Շարմիլա Թագոր

Շարմիլա Թագոր բենգալերեն՝ শর্মিলা ঠাকুর
Ծնվել է	դեկտեմբերի 8, 1944(1944-12-08) (81 տարեկան)
Ծննդավայր	Հայդարաբադ
Կրթություն	Loreto Convent, Asansol? և St. John's Diocesan Girls' Higher Secondary School?
Քաղաքացիություն	Հնդկաստան
Մասնագիտություն	կինոդերասանուհի և դերասանուհի
Աշխատավայր	ՅՈՒՆԻՍԵՖ
Ծնողներ	հայր՝ Gitindranath Tagore?, մայր՝ Ira Barua?
Ամուսին(ներ)	Մանսուր Ալի Խան
Երեխա(ներ)	Սաիֆ Ալի Խան, Սոհա Ալի Խան և Սաբա Ալի Խան
Պարգևներ և մրցանակներ	Ազգային կինոմրցանակ (Հնդկաստան) լավագույն կանացի դերի համար Ազգային կինոմրցանակ երկրորդ պլանի կնոջ լավագույն դերակատարման համար և IIFA Lifetime Achievement Award?

Շարմիլա Թագոր (հինդի` शर्मिला टैगोर, ամուսնական անունը` բեգում Այեշա Սուլթանա Պատաուդի, դեկտեմբերի 8, 1944(1944-12-08), Հայդարաբադ), հնդիկ կինոդերասանուհի, նկարահանվել է մոտ 100 հինդի և բենգալերեն լեզուներով ֆիլմերում։ Հնդկաստանի Ազգային կինոմրցանակների և կանացի լավագույն դերի համար Filmfare Awards մրցանակի դափնեկիր։ Պարգևատրվել է Հնդկաստանի քաղաքացիական բարձրագույն Պադմա Բհուշան պարգևով և Ֆրանսիայի Արվեստների և գրականության բարձր աստիճանի շքանշանով։

2004-2011 թվականներին Շարմիլա Թագորը հանդիսանում էր կինոցենզուրայի հարցերով Կենտրոնական հնդկական հանձնաժողովի նախագահը։ 2009 թվականին Կաննի կինոփառատոնի ժյուրիի կազմում էր։ 2005 թվականին Շարմիլա Թագորը ընտրվել է ՅՈՒՆԻՍԵՖ-ի բարի կամքի դեսպան։

Կենսագրություն

Շարմիլա Թագորը ծնվել է բենգալյան բրահմանների ընտանիքում` ներկայիս Անդհրա-Պրադեշ նահանգում։ Նրա պապը հայտնի նկարիչ Գագանենդրանաթ Թագորն էր։ Մայրը ուներ ասամյան արմատներ։ Շարմիլա Թագորի երկու ծնողներն էլ ծագում էին Թագոր ընտանիքից և ազգակցական կապ ունեին հնդիկ գրող և բանաստեղծ, Նոբելյան մրցանակի դափնեկիր Ռաբինդրանաթ Թագորի հետ։ Շարմիլան ուներ ևս երկու քույր։

Երբ Շարմիլան յոթ տարեկան էր, ծնողները նրան ուղարկել են Կալկաթայում ապրող պապի մոտ, որտեղ նա անց է կացրել իր մանկության մեծ մասը։ Նա սովորել է Սուրբ եպիսկոպոս Հովհաննու իգական միջնակարգ դպրոցում։ Սակայն երբ սկսեց նկարահանվել կինոյում, դպրոցի տնօրենը խնդրեց նրան լքել դպրոցը, որպեսզի նա վատ ազդեցություն չթողնի մյուս աշակերտուհիների վրա։ Այնուհետև նա տեղափոխվել է Ասանսոլի Լորետո վանական համալիրին կից դպրոց, սակայն դերասանական կարիերայի պատճառով ստիպված էր կրկին թողնել ուսումը։ Հետաքրքիրն այն է, որ այժմ Շարմիլա Թագորը հանդիսանում է Էդինբուրգի Նապիեր համալսարանի արվեստների պատվավոր դոկտոր։

Շարմիլա Թագորը առաջին անգամ էկրանին հայտնվեց 1959 թվականին՝ Սաթյաջիտ Ռայի «Ապուի աշխարհը» ֆիլմում։ Այդ ժամանակ նա ընդամենը 13 տարեկան էր։ Ռեժիսորը նրան հրավիրեց նկարահանվելու նաև իր հաջորդ՝ «Աստվածուհին» (1960 թ.) ֆիլմում, որտեղ նա խաղում էր երիտասարդ կնոջ դերը, ում ամուսնու հայրը հավատացրել էր, որ նա հանդիսանում է Կալի աստվածուհու երկրային մարմնացումը։

Շարմիլա Թագորի բարեկազմ արտաքինի և ոչ տիպիկ բենգալուհու տեսքի համար, շուտով նրան հրավիրեցին աշխատելու Բոլիվուդում։ 1964 թվականին նա նկարահանվեց «Քաշմիրի գեղեցկուհին» ֆիլմում, որտեղ նրա խաղընկերն էր Շամմի Կապուրը։ Ֆիլմը մեծ հաջողություն ունեցավ և նա դարձավ ամենաշատ պահանջարկ ունեցող դերասանուհիներից մեկը։ Դրանից հետո նա նկարահանվեց «Փորձություն ժամանակի միջոցով» (1965 թ.) և «Անուպամա» (1966 թ.) ֆիլմերում։ Այդ տարիներին նա Բոմբեյի ամենազբաղված դերասանուհին էր և չնայած դրան, ժամանակ էր գտնում բենգալյան ֆիլմերի համար։

1967 թվականին Շարմիլա Թագորը նկարահանվել է «Երեկոն Փարիզում» կինոնկարում, որտեղ կատարում էր կրկնակի դեր։ Այս ֆիլմում Շարմիլա Թագորը հնդկական կինոյի առաջին դերասանուհիներից մեկն էր, որ էկրանին հայտնվեց լողազգեստով։ Լողազգեստով նա հայտնվեց նաև Filmfare ամսագրի կազմին։ Այն տարիներին դա Հնդկաստանում բավականին համարձակ քայլ էր։ Երբ ամսագիրը հանվեց վաճառքի, Շարմիլայի լուսանկարները իսկական իրարանցում առաջացրին։ Լուսանկարների հարցը քննարկվեց նույնիսկ Հնդկաստանի կառավարությունում։ Այդ հանգամանքը նրան ինչ որ չափով դարձրեց սեքս-խորհրդանիշ։

1969 թվականին Ռաջեշ Կհաննայի հետ նա նկարահանվեց «Հավատարմություն» ֆիլմում, իսկ 1972 թվականին «Անմահ սեր» կինոնկարում։ Հետագայում նրանց համագործակցությունը շարունակվեց «Ճանապարհորդություն» (1970 թ.), «Աստծուց բարձր» (1972 թ.) և «Քարը` սրտին» (1973 թ.) ֆիլմերում։ «Հավատարմություն» ֆիլմի համար նա ստացավ իր միակ Filmfare Awards մրցանակը։

Շարմիլա Թագորը նկարահանվել է բոլիվուդյան այնպիսի աստղերի հետ, ինչպիսիք էին Դհարմենդրան, Դիլիպ Կումարը և Շաշի Կապուրը։ 1975 թվականին նկարահանված «Ճանապարհորդություն դեպի անցյալ» («Եղանակ») ֆիլմի համար Շարմիլա Թագորը դարձավ Հնդկաստանի Ազգային կինոմրցանակի դափնեկիր։ 1979 թվականից հետո, երբ արդեն երեք երեխաների մայր էր, հազվադեպ էր նկարահանվում։ 1990-ական թվականներին հիմնականում խաղում էր երկրորդական դերեր։

Անձնական կյանքը

1969 թվականին Շարմիլա Թագորը ամուսնացել է Հնդկաստանի կրիկետի հավաքականի ավագ, Պատաուդիի նաբոբ Մանսուր Ալի Խանի հետ և ընդունել իսլամ ` վերցնելով Այեշա Սուլթանա անունը։ Ամուսնության ընթացքում ունեցել է երեք երեխա` դերասան Սաիֆ Ալի Խանը, ոսկյա զարդերի դիզայներ Սաբա Ալի Խանը և դերասանուհի Սոհա Ալի Խանը։ Շարմիլայի ամուսինը՝ Մանսուր Ալի Խանը մահացել է 2011 թվականին։

Մասնակի ֆիլմագրությունը

Թվական	Անվանում	Բնօրինակ անվանում	Կերպար
1959	Ապուի աշխարհը	Apur Sansar	Ապարնա
1960	Աստվածուհին	Devi	Դոյամոյի
1963	Վերջին նամակը	Shesh Anka	Սոմա
1964	Քաշմիրի գեղեցկուհին	Kashmir Ki Kali	Չամպա
1965	Փորձություն ժամանակի միջոցով	Waqt	Ռենու Կհաննա
1966	Հերոսը	Nayak	Ադիտի
1966	Ամպրոպաբեր ամպեր	Sawan Ki Ghata	Սիմա
1966	Անուպամա	Anupama	Ումա Շարմա
1966	Ամուսնու եղբայրը	Devar	Մադհումատի, Բանվարիյա
1967	Երեկոն Փարիզում	An Evening in Paris	Դիպա Մալիկ, Ռուպա Մալիկ (Սյուզի)
1967	Երես առ երես	Aamne - Saamne	Սապնա Մաթհուր, Սապնա Միտալ
1968	Իմ ամենասիրելի ընկերը	Mere Hamdam Mere Dost	Ամիտա
1968	Պատիվ և սեր	Dil Aur Mohabbat	Անուռադհա Վարմա
1969	Հավատարմություն	Aradhana	Վանդհանա Տրիպաթհի
1969	Կյանքի ճանապարհ	Satyakam	Ռանջանա
1969	Մտերիմ ընկերներ	Pyasi Sham	Մադհու
1969	Երազանք	Talash	Մադհու, Գաուրի
1969	Հավատա երազանքին	Yakeen	Ռիտա
1970	Օրեր և գիշերներ անտառում	Aranyer Din Ratri	Ապարնա
1970	Հաճելի ուղևորություն	Suhana Safar	Սապնա
1970	Ճանապարհորդություն	Safar	Նիլա
1971	Կրտսեր հարսնացուն	Chhoti Bahu	Ռադհա
1971	Սահմանափակ պատասխանատվությամբ ընկերությունը	Seemabaddha	Տուտուլ
1972	Անմահ սեր	Amar Prem	Պուշպա
1972	Սիրո պատմություն	Dastaan	Մինա
1972	Աստծուց բարձր	Maalik	Սավիտրի
1972	Ծաղկած այգի	Yeh Gulistan Hamara	Սու Ռենի
1973	Ռաջան և Ռանին	Raja Rani	Նիրմալա, Ռանի
1973	Քարը` սրտին	Daag: A Poem of Love	Սոնիա Կոհլի
1973	Եկ իմ գիրկը	Aa Gale Lag Jaa	Պրիտի
1974	Բացահայտում	Avishkaar	Մանսի
1974	Անամոթը	Charitraheen	Ռամա
1974	Սպիտակ աղավնին	Shandaar	Պրատիմա
1974	Արքայազնը և աղքատը	Paap Aur Punya	Ջուգնի
1975	Մոռացված կինը	Khushboo	Լակհի
1975	Փախստակը	Faraar	Մալա, Աշա
1975	Ճանապարհորդություն դեպի անցյալ (Եղանակ)	Mausam	Չանդա, Կաջլի
1975	Լռելյայն	Chupke Chupke	Սուլեկհա Չատուրվեդի
1976	Մեկը մյուսից լավն է	Ek Se Badhkar Ek	Ռեքհա
1977	Հրաժարում	Tyaag	Սունիտա
1977	Անպատկառը	Besharam	Ռինկու, Մոնիկա
1982	Կենվորը	Namkeen	Նիմկի
1983	Խոր վերք	Gehri Chot: Urf - Door-Desh	Շոբհա Կհաննա
1983	Երկրորդ հարսնացուն	Doosri Dulhan	-
1986	Սվատի	Swati	Շարդա
1986	Նյու-Դելի Թայմս	New Delhi Times	Նիշա
1991	Միսիսիպյան մասալա	Mississippi Masala	Կինու
1999	Ապստամբ հոգի	Mann	Դևի տատը
2003	Կրկին անտառում	Abar Aranye	Ապարնա Չատերջի
2003	Հայելին ճաքել է	Shubho Mahurat	Պադմինի Չոուդհարի
2005	Գտնել արդարություն	Viruddh... Family Comes First	Սումիտրա
2009	Անվերջ սպասում	Antaheen	Պիշիմա
2009	Լուսանկար` 8 x 10	8 x 10 Tasveer	Սավիտրա
2009	Առավոտյան զբոսանք	Morning Walk	Նիլիմա
2009	Կյանքը շարունակվում է	Life Goes On	Մանջու Բաներջի
2010	Բաժանումից հետո	Break Ke Baad	Այեշա Խան

Ծանոթագրություններ

Վիքիպահեստն ունի նյութեր, որոնք վերաբերում են «Շարմիլա Թագոր» հոդվածին։