Գունավոր անձրևներ

Վիքիպեդիայից՝ ազատ հանրագիտարանից
Jump to navigation Jump to search

Գունավոր անձրևներ[1], կազմված են ջրի սովորական կաթիլներից և իրենց մեջ պարունակում են տարբեր խառնուրդներ։ Յուրահատուկ անձրևները իրենցից ենթադրում են նաև սովորական անձրևի և ուժեղ քամու կամ փոթորկի կողմից մթնոլորտ բարձրացված օտար առարկաների անկում։

Կարմիր (արյունոտ) անձրևներ[խմբագրել | խմբագրել կոդը]

Դրանց մասին հիշատակում են դեռևս հին և միջնադարյան գիտնականներն ու գրողները (Հոմերոսը` Իլիական»ում, Պլուտարքոսը, Ալ Գազեն): Նմանատիպ հիշատակում կա նաև Աստվածաշնչում[2]։

Այս տեսակի առավել հայտնի անձրևները տեղացել են[3]

Արյունոտ անձրևներ նկատվել են նաև Եվրոպայից դուրս` Կանաչ Հրվանդանի կղզիներում, Բարեհուսո հրվանդանում և այլն։ Արյունոտ անձրևները առաջանում են սովորական անձրևի և մանրագույն կարմիր օրգանիզմներից կազմված կարմիր փոշու խառնուրդից։ Այդ փոշու հայրենիքը Աֆրիկան է, որտեղ այն ուժեղ քամիներից բարձրացվում է շատ վեր և բարձր օդային հոսանքների կողմից տեղափոխվում է Եվրոպա։ Այսեղից էլ նրա մյուս անվանումը՝ «պասսատային փոշի»[3]։ Այս փոշու պատճառով Ատլանտյան օվկիանոսի միջին մասում օդը հաճախ այնքան է մթնում, որ այդ մասը հին հույների ու հռոմեացիների մոտ անվանվում է «Մթին ծով»[4]։ Կարմիր անձրևների հանգամանալից ուսումնասիրություն է անցկացրել Էրենբերգը, ով բազմաթիվ փաստագրական ապացույցներ էր հավաքել մ․թ․ա․ 16-րդ դարից սկսած մինչև 19-րդ դարի վերջին քառորդ[4]։ 1849 թվականին նա հրապարակել է «Պասսատային փոշի և արյունոտ անձրև» (գերմ.՝ Passat-Staub und Blut-Regen) մենագրությունը[5]։

Սև անձրևներ[խմբագրել | խմբագրել կոդը]

Ի հայտ են գալիս սովորական անձրևի և հրաբխային կամ տիեզերական փոշու խառնումից։ 1819 թվականին Մոնրեալում՝ Կանադայում, տեղացել է սև անձրև։ Նմանատիպ դեպք նկատվել է նաև 1888 թվականի օգոստոսի 14-ին Բարեհուսո հրվանդանում։

Սպիտակ (կաթնային) անձրևներ[խմբագրել | խմբագրել կոդը]

Նկատվում են այն վայրերում, որտեղ գտնվում են կավճային ժայռեր։ Կավճային փոշին բարձրանում է վեր և անձրևակաթիլները կաթնագույն ներկում։

Դեղին անձրևներ[խմբագրել | խմբագրել կոդը]

Առաջանում են սովորական անձրևի և տարբեր բույսերի ծաղկափոշու միախառնումից (եղևնու, լաստենու, տիզենու, տափաստանային հացահատիկային բույսերի, կանեփի և այլն)։ Դեղին անձրևները մայիսին ամեն օր տեղում են Հյուսիսային Սիբիրում․ դա կապցված է Արևելյան Ղազախստանի նախալեռնային տափաստաններից և Ղրղզստանի Չուի հովտից (որտեղ այդ ժամանակաշրջանում ինտենսիվ ծաղկում են հացահատիկային բույսերն ու կանեփը) ծաղկափոշով հագեցած օդային զանգվածների տեղաշարժով։

2009 թվականի սկզբին դեղին անձրևներ տեղացին Կաբարդա-Բալկարիայում, Հյուսիսային Օսեթիայում, Ստավրոպոլի երկրամասում։ Դեղին անձրևները պարբերաբար տեղում են նաև Կունաշիրում, որի պատճառն են հանդիսանում ստորին ամպերի մակարդակին մոտ գտնվող Մենդելեևի հրաբխի ֆումարոլյան դաշտերը։

Կանաչ անձրևներ[խմբագրել | խմբագրել կոդը]

2002 թվականի գարնանը կանաչ անձրևը՝ կազմված ջրից և մեղուների՝ ծաղիկափոշու և մանգոյի արտազատումի խառնուրդից, տեղաց Հնդկաստանի Կալկաթա քաղաքի մոտ գտնվող Սանգրանպուր գյուղի վրա։

2012 թվականի ապրիլի 26-ին Մոսկվայում և Մոսկվայի մարզում տեղացին կանաչ անձրևներ՝ ծառերի, հատկապես՝ կեչու ծառերի ծաղկափոշու խառնուրդով[6]:

Ծանոթագրություններ[խմբագրել | խմբագրել կոդը]

  1. Метеорологический Словарь
  2. Эренберг, 1867, էջ 94
  3. 3,0 3,1 Броунов, 1890—1907
  4. 4,0 4,1 Красная пыль и ее микроорганизмы // Ураганы, бури и смерчи. Географические особенности и геологическая деятельность. — Л.: Наука. Ленингр. отд-ние, 1969. — С. 416—422. — 487 с. — 2200 экз.
  5. Christian Gottfried Ehrenberg Passat-Staub und Blut-Regen. — Berlin, 1849.
  6. Российская газета, 27.04.2012, Директор Гидрометцентра рассказал, почему в Москве бывают зеленые облака

Արտաքին հղումներ[խմբագրել | խմբագրել կոդը]