Ջոան Ռոուլինգ

Վիքիպեդիայից՝ ազատ հանրագիտարանից
Ջոան Ռոուլինգ
Jk-rowling-crop.JPG
գրող
ԱԱՀ՝ Ջոան Ռոուլինգ
Բնագիր
ԱԱՀ՝
Joanne Rowling
Ծննդյան օր՝ հուլիսի 31 1965
Ծննդավայր՝ Եյթ, Գլոսթերշիր կոմսություն
(Անգլիա)
Ազգություն անգլիացի
Գրքեր՝ "Հարրի Փոթթերը և փիլիսոփայական քարը"
Երեխաներ՝ 2 աղջիկ, 1 տղա

Ջոան Ռոուլինգ (ամուսնական անունը՝ անգլ.՝ Joanne "Jo" Murray, 1965թ. հուլիսի 31, Եյթ, Գլոսթերշիր կոմսություն, Անգլիա), անգլիացի գրող, առավելապես հայտնի է Ջոան Քեթլին Ռոուլինգ գրական անվան տակ (անգլ.՝ J. K. Rowling, Joanne Katheline Rowling)։ Բրիտանական կայսրության ( OBE, Order of the British Empire) և Պատվո Լեգեոնի շքանշանակիր (2009)[1]։ Նրա գրած Հարի Փոթերի մասին վիպաշարը թարգմանված է աշխարհի 65 լեզուներով։ 2001թ. Ջոան Ռոուլինգը «Հարի Փոթերը և Փիլիսոփայական քարը» վեպի համար ստացել է «Հյուգո» մրացանակը։ Ներկա դրությամբ Ջոան Ռոուլինգը բրիտանացի միակ կին-միլիարդատերն է, աշխարհի ամենաբարձր վարձատրվող գրողը։ Նրա գրքերը գլխավորում են լավագույն գրքերի ցուցակները աշխարհի տարբեր երկրներում։

Ջոան Ռուլինգը ծնվել է 1965 թվականի հուլիսի 31-ին։ Սիրում էր պատմել հեքիաթներ, իր առաջին պատմությունը գրել է 6 տարեկանում։ Ինը տարեկան հասակում Ջոանը ընտանիքի հետ տեղափոխվել է Տատսխիլ, որը Լոնդոնի մերձակայքում փոքրիկ քաղաք էր։ Դպրոցն ավարտելուց հետո Ջոանը ընդունվում է Էկզետեր քաղաքի համալսարան՝ ընտրելով լեզվաբանի մասնագիտությունը, խորացված սկսում է ուսումնասիրել ֆրանսերեն լեզուն։

1991 թ.` 26 տարեկան հասակում Ջոանը տեղափոխվել է Պորտուգալիա` դասավանդելու անգլերեն լեզու։ Այնտեղ նա ծանոթացել է ապագա ամուսնու՝ Ժորժի Արանտեսի հետ։ 1992 թվականին տեղի է ունեցել նրանց հարսանիքը։ Նույն ժամանակ Ջոանը սկսել է աշխատել Հարի Փոթերի մասին առաջին գրքի վրա։ 1993 թվականի հուլիսի 27-ին աղջիկ է ունեցել, իսկ դրանից մի քանի ամիս անց ամուսինը դիմել է ամուսնալուծության։ Ջոանը երեխայի հետ վերադարձել է Մեծ Բրիտանիա՝ բնակվելով քրոջ մոտ Էդինբուրգում։

Քիչ անց Ջոանը աղջկա հետ տեղափոխվել է իր վարձակալած փոքրիկ բնակարանը։ Դառնալով միայնակ մայր՝ նա ապրել է պետությունից ստացած իր թոշակով, որը հազիվ հերիքում էր միայն ուտելիքի և երեխայի հագուստի համար՝ շարունակելով գրել։

Հարի Փոթերի արկածների մասին առաջին գիրքը՝ «Հարի Փոթերը և փիլիսոփայական քարը» լույս է ընծայվում 1997 թվականին «Բլումբերգ» հրատարակչության կողմից, որը մասնագիտացած էր մանկական գրքերի հրատարակման վրա։ Նույն տարում գիրքը ճանաչվում է որպես տարվա լավագույն մանկական գիրք և դառնում բեսթսելեր։ 2000 թվականին Հարի Փոթերի վիպաշարի առաջին երեք գրքերը արդեն վաճառվել էին 35, 000, 000 քանակությամբ, թարգմանվել 35 լեզուներով և հեղինակին բերել 480, 000, 000 ԱՄՆ դոլար։ Հարի Փոթերի վիպաշարից վերջին՝ «Հարի Փոթերը և մահացու ընծաները» գիրքը լույս է տեսել 2007 թ.։ Հարի Փոթերի վիպաշարի բոլոր գրքերով ֆիլմեր են նկարահանվել։

Անուն[խմբագրել]

Չնայած նա գրում է "J. K. Rowling" (արտասանվում է՝ ռոլինգ)[2] կեղծանվամբ, հեղինակի անունը, երբ առաջին Հարրի Փոթթերի գիրքն էր հրատարակում, ուղղակի Ջոան Ռոուլինգ (անգլ.՝ Joanne Rowling) էր։ Ակնկալելով, որ երիտասարդ տղաների թիրախային լսարանը չէր ուզենա կարդալ կնոջ կողմից գրված գիրք, նրա հրատարակիչները պահանջեցին, որ նա օգտագործի երկու սկզբնատառ՝ նրա լրիվ անունը օգտագործելու փոխարեն։ Քանի որ նա չուներ երկրորդ անուն, նա ընտրեց "K", որպես նրա կեղծանվան երկրորդ սկզբնատառ, որը ի դեպ նրա հայրական կողմի տատիկից էր։ [3] Նա ինքն իրեն Ջո է կոչում և ասել է, որ երբ նա երիտասարդ էր, ոչ ոք նրան Ջոան չէր կոչում, քանի դեռ չէր զայրացնում ինչ-որ մեկին։[4] Ամուսնությունից հետո նա մի քանի անգամ օգտագործել է Ջոան Մյուրեյ անունը սեփական բիզնեսի կառավարման համար։[5][6] Լեվեսոն հետաքննության ժամանակ նա վկայություն է տվել Ջոան Քեյթլին Ռոուլինգ անվան տակ։[7] 2012 թ.-ի հարցազրույցի ժամանակ Ռոուլինգը նշել է, որ նա այլևս չի հոգում, երբ մարդիկ սխալ են արտասանում իր անունը։[8]

Գրքերը[խմբագրել]

Ծանոթագրություններ[խմբագրել]

  1. [1]
  2. "The Not Especially Fascinating Life So Far of J. K. Rowling" J. K. Rowling. From accio-quote.org. Retrieved 28 April 2008.
  3. Jo Rowling Interview on Oprah, 28 January, 2012
  4. Canadian Broadcasting Corporation. "J.K. Rowling: CBC Interview #1". Accio-Quote. 26 October 2000. Retrieved 24 December 2013.
  5. Judge rules against JK Rowling in privacy case. Guardian Unlimited. 7 August 2007. Retrieved 21 August 2007.
  6. Greig, Geordie, "There would be so much to tell her..." Daily Telegraph. 10 January 2006. Retrieved 8 August 2010.
  7. «Witness statement of Joanne Kathleen Rowling»։ The Leveson Inquiry։ November 2011։ http://www.levesoninquiry.org.uk/wp-content/uploads/2011/11/Witness-Statement-of-JK-Rowling2.pdf։ Վերցված է 25 November 2011։ 
  8. Decca Aitkenhead (2012)։ «JK Rowling: 'The worst that can happen is that everyone says, That's shockingly bad'»։ The Guardian։ http://www.guardian.co.uk/books/2012/sep/22/jk-rowling-book-casual-vacancy։ Վերցված է 22 September 2012։