Rolling in the Deep

«Rolling in the Deep»
Ադելի երգը «21» ալբոմից
Թողարկված	2010 թվական, նոյեմբերի 29
Ֆորմատ	CD single, digital download
Ձայնագրված	Eastcote Studios, Լոնդոն
Ժանր	սոուլ,բլյուզ
Տևողություն	3:48
Լեյբլ	XL
Կոմպոզիտոր	Ադել
Տոնայնություն	C minor և B minor
Պրոդյուսեր	Փոլ Էպոուրտ
21 ալբոմի երգացանկ
«Water and a Flame» (2008) «Rolling in the Deep» «Someone Like You» (2011)

«Rolling in the Deep», բրիտանացի երգչուհի Ադելի երգը իր երկրորդ ստուդիանական ալբոմից։ Ստեղծագործությունը գրվել է Ադելի և Փոլ Էպուորտի կողմից։ Ըստ երգչուհու այն բլյուզի, գոսպելի և դիսկոյի խառնուրդ է։ Երգը հրապարակվել է 2010 թվականի նոյեմբերի 29–ին Նիդերլանդներում։

Երգը դրական գնահատական է ստացել մի շարք երաժշտական քննադատների կողմից։ Այն ղեկավարել է հիթ–շքերթներ Բելգիայում, Գերմանիայում, Իտալիայում, Նիդերլանդներում, Շվեյցարիայում։ Մեծ Բրիտանիայում սինգլը Ադելի երկրորդ հիթն է դարձել, արժանանալով բարձր գնահատականի։ Դրանից հետո «Rolling in the Deep» գլխավոր տեղում է եղել ԱՄՆ–ի Hot 100 աղյուսակում։ 2011 թվականին ԱՄՆ–ում վաճառվել է այս երգի ավելի քան 1 220 000 թրեկեր, իսկ նոյեմբերին 5,6 միլիոն։

2010 թվականի լավագույն երգերի ցանկում «Rolling in the Deep» 50-րդ տեղն է զբաղեցրել։ «Rolling in the Deep» դարձել է 2011 լավագույն երգը ըստ երկու ամսագրերի Billboard և Rolling Stone։

Սինգլը դարձել է Billboard–ի լայնորեն հնչած երգը վերջին 25 տարում։ 2012 թվականի փետրվարի 12–ին Լոս Անջելեսում 54–րդ Գրեմմի երաժշտական մրցանակաբաշխության ժամանակ պարգևատրվել է Տարվա լավագույն երգ մրցանակով։

Տեսահոլովակը

Տեսահոլովակի պրեմիերան եղել է 2010 թվականի դեկտեմբերի 3–ին, ռեժիսորը եղել է Սեմ Բրաունը։ Տեսահոլովակում Ադելը նստած է լքված սենյակում բազկաթոռին և բազմաթիվ տեսարաններ են անցնում ադ ժամանակ․ մի շարք ջրով լցված բաժակներ, թմբուկի զարկերի հետ հավասար պարում է սև հագնված սրով աղջիկ՝ Ջենիֆեր Վայթը, սենյակում հատակը ծածկված է սպիտակ փոշու հաստ շերտով, երաժիշտը նվագում ՝ հարվածային գործիքներ աստիճանների վրա և վերջում քաղաքի սպիտակ թղթից պատրաստված մանրակերտն է երևում և երգը եզրափակվում է։

Քավեր տարբերակներ

«Rolling in the Deep»–ի քավեր տարբերակները ձայնագրել է Մայք Պոզները և Ջոն Լեջենդը։ 2011 թվականի հուլիսի 4–ին այս երգի քավեր տարբերակներ է ներկայացրել Linkin Park խմբի վոկալիստ Չեստեր Բենիգթոնը։ Պատի Սմիթը երգը անվանել է «այս տարվա երգը» և կատարել է այն 2011 թվականի հունիսի 15–ին Նյու Յորքում։ Իրլանդական Wonderland խումբը ակուստիկ քավեր է արել «Rolling in the Deep» երգի, իր առաջին ալբոմում։

Հայտնի 11-ամյա երգչուհի և բրիտանական Britain’s Got Talent 200 մրցույթի ֆինալիստ Կոնի Տալբոտը ձայնագրել է երգի իր տարբերակը, որի տեսահոլովակը ավելի քան 20 միլիոն դիտում է ունեցել Յութուբում, իսկ Vazquez Sounds –ի եռյակի կողմից կատարումը ավելի քան 130 միլիոն դիտում է ունեցել։

Երգերի ցանկ

• Digital download

1. «Rolling in the Deep» - 3։48

• Digital EP

1. «Rolling in the Deep» - 3։48
2. «Rolling in the Deep (Jamie xx Shuffle)» - 4։17
3. «Rolling in the Deep (Acapella)» - 3։56

• CD single

1. «Rolling in the Deep»
2. «If It Hadn’t Been for Love»

Մասնակիցներ

• Բառերը և երաժշտությունը – Ադել, Փոլ Էպուորտ
• Պրոդյուսեր, բաս կիթառ, ակուստիկ կիթառ և էլետրական կիթառ – Փոլ Էպուորտ
• Ձայնագրություն – Մարկ Ռանկին
• Դաշնամուր – Նիլ Քոուլի
• Հարվածային գործիքներ – Լեո Թեյլոր
• Մաստերինգ – Թոմ Քոյն

Աղյուսակներ և մրցանակներ

Աղյուսակներ

Աղյուսակը (2010-11) Գրաված տեղը ARIA 3 Ö3 Austria Top 75 3 Ultratop Flanders 1 Ultratop Flanders[ 1 Canadian Hot 100 1 Dutch Top 40 1 RIANZ 3 VG-lista 8 IFP 38 Billboard Hot 100 1 Hot Dance Club Songs (Billboard) 14 Pop Songs 1 Suomen virallinen lista 51 Top 100 Airplay 95 Adult Contemporary 11 Alternative Songs 11 Rock Songs (Billboard) 24 Մրցնականեր Երկիր Մրցանակ Ավստրալիա Պլատինե Բելգիա Պլատինե Մեծ Բրիտանիա Ոսկե Գերմանիա Պլատինե Դանիա Պլատնիե Իտալիա Պլատինե Կանադա Պլատինե Նոր Զելանդիա Պլատինե ԱՄՆ Պլատինե Ծանոթագրություններ