Քաշաթաղի շրջանը Լեռնային Ղարաբաղի Հանրապետության շրջաններից է: Գտնվում է ԼՂՀ հարավ-արևմուտքում: Կապող օղակ է հանդիսանում ՀՀ և ԼՂՀ մնացյալ շրջանների միջև: Քաշաթաղի շրջանը ընդգրկում է Հագարի գետի ավազանը և Որոտանի ստորին հոսանքի ավազանը: Արևմուտքում սահմանակից է ՀՀ Սյունիքի մարզին, հյուսիսում և արևելքում` Քարվաճառի, Մարտակերտի, Ասկերանի, Շուշիի, Հադրութի շրջաններին, հարավում` Իրանին: Շրջանի հյուսիսային կեսը լեռնային է, իսկ հարավային կեսը Արցախի, Բարգուշատի, Մեղրու լեռնաշղթաների նախալեռնային գոտին է, որտեղ բարձրությունների տարբերությունը համեմատաբար փոքր է: Շրջկենտրոնը կենտրոնական դիրք գրավող Բերձոր քաղաքն է: Այլ քաղաքներ են Կովսականը, Միջնավանը։ Շրջանի մակերեսը 3377 կմ² է, բնակչությունը՝ 9.763 մարդ (2005 թ.[2])։ Կարևորագույն խնդիր է Քաշաթաղի վերաբնակեցումը և տնտեսության զարգացումը: 2008 թ մարտի 28-ին Բերձոր քաղաքում կայացավ Քաշաթաղի զարգացմանը նվիրված համաժողով:
Արտաքին հղումներ [խմբագրել]
Ծանոթագրություններ [խմբագրել]
ԼՂՀ (պ)
