Քուին

Վիքիպեդիայից՝ ազատ հանրագիտարանից
Picto infobox music.png
Քուին

Քուինը 1984-ին` համերգի ժամանակ
Հիմնական տվյալներ
Ժանրեր Գլամ Ռոք, Փոփ Ռոք, Արթ Ռոք, Հարդ Ռոք, Պրոգրեսիվ Ռոք
Մասնագիտություն Բրիտանական Ռոք խումբ
Լեյբլ Parlophone
Hollywood Records
Island Records
Կայք www.queen.com

Քուինը (անգլ.՝ Queen) բրիտանական ռոք խումբ է, որը ստեղծվել 1970-ին Լոնդոնում Ֆրեդի Մերկուրիի, Բրայան Մեյի և Ռոջեր Թեյլորի կողմից։ Այնուհետև նրանց խումբն ամբողջացրեց Ջոն Դիկոնը (բաս կիթառ)։
Նրանց հանրահյտություն բերեցին "Bohemian Rhapsody", "We Will Rock You", "We Are the Champions", "Another One Bites the Dust", "Radio Ga Ga", "The Show Must Go On" երգերը որոնք համարվում են ռոքի կլասսիկա։[1] Բրիտանական այս խումբն իր գործունեության շուրջ 30 տարիների ընթացքում դարձել է ամենահաջողակը։ Միայն 2009-ին Քուինը վաճառել է ավելի քան 300 միլիոն ալբոմ ամբողջ աշխարհում, որից 42.8 միլիոնը Միացյալ Նահանգներում։ 2007-ին Բրիտանիայում BBC Two-ի հարցմում արեց «Բոլոր ժամանակների լավագույն խումբը», արդյունքում Քուինը առաջ անցնելով Բիթլզին և Ռոլինգ Սթոունզին գրավեց առաջին հորիզոնականը։ Նույնիսկ 1991-ին Ֆրեդի Մերկուրիի մահից հետո Քուինը կարողացավ պահպահել իր դիրքերը երաժշտության ասպարեզում և մնալ լավագույնը շատերի համար։2001 թվականին խումբը մտել է Ռոք ն Ռոլլի Փառքի Սրահ։ Rolling Stone ամսագիրը նրանց ընդգրկել է 100 լավագույն արտիստների ցանկում 52-րդ հորիզոնականում։[2]

Խումբը Ֆրեդիի հետ 1970-1995[խմբագրել]

Queen-ը կազմավորվել է 1970 թվականին։ Առաջին ալբոմը Queen-ը թողարկվել է 1973 թվականին իսկ վերջին 15-երորդը Made in Heaven-ը 1995 թվականին։

Խումբի երաժշտական ոճը սկզբնական շրջանում հարդ-ռոք և գլեմ-ռոք էր, որի պատճառով նրանց հաճախ համեմատում էին Led Leppelin-ի, Դևիդ Բոուիի և Roxy Music-ի հետ, սակայն ժամանակի ընթացքում Queen-ի երաժշտությունը սկսեց իր մեջ ներառել տարբեր ուղղություններ, սկսած ջազից մինչև դասական երաժշտություն։

1973 թվականին խումբը թողարկեց իր առաջին ալբոմը Queen անունով. Որը չնայած նրան որ վաճառվեց 3 միլիոն օրինակով ամբողջ աշխարհում խմբին չբերեց մեծ ճանաչում։

Keep Yourself Alive երգը դարձավ խմբի առաջին սինգլը իսկ Liar-ը երկրորդ։ 1974-ին թողարկվեց թվով երկրորդ ալբոմը Queen II անունով։ Ալբոմը վաճառվեց շուրջ 100 հազար և ավելի օրինակներով միայն Մեծ Բրիտանիայում։ Խմբի 4-րդ Sheer Heart Attack ալբոմը վաճառվեց 5 միլիոն օրինակով ամբողջ աշխարհում և խումբին բերեց մեծ ճանաչում սակայն չնայած դրան խումբը չուներ բավական միջոցներ ու դրամ։ Հետագայում պարզվեց որ խմբի տղաներին խաբել են խմբի պրոդյուսերները։

1975 թվականին սկսվեցին A Night at the Opera-ի ձայնագրման աշխատանքները և առաջին երգը որը գրվեց դա Death on Two Legs (Dedicated to…) էր որտեղ Ֆրեդին վիրավորում և քնադատում է խմբի նախկին պրոդյուսերներին իր և խմբի պողերը իրենցով անելու համար։ Ալբոմը ավելի հաջողակ դուրս եկավ քան Sheer Heart Attack-ը և խմբին միանգամից բերեց համաշխարհային ճանաչում և հռչակ վաճառվելով 17 միլիոն օրինակով ամբողջ աշխարհում և զբաղեցնելով 1 հորիզոնականը Մեծ Բրիտանիայի չարտերում։ Այս ալբոմի շնորհիվ Քուինը միանգամից մեծ ճանաչում ձեռք բերեց Ամերիկայի Միացյալ Նահանգներում ինչը խմբի տղաների համար շատ մեծ նշանակություն ուներ։

1976 թվականին լույս տեսավ խմբի թվով հինգերորդ ստուդիական ալբոմը A Day at the Races -ը որը նույնպես ունեցավ մեծ հաջողություններ սակայն միշտ մնաց A Night at the Opera-ի ստվերի ներքո։ Այն վաճառվեց 8 միլիոն օրինակով ամբողջ աշխարհում։ Ալբոմի ամենաճանաչված սինգլը Somebody to Love երգն էր, որը նույնիսկ Ֆրեդին ավելի լավն է համարել քան Bohemian Rhapsody-ին։ Ավելի վաղ նույն թվականի Սեպտեմբեր ամսվա 18-ին խումբը համերգ ունեցավ Լոնդոն-ի Hyde Park-ում որին ներկա էին 150,000 մարդ և որը համարվում է Լոնդոնում տեղի ունեցած ամենամարդաշատ համերգներից մեկը։[3]

Խմբի առանձնահատկություններից է նաև բազմաձայն երգչախմբային կատարումները, որը ի վերջո դարձավ Queen-ի այցեքարտը։ Բազմաձայն կատարումները առանձնապես ընդգծված են A Night at the Opera և A Day at the Races ալբոմներում իսկ Bohemian Rhapsody երգում Մերկուրին իր ձայնը ձայնագրել էր 180 անգամ։

Խումբը Նյու Հեվնում 1978 թվական

Մեծ մասսայականություն է ձեռք բերել նաև Queen-ի տեսահոլովակները, որոնց հատուկ էֆեկտները և խմբագրումները կրում էին նորարարական բնույթ։ Այսպես 1975 թվականին Bohemian Rhapsody երգի հիման վրա նկարահանված տեսահոլովակը մասնագետները համարում են առանցքային երաժշտության պատմության մեջ, քանի որ նրա ֆանտաստիկ հաջողությունը խթանեց այդ ոլորտի հետագա զարգացմունը։

Ֆրեդիի մահվանից հետո[խմբագրել]

Մերկուրի մահվանից հետո խմբում հանդես են եկել Ջորջ Մայքլը, Ռոբբի Ուիլյամսը և "Five" խումբը։ Սակայն ամենահաջող ելույթները եղել են բրիտանական բյյուզ-ռոքի հանրահայտ աստղ Պոլ Ռոջերսի հետ։ Ծրագիրը կոչվում էր "Queen + Paul Rodgers. Return of the Champions"։Queen-ի բաս կիթառահար Ջոն Դիկոնը հրաժարվեց փոփոխված կազմով հանդես գալուց և 1995 թվականին ավարտեց իր երաժշտական կարերիան։

2011 թվականի նոյեմբերի 6-ին խումբը մասնակցել է MTV. Europe Music Awards-ի հանդիսությանը։2000 թվականին հարցման արդյունքում, որին ի դեպ մասնակցել է 190 հազար մարդ, "Bohemian Rhapsody" -ին ճանաչվել է հազարամյակի լավագուն երգ, առաջ անցնելով անգամ Ջոն Լեննոնի հանրահայտ "Imagine" երգից։ Այդ հիթ-շքերթում 10-րդ հորիզոնական է զբաղեցրել խմբի մեկ այլ ստեղծագործություն "Under Pressure"-ը։

2002 թվականին Գինեսսի ռեկորդների գիրքը "Bohemian Rhapsody"-ին ճանաչվել է Մեծ Բրիտանիայի վերջին 50 տարիների լավագույն սինգլ։ 2005 թվականի հարցումներով Ֆրեդդի Մերկուրի աշխարհի բոլոր ժամանակների երգիչների մեջ ճանաչվել է երկրորդը, Բրայան Մեյը կիթառահարների մեջ յոթերորդը իսկ Ռոջեր Թեյլորը հարվածողների մեջ ութերորդը։ 2006 թվականին Queen-ի "Greatest Hits" հավաքածուն ճանաչվել է Մեծ Բրիտանիայի լավագույն վաճառվող ձայնասկավառակը։ Ընդանուր առամամբ վաճառվել էր ավելի քան 6 միլիոն օրինակ իսկ համացանցից այն քաշել էին 2,27 միլիոն անգամ։

2007 թվականին BBC-ի մոտ 20 հազար ռադիոլսողներ Queen-ին համարել էին Բրիտանիայի բոլոր ժամանակների լավագույն ռոք խումբը։ Sony Ericsson ընկերության անցկացրած հարցման արդյունքով (մասնակցել է ավելի քան 700 հազար մարդ աշխարհի տարբեր երկրներից) "We Are the Champions" երգը ճանաչվել է աշխարհի ամենամեծ մասսայականություն վայելող երգ։

Queen-ը երաժշտության մեջ իր մեծ ավանդի ներդրմնան համար Հոլիվուդի փառքի պուրակում արժանացել է աստղի։ Queen-ը միակ ռոք խումբն է աշխարհում, որ ունեցել է միաժամանակ 4 ալբոմներ Մեծ Բրիտանիայի լավագույն քսանյակում;Queen,Queen II, Sheer Heart Attack և A Night at the Opera-ն 1975 թվականին։ Թողարկել է տեսահոլովակների հավաքածու "Greatest Flix" անվամբ։ Ստացել է ամերիկյան "Billboard" մրցանակը – Disco, Rock/Pop և R&B անվանակարգերում։

Կարողացել է ունենալ չորս տասնամյակ անընդմեջ բրիտանական հիթ-շքերթների առաջին հորիզոնականում սինգլներ։ Կարողացել է Արգենտինայում 10 ալբոմներով գրավել հիթ-շքերթի 10 վերին հորիզոնականները մեկ շաբաթվա ընթացքում։

Նոր Երգի Ձայնագրությունները[խմբագրել]

Queen խմբի երաժիշտները կթողարկեն Ֆրեդի Մերկուրիի վոկալով անհայտ երգը։ Ինչպես իր կայքում հայտնել է կիթառահար Բրայան Մեյը, երաժիշտները թրեք են հայտնաբերել, որն ստեղծվել է ավելի քան 30 տարի առաջ՝ Մերկուրիի մահից շատ տարիներ առաջ։ Ձայնագրության վրա առկա է Queen-ի առաջին կազմի բոլոր 4 մասնակիցների ձայնը՝ Մերկուրի, Բրայան Մեյ, թմբկահար Ռոջեր Թեյլոր ու բասիստ Ջոն Դիքոն։

Երգն անավարտ է և Մեյն ու Ռոջեր Թեյլորը ներկայում մտածում են, թե ինչպես այն ավարտեն։

Թրեքի անվանումը Մեյը չի հայտնել։

Այն, որ խմբի արխիվներում հայտնաբերվել է Ֆրեդի Մերկուրիի վոկալով երգը, Մեյը հայտնել էր դեռ 2013թ. դեկտեմբերին։

Փաստեր[խմբագրել]

  • Queen- լեգենդար բրիտանական ռոք-խումբը հանդիսանում է աշխարհի լավագույն խմբերից մեկը ժամանակակից երաժշտության պատմության մեջ։
  • Queen-ը համարվում է կուլտային խումբ և մինչ օրս ունի տասնյակ միլիոնավոր երկրպագուներ իսկ խմբի շատ երգեր երաժշտական քննադատները համարում են ռոքի դասական գործեր։
  • Խումբը թողարկել է տասնհինգ ստուդիայում ձայնագրած, հինգ համերգային և բազմաթիվ հավաքածու ալբոմներ։
  • Queen-ի տասնութ ալբոմներ տարբեր երկրների հիթ-շքերթներում բարձացել են առաջին հորիզոնական։
  • Queen-ի համերգային ելույթները նույնպես համարվում են ռոքի պատմության մեջ ամենավառ և ամենանշանակալից երևույթներից մեկը։

Սկավառակագրություն[խմբագրել]

Ստուդիական ալբոմներ[խմբագրել]

Համերգային ալբոմներ[խմբագրել]

  • "Live Killers" (1979)
  • "Live Magic" (1986)
  • "At the Beeb" (1989)
  • "Live at Wembley '86" (1992)
  • "Queen on Fire – Live at the Bowl" (2004)
  • "Queen Rock Montreal" (2007)
  • "Hungarian Rhapsody: Queen Live in Budapest ’86" (2012)

Ծանոթագրություններ[խմբագրել]