Լյուդմիլա Պրոկոպովա

Լյուդմիլա Պրոկոպովա
Հիմնական տվյալներ
Ծնվել է	փետրվարի 16, 1888; Հրադեց Կրալովե, Բոհեմիայի թագավորություն, Ցիսլեյտանիա, Ավստրո-Հունգարիա
Երկիր	Ավստրո-Հունգարիա և Բուլղարիա
Մահացել է	ապրիլի 6, 1959 (71 տարեկան); Սոֆիա, Բուլղարիա
Ժանրեր	օպերա
Մասնագիտություն	Երգչուհի; դաշնակահար; մանկավարժ; երգչախմբի ղեկավար
Երգչաձայն	սոպրանո
Գործիքներ	դաշնամուր և վոկալ
Կրթություն	Պրահայի կոնսերվատորիա
Կապված	Խրիստինա Մորֆովա
	Lyudmila Prokopova Վիքիպահեստում

Լյուդմիլա Պրոկոպովա (չեխ․՝ Ludmila Prokopová, բուլղար․՝ Людмила Прокопова, փետրվարի 16, 1888(1888-02-16), Հրադեց Կրալովե, Բոհեմիայի թագավորություն, Ցիսլեյտանիա, Ավստրո-Հունգարիա^[1] - ապրիլի 6, 1959(1959-04-06), Սոֆիա, Բուլղարիա), չեխ-բուլղարացի օպերային երգչուհի^[2], չեխական ծագումով դաշնակահար, մանկավարժ։ Բուլղարիայի վաստակավոր արտիստ (1951)։

Կենսագրություն

Նախնական երաժշտական կրթությունն ստացել է հորից։ 1908 թվականին ավարտել է Պրահայի կոնսերվատորիայի դաշնամուրի դասարանը, դասատու՝ Կառելա Հոֆմայստերա։ 1908-1910 թվականներին Բռնոյի Լեոշ Յանաչեկի դպրոցում։

Նրա հետագա ստեղծագործական կյանքի վրա դեռևս կոնսերվատորիայում սովորելու տարիներից մեծ ազդեցություն է ունեցել Խրիստինա Մորֆովան, ով եղել է ոչ միայն նրա երգի ուսուցիչը, այլ նաև մոտ ընկերուհին, և 1911 թվականին նրանք մեկնել են Բուլղարիա, որտեղ Պրոկոպովան անցկացրել է գրեթե իր ողջ կյանքը (1916-1930 թվականներին Մորֆովայի հետ հյուրախաղերով շրջագայել է Եվրոպայում)։ 1912-1916 թվականներին դասավանդել է պետական երաժշտական ուսումնարանում, միաժամանակ՝ Բուլղարիայի օպերայի և բալետի ազգային թատրոնում^[3]։

Որպես երգչուհի հանդես է եկել Պրահայի ազգային թատրոնում (1900, 1909, 1912-1923, 1927, 1928), Արևմտա-չեխական թատրոնում, (Պարդուբիցե, 1920), Բռնոյի ազգային թատրոնում (1920-1921), Օլոմուցում (1923), Պլեզենում (1923-1926, 1928), Սլովակիայի ազգային թատրոնում (Բրատիսլավա, 1927, 1933)։

1930 թվականին ընկերուհիները վերջնականապես հաստատվել են Սոֆիայում և իրենց տանը բացել են մասնավոր երաժշտական դպրոց։ Նրանց սաներից են հայտնի երգիչներ Գյուրա Պինջուրովան և Մարիա Միլկովա-Զոլոտովիչը։ Նրանց տանը հավաքվել է երաժշտասեր հասարակություն, այդ թվում՝ Պանչո Վլադիգերովը։ Պրոկոպովան և Մորֆովան ընդգրկվել են Վառնայի ամենամյա երաժշտական փառատոնում։ 1936 թվականից Մորֆովայի մահից հետո, Պրոկոպովան դպրոցը գլխավորել է միայնակ, հետագայում եղել է «Խրիստինա Մորֆովա» կանանց երգչախմբի ղեկավարն ու դիրիժորը։ 1937-1958 թվականներին դասավանդել է Բուլղարիայի պետական կոնսերվատորիայում (1942 թվականից՝ պրոֆեսոր)։ Միաժամանակ 12 տարի եղել է Պրահայի և Սոֆիայի օպերային թատրոնների մենակատար։

Կյանքի վերջին տարիներին Պրոկոպովան մասնակցել է Ազգային գրադարանի կանանց երգչախմբի ստեղծմանը, որը հետագայում կոչվել է Մորֆովայի և Պրոկոպովայի անունով։

Դերերգեր

Պրեմիերա Պրահայի ազգային թատրոնում

1900 թվական «Կարմեն», Բիզե, ռեժիսոր Ռոբերտ Պոլակ (չեխ․՝ Robert Polák), Микаэла
1909 թվական «Վաճառված հարսնացու» Բեդրժիխ Սմետանա, ռեժիսոր Ռ. Պոլակ, Гата
1912 թվական «Աիդա», Ջուզեպպե Վերդի, ռեժիսորներ Ռ. Պոլակ, Էմիլ Պոլերտ, Յոզեֆ Ֆրանտիշեկ, первая жрица
1912 թվական «Պարահանդես-դիմակահանդես», Ջուզեպպե Վերդի, ռեժիսորներ Ռ. Պոլակ, Ի. Մունկլինգեր, Оскар (паж)
1912 թվական «Տանհոյզեր», Ռիխարդ Վագներ, ռեժիսորներ Ռ. Պոլակ, Վլադիմիր Վուրեր, Է. Պոլերտ, молодой пастух
1913 թվական «Կախարդական սրինգ», Վոլֆգանգ Ամադեուս Մոցարտ, ռեժիսոր Ռ. Պոլակ, Памина
1913 թվական «Գաղտնիք», Սմետանա Բեդրժիխ, ռեժիսոր Ռ. Պոլակ, Блажена
1915 թվական «Ջրահարս» Անտոնին Դվորժակ, ռեժիսոր Ռ. Պոլակ, Русалка
1916 թվական «Na starém bělidle» Կառել Կովարովիչ, ռեժիսոր Ռ. Պոլակ - Старена
1917 թվական «Մինյոն», Ամբրուազ Թոմա, ռեժիսորներ Ռ. Պոլակ, Ի. Մունկլինգեր, Է. Պոլերտ, Миньон
1919 թվական «Բորիս Գոդունով» Մոդեստ Մուսորգսկի, ռեժիսորներ Ռ. Պոլակ, Է. Պոլերտ, Ксения
1919 թվական «Ֆաուստ» Շառլ Գունո, ռեժիսորներ Ռ. Պոլակ, Էմիլ Պոլերտ, Ի. Մունկլինգեր, Зибель
1919 թվական «Լակմե» Լեո Դելիբ, ռեժիսոր Ռ. Պոլակ, Маллика
1919 թվական «Դոն Ժուան», Մոցարտ, ռեժիսորներ Ռ. Պոլակ, Վ. Վուշեր, Է. Պոլերտ, Церлина
1920 թվական «Либуше», Սմետանա Բեդրժիխ, ռեժիսոր Ռ. Պոլակ, первներй жнец
1920 թվական «Լուիզա», Գյուստավ Շարպանտե, ռեժիսորներ Ռ. Պոլակ, Վ. Վուշեր, Է. Պոլերտ, Камилла
1920 թվական «Խորամանկ գյուղացիները», Անտոնին Դվորժակ, ռեժիսոր Ռ. Պոլակ, Бетти
1920 թվական «Գաղտնիք», Սմետանա Բեդրժիխ, ռեժիսոր Ռ. Պոլակ, Блаженка
1920 թվական «Մեսինյան հարսնացու», Զ. Ֆիբիխա, ռեժիսորներ Ռ. Պոլակ, Է. Պոլերտ, Пан из царских друзей
1921 թվական «Ֆալստաֆ», Վերդի, ռեժիսոր Է. Պոլերտ, Нанетта
1921 թվական «Ֆիգարոյի ամուսնությունը», Մոցարտ, ռեժիսորներ Ռ. Պոլակ, Վ. Վուշեր, Ի. Մունկլինգեր, Керубино
1921 թվական «Կախարդական սրինգ», Մոցարտ, ռեժիսորներ Ռ. Պոլակ, Վ. Վուշեր, Է. Պոլերտ, Памина
1921 թվական Պրահայի օպերայի մենակատարների համարգ, 10 ապրիլի
1921 թվական «Սիմսոն» Ռուդոլֆ Զամրզլա, ռեժիսոր Ռ. Պոլակ - Ирина
1921 թվական «Մադամ Բատերֆլայ» Ջակոմո Պուչչինի, ռեժիսորներ Է. Պոլերտ, Խանուշ Տեյն, Ի. Մունկլինգեր, мадам Баттерфляй (Чио-Чио-сан)
1922 թվական «Գաղտնիք», Սմետանա Բեդրժիխ, ռեժիսորներ Ռ. Պոլակ, Է. Պոլերտ, Блаженка
1923 թվական «Համբույր», Սմետանա Բեդրժիխ, ռեժիսորներ Ռ. Պոլակ, Վ. Վուշեր, Ֆերդինանտ Պույման, Барса

Մրցանակներ, պարգևներ

Դիմիտրովյան մրցանակ, 1950
Բուլղարիայի վաստակավոր արտիստ, 1951

Ծանոթագրություններ

↑ ^1,0 ^1,1 ^1,2 Չեխիայի ազգային գրադարանի կատալոգ
↑ «Ludmila Prokopová». Čeští operní pěvci (չեխերեն). Čeští operní pěvci. Վերցված է 2014 թ․ մարտի 24-ին.
↑ «Клавирните педагози в България до Първата световна война» (բուլղարերեն). Уроци по пиано. Վերցված է 2014 թ․ մարտի 24-ին.

Արտաքին հղումներ

«Ludmila Prokopová» (չեխերեն). Narodni divadlo. Վերցված է 2014 թ․ մարտի 24-ին.(չաշխատող հղում)
Матеев Г. Строителите на нова България(բուլղ.) // Нова зора. — 2012. — № 35.

Վիքիպահեստն ունի նյութեր, որոնք վերաբերում են «Լյուդմիլա Պրոկոպովա» հոդվածին։

[_3a45f0e8ede94a46-1] 1,0 ^1,1 ^1,2 Չեխիայի ազգային գրադարանի կատալոգ

[2] «Ludmila Prokopová». Čeští operní pěvci (չեխերեն). Čeští operní pěvci. Վերցված է 2014 թ․ մարտի 24-ին.

[3] «Клавирните педагози в България до Първата световна война» (բուլղարերեն). Уроци по пиано. Վերցված է 2014 թ․ մարտի 24-ին.

[1]

[2]

[3]