Ջուղայի շրջան (Նախիջևան)

Ջուղայի շրջանը; ադրբ.՝ Culfa rayonu
Երկիր	Ադրբեջան
Կարգավիճակ	Շրջան
Մտնում է	Նախիջևանի Ինքնավար Հանրապետության կազմի մեջ
Ներառում է	22 բնակավայր
Վարչկենտրոն	Ջուղա
Խոշորագույն քաղաք	Ջուղա
Ամենաբարձր կետ	Երնջակ լեռն (3664 մ)
ԲԾՄ	1290 մետր
Հիմնական լեզու	Ադրբեջաներեն
Բնակչություն (01․01․2017)	46,100
Ազգային կազմ	Ադրբեջանցիներ
Տարածք	92,630
Հիմնադրված է	Օգոստոսի 8, 1930 թվական թ.
ISO 3166-2 կոդ	AZ-CUL
Հեռախոսային կոդ	36 546
Փոստային ինդեքսներ	7200
Ավտոմոբիլային կոդ	72
	culfa-ih.nakhchivan.az
	Ջուղայի շրջան Վիքիպահեստում

Անվան այլ կիրառումների համար տե՛ս՝ Ջուղա (այլ կիրառումներ)

Ջուղայի շրջանը (ադրբ.՝ Culfa rayonu, Ջուլֆայի շրջան) շրջանի կարգավիճակով վարչատարածքային միավոր Ադրբեջանի Հանրապետության կազմում գտնվող Նախիջևանի Ինքնավար Հանրապետությունում։ Վարչական կենտրոնը Ջուղա քաղաքն է^[1]

Պատմություն

Ժամանակակից պատմություն

Ջուղայի շրջանը ձևավորվել է 1930 թվականի օգոստոսի 8-ին^[1]։

Աշխարհագրություն

Վարչատարածքային նկարագիր և տեղադրություն

Ջուղայի շրջանը հյուսիս-արևելքում սահմանակից է Հայաստանի Վայոց ձորի մարզին, հարավում՝ Իրանի Իսլամական Հանրապետության Արևելյան Ադրբեջան նահանգին^[1]։

Ջուղայի շրջանի ընդհանուր տարածքը կազմում է 92,630 կմ²։ Վարչական կենտրոնը Ջուղա քաղաքն է։ Բացի վարչական կենտրոնից շրջանն ունի նաև 22 գյուղ^[1]։

Լեռնագրություն

Շրջանի տարածքը զբաղեցնում են Զանգեզուրի լեռները, Ջուղայի և մերձարաքսյան սարահարթերը։ Շրջանի ամենաբարձր կետը Երնջակ լեռն է, որն ունի 3664 մ բարձրություն^[1]^[2]։

Ջրագրություն

Ջուղայի շրջանի տարածքով հոսում են Արաքս, Երնջակ և այլ գետեր։ Շրջանի տարածքում է գտնվում Բանանիարի ջրամբարը^[1]։

Շրջանը հարուստ է հանքային ջրերով։ Դրանցից են Դարիդաղ, Նահաջիր և այլ հանքային ջրերի աղբյուրները^[1]։

Կլիմա

Տարվա եղանակով պայմանավորված՝ Ջուղայի շրջանի կլիման փոփոխական է։ Ամռանը կլիման չոր է, իսկ ձմռանը՝ ցուրտ^[1]։

Բնակչություն

2017 թվականի հունվարի 1-ի դրությամբ շրջանի բնակչությունը 46,100 է^[1]։

Տնտեսություն

Տնտեսության հիմնական ճյուղը գյուղատնտեսությունն է։ Զարգացած են հատկապես խաղողագործությունն ու անասնապահությունը^[1]։

Կրթություն և գիտություն

Ջուղայի շրջանում գործում է 26 հանրակրթական դպրոց, մասնագիտական ուսումնարան, 6 արտադպրոցական և 2 նախադպրոցական դաստիարակության հաստատություն, 2 մանկական երաժշտական դպրոց, ինչպես նաև 30 գրադարան^[1]։

Մշակույթ

Շրջանում գործում է մեկ թանգարան, «Ալինջա» կինոթատրոնը^[1]։

Առողջապահություն

Շրջանն ունի առողջապահական մի շարք հաստատություններ, այդ թվում՝ շրջանի կենտրոնական հիվանդանոց, 1 տարածքային հիվանդանոց, 15 բժշկական ամբուլատորիա, 8 ֆելդշերա-մանկաբարձական կենտրոններ, հիգիենիկ և համաճարակաբանական կենտրոն^[1]։