ուշադրություն դարձնել իր խոհարարական կրթությանը։ Ծանրութեթև անելով ամեն ինչ՝ Ռամզին ընդունվեց Հյուսիսային Օքսֆորդշիրի տեխնիկական քոլեջ՝ Հյուրանոցային մենեջմենթի բաժին։ Քոլեջ ընդունվելու որոշումը նա բնորոշում է որպես պատահականություն։[8]

1980-ական թվականների սկզբներին նա Ռոքստոն հաուս հյուրանոցում (անգլ.՝ Wroxton House Hotel) աշխատում էր որպես խոհարար, այնուհետև ղեկավարում էր Wickham Arms-ի խոհանոցը և 60 տեղանոց ճաշասրահը մինչև ռեստորանի տիրոջ կնոջ հետ սիրավեպն ամեն ինչ բարդացրեց[19]։ Ռամզին տեղափոխվեց Լոնդոն, որտեղ աշխատեց մի շարք ռեստորաններում մինչև սկսեց աշխատել Հարվիում՝ տաքարյուն Մարկո Պիեռ Ուայթի համար։[8]

Երկու տարի 10 ամիս Հարվիում աշխատելուց հետո Ռամզին, հոգնելով բռնություններից, ծաղրանքներից և բուլինգից, որոշեց, որ կարիերայում առաջ գնալու համար անհրաժեշտ է ուսումնասիրել ֆրանսիական խոհանոցը: Ուայթը խորհուրդ չէր տալիս աշխատել Փարիզում, փոխարենը քաջալերում էր աշխատել Ալբերտ Ռուսի համար՝ Le Gavroche ռեստորանում (այստեղ նա ծանոթացավ իր ապագա մետրդոտել Ժան Կլոդ Բրետոնի հետ, ով այժմ աշխատում է իր Royal Hospital Road ռեստորանում)։ Մեկ տարի Le Gavroche-ում աշխատելուց հետո, Ալբերտ Ռուսը հրավիրեց Ռամզիին իր հետ աշխատել Դիվա հյուրանոցում որպես իր աջ ձեռք։ Դիվան դահուկային հանգստավայր էր Ալպերում։ Այնտեղից Ռազին տեղափոխվեց Փարիզ՝ աշխատելու Գի Սավուայի և Ջոել Ռոբուշոնի հետ․ երկուսն էլ Միշլենի աստղակիր ավագ խոհարարներ են։ Master Chef հեռուստաշոուի 3-րդ եթերաշրջանում, 18-րդ դրվագում Գորդոն Ռամզին արձանագրում է, որ Գի Սավուան է եղել իր ուսուցիչը։ 3 տարի նա շարունակեց իր ուսումը Ֆրանսիայում, այնուհետև որպեսզի թոթափի ֆիզիկական և մտավոր սթրեսը մեկ տարի աշխատեց Բերմուդյան կղզիներում՝ մասնավոր զբոսանավի վրա որպես անձնական ավագ խոհարար։[8]

Գլխավոր ավագ խոհարար[խմբագրել | խմբագրել կոդը]

Գորդոն Ռամզի

1993 թվականին վերադառնալով Լոնդոն՝ Ռամզիին առաջարկեցին գլխավոր ավագ խոհարարի պաշտոն (Պիեռ Կոֆման ավագ խոհարարի ղեկավարությամբ) Չելսիում գտնվող Միշլենիի 3 աստղակիր La Tante Claire ռեստորանում։ Քիչ անց Մարկո Պիեռ Ուայթը կրկին մտավ Գորդոնի կյանք՝ վերջինիս առաջարկելով գլխավոր ավագ խոհարարի պաշտոն և Ռոսմորի եկամտից 10%: Ռեստորանը վերանվանվեց Aubergine և 14 ամիս անց նվաճեց Միշլենի իր առաջին աստղը։ 1997 թվականին Aubergine-ը ստացավ Միշլենի երկրորդ աստղ։ Չնայած ռեստորանի հաջողություններին՝ Ռամզիի տարաձայնությունները բիզնես գործընկերների հետ և սեփական ռեստորան ունենալու երազանքը ստիպեցին նրան հեռանալ այնտեղից 1997 թվականին[8] 1998 թվականին Ռամզին աներոջ՝ Քրիս Հաչեսոնի օգնությամբ, Չելսիում բացեց իր սեփական՝ Գորդոն Ռամզի ռեստորանը (անգլ.՝ Restaurant Gordon Ramsay)։ Այն 2001 թվականին ստացավ Միշլենի 3-րդ աստղ՝ Ռամզիին դարձնելով առաջին շոտլանդացին, ով հասավ նմանատիպ հաջողության։[20]։

Առաջին ռեստորանից հետո Ռամզիի կայսրությունն արագ ընդարձակվեց․ հաջորդը բացվեց Պետրուսը, այնուհետև Ամարիլիսը՝ Գլազգոյում (որը հետո ստիպված էր փակել) և ավելի ուշ՝ Gordon Ramsay at Claridge's-ը։ Նա աշխատանքի վերցրեց իր ընկերոջը՝ մետրդոտել Ժան Ֆիլիպ Սուսիլովիչին, ով այժմ աշխատում է Պետրուսում և հանդես է գալիս Ռամզիի՝ «Դժոխային խոհանոց» հեռուստաշոուի ամերիկյան տարբերակում։ Այնուհետև բացվեցին Dubai Creek-ը և Connaught հյուրանոցները։ Ռամզին բացեց ռեստորաններ նաև Մեծ Բրիտանիայից դուրս՝ սկսելով Դուբայից, որտեղ բացեց Verre ռեստորանը։ 2005 թվականին 2 ռեստորան բացեց Տոկիոյում՝ Gordon Ramsay at Conrad Tokyo-ն և Cerise by Gordon Ramsay-ը։ 2006 թվականի նոյեմբերին Գորդոն Ռամզին Նյու Յորքում բացեց Gordon Ramsay at the London ռեստորանը՝[21] դառնալով քաղաքի լավագույն նորեկը՝ չնայած պրոֆեսիոնալ քննադատների տարաբնույթ արձագանքներին[22]։

2007 թվականին Ռամզին Իռլանդիայի Ուիքլոու կոմսությունում՝ Փաուերսկորթի Ռից Քարլտոն հյուրանոցում բացեց իր առաջին ռեստորանը՝ Gordon Ramsay at Powerscourt-ը,[23] որը 2013 թվականին փակվեց։ 2008 թվականի մայիսին ԱՄՆ-ի արևմտյան ափին՝ Լոս Անջելեսի London West Hollywood հյուրանոցում բացեց իր առաջին ռեստորանը՝ Բոքսվուդը:

2011 թվականի օգոստոսի 9-ին Գորդոնը Կանադայի Մոնրեալ քաղաքում բացեց իր առաջին ռեստորանը՝ Laurier Gordon Ramsay[24]։ 2012 թվականի փետրվարին Դենի Լևին՝ ռեստորանի տերը, հայտարարեց, որ խզում է համագործակցությունը Ռամզիի հետ, քանի որ վերջինս քիչ է ներգրավված աշխատանքում[25]։ 2013 թվականին ռեստորանը փակվեց։[26]

Մրցանակներ[խմբագրել | խմբագրել կոդը]

Բացվելով 1998 թվականին՝ Գորդոն Ռամզի ռեստորանը, Ռամզիի առաջին սեփական ռեստորանն էր։ Այն գտնվում է Լոնդոնի Ռոյալ Հոսփիտալ Ռոուդ փողոցի վրա։ 2001 թվականին Լոնդոնի Zagat Survey ընկերության հարցումների արդյունքում այն ճանաչվել է Մեծ Բրիտանիայի ամենաառաջատար ռեստորաններից մեկը և ստացել Միշլենի 3-րդ աստղ՝ Գորդոն Ռամզիին դարձնելով առաջին շոտլանդացի ավագ խոհարարը, ում ռեստորանը ստացել է Միշլենի 3 աստղ[27]։ 2011 թվականին Daily Mail թերթը պահանջեց, որպեսզի Ռամզին ավելի շատ ժամանակ անցկացնի հեռուստատեսությունում, քան խոհանոցում, և չնայած սուղ ժամանակին՝ նա դեռևս պահպանում է Չելսիի իր ռեստորանի 3 աստղը։ Այդ ժամանակ Ռամզին Մեծ Բրիտանիայի 4 ավագ խոհարարներից մեկն էր, ով իր ռեստորանի համար պահպանեց Միշլենի 3 աստղերը (մյուս 3 ավագ խոհարարներն էին Հեստոն Բլումենթալը, Ալեն Դյուկասը և Ալեն Ռուսը)[28]։

2006 թվականին Էլիզաբեթ II թագուհին նրան շնորհում է Բրիտանական կայսրության ասպետ տիտղոսը՝ հյուրընկալության ոլորտում մատուցած ծառայությունների համար, սակայն ինքնաթիռի ուշացման պատճառով չի ստանում մրցանակը հանդիսավոր արարողության ժամանակ, այլ ստանում է այն հայրենի Շոտլանդիայում[29]։

2006 թվականի հուլիսին Ռամզին ստացավ Catey մրցանակ՝ «Տարվա անկախ ռեստորանատեր» անվանակարգում՝ դառնալով երրորդ անձը, ով ստացել է 3 Catey մրցանակ։ Ռամզին նախկին 2 Catey մրցանակները ստացել է 1995 թվականին՝ որպես տարվա նորեկ և 2000 թվականին՝ որպես տարվա ավագ խոհարար։ Մյուս եռակի մրցանակակիր ավագ խոհարարներն են Միշել Ռուսը և Ժակի Պերնը[30]։ 2006 թվականի սեպտեմբերին ամենամյա Caterersearch 100 ցուցակում ճանաչվել է Մեծ Բրիտանիայի հյուրընկալության ոլորտի ամենաազդեցիկ անձը։ Ցանկը հրապարակվել է Caterer and Hotelkeeper ամսագրի կողմից։ Նա առաջ անցավ Ջեյմի Օլիվերից, ով գլխավորում էր ցուցակը 2005 թվականին[31]։ 2006 թվականին նրան առաջադրել են նաև Սուրբ Էնդրյու համալսարանի ռեկտորի պաշտոնում, սակայն քվեներով տարվել է Սայմոն Փեփերին[32]։

Ռամզիի գլխավոր ռեստորանը՝ Գորդոն Ռամզի ռեստորանը, 8 տարի շարունակ ճանաչվել է որպես Լոնդոնի ամենաառաջատար ռեստորան, սակայն 2008 թվականին Պետրուս ռեստորանն առաջ է անցնում, որը ղեկավարում էր իր նախկին սան Մարկուս Վարիգը[33]։ 2013 թվականի հունվարին Ռամզին իր տեղը զբաղեցրեց Խոհարարագիտության Փառքի սրահում[34]։

Գորդոն Ռամզի Հոլդինգս[խմբագրել | խմբագրել կոդը]

Ռամզիի «Պետրուս» ռեստորանի ճաշասրահը

Ռամզիի բոլոր բիզնեսները՝ ռեստորաններ, մեդիա, խորհրդատվություն, վարում է Գորդոն Ռամզի Հոլդինգս լիմիթեդ ընկերությունը, որը ղեկավարում է աներոջ՝ Քրիս Հաչեսոնի հետ միասին։ Ռամզիին է պատկանում ընկերության 69%-ը, որը գնահատվում է £67 միլիոն[35]։

2006 թվականի նոյեմբերին Ռամզին հայտարարեց ԱՄՆ-ում 3 ռեստորան բացելու ծրագրերի մասին, որն իրականացնելու էր մասնավոր ներդրումային ընկերության՝ Բլեքստոուն գրուպի հետ համատեղ, որը £100 միլիոն գումարով ցանկացած հյուրանոց դարձնում է 5 աստղանի։ Ընկերությունը 10 տարի ժամկետով, յուրաքանչյուր ռեստորանի համար £3 միլիոն գումար ներդրեց։ Բոլոր ռեստորանները կրելու էին ավագ խոհարարի ապրանքանիշը և մատուցվելու էին եվրոպական խոհանոցի ուտեստներ։ 2006-2007 թվականներին բացվեցին՝

2006 թվականի վերջին Գորդոն Ռամզի Հոլդինգսը Լոնդոնում 3 գինետուն գնեց, որը վերածեց պանդոկների։ Դրանք են՝ Ներոուն՝ Լայմհաուսում, որը բացվեց 2007 թվականի մարտին, Դևոնշիրը՝ Չիսվիքում, որը բացվեց 2007 թվականի հոկտեմբերին և Ուորինգտոնը՝ Մեյդա Վեյլում, որը բացվեց 2008 թվականի փետրվարին։ Դևոնշիրը և Ուորինգտոնը 2011 թվականին վաճառվեցին, և Ներոուն մնաց Հոլդինգի միակ պանդոկը[36]։

Ռամզին մի շարք հասարակական սննդի կազմակերպություններին խորհրդատվական ծառայություններ է մատուցում, ինչպես նաև Սինգապուր ավիաընկերության "International Culinary Panel"-ի խորհրդատուներից մեկն է[37]։

2008 թվականի մայիսին հաստատվեց այն փաստը, որ Ռամզիի սանը՝ Մարկուս Վարինգը, ում հետ աշխատել էր 15 տարի, առանձնանում է՝ աշխատեցնելով Գորդոն Ռամզի Հոլդինգսի կողմից 2003 թվականին բացած Պետրուս ռեստորանը Բերքլի հյուրանոցում[38]։

Գորդոն Ռամզիի «Pub and Grill»-ը «Կեսարի պալատ» հյուրանոց-խաղատանը, Լաս Վեգաս, Նևադա

2010 թվականի ապրիլին Ջեյսոն Աթերտոնը՝ աշխարհահռչակ Մեյզ ռեստորանների գլխավոր ավագ խոհարարը, հեռացավ՝ որպեսզի իր սեփական ռեստորանը բացի Մեյֆեյրում[39]։

2010 թվականի հոկտեմբերի 19-ին Գորդոն Ռամզի Հոլդինգս Լիմիթեդ ընկերությունը հայտարարեց, որ Քրիս Հաչեսոնը հեռանում է գործադիր տնօրենի պաշտոնից։ Քիչ անց Ռամզին մամուլի հաղորդագրություն ուղարկեց, որտեղ նկարագրում էր, թե ինչպես է բացահայտել «խարդախ» Հաչեսոնի արարքները մասնավոր հետախույզի օգնությամբ, ում վարձել էր՝ հետևելու վերջինիս։ Ընկերության հաշվապահույթունը ցույց տվեց, որ Հաչեսոնն անձնական նպատակներով Հոլդինգից վերցրել է £1.5 միլիոն գումար գործադիր տնօրեն լինելու ժամանակ, թեև զեկուցել է այդ գումարի մասին և որ այն վերադարձրել է[40]։

2012 թվականի հոկտեմբերին Ռամզին Լոն Անջելեսում բացեց The Fat Cow ռեստորանը US at The Grove առևտրի սրահում, որը հանրահայտ է նաև զբոսաշրջիկների շրջանում[41]։ Ռամզին իր մտադրությունը բացատրում է այսպես․ «The Fat Cow-ի միտքն առաջացավ նրանից, որ ցանկանում էի հարևանությամբ մի ռեստորան ունենալ, որտեղ կարող ես գնալ, երբ ցանկանաս՝ ուղղակի հանգստանալու և սարսափելի ուտելիք վայելելու համար»[42]։

2013 թվականի սեպտեմբերին Ռամզին ֆուտբոլիստ Դևիդ Բեքհեմի հետ Լոնդոնի Սաութուորք թաղամասում բացեց Union Street Café սրճարանը, որտեղ շոֆ խոհարար Դավիդ Դեջիովանիի ղեկավարությամբ մատուցվում են իտալական խոհանոցի ուտեստներ[43]։

2013 թվականի հոկտեմբերին Նյու Յորքի Gordon Ramsay at The London ռեստորանը կորցրեց Միշլենի 2 աստղ։ Միչելին ուղեցույցի տնօրեն Մայքլ Էլիսն ասաց, որ իրեն մատուցել են «վատ ուտելիք»: 2013 թվականի հունիսին փակվեց Ռամզիի ևս մեկ ռեստորան[44]։

Հեռուստատեսություն[խմբագրել | խմբագրել կոդը]

Ռամզին BBC-ի Gardeners' World շոուի ժամանակ, 2008

Ռամզին առաջին անգամ հեռուստատությամբ հանդես է եկել Եռման կետ (անգլ.՝ Boiling Point) (1998) և Եռման կետից այն կողմ (անգլ.՝ Beyond Boiling Point) (2000) հաղորդումներում։ Սակայն սրանից առաջ՝ 2007 թվականին, իր ապագա գործընկերոջ հետ եղել է երիտասարդ ուսանող-խոհարարների մրցույթի ժյուրին։

2001 թվականին Ռամզին հայտնվեց նաև Faking It 3 սերիաներում՝ օգնելով խոստումնալից ավագ խոհարար, բուրգեր ֆլիպեր Էդ Դևլինին տիրապետել խոհարարական հմտություններին։ 2001 թվականի BAFTA-ում այդ դրվագը ստացավ մրցանակ՝ որպես «Լավագույն հեռուստատեսային դրվագ»[45][46]։

2004 թվականին Ռամզին նկարահանվեց 2 բրիտանական հեռուստատեսային նախագծերում։ Ռամզիի Խոհանոցային մղձավանջները, որոնք եթեր էին հեռարձակվում Channel 4 հեռուստաալիքով, 2007 թվականին հանդես եկավ 5-րդ եթերաշրջանով։ Դժոխային խոհանոցը ռիելիթի շոու էր, որը հեռարձակվում էր ITV1 հեռուստաալիքով։ Նախագծի ընթացքում Ռամզին փորձում էր 10 բրիտանացի հայտնի մարդկանց դարձնել ավագ խոհարարներ, ովքեր այդ ընթացքում աշխատում էին Բրիք լեյնում գտնվող մի ռեստորանում, որը շոուի 2 շաբաթների ընթացքում բաց էր հասարակության առաջ։

2005 թվականի մայիսին FOX ցանցը Ռամզիին ներկայացրեց ամերիկյան հանդիսատեսին Դժոխային խոհանոցի ամերիկյան տարբերակում, որը թողարկվում էր Granada Entertainment and A. Smith & Co-ի կողմից։ Շոուն նման էր բրիտանական տարբերակին, որտեղ ցուցադրվում էր Ռամզիի պերֆեկցիոնիստ լինելը և շուտ բորբոքվելը։ Շոուն ավարտեց իր 13-րդ եթերաշրջանը 2014 թվականին, և Fox-ը պատվիրեց ևս 3 եթերաշրջան։ Ռամզին հյուրընկալեց նաև Խոհանոցային մղձավանջների ամերիկյան տարբերակը 2007 թվականի սեպտեմբերի 19-ին Fox հեռուստաալիքով։ Շոուն այժմ ունի 7 եթերաշրջան․ վերջինը ցուցադրվել է 2014 թվականին։

Ռամզին ներկայացրեց The F Word նախագծի 5 եթերաշրջանները, որի պրեմիերան կայացավ 2005 թվականի հոկտեմբերի 27-ին Channel 4 հեռուստաալիքով։ Շոուն կառուցված է մի քանի իրադարձությունների շուրջ՝ թիմերի մրցակցություն, հյուր խոհարարի մրցույթ, սննդի հետազոտական զեկույց և ընտանի կենդանիների բուծում, որոնցից վերջում ուտեստներ են պատրաստվելու։ Շոուի ընթացքում հյուր խոհարարը, ով սովորաբար հայտնի անձ է լինում, պատրաստում է որևէ ուտեստ, որը «մրցում» է Ռամզիի պատրաստած ուտեստի հետ։ Ուտեստները գնահատվում են ռեստորանի հաճախորդների կողմից, ովքեր տեղյակ չեն, թե որ ուտեստն ով է պատրաստել։ Եթե հաղթում է հյուրը (որը բազմիցս պատահում է), ուտեստն ընդգրկվում է Ռամզիի ռեստորանի ճաշացանկում։

The F Word-ի առաջին եթերաշրջաններում Ռամզին հեգնանքով բուծվող հնկահավերին անվանեց հայտնի ավագ խոհարարների անուններով՝ Էնթոնի, Էյնսլի, Ջեյմի, Դելիա, Գարի և Նիգելա։ Երկրորդ եթերաշրջանի ժամանակ Ռամզին 2 խոզերին անվանեց Տրինի Վուդոլ և Սուսաննա Կոնստանտին․[47] վերջիններս այս փաստը շատ զվարճալի համարեցին[48]։ 2006 թվականի հուլիսին Channel 4 հեռուստաընկերությունը հայտարարեց, որ կրկին պայմանագիր է կնքել Ռամզիի հետ՝ ևս 4 տարի՝ մինչև 2011 թվականը հեռուստաշոուում հանդես գալու համար[49]։ Երրորդ եթերաշրջանում Ռամզին Հյուսիսային Ուելսից բերված ոչխարներին անվանեց 2 հայտնի ուելսցիների անունով՝ Շառլոթ Չըրչ և Գավին Հենսոն։ Եթերաշրջանները դարձան ամենաբարձր վարկանիշ ունեցող շոուները, որ յուրաքանչյուր շաբաթ ցուցադրվում էր Channel 4-ով[50]։ The F Word-ի հաղորդաշարերից մեկի ժամանակ Ռամզին ուտեստներ էր պատրաստում բանտարկյալների համար Դոնկաստեր բանտում։ Ավագ խոհարարն այնքան էր տպավորված բանտարկյալներից մեկի՝ բանջարեղենն արագ կտրտրելու ունակությամբ, որ վերջինիս աշխատանք առաջարկեց իր ռեստորանում, երբ նա ազատ կարձակվեր 2007 թվականին[51]։

2010 թվականին Ռամզին դարձավ Վարպետ խոհարարի (անգլ.՝ MasterChef) ամերիկյան տարբերակի պրոդյուսերը և ժյուրին[52]։ Երկրորդ եթերաշրջանը սկսվեց 2011 թվականի հունիսին։ Շոուի ժամանակ նրան ընկերակցեցին խոհարարական դատավորներ Գրեհեմ Էլիոտը և Ջո Բաստիանիչը։

2012 թվականի մարտին Fox-ը հայտարարեց Ռամզիի՝ Hotel Hell անվամբ հեռուստաշոուի 4 եթերաշրջանները[53]։ Հեռուստաշոուն նման է Խոհանոցային մղձավանջներին՝ այն տարբերությամբ, որ այս անգամ մրցակցում են ԱՄՆ-ի տարբեր հյուրանոցներ, մոթելներ և այլն[54]։ Պրեմիերան կայացավ 2012 թվականի օգոստոսի 13-ին[55]։

2012 թվականի օգոստոսի 18-ին Ռամզին ֆինանսավորում է The Inferno կոչվող դրաման[56]։

Հաղորդաշարերին հյուր[խմբագրել | խմբագրել կոդը]

Գարի Ռոդսն անակնկալի է բերում Գորդոն Ռամզիին

2005 թվականի սեպտեմբերին Ռամզին Ջեյմի Օլիվերի, Հեստոն Բլումենթալի, Վոլֆգանգ Փաքի և Սանջեև Կապուրի հետ մասնակցեց CNN International-ի Quest հաղորդաշարին[57]։

2006 թվականին Ռամզին մասնակցեց ITV հեռուստաընկերության հաղորդաշարերին, մասնավորապես բարեգործական նպատակներով կազմակերպված ֆուտբոլային հանդիպմանը, որտեղ ոտքի վնասվածքի պատճառով խաղաց միայն առաջին խաղակեսը։ Ռամզին Rest of the World XI թիմի կապիտանն էր, ով խաղում էր England XI թիմի դեմ, ում կապիտանը Ռոբի Ուիլյամսն էր[58]։

Top Gear-ում երկրորդ անգամ հայտնվելու ժամանակ նա հայտարարեց, որ տվյալ պահին վարում է Ֆեռարի F430 և Ռեյնջ Ռովեր Սպորտ Սուպերչարջդ ավտոմեքենաներ։ Բենթլի Քոնտինենտալ GT-ին փոխարինել էր Ռեյնջ Ռովերով։ 2006 թվականի մայիսի 14-ին մասնակցեց Top Gear-ի «Star in a Reasonably-Priced Car» հաղորդմանը։ Ռամզին առաջին տեղն էր զբաղեցնում հաղորդմանը մասնակցող հայտնիների ցանկում մինչև պարտվեց Սայմոն Քոուելին:

Ռամզին մասնակցեց Արյան ազգային ծառայության կողմից նախաձեռնված «Արյուն տուր» (անգլ.՝ Give Blood) հեռուստաակցիային, որտեղ ասաց, որ կմահանար փայծաղի պատռվելուց, եթե չհայտնվեր դոնոր։ 2006 թվականի հոկտեմբերի 13-ին որպես հյուր հանդես է եկել Have I Got News for You հաղորդաշարի 32-րդ հաղորդմանը։ 2007 թվականի դեկտեմբերի 27-ին Ռամզին մասնակցեց է Extras-ի ամանորյա հատուկ թողարկմանը։

2008 թվականի հունվարին եղել է Channel 4 հեռուստաալիքով հեռարձակվող Big Brother հաղորդման հյուրը։

2011 թվականին American Idol երաժշտական մրցույթի առաջատար 5 մասնակիցները ցույց տվեցին իրենց խոհարարական հմտությունները Գորդոն Ռամզիի հետ։ Նրանց 10 րոպե ժամանակ էր տրվել՝ օմլետներ պատրաստելու համար։

2011 թվականի նոյեմբերին Ռամզին հայտնվեց Սիմփսոնների The Food Wife դրվագին։

Դատական հայցեր[խմբագրել | խմբագրել կոդը]

2006 թվականի հունիսին Ռամզին շահեց London Evening Standard թերթի դեմ ընթացող դատական գործը, որտեղ Վիկտոր Լյուիս Սմիթը պնդում էր, որ, ելնելով նախկին տիրոջ՝ Սյու Ռեյի զեկույցներից, Ռամզիի Խոհանոցային մղձավանջներ հեռուստաշոուի տեսարանները պատճենված են Bonaparte-ից։ Ռամզիին վճարեցին £75,000՝ գումարած նաև դատական ծախսերը[59]։ Այդ ժամանակ Ռամզին հայտարարեց․ «Ես թույլ չեմ տա, որ մարդիկ գրեն այն, ինչ ցանկանան: Մենք ոչինչ չենք կրկնօրինակել»:

2007 թվականի հունիսին Ռամզիի շոուին դատի տվեց նյույորքյան Purnima ռեստորանի գլխավոր մենեջեր Մարտին Հայդը, ով նրան մեղադրում էր կրկնօրինակման մեջ։ Հայդիին հեռացրել էին իր պաշտոնից շոուի ընթացքում, երբ Ռամզին առաջարկել էր աշխատանքի վերցնել հնդիկ ավագ խոհարար Վիկաս Խաննային։ Հայցում նշվում էր․ «հանդիսատեսին անհայտ է, որ «Խոհանոցային մղձավանջներ»-ի որոշ մասեր կրկնօրինակումներ են և որ Ռամզիի կողմից հայտնաբերված և լուծված խնդիրները մեծամասամբ հենց ինքը՝ Ռամզին է ստեղծում, որպեսզի թվա, թե ինքը բարելավում է ռեստորանը»[60]։ 2007 թվականի օգոստոսին հայցը կասեցվեց։[61]

2012 թվականի մարտի 21-ին $2.7 միլիոն ԱՄՆ դոլարի հայց ներկայացրեց Մոնրեալի (Քվեբեկ) իր՝ Laurier Gordon Ramsay ռեստորանի (որը հետագայում վերանվանվեց The Laurier 1936) նախկին գործընկերոջ դեմ՝ սուտ տեղեկություններ տարածելու և լիցենզիաների հետ կապված խնդիրների համար[62][63]։ 2013 թվականի ապրիլի 16-ին՝ մեկ տարի անց, The Laurier 1936 ռեստորանը փակվեց[64]։

Հասարակական կերպար[խմբագրել | խմբագրել կոդը]

Որպես անձ[խմբագրել | խմբագրել կոդը]

Ռամզիի հեղինակությունը կառուցված է նրա՝ խոհանոցում կատարելության ձգտելու նպատակի վրա։ «Եռման կետ»-ի թողարկվելուց հետո, որին հաջորդեց Միշլենի 3 աստղերի ստանալը, ավագ խոհարարը հայտնի դարձավ նաև իր տաքարյունությամբ և հայհոյախառն բառապաշարով[65]։ Մի անգամ սննդի քննադատ Ա․ Ջիլն ասաց, որ Ռամզին հրաշալի ավագ խոհարար է, սակայն որպես մարդ՝ երկրորդ կարգի[20] Իր ինքնակենսագրական գրքում Ռամզին նշեց, որ եթե Ջիլը վիրավորեր իր ուտեստները, ապա չէր վրդովվի, սակայն իրեն ուղղված վիրավորանքները նա տանել չի կարող։ Ռամզին տարաձայնություններ ուներ նաև իր աշխատակազմի հետ․ մի անգամ նույնիսկ հրուշակեղենի խոհարարը ոստիկանություն կանչեց։[66]։ 2005 թվականին պատրաստված հաղորդումից պարզ դարձավ, որ Ռամզին 1993 թվականից պահպանել էր իր աշխատակազմի 85%-ը[67]։ Ըստ Ռամզիի՝ իր ղեկավարման ոճը ժառանգել է իր նախորդ ուսուցիչներից՝ հայտնի ավագ խոհարարներ Մարկո Պիեռ Ուայթից և Գի Սավուայից, աներոջից՝ Քրիս Հաչեսոնից, Ռեյնջերսի՝ իր ֆուտբոլային մարզիչ Ջոք Ուոլասից[68]։

Ռամզիի վայրագ բնավորությունը բողոքի ալիք է առաջացրել Մեծ Բրիտանիայում և ԱՄՆ-ում, որտեղ թողարկվում են նրա հաղորդաշարերը։[69][70] MSN Careers-ը հոդված հրապարակեց վատագույն հեռուստատեսային ղեկավարների մասին, որտեղ Ռամզին համարվում էր միակ ոչ մտացածին ղեկավարը։ Նրանք նշում էին Գորդոնի՝ հաճախակի համբերությունը կորցնելը և սուր քննադատությունները, հատկապես երբ նա փնովում է որևէ մեկի խոհարարական ունակությունները՝ վերջինիս անվանելով օրինակ «հաղթանդամ կապիկ»[71]։

Թեև Ռամզին հաճախ է ծաղրում ֆրանսիացիներին, նրա ամենավստահելի մետրդոտելներից մեկը՝ Ժան Բատիստ Ռեկիեն (Royal Hospital Road ռեստորան) ֆրանսիացի է[72][73]։ Ռամզին սահուն խոսում է ֆրանսերեն այն ժամանակվանից, երբ սովորում էր Փարիզում[74]։

2007 թվականի նոյեմբերին Ռամզին Լոնդոնում գտնվող իր 3 Միշլենի աստղ ունեցող գլխավոր ռեստորանի գլխավոր ավագ խոհարար նշանակեց 29-ամյա Քլեր Սմիթին:[75] Սմիթը Անջելա Հարթնեթից հետո երկրորդ կին ավագ խոհարարն է, ում վարձել է Գորդոնը։

Ռամզիին հաճախ են քննադատում իր հաղորդումների ժամանակ հայհոյախառն բառապաշար օգտագործելու համար։ Առաջինը նրան քննադատել է բրիտանացի հայտնի խոհարար Դելիա Սմիթը,[76] այնուհետև Ավստրալիայի դաշնային պառլամենտի անդամներից մեկը՝ տեսնելով Խոհանոցային մղձավանջներ հեռուստաշոուն[77]։ Իր ինքնակենսագրական գրքում Ռամզին խոստովանեց, որ չափազանց շատ հայհոյելու մասին չգիտեր այնքան ժամանակ, երբ մի օր դիտեց «Եռման կետ»-ի դրվագներից մեկը։ Թեև նա ասաց, որ ոչ մի խնդիր չի տեսնում, սակայն «մայրս սարսափած էր»:

2009 թվականի հունիսի 5-ին Ռամզին ազգային հեռուստաընկերությամբ վիրավորեց լրագրող Թրեյսի Գրիմշոուին: Հարցազրույցից մեկ օր անց նա Melbourne Food and Wine փառատոնի հյուրն էր, որտեղ իր ելույթի ժամանակ նա ենթադրաբար վիրավորել էր Գրիմշոուին և անվանարկել նրա սեքսուալությունը։ Հաջորդ օրը Գրիմշոուն պատասխանեց՝ Ռամզիին անվանելով «ամբարտավան, ինքնահավան խուլիգան»[78][79]։ Ռամզին ներողություն խնդրեց՝ հայտարարելով, որ ընդամենը կատակել է[80][81]։

Ռամզին արժանացավ նաև բուսակերների զայրույթին։ 2005 թվականին նա մի անծանոթ բուսակերի ազդրապուխտ մատուցեց «Խոհանոցային մղձավանջներ»-ի դրվագներից մեկում (Ռամզին ասաց, որ չգիտեր, որ խոհարարը ազդրապուխտը դրել է բանջարեղենի տակ)։ Նա BBC-ին տված հարցազրույցում խոստովանեց, որ խաբել է բուսակեր հաճախորդներին՝ թաքցնելով ապուրի մեջ հավի մսի առկայությունը[82]։

TV Guide-ը 2013 թվականին Ռամզիին ներառել է իր՝ բոլոր ժամանակների 60 ամենազզվելի սրիկաների ցանկում[83]։

Սնունդ[խմբագրել | խմբագրել կոդը]

Տավարի մսից կարպաչիո «Պետրուս» ռեստորանից

The F Word-ի երկրորդ եթերաշրջանում Ռամզին մեղմեց իր վերաբերմունքը բուսակերության նկատմամբ այն բանից հետո, երբ տիրապետեց խոզաբուծության, կրտման և պոչատման հմտություններին։ Հաղորդմանը Ռամզին ասաց․ «Ի սեր Աստծո, բավական է մարդկանց բուսակեր դարձնեք: Ես չեմ հասկանում, թե ինչպես է կարելի բաց թողնել մսի զարմանահրաշ համը»[84]։

Այլ ավագ խոհարարներ[խմբագրել | խմբագրել կոդը]

Ռամզին սուր քննադատում է սննդի ցանցը և ամերիկյան պողպատե ավագ խոհարար, աստղ Մարիո Բատալիին։ Նյու Յորք Փոսթը հրապարակեց, որ 2009 թվականին Բատալին արգելել է Ռամզիին այցելել իր ռեստորաններ։ Այս թշնամությունն իբր սկսվել է այն բանից հետո, երբ Բատալին քննադատել է Ռամզիի խոհարարական ոճը՝ այն անվանելով «ձանձրալի և հնաոճ»[85]։ Բատալին իր հերթին ասել է, որ թշնամությունն առաջացել է մի քանի լրագրողների պատճառով, այնուհետև ավելացրել՝ շատ կցանկանայի զվարճանալ Ռամզիի հետ[86]։

Անձնական կյանք[խմբագրել | խմբագրել կոդը]

Ընտանիք[խմբագրել | խմբագրել կոդը]

Ռամզին 1996 թվականին ամուսնացել է Կայետանա Հաչեսոնի (հայտնի որպես Տանա) հետ, ով Մոնտեսորիի կրթական մեթոդների կողմնակից ուսուցչուհի է։ Զույգն ունի 4 երեխա՝ Մեգանը, Մաթիլդան և երկվորյակներ Ջեքը և Հոլին։ Ապրում են Ուանդսուորթ Քոմմոնում[87]։ Մինչև 2010 թվականը Ռամզիի աները՝ Քրիս Հաչեսոնը, Ռամզիի ռեստորանային կայսրության բիզնես պատասխանատուն էր[88][89]։

Իրավական խնդիրներ[խմբագրել | խմբագրել կոդը]

2002 թվականի նոյեմբերի 15-ին Ռամզիին Լոնդոնում ձերբակալեցին ալկոհոլի ազդեցության տակ մեքենա վարելու համար։ Ոստիկանությունը գրավի դիմաց ազատ արձակեց նրան և հայտնեց, որ գործը կասեցված է։

Բարեգործություններ[խմբագրել | խմբագրել կոդը]

Գորդոն Ռամզի

Ռամզին մասնակցել է բարեգործական մի շարք երեկույթների և միջոցառումների։ Նա հասավ իր նպատակին՝ 10 տարում ավարտելով 10 մարաթոն: 10-րդը 2009 թվականի ապրիլի 26-ին էր Լոնդոնի Մարաթոնը, որը հովանավորվում էր շոտլանդական Scottish Spina Bifida միության կողմից[90]։

Ռամզին 2004 թվականից Scottish Spina Bifida միության պատվավոր անդամ է և 2005 թվականին սկսեց The Gordon Ramsay "Buy a Brick" ակցիան, որպեսզի օգնի միությանը դրամահավաքում։ Այդ գումարով պետք է կառուցվեր նոր «Ընտանիքի աջակցման կենտրոն» և գլխամասային գրասենյակ Գլազգոյում: 2006 թվականին նոր ակցիա սկսեց որպեսզի ավելի շատ գումար հավաքվի կենտրոնին աջակցելու համար։ 2007 թվականի նոյեմբերին Ռամզին Ստիրլինգ ամրոցում Սուրբ Էնդրյուի օրվան նվիրված ճաշկերույթ կազմակերպեց՝ միությանն օգնելու համար և այս ճաշկերույթ-դրամահավաքը դարձրեց ամենամյա[91]։

2005 թվականի մարտին Ռամզին հնդիկ ավագ խոհարար Մադհուր Ջեֆրիի հետ հիմնեց միջազգային բարեգործական խումբ որպեսզի աջակցի VSO-ի Spice Up Your Life միջոցառմանը։ Ռամզին և Մադհուրը հուսով էին հավաքել £100,000 գումար, որն ուղղվելու էր Հնդկաստանում ՄԻԱՎ-ի և ՁԻԱՀ-ի դեմ պայքարին[92]։ Ռամզիներն առաջին զույգն էր, ով 2005 թվականին դարձան «Օգնություն կանանց» բարեգործական միջոցառման դեսպանները։ Զույգը ղեկավարում էր Ֆլորա Ֆեմիլիս մարաթոնը,[93] որն ուղղված էր «Օգնություն կանանց» միջոցառմանը[94]։

Կյանքին վտանգ սպառնացող փորձեր[խմբագրել | խմբագրել կոդը]

2008 թվականին Իսլանդիայի Վեսթման կղզիներում նկարահանումների ժամանակ Ռամզիի ոտքը սայթաքեց և 26 մ ժայռից ընկավ սառցե ջուրը։ Այդ ժամանակ նա մտածեց․ «Կարծեցի, թե սա վերջն է․․․»: Հանելով ծանր կոշիկներն ու հագուստը՝ նրան հաջողվեց ջրի երես դուրս գալ։ Նկարահանող խումբը, ովքեր փրկեցին Ռամզիին՝ նրան պարան գցելով, հայտարարեցին, որ նա ջրի տակ է մնացել մոտ 45 վայրկյան։ Գորդոնն ասաց, որ այդ ժամանակ նա խուճապի մեջ էր ընկել, թոքերը լցվում էին ջրով։ Երբ կոշիկները հանեց և ջրի երես դուրս եկավ, շոկի մեջ էր, գլուխն ամբողջովին ուռել էր[95]։

Նախապես պատրաստված սնունդ[խմբագրել | խմբագրել կոդը]

Ազնվամորիով աղանդեր «Պետրուս» ռեստորանից

2009 թվականի ապրիլի 17-ին բացահայտվեց, որ Ռամզիի՝ Չելսիի ռեստորանը՝ Foxtrot Oscar-ն օգտագործում է նախապես պատրաստված սնունդ, որը տաքացվում է և մատուցվում հավելագնով։ Բացահայտվեց նաև, որ նրա՝ Լոնդոնի 3 գաստրոպանդոկները ևս նույն բանն են անում։ Ռամզիի մամլո խոսնակը բացատրեց․ «Գորդոն Ռամզի ավագ խոհարարը ուտեստի բաղադրամասերը պատրաստում է նախօրոք՝ Գորդոն Ռամզիի բարձրագույն ստանդարտներին համապատասխան: Այս պրակտիկան կիրառվում է այնպիսի խոհանոցներում, որոնք սահմանափակ տարածք ունեն, ինչպիսիք են Foxtrot Oscar-ը և Գորդոն Ռամզիի մեծ պահանջարկ ունեցող պանդոկները՝ ներառյալ Ներոուն: Այդ բաղադրամասերը հերմետիկորեն փակ են և սառնարաններով ամեն օր տեղափոխվում են նշված խոհանոցները: Ամբողջական ճաշացանկը պատրաստվում է ռեստորանների խոհանոցներում: Սա միայն արվում է Foxtrot Oscar-ում և 3 պանդոկներում, ինչը թույլ է տալիս յուրաքանչյուր հաստատությանը վերահսկել մատուցվող սննդի որակը»[96][97]։ 2010 թվականին Ռամզին արդարացավ՝ նշելով․ «Երբ ես տարիներ առաջ աշխատում էի Gavroche-ում, բադի պաշտետը հենց այնտեղ չէր պատրաստվում: Այն պատրաստում էին դրսում, այնուհետև բերում ռեստորան՝ պլաստիկով փաթաթած: Սա ստանդարտ պրակտիկա է: Ինչո՞ւ են բոլորը խառնվել իրար»[98]։ Ռամզիի այս հայտարարությունը հակասում էր այն ամենին, ինչ ասել էր իր մամլո խոսնակը։

Կոսմետիկ միջամտություններ[խմբագրել | խմբագրել կոդը]

Ուռած դեմքով և բժշկական գլխարկով լուսանկարվելուց հետո, խոսակցություններ սկսվեցին, որ Ռամզին վիրահատության է ենթարկվել։ Սկզբում նա բացատրեց, որ ուռած դեմքը վարակի և ալերգիկ ռեակցիայի արդյունք է[99]։ Այնուհետև բացահայտվեց, որ նա ենթարկվել է £30,000 արժողությամբ մազերի փոխպատվաստման վիրահատության[100]։

Ռամզիի ռեստորանները[խմբագրել | խմբագրել կոդը]

Ռամզիի ռեստորանը Քլարիջում, 2008 թվականի հունիս: Փակվել է 2013 թվականի հունիսի 30-ին:

Ցանկերում ներառված են այն ռեստորանները, որոնք պատկանում են Ռամզիին կամ էլ նա է ղեկավարում դրանք։

Միացյալ թագավորություն[խմբագրել | խմբագրել կոդը]

Ռեստորան Վայր Վարկանիշ Բացման ամսաթիվ Փակման ամսաթիվ
Գորդոն Ռամզի ռեստորան Չելսի, Լոնդոն, Անգլիա 3 Michelin stars 1998 -
Պետրուս ռեստորան Լոնդոն, Անգլիա 1 Michelin star մարտ, 1999 -
Սավուա գրիլ Սավուա հյուրանոց, Լոնդոն, Անգլիա 1 Michelin star November 2010 (Remodel) -
Foxtrot Oscar Չելսի, Լոնդոն, Անգլիա -
Մեյզ Լոնդոն, Անգլիա 1 Michelin star 2005 -
Մեյզ գրիլ Լոնդոն, Անգլիա ապրիլ, 2008 -
Gordon Ramsay's Plane Food Հիթրոու օդանավակայան, Լոնդոն, Անգլիա մարտի 27, 2008 -
York and Albany Ռեջենթս Փարք, Լոնդոն, Անգլիա հուլիս, 2008 -
Bread Street Kitchen One New Change, Լոնդոն, Անգլիա սեպտեմբեր, 2011[101] -
Յունիոն Ստրիթ կաֆե Լոնդոն, Անգլիա սեպտեմբեր 2013 -
Բոքսվուդ կաֆե Բերքլի հյուրանոց, Լոնդոն, Անգլիա 2003 ապրիլ, 2010[102]
Gordon Ramsay at Claridge's Քլարիջ, Լոնդոն, Անգլիա 2001 հունիս 2013[103]
La Noisette Sloane Street, Լոնդոն, Անգլիա 1 Michelin star 2007[104] մարտ, 2009[105]

Հյուսիսային Ամերիկա[խմբագրել | խմբագրել կոդը]

Ռեստորան Վայր Վարկանիշ Բացման ամսաթիվ Փակման ամսաթիվ
Gordon Ramsay at The London Լոնդոնի Արևմտյան Հոլիվուդ, Արևմտյան Հոլիվուդ, Կալիֆորնիա 1 Michelin star -
Բոքսվուդ կաֆե Լոնդոնի Արևմտյան Հոլիվուդ, Արևմտյան Հոլիվուդ, Կալիֆորնիա -
Gordon Ramsay at The London Լոնդոն, Նյու Յորք հոկտեմբեր 2014[106]
Maze by Gordon Ramsay Լոնդոն, Նյու Յորք -
Սիելո Բոկա Ռատոն, Ֆլորիդա
Gordon Ramsay BurGR Փլենիթ Հոլիվուդ, Լաս Վեգաս, Նևադա հունվար, 2013[107] -
Gordon Ramsay Steak Փարիզ Լաս Վեգաս, Լաս Վեգաս, Նևադա մայիս, 2012[108] -
Gordon Ramsay Pub & Grill Կեսարի պալատ, Լաս Վեգաս, Նևադա դեկտեմբեր, 2012[109] -
The Fat Cow The Grove at Farmers Market, Լոս Անջելես, Կալիֆորնիա հոկտեմբեր, 2012[110] մարտ, 2014[111]
Laurier Gordon Ramsay Մոնրեալ, Քվեբեկ, Կանադա օգոստոս, 2011 (ձեռք է բերվել) փետրվար, 2012

Եվրոպա[խմբագրել | խմբագրել կոդը]

Ռեստորան Վայր Վարկանիշ Բացման ամսաթիվ Փակման ամսաթիվ
Gordon Ramsay at Fortevillage Սարդինիա, Իտալիա հուլիս, 2009[112] -
Gordon Ramsay at Castel Monastero Տոսկանա, Իտալիա -
Gordon Ramsay au Trianon Վերսալ, Ֆրանսիա 2 Michelin stars -
Gordon Ramsay at Powerscourt Էնիսկերի, Իռլանդիա -

Արտասահմանյան այլ վայրեր[խմբագրել | խմբագրել կոդը]

Ռեստորան Վայր Վարկանիշ Բացման ամսաթիվ Փակման ամսաթիվ
Verre at the Hilton Dubai Creek Դուբայ, ԱՄԷ հոկտեմբեր, 2011[113]
Maze by Gordon Ramsay Դոհա, Քատար 2010[114] մարտ, 2012[115]
Gordon Ramsay at Conrad Tokyo Տոկիո, Ճապոնիա 1 Michelin star հուլիս, 2005 հունիս, 2013[116]
Maze by Gordon Ramsay Քեյփ թաուն, Հարավային Աֆրիկա ապրիլ, 2009 հուլիս, 2010[117]
Maze / Maze Grill by Gordon Ramsay Մելբուռն, Ավստրալիա մարտ, 2010 օգոստոս, 2011
Bread Street Kitchen & Bar Հոնգ Կոնգ սեպտեմբերի 19, 2014[118]

Ֆիլմագրություն[խմբագրել | խմբագրել կոդը]

  • Եռման կետ (5 մասանոց) (Channel 4, 1998)
  • Եռման կետից այն կողմ (6 մասանոց) (Channel 4, 2000)
  • Ramsay – Trouble at the Top (2002)
  • Love's Kitchen (2011)

Հեռուստատեսային ծրագրեր[խմբագրել | խմբագրել կոդը]

  • Top Gear (BBC 2, դեկտեմբերի 22, մայիսի 14, 2006)
  • Ռամզիի Խոհանոցային մղձավանջներ (Channel 4, 2004 – 2009)
  • Դժոխային խոհանոց, Մեծ Բրիտանիա (ITV, 2004)
  • Դժոխային խոհանոց, ԱՄՆ (Fox, 2005– ներկա)
  • Ֆ բառը (Channel 4, հոկտեմբերի 27, 2005 – հունվարի 7, 2010)
  • Soccer Aid (ITV, մայիս, 2006, սեպտեմբեր, 2008, հունիս, 2010, մայիս, 2012, հունիս, 2014)
  • Extras Christmas Special (BBC 2, 2007)
  • Խոհանոցային մղձավանջներ (Fox, 2007–2014)
  • Gordon Ramsay: Cookalong Live (Channel 4, հունվարի 18, 2008 – դեկտեմբերի 12, 2008)
  • Gordon Ramsay: Cookalong Live US (Fox, դեկտեմբերի 15, 2009)
  • Gordon's Great Escape (Channel 4, հունվար, 2010)
  • Վարպետ խոհարար, ԱՄՆ (Fox, հուլիսի 27, 2010 – ներկա)
  • Ramsay's Best Restaurant (Channel 4, սեպտեմբերի 14, 2010 – նոյեմբերի 9, 2010)
  • Christmas with Gordon (Channel 4, դեկտեմբեր, 2010)
  • The Simpsons – "The Food Wife" (Fox, նոյեմբերի 13, 2011)
  • Gordon Behind Bars (Channel 4, հունիսի 26, 2012 – հուլիսի 17, 2012)
  • Hotel Hell (Fox, օգոստոսի 13, 2012 – ներկա)
  • Gordon Ramsay's Ultimate Cookery Course (Channel 4, սեպտեմբերի 10, 2012)
  • Hotel GB (Channel 4, հոկտեմբերի 1, 2012 – հոկտեմբերի 5, 2012)
  • Gordon Ramsay's Home Cooking (Channel 4, 2013)
  • MasterChef Junior (Fox, 2013– ներկա)
  • Ant & Dec's Saturday Night Takeaway (ITV, մարտի 1, 2013)
  • Ramsay's Costa del Nightmares (Channel 4, սեպտեմբերի 23, 2014)
  • Masterchef Poland (TVN, հոկտեմբերի 19, 2014)

Մատենագրություն[խմբագրել | խմբագրել կոդը]

Ռամզին Gordon Ramsay's Healthy Appetite գիրքը ստորագրելիս, Տորոնտո, փետրվար, 2009

1996 թվականից Ռամզին գրել է 21 գիրք, ինչպես նաև սննդին վերաբերող սյունակ է վարում Թայմս շաբաթաթերթում։

Վարպետ խոհարար շարքից
Խոհանոցային քարտեր

Ծանոթագրություններ[խմբագրել | խմբագրել կոդը]

  1. Bremner Charles (մարտի 2, 2009)։ «Gordon Ramsay wins Michelin stars for first restaurant in France»։ The Times (London)։ Վերցված է 2010 թ․ մայիսի 3 
  2. Richard Vines (մարտի 16, 2009)։ «Ramsay Wins 13th Michelin Star as Chef Counts Cost of Expansion»։ Bloomberg։ Վերցված է 2011 թ․ հոկտեմբերի 25 
  3. Tony Bonnici (հոկտեմբերի 2, 2013)։ «Ramsay’s latest nightmare as New York restaurant loses star appeal»։ The Times (London)։ Վերցված է 2013 թ․ հոկտեմբերի 2 
  4. «Gordon Ramsay»։ TV Guide։ Վերցված է հունիսի 23, 2014 
  5. «Gordon Ramsay;– The man;– Biography»։ Gordonramsay.com։ Վերցված է 2011 թ․ մայիսի 16 
  6. Gordon Ramsay – The man;– Biography. Retrieved 25 December 2009.
  7. 7,0 7,1 7,2 Pierce Andrew (հոկտեմբերի 5, 2008)։ «The F Factor»։ The Daily Telegraph (UK)։ Վերցված է 2011 թ․ մայիսի 16 
  8. 8,0 8,1 8,2 8,3 8,4 8,5 8,6 8,7 8,8 Ramsay Gordon (2006)։ Humble Pie։ UK: HarperCollins։ ISBN 0-00-722967-4 
  9. Gordon Behind Bars, Channel 4, 26 June 2012
  10. Barber Lynn (մայիսի 13, 2001)։ «Mad for it»։ The Guardian (UK)։ Վերցված է 2006 թ․ օգոստոսի 1 
  11. «Chef from a humble background»։ The Oxford Times։ նոյեմբերի 9, 2006։ Վերցված է 2011 թ․ մարտի 5 
  12. Ramsay's Kitchen Nightmares episode "Bonapartes"
  13. «Gordon Ramsay on Rangers»։ The Guardian (London)։ մայիսի 5, 2002։ Վերցված է 2010 թ․ օգոստոսի 9 
  14. Irvine Chris, Edwards Richard (մարտի 2, 2009)։ «Gordon Ramsay admits claims about his Rangers career may be inaccurate»։ The Telegraph (London)։ Վերցված է 2010 թ․ նոյեմբերի 9 
  15. «The man – Timeline»։ Gordon Ramsay։ հունվարի 19, 2001։ Վերցված է 2011 թ․ մարտի 5 
  16. Irvine Chris, Edwards Richard (մարտի 2, 2009)։ «Gordon Ramsay admits claims about his Rangers career may be inaccurate»։ The Daily Telegraph (London) 
  17. IMDb.com
  18. «Season 4 Episode 12 – Gordon Ramsay's F Word»։ BBC America։ ապրիլի 6, 2009։ Վերցված է 2010 թ․ օգոստոսի 1 
  19. «The Chef from Hell»։ ninemsn.com.au։ Վերցված է 2011 թ․ օգոստոսի 14 
  20. 20,0 20,1 «Gordon Ramsay: Chef terrible»։ BBC News World Edition։ հուլիսի 20, 2001։ Վերցված է 2006 թ․ օգոստոսի 1 
  21. 21,0 21,1 Bone James (նոյեմբերի 5, 2006)։ «Ramsay: I will devour my New York rivals»։ The Times (UK)։ Վերցված է 2006 թ․ նոյեմբերի 17 
  22. «Gordon Ramsay's New York restaurant named top newcomer»։ Caterersearch.com։ հոկտեմբերի 11, 2007։ Վերցված է նոյեմբերի 28, 2007 
  23. «Gordon Ramsay Other Restaurants – Dublin»։ GordonRamsay.com։ Վերցված է 2007 թ․ նոյեմբերի 16 
  24. "Gordon Ramsay opens first Canadian venture, Laurier Gordon Ramsay, in Montreal". Gordonramsay.com. Retrieved 27 June 2012.
  25. Laurier BBQ cuts ties with star chef Gordon Ramsay, Montreal Gazette, 15 February 2012.
  26. Côté-Bernier Raphael (ապրիլի 16, 2013)։ «Fermeture inattendue du Laurier BBQ»։ Le Journal d'Outremont (French)։ Վերցված է մայիսի 23, 2013 
  27. «Gordon Ramsay – The Man: History»։ Gordon Ramsay։ Վերցված է 2011 թ․ սեպտեմբերի 30 
  28. Abraham Tamara (հունվարի 19, 2011)։ «Gordon Ramsay retains his three-star status as Michelin rates record number of British and Irish restaurants»։ Daily Mail/MailOnline։ Վերցված է մայիսի 15, 2014 
  29. «Gordon Ramsay – Ramsay Late For Obe Date with the Queen»։ Contact Music։ հուլիսի 6, 2006։ Վերցված է 2011 թ․ սեպտեմբերի 28 
  30. «Gordon Ramsay joins elite band of triple Catey winners»։ Caterer and Hotelkeepr։ հուլիսի 13, 2006։ Վերցված է մայիսի 15, 2014 
  31. «Gordon Ramsay is the most powerful figure in British hospitality»։ Caterersearch.com։ Վերցված է 2006 թ․ նոյեմբերի 17 
  32. «New university rector is welcomed»։ BBC News։ մարտի 10, 2006։ Վերցված է 2006 թ․ նոյեմբերի 17 
  33. «Gordon Ramsay dispute sparks foodie bun-fight»։ www.meeja.com.au։ սեպտեմբերի 12, 2008։ Վերցված է 2008 թ․ սեպտեմբերի 12 
  34. «Gordon Ramsay Inducted»։ Culinaryhalloffame.com։ հունվարի 29, 2013։ Վերցված է 2013 թ․ սեպտեմբերի 9 
  35. Millard Rosie (սեպտեմբերի 30, 2007)։ «Rosie Millard meets Gordon Ramsay»։ The Sunday Times (UK)։ Վերցված է 2008 թ․ հունվարի 2 
  36. «Gordon Ramsay Sells The Warrington to Faucet Inn»։ BigHospitality.co.uk։ Վերցված է 2011 թ․ օգոստոսի 4 
  37. «International Culinary Panel – Singapore Airlines»։ Singapore Airlines Official Website։ Վերցված է 2006 թ․ նոյեմբերի 17 
  38. «Marcus Wareing leaves Ramsay to work directly with Berkeley Hotel»։ Amanda Afiya։ Caterersearch.com։ մայիսի 27, 2008։ Վերցված է 2008 թ․ մայիսի 27 
  39. Vines Richard (ապրիլի 1, 2010)։ «Ramsay Chef Jason Atherton Quits Maze to Open Own Restaurant»։ Bloomberg։ Վերցված է 2010 թ․ օգոստոսի 1 
  40. Gilligan Andrew (նոյեմբերի 11, 2010)։ «Can Gordon Ramsay still cut it?»։ Telegraph. (London)։ Վերցված է 2011 թ․ սեպտեմբերի 28 
  41. Marian Bacol-Uba (նոյեմբերի 28, 2012)։ «Gordon Ramsay’s The Fat Cow Opens At The Grove»։ CBS Los Angeles։ Վերցված է 2013 թ․ հոկտեմբերի 3 
  42. Besha Rodell (հոկտեմբերի 1, 2013)։ «Gordon Ramsay's The Fat Cow: Open Today at The Grove»։ LA Weekly։ LA Weekly, L.P։ Վերցված է 2013 թ․ հոկտեմբերի 3 
  43. Guy Dimond (սեպտեմբերի 9, 2013)։ «Union Street Café»։ Time Out London։ Time Out։ Վերցված է 2013 թ․ հոկտեմբերի 3 
  44. Richard Ehrlich (հոկտեմբերի 2, 2013)։ «Gordon Ramsay loses two Michelin stars – so what should he do?»։ The Guardian։ Վերցված է 2013 թ․ հոկտեմբերի 3 
  45. «Faking It: Burger Flipper To Chef Episode Summary on»։ Tv.com։ Վերցված է 2010 թ․ օգոստոսի 1 
  46. «Classic TV & Movie Hits – Faking It»։ Classictvhits.com։ սեպտեմբերի 18, 2000։ Վերցված է 2010 թ․ օգոստոսի 1 
  47. "The Kumars at No 42 returns to BBC One". BBC Press Office. Retrieved 14 February 2007.
  48. "Laid Bare". The Daily Mirror. Retrieved 29 August 2007.
  49. «Channel 4 re-signs Gordon Ramsay in exclusive 4-year deal»։ channel4sales.com։ Արխիվացված է օրիգինալից սեպտեմբերի 28, 2007-ին։ Վերցված է փետրվարի 6, 2007 
  50. Weekly Viewing Summary (scroll to w.e 13 May 2007 – 08/07/07). BARB. Retrieved 29 August 2007.
  51. «Tasty offer from TV chef to convict»։ WACS2000։ Վերցված է 2007 թ․ հունվարի 3 
  52. «Masterchef USA Teaser»։ TV Tonight.com։ հունիսի 21, 2010։ Վերցված է 2010 թ․ հունիսի 21 
  53. "Fox Schedules Gordon Ramsay's 'Hotel Hell,' More Midseason Dates", 10 February 2012. The Hollywood Reporter (17 November 2011). Retrieved 27 June 2012.
  54. Entertainment Weekly, via CNN: "Gordon Ramsay scores new Fox reality show: 'Hotel Hell'", 21 September 2011. Cnn.com (21 September 2011). Retrieved 27 June 2012.
  55. Deadline.com: "Gordon Ramsay’s Fox Series ‘Hotel Hell’ To Premiere In August", 11 June 2012.
  56. «Gordon Ramsay to produce restaurant TV drama 'The Inferno'»։ Digital Spy։ Վերցված է 2012 թ․ հոկտեմբերի 18 
  57. «Taking on the super-chefs»։ CNN International։ Վերցված է փետրվարի 12, 2007 
  58. «Top Gear Celebrity Laps»։ Top Gear official website։ Վերցված է 2006 թ․ նոյեմբերի 17 
  59. «Chef Ramsay wins £75,000 damages»։ BBC News։ հունիսի 20, 2006։ Վերցված է 2006 թ․ հուլիսի 20 
  60. Pilkington Ed (հունիսի 20, 2007)։ «Ramsay accused of dirty tricks on US TV show»։ The Guardian (UK)։ Վերցված է 2007 թ․ հունիսի 20 
  61. Cornell Kati (օգոստոսի 10, 2007)։ «TV Chef Out of Frying Pan»։ New York Post։ Վերցված է օգոստոսի 14, 2007 
  62. Canadian Press, via CTV: "Ramsay cooks up defamation suit against Montreal eatery", 21 March 2012. Ctv.ca (21 March 2012). Retrieved 27 June 2012.
  63. «Celebrity chef Gordon Ramsay sues Montreal eatery for $2.72 million»։ Washington Post։ մարտի 21, 2012 
  64. «Laurier BBQ to shut down again»։ CTV Montreal News։ ապրիլի 16, 2013։ Վերցված է 2013 թ․ սեպտեմբերի 9 
  65. Bone James (օգոստոսի 10, 2005)։ «Ramsay swears by good service»։ The Times (UK)։ Վերցված է 2006 թ․ օգոստոսի 1 
  66. Lessware Jonathan (հոկտեմբերի 18, 2004)։ «Ramsay in hot water after scuffle on the set of US show»։ The Scotsman (Edinburgh)։ Վերցված է 2011 թ․ մարտի 5 
  67. «Gordon Ramsay Interview»։ femalefirst.co.uk։ Արխիվացված է օրիգինալից դեկտեմբերի 26, 2005-ին։ Վերցված է 2006 թ․ օգոստոսի 1։ «85 per cent of his staff from 1993 working with him in some capacity» 
  68. Ross Peter (հոկտեմբերի 29, 2006)։ «Ask me to kill a turkey or rip a pigeon's guts out and I'm fine»։ Sunday Herald։ Վերցված է 2007 թ․ մայիսի 13 
  69. «Gordon Ramsay»։ About – Gourmet Food։ Վերցված է 2006 թ․ օգոստոսի 1 
  70. Ruhlman Michael (սեպտեմբերի 6, 2006)։ «Gordon Ramsay Takes Manhattan, Tiptoeing, He Says»։ New York Times։ Վերցված է հոկտեմբերի 12, 2007 
  71. Mary Lorenz։ «TV's Worst Bosses»։ MSN։ Վերցված է սեպտեմբերի 4, 2007 
  72. «Jean-Baptiste Requien at The London Bar»։ GordonRamsay.com։ Արխիվացված է օրիգինալից փետրվարի 20, 2009-ին։ Վերցված է 2013 թ․ օգոստոսի 13 
  73. NY Post Interview with Jean-Baptiste Requien(չաշխատող հղում)
  74. http://www.nyrestaurantinsider.com/jan2007-ramsay.asp
  75. «Gordon Ramsay unveils new female head chef at Royal Hospital Road»։ Caterersearch.com։ նոյեմբերի 28, 2007։ Վերցված է նոյեմբերի 28, 2007 
  76. «Delia Smith slams Gordon Ramsay»։ Marie Claire։ մարտի 4, 2008։ Վերցված է մարտի 26, 2008 
  77. «Parliament's scrutiny of Gordon Ramsay's Kitchen Nightmares' swearing»։ Herald Sun (Australia)։ մարտի 20, 2008։ Վերցված է մարտի 26, 2008 
  78. «Yahoo 7, Ramsay: I didn't call Tracy a lesbian»։ Au.news.yahoo.com։ հունիսի 9, 2009։ Վերցված է 2011 թ․ մայիսի 16 
  79. Tracy Grimshaw calls Gordon Ramsay an arrogant narcissist NEWS.com.au. 8 June 2009
  80. «Petulant 'teen' Ramsay eats humble pie»։ Brisbane Times։ հունիսի 11, 2008։ Վերցված է հունիսի 11, 2008 
  81. «Ramsay sorry over Grimshaw insult»։ BBC News։ հունիսի 10, 2008։ Վերցված է հունիսի 10, 2008 
  82. Nikkhah Roya (մայիսի 15, 2005)։ «Ramsay's pizza joke outrages vegetarians»։ Telegraph (London)։ Վերցված է 2009 թ․ օգոստոսի 15 
  83. Bretts, Bruce; Roush, Matt; (25 March 2013). "Baddies to the Bone: The 60 nastiest villains of all time". TV Guide. pp. 14 - 15.
  84. The F Word, Series 2, Episode 6 2006.07.26
  85. Froelich Paula, Hoffmann Bill, Steindler Corynne (հունվարի 27, 2009)։ «Mario to Gordon: Stay Away!»։ New York Post։ Վերցված է 2010 թ․ օգոստոսի 1 
  86. Gostin Nicki (ապրիլի 7, 2010)։ «Mario Batali Goes Back to Basics»։ Slashfood.com 
  87. «Gordon Ramsay to open new restaurant in Battersea»։ Newsquest։ Վերցված է 2013 թ․ դեկտեմբերի 11 
  88. «Scott Descendant Chart»։ Scott Family Web։ Արխիվացված է օրիգինալից հունիսի 22, 2006-ին։ Վերցված է 2006 թ․ օգոստոսի 1 
  89. Cooke Rachel (հունիսի 8, 2003)։ «How does our Gordon grow?»։ The Guardian (London)։ Վերցված է 2006 թ․ օգոստոսի 1 
  90. «London Marathon 2009: Gordon Ramsay and Katie Price to battle professionals in capital street race»։ thelondonpapaer։ ապրիլի 24, 2009։ Վերցված է 2009 թ․ մայիսի 17 (չաշխատող հղում)
  91. «Scottish Bifina Bifida Association official website»։ Ssba.org.uk։ Վերցված է 2011 թ․ մայիսի 16 
  92. «Spice Up Your Life in 2005 – Media Releases»։ Vso.org.uk։ Վերցված է 2011 թ․ մայիսի 16 (չաշխատող հղում)
  93. Family Marathon. Florahearts.co.uk. Retrieved 27 June 2012.
  94. «Women's Aid – Press – Celebrity Spokespeople»։ Womensaid.org.uk։ Վերցված է 2011 թ․ մայիսի 16 
  95. «I thought I would die: Gordon Ramsay»։ Nine MSN։ Վերցված է 2011 թ․ մայիսի 16 (չաշխատող հղում)
  96. Brown Craig (ապրիլի 18, 2009)։ «Ramsay's new F-word: frozen ready meals served up at celebrity prices»։ The Scotsman (Edinburgh: Press Association/TV.com)։ Վերցված է 2010 թ․ օգոստոսի 1 
  97. «Gordon Ramsay defends prepared food»։ TV.com։ ապրիլի 19, 2009։ Վերցված է 2010 թ․ օգոստոսի 1 
  98. Cavendish Lucy (փետրվարի 5, 2010)։ «Gordon Ramsay's escape to India – with a TV crew»։ The Times (UK)։ Վերցված է 2010 թ․ հունվարի 15 
  99. «Gordon Ramsay Says Gasoline, Not Hair Transplant, Caused Swollen Face»։ Star Pulse։ հունվարի 20, 2011։ Վերցված է սեպտեմբերի 28, 2011 
  100. Brown Jonathan (դեկտեմբերի 31, 2010)։ «Gone today, hair tomorrow: chef Ramsay has £30,000 transplant»։ Independent (London)։ Վերցված է սեպտեմբերի 28, 2011 
  101. «Bread Street Kitchen»։ Bread Street Kitchen։ Վերցված է 2014 թ․ հունվարի 29 
  102. «Top Restaurants in Լոնդոն | Fine Dining Knightsbridge»։ The Berkeley։ Վերցված է 2014 թ․ հունվարի 29 
  103. «Gordon Ramsay Restaurant | Gordon Ramsay at Claridge’s»։ Claridges.co.uk։ Վերցված է 2014 թ․ հունվարի 29 
  104. «Full list of Michelin stars in Britain and Ireland»։ Telegraph.co.uk։ հունվարի 24, 2008։ Վերցված է 2009 թ․ հունիսի 23 
  105. «Gordon Ramsay Holdings closes La Noisette restaurant»։ caterersearch.com։ մարտի 5, 2009։ Վերցված է 2009 թ․ հուլիսի 2 
  106. «Gordon Ramsay at the The London in Midtown closing»։ nydailynews.com։ հոկտեմբերի 8, 2014։ Վերցված է 2014 թ․ նոյեմբերի 4 
  107. «Gordon Ramsay Opens New Burger Palace and Gastropub in Las Vegas»։ Nowimhungry.com։ հունվարի 29, 2013։ Վերցված է 2014 թ․ հունվարի 29 
  108. Susan Stapleton (մայիսի 8, 2012)։ «Gordon Ramsay Steak Officially Serving at Paris Las Vegas - Opening Alert - Eater Vegas»։ Vegas.eater.com։ Վերցված է 2014 թ․ հունվարի 29 
  109. [1](չաշխատող հղում)
  110. Tomicki Hadley (սեպտեմբերի 28, 2012)։ «First Look at Gordon Ramsay's The Fat Cow, Opening Monday at The Grove - Grub Street Los Angeles»։ Losangeles.grubstreet.com։ Վերցված է 2014 թ․ հունվարի 29 
  111. Dixler Hillary (հունվարի 29, 2014)։ «Gordon Ramsay is Closing the Fat Cow in Los Angeles»։ eater.com։ Վերցված է 2014 թ․ մայիսի 2 
  112. «Gordon to open new restaurant in Sardinia»։ Luxury-hospitality-daily.com։ հունիսի 19, 2009։ Վերցված է 2014 թ․ հունվարի 29 
  113. «Goodbye Verre, hello Table 9»։ http://www.timeoutdubai.com/։ Վերցված է 2011 թ․ հոկտեմբերի 17 
  114. «Maze Doha»։ Gordonramsay.com։ Վերցված է 2011 թ․ մայիսի 16 (չաշխատող հղում)
  115. Oakley Louise։ «Gordon Ramsay closes Maze on The Pearl Qatar»։ Middle East Hotelier։ Վերցված է 2012 թ․ օգոստոսի 8 
  116. «Conrad Tokyo closing for refurbishment»։ Վերցված է 2014 թ․ հուլիսի 28 
  117. Vines Richard (հուլիսի 30, 2010)։ «Ramsay’s Maze Cape Town Closes, Adding to Chef’s Woes»։ Bloomberg News։ Վերցված է 2012 թ․ օգոստոսի 8 
  118. Millar Rupert (սեպտեմբերի 8, 2010)։ «Gordon Ramsay Opens HK Venue»։ The Drinks Business։ Վերցված է 2014 թ․ սեպտեմբերի 21 

Արտաքին հղումներ[խմբագրել | խմբագրել կոդը]