Jump to content

Մարիանա Մացցուկատո

Վիքիպեդիայից՝ ազատ հանրագիտարանից
Մարիանա Մացցուկատո
Ծնվել էհունիսի 16, 1968(1968-06-16)[1][2] (56 տարեկան)
Հռոմ, Իտալիա
Քաղաքացիություն ԱՄՆ,  Իտալիա և  Միացյալ Թագավորություն
Մասնագիտությունտնտեսագետ, համալսարանի դասախոս և հեղինակ
ԳործակիցUCL Press?[3]
Հաստատություն(ներ)Սասեքսի համալսարան և Լոնդոնի բիզնես դպրոց
Ալմա մատերԹաֆթսի համալսարան, New School for Social Research? և Փրինսթոնի ավագ դպրոց
Տիրապետում է լեզուներինանգլերեն[4][5] և իտալերեն[5]
Ազդվել էՅոզեֆ Շումպետեր և Ջոն Մեյնարդ Քեյնս
Պարգևներ
Ամուսին(ներ)Carlo Cresto-Dina?[7]
Կայքmarianamazzucato.com​(անգլ.)
 Mariana Mazzucato Վիքիպահեստում

Մարիանա Մացցուկատո (ծնվել է 1968 թվականի հունիսի 16-ին), իտալա-ամերիկյան երկքաղաքացիությամբ տնտեսագետ։ Նա Լոնդոնի համալսարանական քոլեջի նորարարության և հանրային արժեքի տնտեսագիտության պրոֆեսոր է և նորարարության և հանրային նպատակների ինստիտուտի (IIPP) հիմնադիրն ու տնօրենը։ Նրա հետազոտությունը կենտրոնանում է տեխնոլոգիական, տնտեսական և սոցիալական փոփոխությունների միջև փոխհարաբերությունների վրա[8]։

Նա Շոտլանդիայի կառավարության տնտեսական խորհրդատուների խորհրդի և Հարավային Աֆրիկայի տնտեսական խորհրդատվական խորհրդի անդամ է։ 2019 թվականին նա միացել է ՄԱԿ-ի Զարգացման քաղաքականության կոմիտեին[9]։

Մացցուկատոն «Ձեռնարկատիրական պետություն. պետական և մասնավոր հատվածների առասպելների ապամոնտաժում» և «Ամեն ինչի արժեքը. ստեղծում և ընդունում համաշխարհային տնտեսության մեջ» գրքի հեղինակն է։ 2016 թվականին Մացցուկատոն Մայքլ Ջեյքոբսի հետ խմբագրել է «Վերաիմաստավորելով կապիտալիզմը. կայուն և ներառական աճի էկոնոմիկա և քաղաքականություն» գիրքը։ 2013 թվականին The New Republic-ը նրան անվանել է «նորարարության երեք ամենակարևոր մտածողներից մեկը»[10][11]։

Վաղ կյանք և կրթություն

[խմբագրել | խմբագրել կոդը]

Մացցուկատոյի իտալացի ծնողները՝ Էռնեստոն և Ալեսանդրան, 1972 թվականին տեղափոխվեցին Փրինսթոն, Նյու Ջերսի, իրենց երեք փոքր երեխաների՝ Վալենտինայի, Մարիանայի և Յակոպոյի հետ, Այն բանից հետո, երբ Էռնեստոն պաշտոն ստացավ որպես ֆիզիկոս Փրինսթոնի համալսարանի պլազմայի ֆիզիկայի լաբորատորիայում։ Մարիանա Մացցուկատոն իր վաղ կյանքի մեծ մասն անցկացրել է ԱՄՆ-ում՝ նախքան Եվրոպա վերադառնալը։

1986 թվականին Փրինսթոնի ավագ դպրոցն ավարտելուց հետո Մացցուկատոն 1990 թվականին Թաֆթսի համալսարանից ստացել է արվեստի բակալավրի կոչում պատմության և միջազգային հարաբերությունների ոլորտում[12]։ Այնուհետև նա ընդունվեց Սոցիալական հետազոտությունների նոր դպրոց՝ հետերոդոքս տնտեսագիտության նկատմամբ հետաքրքրության պատճառով, որտեղ 1999 թվականին ստացել է տնտեսագիտության մագիստրոսի և տնտեսագիտության դոկտորի աստիճան։

Կարիերա

[խմբագրել | խմբագրել կոդը]

Աշխատանք համալսարանում

[խմբագրել | խմբագրել կոդը]

1995-1997 թվականներին Մացցուկատոն եղել է Նյու Յորքի համալսարանի տնտեսագիտության դոցենտ։ 1997-1999 թվականներին դասավանդել է Դենվերի համալսարանում։ 1998-ից 1999 թվականներին եղել է Մարի Կյուրիի ասպիրանտուրայի հետազոտող Լոնդոնի բիզնես դպրոցում, որտեղ աշխատել և հոդվածներ է հրապարակել Փոլ Գերոսկիի (Լոնդոնի բիզնես դպրոցի նախկին դեկան) հետ միասին[12]։

1999 թվականին Մարիաննան հրավիրվել է Բաց համալսարան որպես դասախոս, որտեղ 2005 թվականին դարձել է պրոֆեսոր։ Հիմնադրել է նորարարության, գիտելիքի և զարգացման հետազոտական կենտրոնը։ 2008-2010 թվականներին եղել է Բոկկոնիի համալսարանի հրավիրյալ պրոֆեսոր։ 2014 թվականին նա եղել է Սիդնեյի տեխնոլոգիական համալսարանի պատվավոր հրավիրված պրոֆեսոր։ 2011-ից 2017 թվականներին ղեկավարել է Սասսեքսի համալսարանի տնտեսագիտության և նորարարության ամբիոնը։ 2017-ին Մացցուկատոն դարձել է Լոնդոնի համալսարանական նորարարության և հանրային արժեքի տնտեսագիտության քոլեջի պրոֆեսոր և հիմնել իրենց Նորարարության և հանրային նպատակների ինստիտուտը (IIPP):

Տնտեսական խորհրդատու

[խմբագրել | խմբագրել կոդը]

Մացցուկատոն միացել է Նոր տնտեսական հիմնադրամի (NEF) աշխատանքային խմբին 2012-ից 2013 թվականներին, ինչպես նաև Եվրոպական հանձնաժողովի (ԵՀ) հանրային հատվածի նորարարության աշխատանքային խմբին 2012-ից 2014 թվականներին։ 2014-ից 2016 թվականներին եղել է համաշխարհային տնտեսական ֆորումի ինովացիոն տնտեսության համաշխարհային օրակարգի խորհրդի անդամ։ Նա նաև եղել է Եվրոպական հանձնաժողովի նորարարություն հանուն աճի (RISE) փորձագիտական խմբի անդամ[13]։ 2015-ից 2016 թվականներին նա նշանակվել է Բրիտանական Լեյբորիստական կուսակցության տնտեսական խորհրդատվական կոմիտեի կազմում, որը կազմակերպել է ստվերային կանցլեր Ջոն Մակդոնելը և հաշվետու է Լեյբորիստական կուսակցության առաջնորդ Ջերեմի Քորբինին։

2015 թվականից մինչ օրս Մացցուկատոն աշխատում է Շոտլանդիայի կառավարության տնտեսական խորհրդատուների խորհրդում։ 2016 թվականին նա դարձել է Իտալիայի խորհրդարանի բյուջետային գրասենյակի գիտական խորհրդատուն և նրանց տնտեսական արդարադատության հանձնակատարը։ 2017 թվականին դարձել Է ՄԱԿ-ի Կայուն զարգացման կառավարման խորհրդի անդամ։

2018 թվականին նա սկսել է աշխատել որպես ԵՄ հետազոտությունների, գիտության և նորարարության հարցերով հանձնակատար Կառլոս Մոեդասի հատուկ խորհրդական, որտեղ նա գրել է «Առաքելության վրա հիմնված հետազոտություն և նորարարություն Եվրոպական միությունում» զեկույցը։ Նա նաև ՏՀԶԿ-ի գլխավոր քարտուղար Անխել Գուրիայի հատուկ խորհրդականն է ՏՀԶԿ-ի տնտեսական աճի նոր հայեցակարգի վերաբերյալ։ Նա ՄԱԿ-ի Զարգացման քաղաքականության կոմիտեի անդամ է, որին միացել է 2019 թվականին։

Նա միացել է Sitra-ի Ֆինլանդիայի ինովացիոն հիմնադրամի խորհրդատվական խորհրդին։ Միևնույն ժամանակ նա հրավիրվել է Հանրային քաղաքականության հետազոտությունների ինստիտուտ՝ որպես հոգաբարձու։ 2016 թվականից նա Շումպետերի միջազգային ընկերության փոխնախագահն է։ Մացցուկատոն ընդգրկվել է Նորվեգիայի հետազոտական խորհրդին կից խորհրդատվական խորհրդի կազմում։

Այլ գործունեություն

[խմբագրել | խմբագրել կոդը]

2015 թվականին Մացցուկատոյին հանձնարարվեց Բրազիլիայի կառավարության գիտության, տեխնոլոգիաների և նորարարության նախարարության համար գրել զեկույց Բրազիլիայի ինովացիոն քաղաքականության վերաբերյալ, որը հրապարակվել է 2016 թվականի ապրիլի 6-ին։ Մացցուկատոն դարձավ առաջին կինը, ով կարդաց Ռաուլ Պրեբիշի դասախոսությունը, որը 2016 թվականի ապրիլին կազմակերպել էր ՄԱԿ-ի Լատինական Ամերիկայի և Կարիբյան ավազանի տնտեսական հանձնաժողովը Սանտյագոյում, Չիլի։

Հետազոտություն

[խմբագրել | խմբագրել կոդը]

Նորարարություն

[խմբագրել | խմբագրել կոդը]

Մացցուկատոյի հետազոտությունը կենտրոնանում է ֆինանսական շուկաների, նորարարության և տնտեսական աճի միջև փոխհարաբերությունների վրա՝ ընկերության, արդյունաբերության և երկրի մակարդակներում։ Նա աշխատում է էվոլյուցիոն տնտեսագիտության Շումպետերյան տեսության շրջանակներում՝ ուսումնասիրելով ընկերությունների միջև մշտական տարբերությունների ծագումն ու էվոլյուցիան, և թե ինչպես են այդ տարբերությունները տարբերվում տարբեր ոլորտներում և արդյունաբերության կյանքի ցիկլի ընթացքում։

Նրա էմպիրիկ հետազոտությունները կենտրոնացած են ավտոմոբիլային, համակարգչային, կենսատեխնոլոգիական և դեղագործական արդյունաբերության վրա։ Նա վերլուծել է տեխնոլոգիական փոփոխությունների և տնտեսական պղպջակների համատեղ էվոլյուցիան։ Այսպես ասած, նա պնդում է, որ բաժնետոմսերի գների անկայունությունը ձգտում է ամենաբարձրը լինել ընկերության և արդյունաբերության մակարդակում, երբ տեխնոլոգիական նորարարությունները առավել «արմատական» են։

2013 թվականին Մացցուկատոն հրատարակել է «Ձեռնարկատիրական պետություն. պետական և մասնավոր հատվածների առասպելների վերացում» գիրքը։ Գիրքը պնդում է, որ պետության՝ որպես ստատիկ բյուրոկրատական կազմակերպության գաղափարը, որն անհրաժեշտ է միայն շուկայի ձախողումները «շտկելու» և դինամիկ ձեռներեցությունն ու նորարարությունը մասնավոր հատվածին թողնելու համար, սխալ է։ Նա նկարագրում է մի շարք դեպքերի ուսումնասիրություններ տարբեր ոլորտներում, ներառյալ կենսատեխնոլոգիան, դեղագործությունը և տեխնոլոգիաները, ցույց տալու համար, որ բարձր ռիսկային ներդրումները կառավարության կողմից կատարվում են նախքան մասնավոր հատվածի ներգրավումը։ iPhone-ին նվիրված գլխում նա նկարագրում է, թե ինչպես են այն «խելացի» դարձնող տեխնոլոգիաները՝ ինտերնետը, GPS-ը, սենսորային էկրանը և ձայնով ակտիվացված Սիրին, ֆինանսավորվել կառավարության կողմից։

Գրքի երկու գլուխները նվիրված են «կանաչ տեխնոլոգիաների» ձևավորվող հեղափոխությանը։ Նա մանրամասնում է պետական միջոցները, որոնք, նրա կարծիքով, հիմք են ստեղծում այս հեղափոխության համար, ինչպես պետությունը ներդրումներ է կատարում կենսատեխնոլոգիայի և նանոտեխնոլոգիայի ամենառիսկային ոլորտներում։ Գիրքը եզրափակում է փաստարկելով, որ այս բոլոր օրինակներում ռիսկերը սոցիալականացվել են, իսկ օգուտները՝ սեփականաշնորհվել, և դիտարկվում են այս դինամիկան վերափոխելու տարբեր ուղիներ՝ ավելի «ներառական աճ» ապահովելու համար։

Ստեղծագործություն

[խմբագրել | խմբագրել կոդը]

Նա կենտրոնացավ Ուիլյամ Լազորնիկի հետ իր աշխատանքում անհավասարության վրա։ Նրանց 2013 թվականի համատեղ աշխատությունը՝ «Ռիսկի և պարգևատրման կապը. ո՞վ է ռիսկի դիմում։ Ո՞վ է ստանում պարգևը»։ Նկարագրում է լարվածությունը ժամանակակից կապիտալիզմում արժեքի ստեղծման և արժեքի արդյունահանման միջև։ Հեղինակները պնդում են, որ նորարարության գործընթացում ռիսկերի «կոլեկտիվ» բաշխման և պարգևների ավելի ու ավելի նեղ բաշխման միջև անհամաչափ հավասարակշռություն կա։

Policy Network վերլուծական կենտրոնի համար հոդվածում, որը կոչվում է «Rebalancing What?» Մացցուկատոն պնդում է, որ խնդիրը ոչ միայն կարճաժամկետ է, այլ նաև այն, թե ինչպես են արժեքի վրա հիմնված ֆինանսական գործունեությունը պարգևատրվում արժեքի վրա հիմնված գործունեության փոխարեն, ինչը հաճախ հանգեցնում է արժեքի ոչնչացման։ Նրա The Value of Everything: making and taking in the global economy գիրքը, որը հրատարակվել է 2018 թվականին, նկարագրում է, թե ինչպես են ֆինանսական ընկերությունները հանդես գալիս որպես ռենտա փնտրողներ, այլ ոչ թե իրենք՝ արժեքներ ստեղծողներ, և որ գործող օրենսդրությունը խրախուսում է նման վարքագիծը։

Շուկայի ձևավորում

[խմբագրել | խմբագրել կոդը]

2014 թվականից ի վեր Մացցուկատոն մշակել է իր քննադատությունը «շուկայի ձախողման տեսության» և տնտեսության մեջ պետության դերի մասին իր հայեցակարգի վերաբերյալ՝ որպես «նոր շուկաների ստեղծում և ձևավորում», այլ ոչ թե պարզապես դրանց ամրագրում։

Կարլոտա Պերեսի հետ նրա աշխատանքը դիտարկում էր, թե ինչ հեռանկար կարող է ապահովել «կանաչի» նոր ըմբռնումը որպես ամբողջ տնտեսության վերակողմնորոշում։ Նրա աշխատանքը Կայետանո Պեննայի հետ կենտրոնացած էր այն բանի վրա, թե ինչպես առաքելության վրա հիմնված շուկայի ձևավորման շրջանակը կարող է նոր պատկերացումներ տալ պետական ներդրումային բանկերի դերի վերաբերյալ։

Մրցանակներ և անվանակարգեր

[խմբագրել | խմբագրել կոդը]

2013 թվականին Մացցուկատոյի «Ձեռնարկատիրական պետություն» գիրքը ներառվել է Financial Times-ի տարվա գրքերի ցուցակում։ Գիրքը հաջորդ տարի նրան նաև արժանացրել է New Stateman/SPERI մրցանակի քաղաքական տնտեսության ոլորտում։ Նույն թվականին «Ձեռնարկատիրական պետությունը» (Das Kapital des Staates) գրքի գերմաներեն թարգմանությունն առաջադրվել է «Գերմանական բիզնես գրքի» մրցանակի (Deutscher Wirtschaftsbuchpreis): 2016 թվականին նա արժանացել է Գերմանիայի սոցիալ-դեմոկրատական կուսակցությանը կից Ֆրիդրիխ Էբերտի հիմնադրամի Հանս-Մատտեֆերի գրքի մրցանակին։

Նրան շնորհվել է Սան Մարտինի ազգային համալսարանի պատվավոր դոկտորի կոչում։ Նրան, 2017 թվականին շնորհվել է նաև Հասելթի համալսարանի պատվավոր դոկտորի կոչում։ Սայմոն Ֆրեյզերի համալսարանը նրան պատվավոր կոչում է շնորհել 2020 թվականին։

2019 թվականին Համաեվրոպական գիտությունների ակադեմիայի կողմից նրան շնորհվել է Մադամ դե Ստալի մշակութային արժեքների մրցանակը՝ ի նշան նորարարության խթանման գործում կառավարությունների դերի վերլուծության մեջ ունեցած ներդրման։ Մեկ տարի անց նա ստացել է Ջոն ֆոն Նեյմանի մրցանակը։

Մոտեցում

[խմբագրել | խմբագրել կոդը]

Ջայաթի Ղոշը, ով գրում է Nature-ի համար, գրել է, որ առաքելության տնտեսությունը «ժամանակի և լավատեսության տեսլականն է»՝ ուղղված մասնավոր և պետական ներդրումների միջոցով հիմնական խնդիրները լուծելու համար։ Նա պնդում էր, որ Մացցուկատոյի փաստարկները հնչում են պարզ և ակնհայտ, բայց իրականում հեղափոխական են, ինչը ենթադրում է նոր դեր կառավարությունների համար։

Ջոն Քեյը գրել է, որ «լուծումների վրա հիմնված տնտեսությունը» ղեկավարվում և համակարգվում է հզոր կառավարությունների կողմից, որոնք վերահսկում են նորարարության բոլոր փուլերը՝ քաղցկեղից մինչև կլիմայի փոփոխության խնդիրները լուծելու համար։ Քեյը նշում է, որ այնպիսի նախագծեր, ինչպիսիք են Նիքսոնի պատերազմը քաղցկեղի դեմ և Մաոյի Մեծ թռիչքը, հակված են ձախողման, քանի որ նորարարության քաղաքական ուղղությունը կհանգեցնի օբյեկտիվ արձագանքների բացակայությանը, մինչդեռ արդյունավետ առաջընթացը պահանջում է շատ մրցունակ շուկաներ՝ աստիճանական նորարարություններով, նոր արտադրանքներով, ստեղծագործական ոչնչացում, և անհատ ձեռներեցների համար ապակենտրոնացված իշխանություն՝ իրենց անկախ տեսլականով, ուղղորդող, կենտրոնացված տեսլականի փոխարեն։

Ֆրանցիսկոս պապը, խոսելով ամեն ինչի արժեքի մասին, ասել է. «Ես հավատում եմ, որ (նրա տեսլականը) կարող է օգնել մտածել ապագայի մասին»։

Մարտին Վուլֆը գրել է, որ «Ձեռնարկատիրական պետությունը» առաջարկում է «վիճելի թեզ», բայց «հիմնականում ճիշտ է» և զգուշացնում է, որ «նորարարության խթանման գործում կառավարության դերը չճանաչելը կարող է լինել աճող բարգավաճման ամենամեծ սպառնալիքը»։

Ռոբերտ Ատկինսոնը հայտարարել է, որ «մի բան է օրինականացնել պետությունը որպես նորարարության շարժիչ ուժ և արժանին մատուցել, որտեղ անհրաժեշտ է ինչ-որ բան, իսկ Մացցուկատոյի գիրքը վարպետորեն ինչ-որ բան անում է», բայց «միանգամայն այլ բան է մշակել արդյունավետ ինովացիոն քաղաքականություն, որը ռիսկի հետ առնչվում է քաղաքականապես ընդունելի ձևով»։

The Economist-ի սյունակը պնդում էր, որ նա «չափազանց կոշտ է բիզնեսում», բայց որ Մացցուկատոն իրավացի է «պետության կենտրոնական դերի վերաբերյալ խաղ փոխող բեկումնային առաջընթացների արտադրության մեջ», և որ նրա «ներդրումը տեխնոլոգիական բիզնեսի հաջողության մեջ չպետք է թերագնահատել»։

Ադամ Սմիթի նեոլիբերալ մտածողության ինստիտուտի հետդոկտորանտ Թիմ Ուորսթոլը պնդում է, որ Մացցուկատոն առաջարկում է հանրային բարիքների շփոթեցնող սահմանում, ինչը «կրիտիկական կետ է», քանի որ «(հանրային ապրանքների) անմրցունակ և չբացառված բնույթը դժվարացնում է շահույթ ստանալ դրանց տրամադրումից», և, հետևաբար, մասնավոր հատվածը, ըստ սահմանման, չի կարող շահագրգռված լինել դրանցով։

Գրքեր

[խմբագրել | խմբագրել կոդը]
  • Mazzucato, M. (2021), Mission Economy: A Moonshot Guide to Changing Capitalism, Allen Lane
  • Mazzucato, M. (2018), The Value of Everything: Making and Taking in the Global Economy, Public Affairs
    • Ценность всех вещей: Создание и изъятие в мировой экономике / Пер. с англ. Н. Проценко. Под науч. ред. Н. Афанасова, А. Павлова. — М. : Изд. дом Высш. шк. экономики, 2021. — 408 с. — (Экономическая теория).
  • Jacobs, M. and Mazzucato, M. (2016), Rethinking Capitalism: Economics and Policy for Sustainable and Inclusive Growth, Wiley-Blackwell
  • Mazzucato, M. and Perez, C. (2015), Innovation as Growth Policy, in «The Triple Challenge: Europe in a New Age», J. Fagerberg, S. Laestadius, and B. Martin (eds.), Oxford: Oxford University Press
  • Mazzucato, M. (2013), The Entrepreneurial State: Debunking Public vs. Private Sector Myths, Anthem Press: London, UK
  • Mazzucato, M. (2011), The Entrepreneurial State, Demos, London, UK
  • Mazzucato, M. and Dosi, G. (Eds, 2006), Knowledge Accumulation and Industry Evolution: Pharma-Biotech, Cambridge UK: Cambridge University Press
  • Mazzucato, M. (Ed, 2002), Strategy for Business, A Reader, Sage Publications, London, 2002
  • Mazzucato, M. (2000), Firm Size, Innovation and Market Structure: The Evolution of Market Concentration and Instability, Edward Elgar, Northampton, MA

Ծանոթագրություններ

[խմբագրել | խմբագրել կոդը]
  1. ↑ Catalogue of the Library of the Pontifical University of the Holy Cross
  2. ↑ https://viaf.org/processed/SUDOC%7C061118591
  3. ↑ Davos 2019 Participant List
  4. ↑ Identifiants et Référentiels (ֆր.) — ABES, 2011.
  5. ↑ 5,0 5,1 CONOR.Sl
  6. ↑ https://www.uoc.edu/portal/es/universitat/actes-institucionals/honoris-causa/mariana-mazzucato/index.html
  7. ↑ https://matherhodge.com/tribute/details/24/Alessandra-Mazzucato/obituary.html
  8. ↑ «Pope Francis warns of 'a viral genocide' if governments put the economy before people amid coronavirus pandemic». America Magazine (անգլերեն). 2020 թ․ մարտի 29. Արխիվացված օրիգինալից 2021 թ․ ապրիլի 17-ին. Վերցված է 2021 թ․ մարտի 21-ին.
  9. ↑ Heritage, Stuart. «From Gladwell and Dawkins to Mukherjee – the world's greatest minds». 0140-0460. Արխիվացված է օրիգինալից 2019 թ․ օգոստոսի 27-ին. Վերցված է 2021 թ․ մարտի 21-ին.
  10. ↑ «President Cyril Ramaphosa appoints Economic Advisory Council | South African Government». www.gov.za. Արխիվացված օրիգինալից 2021 թ․ ապրիլի 8-ին. Վերցված է 2021 թ․ մարտի 21-ին.
  11. ↑ John B. Judis The Three Most Important Thinkers About Innovation You Need To Know // The New Republic. — 2013-08-21. — ISSN 0028-6583. Архивировано из первоисточника 8 Մարտի 2021.
  12. ↑ 12,0 12,1 «www.TownTopics.com — Obituaries». www.towntopics.com. Արխիվացված օրիգինալից 2021 թ․ մայիսի 6-ին. Վերցված է 2021 թ․ մարտի 21-ին.
  13. ↑ «Mariana Mazzucato». www.enel.com (անգլերեն). Արխիվացված օրիգինալից 2021 թ․ հունվարի 29-ին. Վերցված է 2021 թ․ մարտի 21-ին.

Գրականություն

[խմբագրել | խմբագրել կոդը]

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Մարիանա Մացցուկատո» հոդվածին։
X (անգլ.)
Թեմատիկ կայքեր
Ստացված է «https://hy.wikipedia.org/w/index.php?title=Մարիանա_Մացցուկատո&oldid=9674354» էջից