Բեն Կարսոն

Վիքիպեդիայից՝ ազատ հանրագիտարանից
Բեն Կարսոն
անգլ.՝ Ben Carson
Ի ծնեանգլ.՝ Benjamin Solomon Carson
Ծնվել էսեպտեմբերի 18, 1951(1951-09-18)[1][2][3][…] (72 տարեկան)
ԾննդավայրԴետրոյթ, Միչիգան, ԱՄՆ
Քաղաքացիություն ԱՄՆ
Ազգությունաֆրոամերիկացի
Դավանանքյոթերորդ օրվա ադվենտիստների եկեղեցի
ԿրթությունՄիչիգանի համալսարան, Եյլի համալսարան, Միչիգանի համալսարանի բժշկական դպրոց, Southwestern High School? և Davenport College?
Մասնագիտությունհոգեբան, նյարդավիրաբույժ, քաղաքական գործիչ, համալսարանի դասախոս, վիրաբույժ և գրող
Գիտական աստիճանբժշկության դոկտոր
ԱշխատավայրՋոնս Հոփքինսի համալսարան, The Washington Times? և Johns Hopkins Hospital?
ՊաշտոնUnited States Secretary of Housing and Urban Development?
ԱնդամակցությունԲժշկության ազգային ակադեմիա (ԱՄՆ)
ԿուսակցությունԱՄՆ Հանրապետական կուսակցություն, Դեմոկրատական կուսակցություն, անկախ քաղաքական գործիչ և ԱՄՆ Հանրապետական կուսակցություն
ԱմուսինCandy Carson?
ԶավակներRhoeyce Carson?, Ben Carson Jr.? և Murray Carson?
Ծնողներհայր՝ Robert Solomon Carson?, մայր՝ Sonya Carson?
Պարգևներ
Կայքbencarson.com​(անգլ.)
Ստորագրություն
Изображение автографа

Բեն Կարսոն, Բենջամին Սոլոմոն կամ Բեն Կարսոն ավագ (անգլ.՝ Benjamin Solomon Ben Carson Sr., սեպտեմբերի 18, 1951(1951-09-18)[1][2][3][…], Դետրոյթ, Միչիգան, ԱՄՆ), ամերիկացի նյարդավիրաբույժ, աշխարհում առաջին ծոծրակային սիամական երկվորյակներին առանձնացնողը։ 2017 թվականի մարտի 2-ից եղել է ԱՄՆ-ի բնակարանաշինական և քաղաքային զարգացման 17-րդ նախարար։

2016 թվականի ԱՄՆ նախագահական ընտրությունների թեկնածու է առաջադրվել Հանրապետական կուսակցության կողմից[7]։

Կենսագրություն[խմբագրել | խմբագրել կոդը]

Բեն Կարսոնը ծնվել է 1951 թվականի սեպտեմբերի 18-ին, ԱՄՆ Միչիգան նահանգի Դետրոյթ քաղաքում։ Նա ութ տարեկան է եղել, երբ ծնողները բաժանվել են[8]։ Բեն Կարսոնը տարրական դպրոցում բոլոր առարկաներից ցածր առաջադիմություն է ունեցել և շատ բռնկուն երեխա է եղել։ Բեն Կարսոնի մայրը չի կարողացել նրան օգնել, քանի որ ինքն էլ կարդալ չի իմացել, սակայն իր որդիներին հորդորել է ինքնուրույն մտածել և նպատակներին հասնելու ձգտում ունենալ։ Նա ասել է, որ յուրաքանչյուր մարդ Աստծո համար մեծ կարևորություն ունի և եթե նրանք ջանքեր գործադրեն, ապա նրանց մոտ ամեն ինչ կստացվի։

Գործունեություն[խմբագրել | խմբագրել կոդը]

Վիրաբուժություն[խմբագրել | խմբագրել կոդը]

Բեն Կարսոնը 1977 թվականի հուլիսի 1-ին աշխատանքի է անցել Բալթիմորի Ջոնս Հոպկինս հոսպիտալի մանկական կենտրոնում։ Նա իր կարիերայի սկզբնական շրջանում, որն անց է կացրել հայտնի համալսարանական կլինիկայում, բժշկական բնագավառում հասել է նշանակալի հաջողությունների։

1987 թվականին 70 մարդուց[9] բաղկացած թիմը Կարսոնի գլխավորությամբ իրականացրել է սիամական երկվորյակների՝ Պատրիկ և Բենդժամին Բինդերների միակցված գլուխների առանձնացման՝ պատմության մեջ առաջին հաջող վիրահատությունը։ Վիրահատությունը տևել է 22 ժամ։

1997 թվականին սիամական երկվորյակներ Զամբի Ջոզեֆի և Լուկի Բանդայի առանձնացման վիրահատությունն էլ է կատարել Բեն Կարսոնը։

2002 թվականի հունիսին Կարսոնի մոտ ախտորոշվել է քաղցկեղ։

Քաղաքականություն[խմբագրել | խմբագրել կոդը]

Բեն Կարսոնը ԱՄՆ Հանրապետական կուսակցության անդամ է։ Նա դեմ է աբորտներին և նույնասեռ ամուսնություններին։ Առողջ ապրելակերպի և Ամերիկայի հրեա-քրիստոնեական արժեքների վերածննդի կողմնակից է[10]։ Նա քննադատում է լիբերալ հանրապետականներին։

Կարսոնը 2016 թվականին հայտնել է ԱՄՆ նախագահական ընտրություններում իր թեկնածությունն առաջադրելու մասին[11]։ 2016 թվականի ԱՄՆ-ի նախագահական ընտրություններում Հանրապետական կուսակցության կողմից առաջադրվել է նախագահի թեկնածու։ Երեք նահանգների հանրապետականների շրջանում Կվինիպեկսկի համալսարանի հարցման արդյունքում պարզվել է, որ սևամորթ թեկնածու Բեն Կարսոնը 2015 թվականի հոկտեմբերի 7-ին զբաղեցրել էր երկրորդ տեղը. Օհայոյում՝ 17 %, Փենսիլվանիայում՝ 17 %, Ֆլորիդայում՝ 16 %[12]: 2015 թվականի հոկտեմբերի 21-ից մինչև 25-ը ընկած ժամանակահատվածում The New York Times ամսագրի և CBS հեռուստաալիքի հեռախոսային հարցումներից պարզվել է, որ Բեն Կարսոնը Հանրապետական կուսակցության անդամների 26 % ձայների աջակցության շնորհիվ զբաղեցրել է առաջին տեղը[13][Ն 1]:

2016 թվականի մարտի 2-ին Բեն Կարսոնը հայտարարել է նախագահական ընտրություններին իր մասնակցությունը դադարեցնելու մասին[7]։ Նա իր որոշումը մեկնաբանել է սուպեր երեքշաբթիի[Ն 2] արդյունքների լույսի ներքո քաղաքական առաջընթացի բացակայությամբ։ Դրանից շատ չանցած, Կարսոնը ընտրողներին հորդորել է քվեարկել իր մրցակից Դոնալդ Թրամփի օգտին[16][17]։

2016 թվականի նոյեմբերի 22 -ին Թրամփը խոսել է Բնակարանաշինական և քաղաքային զարգացման նախարարի պաշտոնում Կարսոնի թեկնածությունը դիտարկելու մասին[18]։ 2016 թվականի դեկտեմբերի 5-ին Կարսոնը պաշտոնապես առաջադրվել է այդ պաշտոնին[19], իսկ 2017 թվականի մարտի 2-ին ԱՄՆ-ի սենատը 58 կողմ և 41 դեմ ձայներով հաստատել է նրան այդ պաշտոնում[20]։

Կարսոն կրթաթոշակային հիմնադրամ[խմբագրել | խմբագրել կոդը]

Կարսոնը և նրա կինը 1994 թվականին ստեղծել են Կարսոն կրթաթոշակային հիմնադրամ (անգլ.՝ Carson Scholars Fund): Այն կրթաթոշակ էր շնորհում 4-11-րդ դասարանների ուսանողներին՝ «գերազանց առաջադիմության և մարդկային հատկանիշների» համար[21]։ Կարսոն կրթաթոշակային հիմնադրամի արժանացողը ստանում է 1000 ԱՄՆ դոլար կրթաթոշակ։ Այդ պատվին արժանացել են 6700 ուսանողներ։ Ողջ կյանքի ընթացքում Կարսոն կրթաթոշակային հիմնադրամի աշխատանքի և բարեգործական այլ նախաձեռնությունների համար, 2005 թվականին Կարսոնին շնորհվել է Վիլյամ Է. Սիմոն մրցանակ մարդասիրական առաջնորդության համար[22]։

Անձնական կյանք[խմբագրել | խմբագրել կոդը]

Կարսոնը և նրա կինը՝ Քենդի Ռաստին, ծանոթացել են 1971 թվականին Եյլի համալսարանում։ Նրանք ամուսնացել են 1975 թվականին և ունեցել 3 որդի՝ Բեն կրտսերը, Ռոյսը և Մյուրեյը[23]։ Բեն Կարսոնն ու իր ընտանիքը դավանում են «ադվենտիզմին»[24]։

2001 թվականին Բեն Կարսոնն ու իր կինը գնել են 48 հա մակերեսով անշարժ գույք Մերիլենդ նահանգի Ուպերկո համայնքում[25][26]։

Շագանակագեղձի քաղցկեղի ախտորոշվելուց հետո Կարսոնը վիրահատվել Է Ջոն Հոփկինսի հիվանդանոցում։ Վիրահատությունը եղել է 2002 թվականի օգոստոսի 7-ին, տևել է երկու ժամ[27]։

2013 թվականին Կարսոնն իր մոր և կնոջ հետ տեղափոխվել են Ֆլորիդա նահանգի արևմուտք՝ Ուեսթ Պալմ Բիչ քաղաք[28][29]։ Բնակարանաշինական և քաղաքաշինության նախարարի պաշտոնը ստանձնելուց հետո Կարսոնը 2017 թվականի փետրվարին Վիրջինիա նահանգում գնել է 1,22 միլիոն դոլար արժողությամբ տուն։ Նույն տարվա մայիսին վաճառել է իր Ուեսթ Պալմ Բիչի տունը շուրջ 900.000 դոլարով[30][31]։

Վաստակած հանգստի անցնել[խմբագրել | խմբագրել կոդը]

Կարսոնը 2013 թվականին հայտարարել է, որ նյարդավիրաբուժական բնագավառում իր աշխատանքն ավարտված է։ Աշխատելով 36 տարի՝ 2013 թվականի հուլիսի 1-ին, պաշտոնապես թոշակի է անցել[32]։

Երազանքներ[խմբագրել | խմբագրել կոդը]

Բենը միջնակարգ դպրոցում սովորելու ժամանակ երազել է դառնալ բժիշկ և միսիոներ։ Նա սկսել է ավելի շատ կարդալ և ուշադրություն դարձնել ուսմանը։ Դպրոցն ավարտելուց հետո նա ընդունվել և ավարտել է Եյլի համալսարանի հոգեբանության բաժինը, ապա Միչիգանի համալսարանի բժշկական բաժինը։

Պարգևներ[խմբագրել | խմբագրել կոդը]

Ազատության նախագահական մեդալ
Ազատության նախագահական մեդալ

Բեն Կարսոնը 2008 թվականին պարգևատրվել Ազատություն նախագահական մեդալով ԱՄՆ-ի 43-րդ նախագահ Ջորջ Ու. Բուշի կողմից։

Մատենագրություն[խմբագրել | խմբագրել կոդը]

  • «Ոսկե ձեռքեր, Բեն Կարսոնի պատմությունը» (անգլ.՝ Gifted Hands: The Ben Carson Story) 1990 թվական
  • «Լայն մտքեր»[33] (անգլ.՝ Think Big, Zondervan Publishing), 1996 թվական
  • «Ամբողջ նկարը» (անգլ.՝ The Big Picture, Zondervan Publishing ), 2000 թվական
  • «Մի վախեցիր ռիսկի դիմել»[34] 2008 թվական
  • «Շնորհալի ձեռքեր, Բեն Կարսոնի պատմությունը» (անգլ.՝ Gifted Hands: The Ben Carson Story), 2009 թվական
  • «Գեղեցիկ Ամերիկան, վերածնունդ, որը երկիրը ավելի հզորացրեց» (անգլ.՝ America the Beautiful: Rediscovering What Made This Nation Great), 2011 թվական
  • «Մեկ ազգ, ինչ կարող ենք մենք անել Ամերիկայի ապագայի համար» (անգլ.՝ One Nation: What We Can All Do to Save America’s Future), 2014 թվական
  • «Մեկ ձայն, լսեք ձեր ձայնը» (անգլ.՝ One Vote: Make Your Voice Heard), 2014 թվական
  • Վերջին գիրքը ըստ վարկածի (անգլ.՝ New York Times) բեսթսելլեր է «Մեկ ազգ» 2014 թվական, վաճառքով գերազանցել է Հիլարի Քլինթոնի «Դժվար ընտրություն» (անգլ.՝ Hard Choices):

Կինեմատոգրաֆիայում[խմբագրել | խմբագրել կոդը]

  • «Ոսկե ձեռքեր, Բեն Կարսոնի պատմությունը» (անգլ.՝ Gifted Hands: The Ben Carson Story), ռեժիսոր Թոմաս Քարթերի հեռուստատեսային կինոնկար, հիմնված է իրական իրադարձությունների հիման վրա։

Նշումներ[խմբագրել | խմբագրել կոդը]

  1. ↑ Կարսոնը հանրապետական նախնական ընտրություններում ստացել է 857,039 ձայն. ընդհանուր թիվը կազմել է քվեարկած ձայների 2.75% -ը։ Նա ստացել է յոթ պատվիրակների աջակցությունը Հանրապետական ազգային կոնվենցիային[14]
  2. ↑ Սուպերերեքշաբթին ԱՄՆ-ի քաղաքական ժարգոնով, նախագահական ընտրությունների տարում փետրվարի կամ մարտի սկզբի երեքշաբթին է, երբ նահանգների մեծ մասում տեղի են ունենում նախընտրական ընտրություններ[15]

Ծանոթագրություններ[խմբագրել | խմբագրել կոդը]

  1. ↑ 1,0 1,1 Internet Movie Database — 1990.
  2. ↑ 2,0 2,1 Nationalencyklopedin (շվեդերեն) — 1999.
  3. ↑ 3,0 3,1 Rogers K. Encyclopædia Britannica
  4. ↑ https://www.britannica.com/topic/Spingarn-Medal
  5. ↑ https://www.loc.gov/about/awards-and-honors/living-legends/benjamin-solomon-carson/
  6. ↑ https://www.spelman.edu/docs/honorary-degrees/honorary-degree-recipients---1977-present---as-of-november-2022---revised-(012023).pdf?sfvrsn=f4347e51_2
  7. ↑ 7,0 7,1 Mali, Meghashyam (2016 թ․ հունվարի 7). «Exclusive: House Republicans recruited Carson for Speaker». TheHill (անգլերեն). Վերցված է 2020 թ․ հուլիսի 25-ին.
  8. ↑ «Think big : Ben Carson : Free Download, Borrow, and Streaming». Internet Archive (անգլերեն). Վերցված է 2020 թ․ հուլիսի 23-ին.
  9. ↑ Ap (1988 թ․ ապրիլի 7). «Twins Disjoined at Head Leave the Hospital» (ամերիկյան անգլերեն). Վերցված է 2020 թ․ հուլիսի 27-ին.
  10. ↑ «Бен Карсон: США нужны подлинные иудео-христианские ценности». Девятый канал. 2015 թ․ հունվարի 7. Վերցված է 2020 թ․ հուլիսի 27-ին.
  11. ↑ ««National Draft Ben Carson for President Committee»». Արխիվացված է օրիգինալից 2015 թ․ փետրվարի 25-ին. Վերցված է 2020 թ․ հուլիսի 29-ին.
  12. ↑ «Трамп и Клинтон лидируют в трех ключевых штатах». ГОЛОС АМЕРИКИ (ռուսերեն). Արխիվացված է օրիգինալից 2020 թ․ հուլիսի 23-ին. Վերցված է 2020 թ․ հուլիսի 23-ին.
  13. ↑ «"Несистемного" миллиардера сменил "несистемный" нейрохирург». vz.ru (ռուսերեն). Վերցված է 2020 թ․ հուլիսի 23-ին.
  14. ↑ «Republican Convention 2016». www.thegreenpapers.com. Վերցված է 2020 թ․ հուլիսի 25-ին.
  15. ↑ «Бен Карсон объявил о прекращении борьбы за пост президента США». lenta.ru. Վերցված է 2020 թ․ հուլիսի 23-ին.
  16. ↑ «Бен Карсон призвал американцев голосовать за Дональда Трампа». lenta.ru. Վերցված է 2020 թ․ հուլիսի 23-ին.
  17. ↑ CNN, MJ Lee and Eugene Scott. «Ben Carson endorses Donald Trump». CNN. Վերցված է 2020 թ․ հուլիսի 20-ին. {{cite web}}: |last= has generic name (օգնություն)
  18. ↑ «https://twitter.com/realdonaldtrump/status/801110690387857408». Twitter (ռուսերեն). Վերցված է 2020 թ․ հուլիսի 23-ին. {{cite web}}: External link in |title= (օգնություն)
  19. ↑ «Трамп подтвердил назначение Карсона министром жилищного строительства». ТАСС. Վերցված է 2020 թ․ հուլիսի 23-ին.
  20. ↑ Alcindor, Yamiche (2017 թ․ մարտի 2). «Ben Carson Is Confirmed as HUD Secretary» (ամերիկյան անգլերեն). Վերցված է 2020 թ․ հուլիսի 25-ին.
  21. ↑ «Our Impact». Carson Scholars Fund (ամերիկյան անգլերեն). Վերցված է 2020 թ․ հուլիսի 25-ին.
  22. ↑ «404 Page». Philanthropy Roundtable (անգլերեն). Վերցված է 2020 թ․ հուլիսի 25-ին. {{cite web}}: Cite uses generic title (օգնություն)
  23. ↑ Sun, Laura Vozzella, The Baltimore. «Knowing when to pop the question». baltimoresun.com (ամերիկյան անգլերեն). Արխիվացված է օրիգինալից 2019 թ․ սեպտեմբերի 29-ին. Վերցված է 2020 թ․ հուլիսի 25-ին.{{cite web}}: CS1 սպաս․ բազմաթիվ անուններ: authors list (link)
  24. ↑ «Ben Carson - Redland Baptist Church - Redland Baptist Church». web.archive.org. 2014 թ․ մայիսի 25. Արխիվացված է օրիգինալից 2014 թ․ մայիսի 25-ին. Վերցված է 2020 թ․ հուլիսի 23-ին.
  25. ↑ «Ben Carson: inside the worldview of a political conundrum». web.archive.org. 2015 թ․ նոյեմբերի 9. Արխիվացված է օրիգինալից 2015 թ․ նոյեմբերի 9-ին. Վերցված է 2020 թ․ հուլիսի 25-ին. {{cite web}}: Text "The Guardian" ignored (օգնություն); Text "US news" ignored (օգնություն)
  26. ↑ magazine, Baltimore (2009 թ․ փետրվարի 1). «Dr. Ben Carson Tells His Life Story». Baltimore magazine (անգլերեն). Վերցված է 2020 թ․ հուլիսի 25-ին.
  27. ↑ Bor, Jonathan. «Neurosurgeon Ben Carson undergoes cancer surgery». baltimoresun.com (ամերիկյան անգլերեն). Արխիվացված է օրիգինալից 2002 թ․ օգոստոսի 13-ին. Վերցված է 2020 թ․ հուլիսի 29-ին.
  28. ↑ David Brody (2014 թ․ դեկտեմբերի 12). «Is the Doctor In? Why Conservatives Want Ben Carson – Politics – CBN News – Christian News 24-7». CBN.com. Վերցված է 2015 թ․ հոկտեմբերի 28-ին.
  29. ↑ «Candy Carson». Penguin Random House. Վերցված է 2015 թ․ հոկտեմբերի 28-ին.
  30. ↑ Dangremond, Sam (2017 թ․ մայիսի 25). «Ben Carson Just Sold His West Palm Beach Home». Town and Country. Վերցված է 2019 թ․ հուլիսի 28-ին.
  31. ↑ «Dr. Ben Carson Drops $1.22 Million On A Virginia Home». Trulia. 2017 թ․ փետրվարի 17. Վերցված է 2019 թ․ հուլիսի 28-ին.
  32. ↑ Williams, Armstrong (2013 թ․ հուլիսի 1). «My Chat With Retiring Dr. Ben Carson». Newsmax. Վերցված է 2020 թ․ հուլիսի 23-ին.(անգլ.)
  33. ↑ «Мысли широко читать онлайн, Бен Карсон». КнигоГид (ռուսերեն). {{cite web}}: Missing or empty |url= (օգնություն)
  34. ↑ «Take the Risk». www.goodreads.com. {{cite web}}: Missing or empty |url= (օգնություն)

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Բեն Կարսոն» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Բեն_Կարսոն&oldid=9900813» էջից