Ադել

Անվան այլ կիրառումների համար տե՛ս՝ Ադել (այլ կիրառումներ)

Ադել
Հիմնական տվյալներ
Բնօրինակ անուն	անգլ.՝ Adele
Ի ծնե անուն	Ադել Լորի Բլու Էդկինս Adele Laurie Blue Adkins
Նաև հայտնի է որպես	Adele
Ծնվել է	մայիսի 5, 1988 (34 տարեկան) Մեծ Բրիտանիա Տոտենհեմ, Հարինգի
Երկիր	Միացյալ Թագավորություն
Ժանրեր	Փոփ
Մասնագիտություն	Երգչուհի, երգահան
Երգչաձայն	մեցցո-սոպրանո
Գործիքներ	կիթառ, դաշնամուր, հարվածային համակարգ, բաս կիթառ, Շեփոր, ալտ և վոկալ
Լեյբլ	XL Recordings,Columbia Records
Կրթություն	ԲՐԻԹ դպրոց (մայիս 2006)
Ամուսին	Simon Konecki?
Պարգևներ	, Գրեմմի լավագույն նոր արտիստի համար (2009) , , Grammy Award for Best Pop Solo Performance? (2012) , Գրեմմի տարվա ձայնագրության համար (փետրվարի 12, 2012) , «Ոսկե գլոբուս» մրցանակ լավագույն երգի համար (2012) , Գրեմմի տարվա ալբոմի համար (2017) , Brit մրցանակ բրիտանական կին մենակատարի համար (2016) , Grammy Award for Best Female Pop Vocal Performance? (2009) , Գրեմմի տարվա ալբոմի համար (2012) , Գրեմմի լավագույն փոփ վոկալային ալբոմի համար (2012) , Գրեմմի լավագույն երաժշտական տեսահոլովակի համար (2012) , Գրեմմի տարվա երգի համար (փետրվարի 12, 2012) , Grammy Award for Best Pop Solo Performance? (2013) , Grammy Award for Best Song Written for Visual Media? (2014) , Գրեմմի լավագույն փոփ վոկալային ալբոմի համար (2017) , Գրեմմի տարվա ձայնագրության համար (2017) , Գրեմմի տարվա երգի համար (2017) և Grammy Award for Best Pop Solo Performance? (2017)
Կայք	adele.tv
Ստորագրություն
Adele (vocalist) Վիքիպահեստում

Ադել (անգլ.՝ Adele, մայիսի 5, 1988(1988-05-05)^[…], Տոտենհեմ, Հարինգի), անգլիացի երգչուհի, երգահան, Գրեմմիի բազմակի մրցանակակիր։

Կենսագրություն

Ադել Լորի Բլու Էդկինսը ծնվել է 1988 թվականի մայիսի 5-ին Լոնդոնում։ Ադելն առաջին անգամ երգել է դպրոցական բեմում և կատարել է երգիչ Գաբրիելի «Rise» երգը։ Այդ ժամանակաշրջանից նա իր վրա կրում է սիրելի կատարողների՝ Էտտա Ջեյմսի ու Դաստի Սպինգֆիլդի ազդեցությունը, խոստովանելով, որ նրանց ձայնագրությունները պատահաբար են հայտնվել իր ձեռքում։ Նա սովորել է Լոնդոնի կատարողական արվեստի և տեխնիկայի դպրոցում (որտեղ ուսանել են նաև Էմի Վայնհաուսը, Լեոնա Լյուսիսը և այլք)։ Ուսումն ավարտել է 2006 թվականի մայիսին։ 2 ամիս անց նա իր 2 կոմպոզիցիաները թողարկեց PlatformsMagazine.com օնլայն մշակութային ամսագրում։ Իր առաջին բրիտանական շրջագայությանը նա մեկնեց 2007 թվականի հոկտեմբերին։ Հենց այդ ժամանակ MySpace-ում հայտնվեց Ադելի դեմո-ձայնագրությունը, որն արվել էր վաղ տարիքում։ MySpace-ում ունեցած հաջողության շնորհիվ, շուտով նա ստացավ իր առաջին պայմանագրի առաջարկը Pacemaker Recordings լեյբլի կողմից և թողարկվեց նրա դեբյուտային սինգլը՝ «Hometown Glory»-ին։ Երգը իր հարազատ քաղաքի՝ Թոթենհեմի մասին էր և գրավեց շատ մարդկանց։ iTunes-ում այն ճանաչվեց «շաբաթվա լավագույն սինգլ», 2008 թվականի ապրիլին երգը հայտնվեց բրիտանական թոփ-40 հիթ-շքերթում, այն բանից հետ, երբ դարձավ «Սկինս» սերիալի սաունդթրեկը։ 2007 թվականի դեկտեմբերին նա ստացավ Brit Awards Critics' Choice Award (որը հանձնվում է դեռևս ալբոմ չունեցող արտիստին)։ XL Recordings-ի հետ կնքած պայմանագրի արդյունքում Ադելը թողարկեց իր 2-րդ երգը՝ «Chasing Pavements», որը մեկ ամիս գտնվում էր 2-րդ հորիզոնականում բրիտանական հիթ-շքերթում։ Իսկ դեբյուտային ալբոմը թողարկվեց 2008 թվականի հունվարին և կոչվում էր 19։ Այն միանգամից գրավեց առաջատար հորիզոնականներ ու թողարկումից ընդամենը մի քանի շաբաթ անց վաճառվել էր 500 հազար օրինակով և ստացել պլատինե կարգավիճակ։ Columbia Records-ի հետ երգչուհին պայմանագիր կնքեց 2008 թվականի մարտին և անցկացրեց հաջող շրջագայություն ամբողջ ԱՄՆ-ում և Կանադայում։ 19-ը ալբոմը 2008 թվականի հունիսի 20-ին թողարկվեց ԱՄՆ-ում և գրավեց 10-րդ հորիզոնականը։ 2010 թվականին նա առաջադրվել էր Գրեմմի, որպես լավագույն «փոփ-վոկալ կատարում» «Hometown Glory»-ի երգի համար։ Նույն տարվա սեպտեմբերին կատարելով Բոբ Դիլանի հանրահայտ «Make You Feel My Love» երգի քավր տարբերակը բրիտանական Իքս Ֆակտոր նախագծի ժամանակ, քավրը թողարկվեց ու բարձրացավ չարթերի 4-րդ հորիզոնական։

Ադելին մեծ ճանաչում և փառք բերեց նրա 2-րդ ալբոմը՝ «21-ը»։ Ալբոմը թողարկվեց 2011 թվականի հունվարի 24-ին Մեծ Բրիտանիայում, իսկ Ամերիկայում ռելիզը կայացավ փետրվարի 22-ին։ Երաժշտական քննադատները բավականին լավ գնահատեցին ալբոմը։

Առաջին սինգլը «Rolling in the Deep»-ը շուրջ 7 շաբաթ մնաց 1-ին տեղում Billboard Hot 100-ում։ Ալբոմը բարձրացավ առաջին հորիզոնական Մեծ Բրիտանիայում (6 շաբաթ), Իռլանդիայում, Շվեյցարիայում, Գերմանիայում, Նիդեռլանդներում, Նոր Զելանդիայում, Ավստրիայում, Բելգիայում, իսկ 2011 թվականի մարտին նաև Billboard 200-ում։

Հաջորդը «Someone Like You» ստեղծագործությունն էր, որն Ադելը կենդանի կատարել է Brit Awards-ի ժամանակ։ Այս երգը նույնպես առաջինն էր Բրիտանիայում։ Official Charts Company-ի տվյալներով Ադելը իր երկու ալբոմներով և երկու երգով գտնվել է առաջատար հնգյակում, դառնալով երկրորդը պատմության մեջ Բիթլզից հետո, որոնք ևս հասել էին նման արդյունքի։

2011 թ.-ի նոյեմբերի սկզբին չեղյալ հայտարարվեցին Ադելի բոլոր համերգները՝ կապված ձայնալարերի վիրահատության հետ։

Ամեն ինչ բարեհաջող ավարտ ունեցավ։ Նույն թվականի դեկտեմբերին Ադելը հայտարարեց, որ պատրաստվում է որոշ ժամանակով դադարեցնել երաժշտական կարիերան։

2012 թվականի սկզբին լույս տեսավ Ադելի «Set Fire to the Rain»-ը, որը դարձավ առաջատար Billboard Hot 100-ում։ Այդ տարվա մայիսին «21» ալբոմը Մեծ Բրիտանիայում վաճառվեց 4274300 օրինակով, նաև ներառվեց Բրիտանական մեդիաշուկայում երբևէ թողարկված լավագույն ռելիզների հնգյակում։

2012 թ.-ի Գրեմմիի մրցանակաբաշխությունն Ադելը հաղթեց միանգամից 6 անվանակարգերում։

2013 թվականին ստանում է Ոսկե Գլոբուս և Օսկար 007: Կոորդինատները «Սքայֆոլ» ֆիլմի երաժշտության համար՝ որպես լավագույն սաունդթրեք։

2015 թ նոյեմբերի 20-ին թողարկվել Ադելի երրորդ ստուդիական ալբոմը «25» Ալբոմի առաջին սինգլը՝ «Hello»-ն թողարկվեց հոկտեմբերի 23-ին և միանագամից գլխավորեց տարբեր երկրների հիթ-շքերթներ առաջատար հորիզոնականները։ Ինչպես և սինգլը այնպես էլ ալբոմը դարձավ առաջատար և ամենալավ վաճառվողներից։

Ադելն ունի 136 մրցանակ, որոնցից 15-ը Գրեմմի է, նա պարգևատրվել է նաև Բրիտանական կայսրության շքանշանով՝ մշակույթի և արվեստի զարգացման գործում ունեցած ավանդի համար

2017 թվականին նա զբաղեցրել է երրորդ տեղը Forbes ամսագրի « ամենաբարձր վարձատրվող մինչև 30 տարեկան հայտնիների աղյուսակում ։

2021 թվականի նոյեմբերի 19-ին թողարկվել է Ադելի չորրորդ ստուդիական ալբոմը « 30 »-ը Apple Music-ի ռեկորդակիր է որպես ամենաշատ նախավաճառքներ ունեցող ալբոմ տվյալ հարթակում, որը նախկինում պատկանում էր ամերիկացի երգչուհի Բիլլի Այլիշի «Happier Than Ever» ալբոմին։ ԱՄՆ-ում 30-ը դարձավ 2021 թվականի ամենավաճառվող ալբոմը առաջին երեք օրում։

Ալբոմը առաջին տեղում է Billboard 200-ում 2021 թվականի դեկտեմբերի 4-ին՝ 839,000 ալբոմի համարժեք միավոր քանակով, ներառյալ 692,000 վաճառքի օրինակ (երկուսն էլ 2021 թվականի ռեկորդներ են)։

Անձնական կյանք

2017թվականին Ադելը ամուսնացել է Սայմոն Կոնեկիի հետ։ Այդ ժամանակ նա և Սայմոնն արդեն որդի ունեին ՝ Անջելոն (տղան ծնվ. 2012-ի հոկտեմբերին)։

2019-ի գարնանը Ադելը հայտարարեց Սայմոն Քոնեքիից ամուսնալուծության մասին։

Սկավառակագրություն

Հիմնական հոդված՝ Ադելի սկավառակագրություն

• 19 (2008)
• 21 (2011)
• 25 (2015)
• 30 (2021)