Թուր Հեյերդալ

Վիքիպեդիայից՝ ազատ հանրագիտարանից
Jump to navigation Jump to search
Թուր Հեյերդալ
նորվ.՝ Thor Heyerdahl
ThorHeyerdahl.jpg
Ծնվել է հոկտեմբերի 6, 1914(1914-10-06)[1][2][3]
Ծննդավայր Լարվիկ, Վեստֆոլ, Էստլանն, Նորվեգիա[4]
Մահացել է ապրիլի 18, 2002(2002-04-18)[1][2][3][5] (87 տարեկանում)
Մահվան վայր Colla Micheri, Անդորա, Սավոնա, Լիգուրիա, Իտալիա
Քաղաքացիություն Flag of Norway.svg Նորվեգիա
Կրոն աթեիզմ
Կրթություն Օսլոյի համալսարան
Մասնագիտություն ճանապարհորդ հետազոտող, մարդաբան, հնագետ, պատմաբան և սցենարիստ
Ամուսին Լիվ Ռոքեֆելեր և Ժակլին Բիր
Պարգևներ և
մրցանակներ
Ֆրիտյոֆ Նանսենի մրցանակ պատմության և փիլիսոփայության բնագավառում ունեցած նշանակալի ավանդի համար Empowering award «Պեր Գյունտ» մրցանակ Grand Officer of the Order of Wissam El Alaoui Սուրբ Օլավի միաբանության մեծ խաչի ասպետ Grand Officer of the Order of Merit of the Italian Republic Order of the Golden Ark Վեգա մեդալ Արքայական աշխարհագրական հասարակության ոսկե մեդալ Մունգո Պարկի մեդալ Արևի շքանշան և Մ. Վ. Լոմոնոսովի անվան մեծ ոսկե մեդալ
Անդամություն Նորվեգիայի գիտությունների ակադեմիա
Thor Heyerdahl Վիքիպահեստում

Թուր Հեյերդալ (նորվ.՝ Thor Heyerdahl, հոկտեմբերի 6, 1914(1914-10-06)[1][2][3], Լարվիկ, Վեստֆոլ, Էստլանն, Նորվեգիա[4] - ապրիլի 18, 2002(2002-04-18)[1][2][3][5], Colla Micheri, Անդորա, Սավոնա, Լիգուրիա, Իտալիա), նորվեգացի ճանապարհորդ, ազգագրագետ, հնագետ և գրող։

Երկրորդ համաշխարհային պատերազմի տարիներին՝ Դիմադրության նորվեգական շարժման մասնակից։ 1937-1938 թվականներին ապրել է Մարկիզյան կղզիներում, ուր պոլինեզացիների առասպելները՝ Արևելքից իրենց նախնիների գալու վերաբերյալ, Հեյերդալի մեջ ծնեցին նրանց էթնոգենեզն ուսումնասիրելու գաղափարը։ Քանի որ նրա ենթադրությանը (թե Պոլինեզիայի արևելյան կղզիները նախապես բնակեցրել են պերուական լաստանավերով Ամերիկայից եկածները) գիտնականները վերաբերվեցին թերահավատորեն, նա 1947 թվականին, հինգ ուղեկիցների հետ 101 օրվա ընթացքում Կոն-Տիկի լաստանավով անցավ Պերուից մինչև Թուամոտո կղզիախմբի Ռարորիա կղզին (մոտ 8000 կմ

1953 թվականին Հեյերդալը ղեկավարել է հնագիտական արշավախումբը Գալապագոսյան կղզիներում, ուր հայտնաբերել է մինչինկական դարաշրջանի հնդկացիների բնակատեղերի գոյության ապացույցներ։ 1955-1956 թվականներին հնագիտական արշավախումբ է ղեկավարել Զատկի, Ռապաիտի և Մարկիզյան կղզիներում և ապացույցներ գտել մ. թ. IV դարում դրանց բնակեցված լինելու վերաբերյալ։ Հետագա տարիներին Հեյերդալն ուսումնասիրել է Պերուի, Բոլիվիայի, Մեքսիկայի, Եթովպիայի, Չադ Հանրապետության հնարավոր փոխադրամիջոցները (եղեգից և կաշվից նավակներ), որոնք հնում կարող էին ծառայել անդրատլանտյան գաղթի համար։ Այդ նպատակով էլ Հեյերդալը 1969 թվականին և 1970 թվականին 2 պապիրուսե նավակներով (Ռա I և Ռա II), կազմակերպել է գիտարշավ Մարոկկոյի արևմտյան ափերից Բարբադոս կղզի։ 1971-1974 թվականներին Մերձավոր Արևելքում Հեյերդալն ուսումնասիրել է այդ շրջանի հնագույն մշակույթների պատմական հաջորդականությունը։ 1977 թվականին գիտարշավ է կազմակերպել «Տիգրիս» նավով։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 351 CC-BY-SA-icon-80x15.png