Քրիստին Բոննևի
Քրիստին Բոննևի (նորվ.՝ Kristine Bonnevie, հոկտեմբերի 8, 1872[1][2][3][…], Տրոնհեյմ, Søndre Trondhjems amt[4] և Տրոնհեյմ, Սյոր Տրյոնդելագ, Նորվեգիա[5] - օգոստոսի 30, 1948[1][2][4][…], Օսլո, Նորվեգիա[4]), նորվեգացի կենսաբան, Նորվեգիայի առաջին կին պրոֆեսորը։ Հետազոտության ոլորտներն են եղել բջջաբանություն, գենետիկա, սաղմնաբանություն։
Կենսագրություն
[խմբագրել | խմբագրել կոդը]Քրիստին Բոննևին ծնվել է Յակոբ Օլ Բոննևիի (1838-1904) և Էնն Յուհան Դոայի (1839-1876) ընտանիքում, ովքեր ունեցել են ինը երեխա։ Նրանց ընտանիքը 1886 թվականին Թրոնհեյմից տեղափոխվել է Քրիստիանիա[10]։ Քրիստինը չի ամուսնացել[10]։ Քույրը եղել է ֆիզիկոս, օդերևութաբան Վիլհելմ Բյորկնեսի կինը։
Բոննևին ստացել է examen artium ակադեմիական վկայագիր 1892 թվականին և սկսել է ուսումնասիրել կենդանաբանություն, հետագայում ուսումնասիրել է կենսաբանություն։ 1906 թվականին ավարտել է դոկտորական ատենախոսությունը «Undersøgelser over kimcellerne hos Enteroxenos østergreni» (Enteroxenos østergreni սաղմնային բջիջների ուսումնասիրություն)։ 1898-1899 թվականներին Ցյուրիխում սովորել է Առնոլդ Լանգի ղեկավարությամբ, 1900-1901 թվականներին` Վյուրցբուրգում Թեոդոր Բովերի ղեկավարությամբ, 1906-1907 թվականներին՝ Նյու Յորքի Կոլումբիայի համալսարանում Էդմունդ Բիչեր Վիլսոնի ղեկավարությամբ։ 1900 թվականին նա Zootomic լաբորատորիայում փոխարինել է Յուհան Հյոյին։ 1912-1937 թվականներին Քրիստին Բոննևին եղել է Ֆրեդերիկ թագավորական համալսարանի պրոֆեսոր, 1916 թվականին հիմնադրել է Ժառանգականության հետազոտությունների ինստիտուտը։
1911 թվականին Բոննևին դարձել է Նորվեգիայի գիտությունների ակադեմիայի առաջին կին անդամը։ Այնուհետև նա հիմնադրել է Կին ակադեմիկոսների նորվեգական ընկերակցությունը, որը ղեկավարել է 1922-1925 թվականներին։ 1916 թվականին նա ուսուցման տուն է հիմնել աղջիկների համար, 1923 թվականին հիմնել է ուսանողական տուն։ 1927-1937 թվականներին Քրիստինը եղել է համալսարանի հեռարձակման հանձնաժողովի անդամ։ 1909-1918 թվականներին եղել է Լիբերալ-ազատամտական կուսակցության կենտրոնական խորհրդի անդամ[11]։ Ընտրվել է Քրիստիանիայի քաղաքային խորհրդի անդամ և պաշտոնավարել 1908-1919 թվականներին, 1915 թվականին Նորվեգիայի խորհրդարանում եղել է փոխներկայացուցիչ։ 1916–1918 թվականներին Gamle Aker ընտրական օկրուգում եղել է Օտտո Բահր Հալվորսենի տեղակալը[10]։
Պարգևներ
[խմբագրել | խմբագրել կոդը]- Հայրենիքին մատուցված ծառայությունների համար մեդալ, 1920
- Ֆրիտյոֆ Նանսենի մրցանակ, 1935
- Սուրբ Օլաֆի շքանշան, 1946
Հիշատակ
[խմբագրել | խմբագրել կոդը]Օսլոյի համալսարանի Blindern կենսաբանական մասնաշենքն անվանվել է Քրիստին Բոննևիի տուն[10]։
Ծանոթագրություններ
[խմբագրել | խմբագրել կոդը]- 1 2 3 4 5 6 Bibliothèque nationale de France data.bnf.fr (ֆր.): տվյալների բաց շտեմարան — 2011.
- 1 2 3 4 Norsk biografisk leksikon(նորվ.) — Kunnskapsforlaget. — ISSN 2464-1502
- 1 2 (not translated to no) Stortinget og statsrådet : 1915–1945. B. 1 : Biografier : med tillegg til Tallak Lindstøl: Stortinget og Statsraadet 1814–1914 (նորվ.) — 1949. — P. 811.
- 1 2 3 4 5 6 7 8 Store norske leksikon(նորվ.) — 1978. — ISSN 2464-1480
- 1 2 3 Hvem er Hvem? (նորվ.) — 1948. — P. 65.
- ↑ Begravde i Oslo — Gravferdsetaten i Oslo kommune.
- 1 2 3 4 5 Ogilvie M. B. The Biographical Dictionary of Women in Science: Pioneering Lives From Ancient Times to the Mid-20th Century — Routledge, 2003. — Vol. 1. — P. 157. — 798 p. — ISBN 978-1-135-96342-2
- ↑ https://www.kongehuset.no/tildelinger.html?tid=28028&sek=27995&q=kristine+bonnevie&type=&aarstall=
- ↑ Geni(բազմ․) — 2006.
- 1 2 3 4 Semb-Johansson, Arne. «Kristine Bonnevie». In Helle, Knut (ed.). Norsk biografisk leksikon (Norwegian). Oslo: Kunnskapsforlaget. Վերցված է 2011 թ․ դեկտեմբերի 27-ին.
{{cite encyclopedia}}: CS1 սպաս․ չճանաչված լեզու (link) - ↑ Carstens, Svein (1987). Det Frisinnede Venstre 1909–1927 (Norwegian). Trondheim: University of Trondheim.
{{cite book}}: CS1 սպաս․ չճանաչված լեզու (link)
Արտաքին հղումներ
[խմբագրել | խմբագրել կոդը] | Վիքիցեղերն ունի նյութեր, որոնք վերաբերում են «Քրիստին Բոննևի» հոդվածին։ |
 | Վիքիպահեստն ունի նյութեր, որոնք վերաբերում են «Քրիստին Բոննևի» հոդվածին։ |
| ||||||||||||||||
